บาลี ข้อ 45-54 พระไตรปิฎกเล่มที่ 18

     [๔๕]   สงฺขิตฺตํ  สพฺพํ  ภิกฺขเว  นิโรธธมฺมํ  ฯ  กิญฺจ ภิกฺขเว สพฺพํ
นิโรธธมฺมํ    ^๑-    จิกฺขุํ   ภิกฺขเว   นิโรธธมฺมํ   รูปา   นิโรธธมฺมา
จกฺขุวิญฺาณํ     นิโรธธมฺมํ     จกฺขุสมฺผสฺโส     นิโรธธมฺโม    ยมฺปิทํ
จกฺขุสมฺผสฺสปจฺจยา  อุปฺปชฺชติ  เวทยิตํ  สุขํ  วา  ทุกฺขํ วา อทุกฺขมสุขํ วา
ตมฺปิ   นิโรธธมฺมํ   ฯเปฯ   ชิวฺหา   นิโรธธมฺมา   รสา   นิโรธธมฺมา
ชิวฺหาวิญฺาณํ     นิโรธธมฺมํ    ชิวฺหาสมฺผสฺโส    นิโรธธมฺโม    ยมฺปิทํ
ชิวฺหาสมฺผสฺสปจฺจยา  อุปฺปชฺชติ  เวทยิตํ  สุขํ  วา  ทุกฺขํ  วา  อทุกฺขมสุขํ
วา    ตมฺปิ    นิโรธธมฺมํ    ฯเปฯ    มโน    นิโรธธมฺโม    ธมฺมา
นิโรธธมฺมา    มโนวิญฺาณํ    นิโรธธมฺมํ    ยมฺปิทํ   มโนสมฺผสฺสปจฺจยา
อุปฺปชฺชติ    เวทยิตํ    สุขํ    วา    ทุกฺขํ    วา   อทุกฺขมสุขํ   วา
ตมฺปิ   นิโรธธมฺมํ   ฯ   เอวํ   ปสฺสํ   ภิกฺขเว   สุตวา   อริยสาวโก
จกฺขุสฺมึปิ นิพฺพินฺทติ ฯเปฯ นาปรํ อิตฺถตฺตายาติ ปชานาตีติ ฯ
                   ชาติธมฺมวคฺโค จตุตฺโถ
                        ตสฺสุทฺทานํ
       ชาติชราพฺยาธิมรณํ โสกา จ   สงฺกิเลสา จ ขยธมฺมญฺจ
       วยธมฺมญฺจ สมุทยธมฺมํ        นิโรธธมฺเมน เต ทสาติ ^๒- ฯ
@เชิงอรรถ: ^๑ ม. ยุ. กิญฺจ ภิกฺขเว ฯเปฯ อิตฺถตฺตายาติ ปชานาตีติ อิเม ปาา นตฺถิ ฯ
@^๒ ม. ชาติ ... โสโก จ สงฺกิเลสิกํ ขยวยสมุทยํ ... ติ ฯ ยุ. ชาติ ... โสโก จ
@สงฺกิเลโส จ ฯ
                    อนิจฺจวคฺโค ปญฺจโม
     [๔๖]   สาวตฺถิยํ  ฯ  ตตฺร  โข  สพฺพํ  ภิกฺขเว  อนิจฺจํ  ฯ  กิญฺจ
ภิกฺขเว    สพฺพํ    อนิจฺจํ   จกฺขุํ   ภิกฺขเว   อนิจฺจํ   รูปา   อนิจฺจา
จกฺขุวิญฺาณํ       อนิจฺจํ      จกฺขุสมฺผสฺโส      อนิจฺโจ      ยมฺปิทํ
จกฺขุสมฺผสฺสปจฺจยา  อุปฺปชฺชติ  เวทยิตํ  สุขํ  วา  ทุกฺขํ วา อทุกฺขมสุขํ วา
ตมฺปิ   อนิจฺจํ   ฯเปฯ   ชิวฺหา   อนิจฺจา  รสา  อนิจฺจา  ชิวฺหาวิญฺาณํ
อนิจฺจํ     ชิวฺหาสมฺผสฺโส     อนิจฺโจ    ยมฺปิทํ    ชิวฺหาสมฺผสฺสปจฺจยา
อุปฺปชฺชติ     เวทยิตํ     สุขํ     วา     ทุกฺขํ    วา    อทุกฺขมสุขํ
วา    ตมฺปิ    อนิจฺจํ    ฯเปฯ    มโน   อนิจฺโจ   ธมฺมา   อนิจฺจา
มโนวิญฺาณํ       อนิจฺจํ      มโนสมฺผสฺโส      อนิจฺโจ      ยมฺปิทํ
มโนสมฺผสฺสปจฺจยา  อุปฺปชฺชติ  เวทยิตํ  สุขํ  วา  ทุกฺขํ วา อทุกฺขมสุขํ วา
ตมฺปิ   อนิจฺจํ   ฯ  เอวํ  ปสฺสํ  ภิกฺขเว  สุตวา  อริยสาวโก  จกฺขุสฺมึปิ
นิพฺพินฺทติ ฯเปฯ นาปรํ อิตฺถตฺตายาติ ปชานาตีติ ฯ
     [๔๗]   สพฺพํ ภิกฺขเว ทุกฺขํ ฯ
     [๔๘]   สพฺพํ ภิกฺขเว อนตฺตา ฯ
     [๔๙]   สพฺพํ ภิกฺขเว อภิญฺเยฺยํ ฯ
     [๕๐]   สพฺพํ ภิกฺขเว ปริญฺเยฺยํ ฯ
     [๕๑]   สพฺพํ ภิกฺขเว ปหาตพฺพํ ฯ
     [๕๒]   สพฺพํ ภิกฺขเว สจฺฉิกาตพฺพํ ฯ
     [๕๓]   สพฺพํ ภิกฺขเว อภิญฺา ปริญฺเยฺยํ ฯ
     [๕๔]   สพฺพํ ภิกฺขเว อุปทฺทุตํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๑๘ หน้าที่ ๓๓-๓๕. https://84000.org/tipitaka/read/pali_item.php?book=18&item=45&items=10 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=18&item=45&items=10&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=18&item=45&items=10 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=18&item=45&items=10 ศึกษาอรรถกถานี้ได้ที่ :- https://84000.org/tipitaka/attha/attha.php?b=18&i=45 สารบัญพระไตรปิฎกเล่มที่ ๑๘ https://84000.org/tipitaka/read/?index_18 https://84000.org/tipitaka/english/?index_18