ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๑ ภาษาบาลี อักษรไทย พระสุตตันตปิฎกเล่มที่ ๑๓ สุตฺต. องฺ. (๒): จตุกฺกนิปาโต
     [๓๐]   เอกํ  สมยํ  ภควา  ราชคเห  วิหรติ  คิชฺฌกูเฏ ปพฺพเต ฯ
เตน   โข  ปน  สมเยน  สมฺพหุลา  อภิญฺาตา  อภิญฺาตา  ปริพฺพาชกา
สิปฺปินิยา   ๑-  ตีเร  ปริพฺพาชการาเม  ปฏิวสนฺติ  เสยฺยถีทํ  อนฺนภาโร
วธโร  ๒-  สกุลุทายี  จ  ปริพฺพาชโก  อญฺเ  จ  อภิญฺาตา อภิญฺาตา
ปริพฺพาชกา   ฯ   อถโข   ภควา   สายณฺหสมยํ   ปฏิสลฺลานา  วุฏฺิโต
เยน   สิปฺปินิยา   ตีรํ   ปริพฺพาชการาโม   เตนุปสงฺกมิ   อุปสงฺกมิตฺวา
ปญฺตฺเต  อาสเน  นิสีทิ  นิสชฺช  โข  ภควา  เต  ปริพฺพชเก เอตทโวจ
จตฺตารีมานิ     ปริพฺพาชกา     ธมฺมปทานิ    อคฺคญฺานิ    รตฺตญฺานิ
วํสญฺานิ      โปราณานิ      อสํกิณฺณานิ      อสํกิณฺณปุพฺพานิ      น
สํกียนฺติ    น    สํกียิสฺสนฺติ    อปฺปฏิกุฏฺานิ    สมเณหิ    พฺราหฺมเณหิ
วิญฺูหิ     กตมานิ     จตฺตาริ    อนภิชฺฌา    ปริพฺพาชกา    ธมฺมปทํ
อคฺคญฺ    รตฺตญฺ    วํสญฺ    โปราณํ    อสํกิณฺณํ   อสํกิณฺณปุพฺพํ   น
สํกียติ   น   สํกียิสฺสติ   อปฺปฏิกุฏฺ   สมเณหิ   พฺราหฺมเณหิ  วิญฺูหิ  ฯ
อพฺยาปาโท   ปริพฺพาชกา   ธมฺมปทํ   ...   ฯ  สมฺมาสติ  ปริพฺพาชกา
ธมฺมปทํ    ...    ฯ   สมฺมาสมาธิ   ปริพฺพาชกา   ธมฺมปทํ   อคฺคญฺ
รตฺตญฺ    วํสญฺ    โปราณํ    อสํกิณฺณํ    อสํกิณฺณปุพฺพํ    น   สํกียติ
น   สํกียิสฺสติ   อปฺปฏิกุฏฺ   สมเณหิ   พฺราหฺมเณหิ   วิญฺูหิ  ฯ  อิมานิ
@เชิงอรรถ:  โป. สปฺปินิกาย นทิยา ฯ ม. สิปฺปินิกาตีเร ฯ   ม. ยุ. วรธโร ฯ
โข    ปริพฺพาชกา    จตฺตาริ    ธมฺมปทานิ    อคฺคญฺานิ   รตฺตญฺานิ
วํสญฺานิ    โปราณานิ    อสํกิณฺณานิ    อสํกิณฺณปุพฺพานิ    น   สํกียนฺติ
น สํกียิสฺสนฺติ อปฺปฏิกุฏฺานิ สมเณหิ พฺราหฺมเณหิ วิญฺูหิ ฯ
     {๓๐.๑}   โย  โข  ปริพฺพาชกา  เอวํ  วเทยฺย  อหเมตํ  อนภิชฺฌํ
ธมฺมปทํ    ปจฺจกฺขาย   อภิชฺฌาลุํ   กาเมสุ   ติพฺพสาราคํ   สมณํ   วา
พฺราหฺมณํ   วา   ปญฺาเปสฺสามีติ   ตมหํ   ตตฺถ   เอวํ  วเทยฺยํ  เอตุ
วทตุ    พฺยาหรตุ    ปสฺสามิสฺสานุภาวนฺติ    โส    วต    ปริพฺพาชกา
อนภิชฺฌํ    ธมฺมปทํ    ปจฺจกฺขาย    อภิชฺฌาลุํ    กาเมสุ   ติพฺพสาราคํ
สมณํ วา พฺราหฺมณํ วา ปญฺาเปสฺสตีติ เนตํ านํ วิชฺชติ ฯ
     {๓๐.๒}   โย  โข  ปริพฺพาชกา  เอวํ  วเทยฺย อหเมตํ อพฺยาปาทํ
ธมฺมปทํ    ปจฺจกฺขาย    พฺยาปนฺนจิตฺตํ    ปทุฏฺมนสงฺกปฺปํ   สมณํ   วา
พฺราหฺมณํ  วา  ปญฺาเปสฺสามีติ  ตมหํ  ตตฺถ  เอวํ  วเทยฺยํ  เอตุ  วทตุ
พฺยาหรตุ    ปสฺสามิสฺสานุภาวนฺติ   โส   วต   ปริพฺพาชกา   อพฺยาปาทํ
ธมฺมปทํ    ปจฺจกฺขาย    พฺยาปนฺนจิตฺตํ    ปทุฏฺมนสงฺกปฺปํ   สมณํ   วา
พฺราหฺมณํ วา ปญฺาเปสฺสตีติ เนตํ านํ วิชฺชติ ฯ
     {๓๐.๓}   โย  โข  ปริพฺพาชกา  เอวํ  วเทยฺย  อหเมตํ สมฺมาสตึ
ธมฺมปทํ   ปจฺจกฺขาย   มุฏฺสฺสตึ   อสมฺปชานํ  สมณํ  วา  พฺราหฺมณํ  วา
ปญฺาเปสฺสามีติ   ตมหํ   ตตฺถ   เอวํ   วเทยฺยํ  เอตุ  วทตุ  พฺยาหรตุ
ปสฺสามิสฺสานุภาวนฺติ    โส    วต    ปริพฺพาชกา   สมฺมาสตึ   ธมฺมปทํ
ปจฺจกฺขาย    มุฏฺสฺสตึ    อสมฺปชานํ    สมณํ    วา   พฺราหฺมณํ   วา
ปญฺาเปสฺสตีติ เนตํ านํ วิชฺชติ ฯ
     {๓๐.๔}   โย     โข     ปริพฺพาชกา     เอวํ    วเทยฺย
อหเมตํ      สมฺมาสมาธึ      ธมฺมปทํ      ปจฺจกฺขาย      อสมาหิตํ
วิพฺภนฺตจิตฺตํ     สมณํ     วา     พฺราหฺมณํ    วา    ปญฺาเปสฺสามีติ
ตมหํ   ตตฺถ  เอวํ  วเทยฺยํ  เอตุ  วทตุ  พฺยาหรตุ  ปสฺสามิสฺสานุภาวนฺติ
โส   วต   ปริพฺพาชกา   สมฺมาสมาธึ   ธมฺมปทํ   ปจฺจกฺขาย  อสมาหิตํ
วิพฺภนฺตจิตฺตํ    สมณํ    วา    พฺราหฺมณํ   วา   ปญฺาเปสฺสตีติ   เนตํ
านํ วิชฺชติ ฯ
     {๓๐.๕}   โย   โข   ปริพฺพาชกา   อิมานิ  จตฺตาริ  ธมฺมปทานิ
ครหิตพฺพํ   ปฏิกฺโกสิตพฺพํ   มญฺเยฺย   ตสฺส   ทิฏฺเว  ธมฺเม  จตฺตาโร
สหธมฺมิกา    วาทานุปาตา    คารยฺหา    านา   อาคจฺฉนฺติ   กตเม
จตฺตาโร   อนภิชฺฌํ   เจ  ภวํ  ธมฺมปทํ  ครหติ  ปฏิกฺโกสติ  เย  จ  หิ
อภิชฺฌาลู   กาเมสุ   ติพฺพสาราคา   สมณา   วา  พฺราหฺมณา  วา  เต
โภโต   ปุชฺชา  เต  โภโต  ปาสํสา  ฯ  อพฺยาปาทํ  เจ  ภวํ  ธมฺมปทํ
ครหติ   ปฏิกฺโกสติ   เย   จ   หิ   พฺยาปนฺนจิตฺตา   ปทุฏฺมนสงฺกปฺปา
สมณา  วา  พฺราหฺมณา  วา  เต  โภโต  ปุชฺชา  เต  โภโต ปาสํสา ฯ
สมฺมาสตึ   เจ  ภวํ  ธมฺมปทํ  ครหติ  ปฏิกฺโกสติ  เย  จ  หิ  มุฏฺสฺสตี
อสมฺปชานา  สมณา  วา  พฺราหฺมณา  วา  เต  โภโต  ปุชฺชา เต โภโต
ปาสํสา   ฯ   สมฺมาสมาธึ   เจ  ภวํ  ธมฺมปทํ  ครหติ  ปฏิกฺโกสติ  เย
จ   หิ   อสมาหิตา   วิพฺภนฺตจิตฺตา   สมณา  วา  พฺราหฺมณา  วา  เต
โภโต ปุชฺชา เต โภโต ปาสํสา ฯ
     {๓๐.๖}   โย   โข   ปริพฺพาชกา   อิมานิ  จตฺตาริ  ธมฺมปทานิ
ครหิตพฺพํ     ปฏิกฺโกสิตพฺพํ     มญฺเยฺย    ตสฺส    ทิฏฺเว    ธมฺเม
อิเม    จตฺตาโร    สหธมฺมิกา    วาทานุปาตา    คารยฺหา    านา
อาคจฺฉนฺติ   ฯ   เยปิ   เต   ปริพฺพาชกา  อเหสุํ  อุกฺกลา  วสฺสภญฺา
อเหตุกวาทา    อกิริยวาทา    นตฺถิกวาทา    เตปิ   อิมานิ   จตฺตาริ
ธมฺมปทานิ    น   ครหิตพฺพํ   น   ปฏิกฺโกสิตพฺพํ   อมญฺึสุ   ตํ   กิสฺส
เหตุ นินฺทาพฺยาโรสนอุปารมฺภภยาติ ฯ
         อพฺยาปนฺโน สทา สโต      อชฺฌตฺตํ สุสมาหิโต
         อภิชฺฌาวินเย สิกฺขํ            อปฺปมตฺโตติ วุจฺจตีติ ฯ
                    อุรุเวลวคฺโค ตติโย ฯ
                        ตสฺสุทฺทานํ
         เทฺว อุรุเวลา โลโก กาฬโก  พฺรหฺมจริยปญฺจมํ
         กุหํ สนฺตุฏฺิ วํโส จ ๑-        ธมฺมปทํ ปริพฺพาชเกน จาติ ฯ
                      -----------


             เนื้อความพระไตรปิฎกฉบับภาษาบาลีอักษรไทย เล่มที่ ๒๑ หน้าที่ ๓๘-๔๑. https://84000.org/tipitaka/read/pali_item.php?book=21&item=30&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=21&item=30&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=21&item=30&items=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=21&item=30&items=1              ศึกษาอรรถกถานี้ได้ที่ :- https://84000.org/tipitaka/attha/attha.php?b=21&i=30              สารบัญพระไตรปิฎกเล่มที่ ๒๑ https://84000.org/tipitaka/read/?index_21 https://84000.org/tipitaka/english/?index_21

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]