บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ฉบับภาษาไทย บาลีอักษรไทย บาลีอักษรโรมัน |
[๒๗๘] โย รูปกฺขนฺธํ ปริชานิตฺถ โส เวทนากฺขนฺธํ ปริชานิสฺสตีติ: โน ฯ โย วา ปน เวทนากฺขนฺธํ ปริชานิสฺสติ โส รูปกฺขนฺธํ ปริชานิตฺถาติ: โน ฯ โย รูปกฺขนฺธํ น ปริชานิตฺถ โส เวทนากฺขนฺธํ น ปริชานิสฺสตีติ: เย มคฺคํ ปฏิลภิสฺสนฺติ เต รูปกฺขนฺธํ น ปริชานิตฺถ โน จ เวทนากฺขนฺธํ น ปริชานิสฺสนฺติ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต รูปกฺขนฺธญฺจ น ปริชานิตฺถ เวทนากฺขนฺธญฺจ น ปริชานิสฺสนฺติ ฯ โย วา ปน เวทนากฺขนฺธํ น ปริชานิสฺสติ โส รูปกฺขนฺธํ น ปริชานิตฺถาติ: อรหา เวทนากฺขนฺธํ น ปริชานิสฺสติ โน จ รูปกฺขนฺธํ น ปริชานิตฺถ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต เวทนากฺขนฺธญฺจ น ปริชานิสฺสนฺติ รูปกฺขนฺธญฺจ น ปริชานิตฺถ ฯ ปริญฺญาวารํ นิฏฺฐิตํ ฯ ขนฺธยมกํ นิฏฺฐิตํ ฯ -------- อายตนยมกํ ปณฺณตฺติวาโร [๒๗๙] ทฺวาทสายตนานิ: จกฺขายตนํ โสตายตนํ ฆานายตนํ ชิวฺหายตนํ กายายตนํ รูปายตนํ สทฺทายตนํ คนฺธายตนํ รสายตนํ โผฏฺฐพฺพายตนํ มนายตนํ ธมฺมายตนํ ฯ อุทฺเทสวาโร [๒๘๐] จกฺขุ จกฺขายตนํ จกฺขายตนํ จกฺขุ ฯ โสตํ โสตายตนํ โสตายตนํ โสตํ ฯ ฆานํ ฆานายตนํ ฆานายตนํ ฆานํ ฯ ชิวฺหา ชิวฺหายตนํ ชิวฺหายตนํ ชิวฺหา ฯ กาโย กายายตนํ กายายตนํ กาโย ฯ รูปํ รูปายตนํ รูปายตนํ รูปํ ฯ สทฺโท สทฺทายตนํ สทฺทายตนํ สทฺโท ฯ คนฺโธ คนฺธายตนํ คนฺธายตนํ คนฺโธ ฯ รโส รสายตนํ รสายตนํ รโส ฯ โผฏฺฐพฺโพ โผฏฺฐพฺพายตนํ โผฏฺฐพฺพายตนํ โผฏฺฐพฺโพ ฯ มโน มนายตนํ มนายตนํ มโน ฯ ธมฺโม ธมฺมายตนํ ธมฺมายตนํ ธมฺโม ฯ [๒๘๑] น จกฺขุ น จกฺขายตนํ น จกฺขายตนํ น จกฺขุ ฯ น โสตํ น โสตายตนํ น โสตายตนํ น โสตํ ฯ น ฆานํ น ฆานายตนํ น ฆานายตนํ น ฆานํ ฯ น ชิวฺหา น ชิวฺหายตนํ น ชิวฺหายตนํ น ชิวฺหา ฯ น กาโย น กายายตนํ น กายายตนํ น กาโย ฯ น รูปํ น รูปายตนํ น รูปายตนํ น รูปํ ฯ น สทฺโท น สทฺทายตนํ น สทฺทายตนํ น สทฺโท ฯ น คนฺโธ น คนฺธายตนํ น คนฺธายตนํ น คนฺโธ ฯ น รโส น รสายตนํ น รสายตนํ น รโส ฯ น โผฏฺฐพฺโพ น โผฏฺฐพฺพายตนํ น โผฏฺฐพฺพายตนํ น โผฏฺฐพฺโพ ฯ น มโน น มนายตนํ น มนายตนํ น มโน ฯ น ธมฺโม น ธมฺมายตนํ น ธมฺมายตนํ น ธมฺโม ฯ -------- [๒๘๒] จกฺขุ จกฺขายตนํ อายตนา โสตายตนํ ฯ จกฺขุ จกฺขายตนํ อายตนา ฆานายตนํ ฯ จกฺขุ จกฺขายตนํ อายตนา ชิวฺหายตนํ ฯเปฯ อายตนา ธมฺมายตนํ *- ฯ โสตํ โสตายตนํ อายตนา จกฺขายตนํ ฯ โสตํ โสตายตนํ อายตนา ฆานายตนํ ฯเปฯ อายตนา ธมฺมายตนํ ฯ ฆานํ ฆานายตนํ ฯเปฯ อายตนา ธมฺมายตนํ ฯเปฯ ธมฺโม ธมฺมายตนํ อายตนา จกฺขายตนํ ฯ ธมฺโม ธมฺมายตนํ อายตนา โสตายตนํ ฯเปฯ อายตนา มนายตนํ ฯ (จกฺกํ พนฺธิตพฺพํ) ฯ [๒๘๓] น จกฺขุ น จกฺขายตนํ นายตนา น โสตายตนํ ฯ น จกฺขุ น จกฺขายตนํ นายตนา น ฆานายตนํ ฯ น จกฺขุ น จกฺขายตนํ นายตนา น ชิวฺหายตนํ ฯเปฯ นายตนา น ธมฺมายตนํ ฯ น โสตํ น โสตายตนํ นายตนา น จกฺขายตนํ ฯ น โสตํ น โสตายตนํ นายตนา น ฆานายตนํ ฯเปฯ นายตนา น ธมฺมายตนํ ฯ น ฆานํ น ฆานายตนํ ฯเปฯ นายตนา น ธมฺมายตนํ ฯเปฯ น ธมฺโม น ธมฺมายตนํ นายตนา น จกฺขายตนํ ฯ น ธมฺโม น ธมฺมายตนํ นายตนา น โสตายตนํ ฯเปฯ นายตนา น มนายตนํ ฯ (จกฺกํ พนฺธิตพฺพํ) ฯ --------- @เชิงอรรถ: * มีการแก้ไขคำ ธมฺมาตยนํ เป็น ธมฺมายตนํ [๒๘๔] จกฺขุ อายตนํ อายตนา จกฺขุ ฯ โสตํ อายตนํ อายตนา โสตํ ฯ ฆานํ อายตนํ อายตนา ฆานํ ฯ ชิวฺหา อายตนํ อายตนา ชิวฺหา ฯ กาโย อายตนํ อายตนา กาโย ฯ รูปํ อายตนํ อายตนา รูปํ ฯ สทฺโท อายตนํ อายตนา สทฺโท ฯ คนฺโธ อายตนํ อายตนา คนฺโธ ฯ รโส อายตนํ อายตนา รโส ฯ โผฏฺฐพฺโพ อายตนํ อายตนา โผฏฺฐพฺโพ ฯ มโน อายตนํ อายตนา มโน ฯ ธมฺโม อายตนํ อายตนา ธมฺโม ฯ [๒๘๕] น จกฺขุ นายตนํ นายตนา น จกฺขุ ฯ น โสตํ นายตนํ นายตนา น โสตํ ฯ น ฆานํ นายตนํ นายตนา น ฆานํ ฯ น ชิวฺหา นายตนํ นายตนา น ชิวฺหา ฯ น กาโย นายตนํ นายตนา น กาโย ฯ น รูปํ นายตนํ นายตนา น รูปํ ฯ น สทฺโท นายตนํ นายตนา น สทฺโท ฯ น คนฺโธ นายตนํ นายตนา น คนฺโธ ฯ น รโส นายตนํ นายตนา น รโส ฯ น โผฏฺฐพฺโพ นายตนํ นายตนา น โผฏฺฐพฺโพ ฯ น มโน นายตนํ นายตนา น มโน ฯ น ธมฺโม นายตนํ นายตนา น ธมฺโม ฯ -------- [๒๘๖] จกฺขุ อายตนํ อายตนา โสตํ ฯเปฯ จกฺขุ อายตนํ อายตนา ธมฺโม ฯ โสตํ อายตนํ อายตนา จกฺขุ ฯเปฯ โสตํ อายตนํ อายตนา ธมฺโม ฯ ฆานํ อายตนํ อายตนา จกฺขุ ฯเปฯ อายตนา ธมฺโม ฯ ธมฺโม อายตนํ อายตนา จกฺขุ ฯ ธมฺโม อายตนํ อายตนา โสตํ ฯเปฯ อายตนา มโน ฯ (จกฺกํ พนฺธิตพฺพํ) ฯ
เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๘๗-๙๑. https://84000.org/tipitaka/read/pali_item.php?book=38&item=278&items=9 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=38&item=278&items=9&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=38&item=278&items=9 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=278&items=9 ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=278 สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38
|
บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]