ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)
     [๘๒๕]   ทุกฺขํ   ทุกฺขสจฺจนฺติ:   อามนฺตา  ฯ  ทุกฺขสจฺจํ  ทุกฺขนฺติ:
กายิกํ   ทุกฺขํ   เจตสิกํ   ทุกฺขํ  ฐเปตฺวา  อวเสสํ  ทุกฺขสจฺจํ  ทุกฺขสจฺจํ
น   ทุกฺขํ   กายิกํ   ทุกฺขํ   เจตสิกํ  ทุกฺขํ  ทุกฺขญฺเจว  ทุกฺขสจฺจญฺจ  ฯ
สมุทโย    สมุทยสจฺจนฺติ:   สมุทยสจฺจํ   ฐเปตฺวา   อวเสโส   สมุทโย
สมุทโย   น   สมุทยสจฺจํ   สมุทยสจฺจํ  สมุทโย  เจว  สมุทยสจฺจญฺจ  ฯ
สมุทยสจฺจํ  สมุทโยติ:  อามนฺตา  ฯ  นิโรโธ  นิโรธสจฺจนฺติ:  นิโรธสจฺจํ
ฐเปตฺวา   อวเสโส   นิโรโธ   นิโรโธ   น   นิโรธสจฺจํ   นิโรธสจฺจํ
นิโรโธ   เจว   นิโรธสจฺจญฺจ  ฯ  นิโรธสจฺจํ  นิโรโธติ:  อามนฺตา  ฯ
มคฺโค   มคฺคสจฺจนฺติ:   มคฺคสจฺจํ   ฐเปตฺวา   อวเสโส  มคฺโค  มคฺโค
น   มคฺคสจฺจํ   มคฺคสจฺจํ   มคฺโค   เจว   มคฺคสจฺจญฺจ   ฯ  มคฺคสจฺจํ
มคฺโคติ: อามนฺตา ฯ
     [๘๒๖]   น  ทุกฺขํ  น  ทุกฺขสจฺจนฺติ:  กายิกํ  ทุกฺขํ  เจตสิกํ  ทุกฺขํ
ฐเปตฺวา   อวเสสํ  ทุกฺขสจฺจํ  น  ทุกฺขํ  ทุกฺขสจฺจํ  ทุกฺขญฺจ  ทุกฺขสจฺจญฺจ
ฐเปตฺวา    อวเสสํ    น    เจว    ทุกฺขํ   น   จ   ทุกฺขสจฺจํ   ฯ
น  ทุกฺขสจฺจํ  น  ทุกฺขนฺติ:  อามนฺตา  ฯ  น  สมุทโย  น สมุทยสจฺจนฺติ:
อามนฺตา   ฯ   น   สมุทยสจฺจํ   น   สมุทโยติ:  สมุทยสจฺจํ  ฐเปตฺวา
อวเสโส   สมุทโย   น   สมุทยสจฺจํ   สมุทโย  สมุทยญฺจ  สมุทยสจฺจญฺจ
ฐเปตฺวา  อวเสโส  น  เจว  สมุทโย  น  จ  สมุทยสจฺจํ  ฯ น นิโรโธ
น  นิโรธสจฺจนฺติ:  อามนฺตา  ฯ  น  นิโรธสจฺจํ  น นิโรโธติ: นิโรธสจฺจํ
ฐเปตฺวา    อวเสโส   นิโรโธ   น   นิโรธสจฺจํ   นิโรโธ   นิโรธญฺจ
นิโรธสจฺจญฺจ  ฐเปตฺวา  อวเสโส  น  เจว  นิโรโธ  น จ นิโรธสจฺจํ ฯ
น   มคฺโค  น  มคฺคสจฺจนฺติ:  อามนฺตา  ฯ  น  มคฺคสจฺจํ  น  มคฺโคติ:
มคฺคสจฺจํ   ฐเปตฺวา   อวเสโส   มคฺโค  น  มคฺคสจฺจํ  มคฺโค  มคฺคญฺจ
มคฺคสจฺจญฺจ ฐเปตฺวา อวเสโส น เจว มคฺโค น จ มคฺคสจฺจํ ฯ
                                            --------
     [๘๒๗]   ทุกฺขํ  ทุกฺขสจฺจนฺติ:  อามนฺตา  ฯ  สจฺจา  สมุทยสจฺจนฺติ:
สมุทยสจฺจํ    สจฺจญฺเจว    สมุทยสจฺจญฺจ    อวเสสา   สจฺจา   สจฺจา
น    สมุทยสจฺจํ    ฯ   ทุกฺขํ   ทุกฺขสจฺจนฺติ:   อามนฺตา   ฯ   สจฺจา
นิโรธสจฺจนฺติ:   ฯเปฯ   สจฺจา   มคฺคสจฺจนฺติ:   มคฺคสจฺจํ   สจฺจญฺเจว
มคฺคสจฺจญฺจ   อวเสสา   สจฺจา   สจฺจา   น   มคฺคสจฺจํ   ฯ  สมุทโย
สมุทยสจฺจนฺติ:   สมุทยสจฺจํ   ฐเปตฺวา   อวเสโส  สมุทโย  สมุทโย  น
สมุทยสจฺจํ    สมุทยสจฺจํ   สมุทโย   เจว   สมุทยสจฺจญฺจ   ฯ   สจฺจา
ทุกฺขสจฺจนฺติ:    ฯเปฯ    สจฺจา    นิโรธสจฺจนฺติ:    ฯเปฯ    สจฺจา
มคฺคสจฺจนฺติ:   มคฺคสจฺจํ   สจฺจญฺเจว   มคฺคสจฺจญฺจ   อวเสสา   สจฺจา
สจฺจา   น  มคฺคสจฺจํ  ฯ  นิโรโธ  นิโรธสจฺจนฺติ:  นิโรธสจฺจํ  ฐเปตฺวา
อวเสโส   นิโรโธ   นิโรโธ  น  นิโรธสจฺจํ  นิโรธสจฺจํ  นิโรโธ  เจว
นิโรธสจฺจญฺจ   ฯ   สจฺจา  ทุกฺขสจฺจนฺติ:  ฯเปฯ  สจฺจา  สมุทยสจฺจนฺติ:
ฯเปฯ    สจฺจา    มคฺคสจฺจนฺติ:   มคฺคสจฺจํ   สจฺจญฺเจว   มคฺคสจฺจญฺจ
อวเสสา  สจฺจา  สจฺจา  น  มคฺคสจฺจํ  ฯ  มคฺโค มคฺคสจฺจนฺติ: มคฺคสจฺจํ
ฐเปตฺวา    อวเสโส    มคฺโค    มคฺโค    น   มคฺคสจฺจํ   มคฺคสจฺจํ
มคฺโค   เจว   มคฺคสจฺจญฺจ   ฯ   สจฺจา  ทุกฺขสจฺจนฺติ:  ฯเปฯ  สจฺจา
สมุทยสจฺจนฺติ:   ฯเปฯ   สจฺจา   นิโรธสจฺจนฺติ:  นิโรธสจฺจํ  สจฺจญฺเจว
นิโรธสจฺจญฺจ อวเสสา สจฺจา สจฺจา น นิโรธสจฺจํ ฯ
     [๘๒๘]   น  ทุกฺขํ  น  ทุกฺขสจฺจนฺติ:  กายิกํ  ทุกฺขํ  เจตสิกํ  ทุกฺขํ
ฐเปตฺวา   อวเสสํ  ทุกฺขสจฺจํ  น  ทุกฺขํ  ทุกฺขสจฺจํ  ทุกฺขญฺจ  ทุกฺขสจฺจญฺจ
ฐเปตฺวา    อวเสสา    น    เจว   ทุกฺขํ   น   จ   ทุกฺขสจฺจํ   ฯ
น  สจฺจา  น  สมุทยสจฺจนฺติ:  อามนฺตา  ฯ  น  ทุกฺขํ  น  ทุกฺขสจฺจนฺติ:
กายิกํ   ทุกฺขํ   เจตสิกํ   ทุกฺขํ  ฐเปตฺวา  อวเสสํ  ทุกฺขสจฺจํ  น  ทุกฺขํ
ทุกฺขสจฺจํ    ทุกฺขญฺจ    ทุกฺขสจฺจญฺจ   ฐเปตฺวา   อวเสสา   น   เจว
ทุกฺขํ  น  จ  ทุกฺขสจฺจํ  ฯ  น  สจฺจา  น นิโรธสจฺจนฺติ: ฯเปฯ น สจฺจา
น  มคฺคสจฺจนฺติ:  อามนฺตา  ฯ  น  สมุทโย น สมุทยสจฺจนฺติ: อามนฺตา ฯ
น  สจฺจา  น  ทุกฺขสจฺจนฺติ:  อามนฺตา  ฯ  น  สมุทโย น สมุทยสจฺจนฺติ:
อามนฺตา  ฯ  น  สจฺจา น นิโรธสจฺจนฺติ: ฯเปฯ น สจฺจา น มคฺคสจฺจนฺติ:
อามนฺตา    ฯ    น    นิโรโธ   น   นิโรธสจฺจนฺติ:   อามนฺตา   ฯ
น  สจฺจา  น  ทุกฺขสจฺจนฺติ:  ฯเปฯ  น  สจฺจา  น สมุทยสจฺจนฺติ: ฯเปฯ
น  สจฺจา  น  มคฺคสจฺจนฺติ:  อามนฺตา  ฯ  น  มคฺโค  น  มคฺคสจฺจนฺติ:
อามนฺตา   ฯ   น   สจฺจา  น  ทุกฺขสจฺจนฺติ:  อามนฺตา  ฯ  น  มคฺโค
น   มคฺคสจฺจนฺติ:   อามนฺตา  ฯ  น  สจฺจา  น  สมุทยสจฺจนฺติ:  ฯเปฯ
น สจฺจา น นิโรธสจฺจนฺติ: อามนฺตา ฯ
                                            --------
     [๘๒๙]   ทุกฺขํ   สจฺจนฺติ:   อามนฺตา   ฯ   สจฺจา  ทุกฺขสจฺจนฺติ:
ทุกฺขสจฺจํ  สจฺจญฺเจว  ทุกฺขสจฺจญฺจ  อวเสสา  สจฺจา สจฺจา น ทุกฺขสจฺจํ ฯ
สมุทโย   สจฺจนฺติ:   อามนฺตา   ฯเปฯ   นิโรโธ   สจฺจนฺติ:  อามนฺตา
ฯเปฯ   มคฺโค  สจฺจนฺติ:  อามนฺตา  ฯ  สจฺจา  มคฺคสจฺจนฺติ:  มคฺคสจฺจํ
สจฺจญฺเจว มคฺคสจฺจญฺจ อวเสสา สจฺจา สจฺจา น มคฺคสจฺจํ ฯ
     [๘๓๐]   น  ทุกฺขํ  น  สจฺจนฺติ:  ทุกฺขํ  ฐเปตฺวา  อวเสสา  สจฺจา
น  ทุกฺขํ  สจฺจา  ทุกฺขญฺจ  สจฺจญฺจ  ฐเปตฺวา  อวเสสา  น  เจว  ทุกฺขํ
น  จ  สจฺจา  ฯ  น  สจฺจา  น  ทุกฺขสจฺจนฺติ:  อามนฺตา  ฯ น สมุทโย
น  สจฺจนฺติ:  สมุทยํ  ฐเปตฺวา  ฯเปฯ  น  นิโรโธ  น  สจฺจนฺติ: นิโรธํ
ฐเปตฺวา   ฯเปฯ   น  มคฺโค  น  สจฺจนฺติ:  มคฺคํ  ฐเปตฺวา  อวเสสา
สจฺจา   น   มคฺโค   สจฺจา  มคฺคญฺจ  สจฺจญฺจ  ฐเปตฺวา  อวเสสา  น
เจว มคฺโค น จ สจฺจา ฯ น สจฺจา น มคฺคสจฺจนฺติ: อามนฺตา ฯ
                                           ---------
     [๘๓๑]   ทุกฺขํ   สจฺจนฺติ:   อามนฺตา   ฯ  สจฺจา  สมุทยสจฺจนฺติ:
สมุทยสจฺจํ   สจฺจญฺเจว   สมุทยสจฺจญฺจ   อวเสสา   สจฺจา   สจฺจา  น
สมุทยสจฺจํ   ฯ   ทุกฺขํ   สจฺจนฺติ:  อามนฺตา  ฯ  สจฺจา  นิโรธสจฺจนฺติ:
ฯเปฯ    สจฺจา    มคฺคสจฺจนฺติ:   มคฺคสจฺจํ   สจฺจญฺเจว   มคฺคสจฺจญฺจ
อวเสสา  สจฺจา  สจฺจา  น  มคฺคสจฺจํ  ฯ  สมุทโย  สจฺจนฺติ:  อามนฺตา
ฯเปฯ    นิโรโธ    สจฺจนฺติ:   อามนฺตา   ฯเปฯ   มคฺโค   สจฺจนฺติ:
อามนฺตา  ฯ  สจฺจา  ทุกฺขสจฺจนฺติ:  ฯเปฯ  สจฺจา  สมุทยสจฺจนฺติ: ฯเปฯ
สจฺจา   นิโรธสจฺจนฺติ:   นิโรธสจฺจํ  สจฺจญฺเจว  นิโรธสจฺจญฺจ  อวเสสา
สจฺจา สจฺจา น นิโรธสจฺจํ ฯ
     [๘๓๒]   น  ทุกฺขํ  น  สจฺจนฺติ:  ทุกฺขํ  ฐเปตฺวา  อวเสสา  สจฺจา
น  ทุกฺขํ  สจฺจา  ทุกฺขญฺจ  สจฺจญฺจ  ฐเปตฺวา  อวเสสา  น  เจว  ทุกฺขํ
น  จ  สจฺจา  ฯ  น  สจฺจา  น  สมุทยสจฺจนฺติ:  อามนฺตา  ฯ  น ทุกฺขํ
น  สจฺจนฺติ:  ทุกฺขํ  ฐเปตฺวา  อวเสสา  สจฺจา  น  ทุกฺขํ สจฺจา ทุกฺขญฺจ
สจฺจญฺจ  ฐเปตฺวา  อวเสสา  น  เจว  ทุกฺขํ  น  จ  สจฺจา ฯ น สจฺจา
นนิโรธสจฺจนฺติ:    ฯเปฯ    นสจฺจา    นมคฺคสจฺจนฺติ:   อามนฺตา   ฯ
นสมุทโย   นสจฺจนฺติ:   สมุทยํ   ฐเปตฺวา   อวเสสา  สจฺจา  นสมุทโย
สจฺจา   สมุทยญฺจ   สจฺจญฺจ   ฐเปตฺวา   อวเสสา   น  เจว  สมุทโย
น   จ   สจฺจา  ฯเปฯ  นนิโรโธ  นสจฺจนฺติ:  นิโรธํ  ฐเปตฺวา  ฯเปฯ
นมคฺโค    นสจฺจนฺติ:   มคฺคํ   ฐเปตฺวา   อวเสสา   สจฺจา   นมคฺโค
สจฺจา   มคฺคญฺจ   สจฺจญฺจ   ฐเปตฺวา   อวเสสา   น   เจว   มคฺโค
น  จ  สจฺจา  ฯ  นสจฺจา  นทุกฺขสจฺจนฺติ: อามนฺตา ฯ นมคฺโค นสจฺจนฺติ:
มคฺคํ    ฐเปตฺวา    อวเสสา    สจฺจา    นมคฺโค   สจฺจา   มคฺคญฺจ
สจฺจญฺจ  ฐเปตฺวา  อวเสสา  น  เจว  มคฺโค  น  จ  สจฺจา ฯ นสจฺจา
นสมุทยสจฺจนฺติ: ฯเปฯ นสจฺจา นนิโรธสจฺจนฺติ: อามนฺตา ฯ
                                      ปณฺณตฺติวาโร ฯ
                                           ---------
                                         ปวตฺติวาโร


             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๒๗๖-๒๘๑. https://84000.org/tipitaka/read/pali_item.php?book=38&item=825&items=8&mode=bracket              อ่านโดยใช้เนื้อความเป็นเกณฑ์แบ่งข้อ :- https://84000.org/tipitaka/read/pali_item.php?book=38&item=825&items=8              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=38&item=825&items=8&mode=bracket              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=825&items=8&mode=bracket              ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=825              สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]