[๑๕๘๔] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส ฌานปจฺจเยน ปจฺจโย อนุปาทินฺนอนุปาทานิยานิ
ฌานงฺคานิ จิตฺตสมุฏฺฐานานํ รูปานํ ฌานปจฺจเยน ปจฺจโย ฯ
[๑๕๘๕] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
จ อนุปาทินฺนอนุปาทานิยสฺส จ ธมฺมสฺส ฌานปจฺจเยน ปจฺจโย
อนุปาทินฺนอนุปาทานิยานิ ฌานงฺคานิ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ ฌานปจฺจเยน ปจฺจโย ฯ
[๑๕๘๖] อุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส มคฺคปจฺจเยน ปจฺจโย อุปาทินฺนุปาทานิยานิ มคฺคงฺคานิ
สมฺปยุตฺตกานํ ขนฺธานํ มคฺคปจฺจเยน ปจฺจโย ปฏิสนฺธิกฺขเณ ... ฯ
[๑๕๘๗] อุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส มคฺคปจฺจเยน ปจฺจโย อุปาทินฺนุปาทานิยานิ มคฺคงฺคานิ
จิตฺตสมุฏฺฐานานํ รูปานํ มคฺคปจฺจเยน ปจฺจโย ฯ
[๑๕๘๘] อุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส มคฺคปจฺจเยน ปจฺจโย
อุปาทินฺนุปาทานิยานิ มคฺคงฺคานิ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ มคฺคปจฺจเยน ปจฺจโย ฯ
[๑๕๘๙] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส มคฺคปจฺจเยน ปจฺจโย อนุปาทินฺนุปาทานิยานิ มคฺคงฺคานิ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ มคฺคปจฺจเยน
ปจฺจโย ฯ
[๑๕๙๐] อนุปาทินฺนอนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส มคฺคปจฺจเยน ปจฺจโย อนุปาทินฺนอนุปาทานิยานิ
มคฺคงฺคานิ สมฺปยุตฺตกานํ ขนฺธานํ มคฺคปจฺจเยน ปจฺจโย ฯ
[๑๕๙๑] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส มคฺคปจฺจเยน ปจฺจโย อนุปาทินฺนอนุปาทานิยานิ
มคฺคงฺคานิ จิตฺตสมุฏฺฐานานํ รูปานํ มคฺคปจฺจเยน ปจฺจโย ฯ
[๑๕๙๒] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
จ อนุปาทินฺนอนุปาทานิยสฺส จ ธมฺมสฺส มคฺคปจฺจเยน ปจฺจโย
อนุปาทินฺนอนุปาทานิยานิ มคฺคงฺคานิ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ มคฺคปจฺจเยน ปจฺจโย ฯ
[๑๕๙๓] อุปาทินฺนุปาทานิโย ธมฺโม อุปาทินฺนุปาทานิยสฺส ธมฺมสฺส
สมฺปยุตฺตปจฺจเยน ปจฺจโย อุปาทินฺนุปาทานิโย เอโก ขนฺโธ
ติณฺณนฺนํ ขนฺธานํ สมฺปยุตฺตปจฺจเยน ปจฺจโย เทฺว ขนฺธา ทฺวินฺนํ
ขนฺธานํ ปฏิสนฺธิกฺขเณ ... ฯ
[๑๕๙๔] อนุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส สมฺปยุตฺตปจฺจเยน ปจฺจโย อนุปาทินฺนุปาทานิโย เอโก
ขนฺโธ ติณฺณนฺนํ ขนฺธานํ สมฺปยุตฺตปจฺจเยน ปจฺจโย เทฺว ขนฺธา
ทฺวินฺนํ ขนฺธานํ ฯ
[๑๕๙๕] อนุปาทินฺนอนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส สมฺปยุตฺตปจฺจเยน ปจฺจโย อนุปาทินฺนอนุปาทานิโย
เอโก ขนฺโธ ติณฺณนฺนํ ขนฺธานํ สมฺปยุตฺตปจฺจเยน
ปจฺจโย เทฺว ขนฺธา ทฺวินฺนํ ขนฺธานํ ฯ
[๑๕๙๖] อุปาทินฺนุปาทานิโย ธมฺโม อุปาทินฺนุปาทานิยสฺส ธมฺมสฺส
วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: ปฏิสนฺธิกฺขเณ อุปาทินฺนุปาทานิยา ขนฺธา กฏตฺตารูปานํ
วิปฺปยุตฺตปจฺจเยน ปจฺจโย ขนฺธา วตฺถุสฺส วิปฺปยุตฺตปจฺจเยน
ปจฺจโย วตฺถุ ขนฺธานํ วิปฺปยุตฺตปจฺจเยน ปจฺจโย ฯ ปุเรชาตํ:
จกฺขายตนํ จกฺขุวิญฺญาณสฺส วิปฺปยุตฺตปจฺจเยน ปจฺจโย ฯเปฯ
กายายตนํ กายวิญฺญาณสฺส วิปฺปยุตฺตปจฺจเยน ปจฺจโย วตฺถุ
อุปาทินฺนุปาทานิยานํ ขนฺธานํ วิปฺปยุตฺตปจฺจเยน ปจฺจโย ฯ
ปจฺฉาชาตา: อุปาทินฺนุปาทานิยา ขนฺธา ปุเรชาตสฺส อิมสฺส
อุปาทินฺนุปาทานิยสฺส กายสฺส วิปฺปยุตฺตปจฺจเยน ปจฺจโย ฯ
[๑๕๙๗] อุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: อุปาทินฺนุปาทานิยา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ฯ ปุเรชาตํ: วตฺถุ อนุปาทินฺนุปาทานิยานํ
ขนฺธานํ วิปฺปยุตฺตปจฺจเยน ปจฺจโย ฯ ปจฺฉาชาตา: อุปาทินฺนุปาทานิยา
ขนฺธา ปุเรชาตสฺส อิมสฺส อนุปาทินฺนุปาทานิยสฺส กายสฺส
วิปฺปยุตฺตปจฺจเยน ปจฺจโย ฯ
[๑๕๙๘] อุปาทินฺนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย ปุเรชาตํ: วตฺถุ อนุปาทินฺนอนุปาทานิยานํ
ขนฺธานํ วิปฺปยุตฺตปจฺจเยน ปจฺจโย ฯ
[๑๕๙๙] อุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส วิปฺปยุตฺตปจฺจเยน ปจฺจโย
ปจฺฉาชาตา: อุปาทินฺนุปาทานิยา ขนฺธา ปุเรชาตสฺส อิมสฺส
อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
วิปฺปยุตฺตปจฺจเยน ปจฺจโย ฯ
[๑๖๐๐] อนุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปจฺฉาชาตํ ฯ
สหชาตา: อนุปาทินฺนุปาทานิยา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ฯ ปจฺฉาชาตา: อนุปาทินฺนุปาทานิยา
ขนฺธา ปุเรชาตสฺส อิมสฺส อนุปาทินฺนุปาทานิยสฺส กายสฺส
วิปฺปยุตฺตปจฺจเยน ปจฺจโย ฯ
[๑๖๐๑] อนุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย ปจฺฉาชาตา: อนุปาทินฺนุปาทานิยา
ขนฺธา ปุเรชาตสฺส อิมสฺส อุปาทินฺนุปาทานิยสฺส กายสฺส
วิปฺปยุตฺตปจฺจเยน ปจฺจโย ฯ
[๑๖๐๒] อนุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส วิปฺปยุตฺตปจฺจเยน ปจฺจโย
ปจฺฉาชาตา: อนุปาทินฺนุปาทานิยา ขนฺธา ปุเรชาตสฺส อิมสฺส
อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
วิปฺปยุตฺตปจฺจเยน ปจฺจโย ฯ
[๑๖๐๓] อนุปาทินฺนอนุปาทานิโย ธมฺโม อุปาทินฺนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย ปจฺฉาชาตา: อนุปาทินฺนอนุปาทานิยา
ขนฺธา ปุเรชาตสฺส อิมสฺส อุปาทินฺนุปาทานิยสฺส กายสฺส
วิปฺปยุตฺตปจฺจเยน ปจฺจโย ฯ
[๑๖๐๔] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปจฺฉาชาตํ ฯ
สหชาตา: อนุปาทินฺนอนุปาทานิยา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ฯ ปจฺฉาชาตา: อนุปาทินฺนอนุปาทานิยา
ขนฺธา ปุเรชาตสฺส อิมสฺส อนุปาทินฺนุปาทานิยสฺส กายสฺส
วิปฺปยุตฺตปจฺจเยน ปจฺจโย ฯ
[๑๖๐๕] อนุปาทินฺนอนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส วิปฺปยุตฺตปจฺจเยน ปจฺจโย
ปจฺฉาชาตา: อนุปาทินฺนอนุปาทานิยา ขนฺธา ปุเรชาตสฺส อิมสฺส
อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
วิปฺปยุตฺตปจฺจเยน ปจฺจโย ฯ
[๑๖๐๖] อุปาทินฺนุปาทานิโย ธมฺโม อุปาทินฺนุปาทานิยสฺส ธมฺมสฺส
อตฺถิปจฺจเยน ปจฺจโย สหชาตํ ปุเรชาตํ ปจฺฉาชาตํ อาหารํ
อินฺทฺริยํ ฯ สหชาโต: อุปาทินฺนุปาทานิโย เอโก ขนฺโธ ติณฺณนฺนํ
ขนฺธานํ อตฺถิปจฺจเยน ปจฺจโย เทฺว ขนฺธา ทฺวินฺนํ ขนฺธานํ
อตฺถิปจฺจเยน ปจฺจโย ปฏิสนฺธิกฺขเณ อุปาทินฺนุปาทานิโย เอโก
ขนฺโธ ติณฺณนฺนํ ขนฺธานํ กฏตฺตา จ รูปานํ อตฺถิปจฺจเยน
ปจฺจโย เทฺว ขนฺธา ทฺวินฺนํ ขนฺธานํ กฏตฺตา จ รูปานํ อตฺถิปจฺจเยน
ปจฺจโย ขนฺธา วตฺถุสฺส วตฺถุ ขนฺธานํ เอกํ มหาภูตํ ...
มหาภูตา กฏตฺตารูปานํ อุปาทารูปานํ อตฺถิปจฺจเยน ปจฺจโย
อสญฺญสตฺตานํ เอกํ มหาภูตํ ... มหาภูตา กฏตฺตารูปานํ อุปาทารูปานํ
อตฺถิปจฺจเยน ปจฺจโย ฯ
{๑๖๐๖.๑} ปุเรชาตํ: เสกฺขา วา ปุถุชฺชนา วา จกฺขุํ อนิจฺจโต
ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ
ตํ อารพฺภ ราโค อุปฺปชฺชติ โทมนสฺสํ อุปฺปชฺชติ กุสลากุสเล
นิรุทฺเธ วิปาโก ตทารมฺมณตา อุปฺปชฺชติ โสตํ ... ฆานํ
ชิวฺหํ กายํ อุปาทินฺนุปาทานิเย รูเป คนฺเธ รเส โผฏฺฐพฺเพ ... วตฺถุํ
อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ
ตํ อารพฺภ ราโค อุปฺปชฺชติ โทมนสฺสํ อุปฺปชฺชติ กุสลากุสเล นิรุทฺเธ
วิปาโก ตทารมฺมณตา อุปฺปชฺชติ อุปาทินฺนุปาทานิยํ รูปายตนํ
จกฺขุวิญฺญาณสฺส อุปาทินฺนุปาทานิยํ คนฺธายตนํ ... รสายตนํ ...
โผฏฺฐพฺพายตนํ กายวิญฺญาณสฺส จกฺขายตนํ จกฺขุวิญฺญาณสฺส ฯเปฯ
กายายตนํ กายวิญฺญาณสฺส วตฺถุ อุปาทินฺนุปาทานิยานํ
ขนฺธานํ อตฺถิปจฺจเยน ปจฺจโย ฯ
{๑๖๐๖.๒} ปจฺฉาชาตา: อุปาทินฺนุปาทานิยา ขนฺธา ปุเรชาตสฺส
อิมสฺส อุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
อุปาทินฺนุปาทานิโย กพฬึกาโร อาหาโร อุปาทินฺนุปาทานิยสฺส
กายสฺส อตฺถิปจฺจเยน ปจฺจโย ฯ รูปชีวิตินฺทฺริยํ กฏตฺตารูปานํ
อตฺถิปจฺจเยน ปจฺจโย ฯ
[๑๖๐๗] อุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส อตฺถิปจฺจเยน ปจฺจโย สหชาตํ ปุเรชาตํ ปจฺฉาชาตํ
อาหารํ ฯ สหชาตา: อุปาทินฺนุปาทานิยา ขนฺธา จิตฺตสมุฏฺฐานานํ
รูปานํ อตฺถิปจฺจเยน ปจฺจโย ฯ
{๑๖๐๗.๑} ปุเรชาตํ: จกฺขุํ อนิจฺจโต ทุกฺขโต อนตฺตโต วิปสฺสนฺติ
อสฺสาเทนฺติ อภินนฺทนฺติ ตํ อารพฺภ ราโค อุปฺปชฺชติ โทมนสฺสํ อุปฺปชฺชติ
โสตํ ... ฆานํ ชิวฺหํ กายํ อุปาทินฺนุปาทานิเย รูเป คนฺเธ รเส โผฏฺฐพฺเพ
... วตฺถุํ อนิจฺจโต ทุกฺขโต อนตฺตโต วิปสฺสนฺติ อสฺสาเทนฺติ อภินนฺทนฺติ
ตํ อารพฺภ ราโค อุปฺปชฺชติ โทมนสฺสํ อุปฺปชฺชติ ทิพฺเพน จกฺขุนา
อุปาทินฺนุปาทานิยํ รูปํ ปสฺสติ วตฺถุ อนุปาทินฺนุปาทานิยานํ ขนฺธานํ
อตฺถิปจฺจเยน ปจฺจโย ฯ
{๑๖๐๗.๒} ปจฺฉาชาตา: อุปาทินฺนุปาทานิยา ขนฺธา
ปุเรชาตสฺส อิมสฺส อนุปาทินฺนุปาทานิยสฺส กายสฺส อตฺถิปจฺจเยน
ปจฺจโย ฯ อุปาทินฺนุปาทานิโย กพฬึกาโร อาหาโร
อนุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
[๑๖๐๘] อุปาทินฺนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส อตฺถิปจฺจเยน ปจฺจโย ปุเรชาตํ: วตฺถุ อนุปาทินฺนอนุปาทานิยานํ
ขนฺธานํ อตฺถิปจฺจเยน ปจฺจโย ฯ
[๑๖๐๙] อุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส อตฺถิปจฺจเยน ปจฺจโย สหชาตํ
ปจฺฉาชาตํ อาหารํ ฯ สหชาโต: อุปาทินฺนุปาทานิโย เอโก
ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน
ปจฺจโย เทฺว ขนฺธา ทฺวินฺนํ ขนฺธานํ จิตฺตสมุฏฺฐานานญฺจ รูปานํ
อตฺถิปจฺจเยน ปจฺจโย ฯ ปจฺฉาชาตา: อุปาทินฺนุปาทานิยา ขนฺธา
ปุเรชาตสฺส อิมสฺส อุปาทินฺนุปาทานิยสฺส จ อนุปาทินฺนุปาทานิยสฺส
จ กายสฺส อตฺถิปจฺจเยน ปจฺจโย ฯ อุปาทินฺนุปาทานิโย กพฬึกาโร
อาหาโร อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ฯ
[๑๖๑๐] อนุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส อตฺถิปจฺจเยน ปจฺจโย สหชาตํ ปุเรชาตํ ปจฺฉาชาตํ
อาหารํ ฯ สหชาโต: อนุปาทินฺนุปาทานิโย เอโก ขนฺโธ ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย เทฺว
ขนฺธา ทฺวินฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน
ปจฺจโย เอกํ มหาภูตํ ติณฺณนฺนํ มหาภูตานํ มหาภูตา จิตฺตสมุฏฺฐานานํ
รูปานํ อุปาทารูปานํ อตฺถิปจฺจเยน ปจฺจโย พาหิรํ ...
อาหารสมุฏฺฐานํ ... อุตุสมุฏฺฐานํ เอกํ มหาภูตํ ฯ
{๑๖๑๐.๑} ปุเรชาตํ: อนุปาทินฺนุปาทานิเย รูเป ... สทฺเท คนฺเธ
รเส ... โผฏฺฐพฺเพ อนิจฺจโต ทุกฺขโต อนตฺตโต วิปสฺสติ อสฺสาเทติ
อภินนฺทติ ตํ อารพฺภ ราโค อุปฺปชฺชติ โทมนสฺสํ อุปฺปชฺชติ ทิพฺเพน
จกฺขุนา อนุปาทินฺนุปาทานิยํ รูปํ ปสฺสติ ทิพฺพาย โสตธาตุยา สทฺทํ
สุณาติ ฯ ปจฺฉาชาตา: อนุปาทินฺนุปาทานิยา ขนฺธา ปุเรชาตสฺส
อิมสฺส อนุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
อนุปาทินฺนุปาทานิโย กพฬึกาโร อาหาโร อนุปาทินฺนุปาทานิยสฺส
กายสฺส อตฺถิปจฺจเยน ปจฺจโย ฯ
[๑๖๑๑] อนุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส อตฺถิปจฺจเยน ปจฺจโย ปุเรชาตํ ปจฺฉาชาตํ อาหารํ ฯ
ปุเรชาตํ: อนุปาทินฺนุปาทานิเย รูเป ... สทฺเท คนฺเธ รเส ...
โผฏฺฐพฺเพ อนิจฺจโต ทุกฺขโต อนตฺตโต วิปสฺสติ อสฺสาเทติ อภินนฺทติ ตํ
อารพฺภ ราโค อุปฺปชฺชติ โทมนสฺสํ อุปฺปชฺชติ กุสลากุสเล
นิรุทฺเธ วิปาโก ตทารมฺมณตา อุปฺปชฺชติ อนุปาทินฺนุปาทานิยํ
รูปายตนํ จกฺขุวิญฺญาณสฺส โผฏฺฐพฺพายตนํ กายวิญฺญาณสฺส
อตฺถิปจฺจเยน ปจฺจโย ฯ ปจฺฉาชาตา: อนุปาทินฺนุปาทานิยา ขนฺธา
ปุเรชาตสฺส อิมสฺส อุปาทินฺนุปาทานิยสฺส กายสฺส อตฺถิปจฺจเยน
ปจฺจโย ฯ อนุปาทินฺนุปาทานิโย กพฬึกาโร อาหาโร
อุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
[๑๖๑๒] อนุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส อตฺถิปจฺจเยน ปจฺจโย ปจฺฉาชาตํ
อาหารํ ฯ ปจฺฉาชาตา: อนุปาทินฺนุปาทานิยา ขนฺธา ปุเรชาตสฺส
อิมสฺส อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ฯ อนุปาทินฺนุปาทานิโย กพฬึกาโร อาหาโร
อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ฯ
[๑๖๑๓] อนุปาทินฺนอนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส อตฺถิปจฺจเยน ปจฺจโย อนุปาทินฺนอนุปาทานิโย
เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย
เทฺว ขนฺธา ทฺวินฺนํ ขนฺธานํ อตฺถิปจฺจเยน ปจฺจโย ฯ
[๑๖๑๔] อนุปาทินฺนอนุปาทานิโย ธมฺโม อุปาทินฺนุปาทานิยสฺส
ธมฺมสฺส อตฺถิปจฺจเยน ปจฺจโย ปจฺฉาชาตา: อนุปาทินฺนอนุปาทานิยา
ขนฺธา ปุเรชาตสฺส อิมสฺส อุปาทินฺนุปาทานิยสฺส กายสฺส
อตฺถิปจฺจเยน ปจฺจโย ฯ
[๑๖๑๕] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส อตฺถิปจฺจเยน ปจฺจโย สหชาตํ ปจฺฉาชาตํ ฯ สหชาตา:
อนุปาทินฺนอนุปาทานิยา ขนฺธา จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ ปจฺฉาชาตา: อนุปาทินฺนอนุปาทานิยา ขนฺธา ปุเรชาตสฺส
อิมสฺส อนุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
[๑๖๑๖] อนุปาทินฺนอนุปาทานิโย ธมฺโม อุปาทินฺนุปาทานิยสฺส
จ อนุปาทินฺนอนุปาทานิยสฺส จ ธมฺมสฺส อตฺถิปจฺจเยน ปจฺจโย
สหชาตํ ปจฺฉาชาตํ ฯ สหชาโต: อนุปาทินฺนอนุปาทานิโย เอโก
ขนฺโธ ติณฺณนฺนํ ขนฺธานํ ปุเรชาตสฺส อิมสฺส อุปาทินฺนุปาทานิยสฺส จ
กายสฺส อตฺถิปจฺจเยน ปจฺจโย ตโย ขนฺธา เอกสฺส ขนฺธสฺส
ปุเรชาตสฺส อิมสฺส อุปาทินฺนุปาทานิยสฺส จ กายสฺส อตฺถิปจฺจเยน
ปจฺจโย เทฺว ขนฺธา ทฺวินฺนํ ขนฺธานํ ปุเรชาตสฺส อิมสฺส
อุปาทินฺนุปาทานิยสฺส จ กายสฺส อตฺถิปจฺจเยน ปจฺจโย ฯ
[๑๖๑๗] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
จ อนุปาทินฺนอนุปาทานิยสฺส จ ธมฺมสฺส อตฺถิปจฺจเยน ปจฺจโย
สหชาตํ ปจฺฉาชาตํ ฯ สหชาโต: อนุปาทินฺนอนุปาทานิโย เอโก
ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน
ปจฺจโย ตโย ขนฺธา เอกสฺส ขนฺธสฺส จิตฺตสมุฏฺฐานานญฺจ รูปานํ
อตฺถิปจฺจเยน ปจฺจโย เทฺว ขนฺธา ทฺวินฺนํ ขนฺธานํ จิตฺตสมุฏฺฐานานญฺจ
รูปานํ อตฺถิปจฺจเยน ปจฺจโย ฯ ปจฺฉาชาโต: อนุปาทินฺนอนุปาทานิโย
เอโก ขนฺโธ ติณฺณนฺนํ ขนฺธานํ ปุเรชาตสฺส อิมสฺส
อนุปาทินฺนุปาทานิยสฺส จ กายสฺส อตฺถิปจฺจเยน ปจฺจโย ตโย ขนฺธา
เอกสฺส ขนฺธสฺส ปุเรชาตสฺส อิมสฺส อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย เทฺว ขนฺธา ทฺวินฺนํ ขนฺธานํ ปุเรชาตสฺส
อิมสฺส อนุปาทินฺนุปาทานิยสฺส จ กายสฺส อตฺถิปจฺจเยน ปจฺจโย ฯ
[๑๖๑๘] อนุปาทินฺนอนุปาทานิโย ธมฺโม อุปาทินฺนุปาทานิยสฺส
จ อนุปาทินฺนุปาทานิยสฺส จ ธมฺมสฺส อตฺถิปจฺจเยน ปจฺจโย
ปจฺฉาชาตา: อนุปาทินฺนอนุปาทานิยา ขนฺธา ปุเรชาตสฺส อิมสฺส
อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ฯ
[๑๖๑๙] อนุปาทินฺนอนุปาทานิโย ธมฺโม อุปาทินฺนุปาทานิยสฺส
จ อนุปาทินฺนุปาทานิยสฺส จ อนุปาทินฺนอนุปาทานิยสฺส จ ธมฺมสฺส
อตฺถิปจฺจเยน ปจฺจโย สหชาตํ ปจฺฉาชาตํ ฯ สหชาโต:
อนุปาทินฺนอนุปาทานิโย เอโก ขนฺโธ ติณฺณนฺนํ ขนฺธานํ ปุเรชาตสฺส
อิมสฺส อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ตโย ขนฺธา เอกสฺส ขนฺธสฺส ปุเรชาตสฺส
อิมสฺส อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย เทฺว ขนฺธา ทฺวินฺนํ ขนฺธานํ ปุเรชาตสฺส
อิมสฺส อุปาทินฺนุปาทานิยสฺส จ อนุปาทินฺนุปาทานิยสฺส จ กายสฺส
อตฺถิปจฺจเยน ปจฺจโย ฯ
[๑๖๒๐] อุปาทินฺนุปาทานิโย จ อนุปาทินฺนอนุปาทานิโย จ ธมฺมา
อุปาทินฺนุปาทานิยสฺส ธมฺมสฺส อตฺถิปจฺจเยน ปจฺจโย ปจฺฉาชาตํ
อินฺทฺริยํ ฯ ปจฺฉาชาตา: อนุปาทินฺนอนุปาทานิยา ขนฺธา จ
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
[๑๖๒๑] อุปาทินฺนุปาทานิโย จ อนุปาทินฺนอนุปาทานิโย จ ธมฺมา
อนุปาทินฺนอนุปาทานิยสฺส ธมฺมสฺส อตฺถิปจฺจเยน ปจฺจโย สหชาตํ
ปุเรชาตํ ฯ สหชาโต: อนุปาทินฺนอนุปาทานิโย เอโก ขนฺโธ จ
วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย ตโย ขนฺธา จ
วตฺถุ จ เอกสฺส ขนฺธสฺส อตฺถิปจฺจเยน ปจฺจโย เทฺว ขนฺธา จ
วตฺถุ จ ทฺวินฺนํ ขนฺธานํ อตฺถิปจฺจเยน ปจฺจโย ฯ
[๑๖๒๒] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อุปาทินฺนุปาทานิยสฺส ธมฺมสฺส อตฺถิปจฺจเยน ปจฺจโย
ปจฺฉาชาตํ อาหารํ ฯ ปจฺฉาชาตา: อนุปาทินฺนอนุปาทานิยา ขนฺธา
อนุปาทินฺนุปาทานิโย กพฬึกาโร อาหาโร จ อุปาทินฺนุปาทานิยสฺส
กายสฺส อตฺถิปจฺจเยน ปจฺจโย ฯ
[๑๖๒๓] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อนุปาทินฺนุปาทานิยสฺส ธมฺมสฺส อตฺถิปจฺจเยน ปจฺจโย
สหชาตํ ปจฺฉาชาตํ อาหารํ ฯ สหชาตา: อนุปาทินฺนอนุปาทานิยา
ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ
ปจฺฉาชาตา: อนุปาทินฺนอนุปาทานิยา ขนฺธา จ อนุปาทินฺนุปาทานิโย
กพฬึกาโร อาหาโร จ อนุปาทินฺนุปาทานิยสฺส กายสฺส อตฺถิปจฺจเยน
ปจฺจโย ฯ
[๑๖๒๔] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อุปาทินฺนุปาทานิยสฺส จ อนุปาทินฺนุปาทานิยสฺส จ ธมฺมสฺส
อตฺถิปจฺจเยน ปจฺจโย ปจฺฉาชาตํ อาหารํ ฯ ปจฺฉาชาตา:
อนุปาทินฺนอนุปาทานิยา ขนฺธา จ อนุปาทินฺนุปาทานิโย กพฬึกาโร
อาหาโร จ อุปาทินฺนุปาทานิยสฺส จ อนุปาทินฺนุปาทานิยสฺส จ
กายสฺส อตฺถิปจฺจเยน ปจฺจโย ฯ
[๑๖๒๕] อุปาทินฺนุปาทานิโย จ อนุปาทินฺนุปาทานิโย จ ธมฺมา
อุปาทินฺนุปาทานิยสฺส ธมฺมสฺส อตฺถิปจฺจเยน ปจฺจโย ปุเรชาตํ
ปจฺฉาชาตํ อาหารํ อินฺทฺริยํ ฯ ปุเรชาตํ: อนุปาทินฺนุปาทานิยํ
รูปายตนญฺจ จกฺขายตนญฺจ จกฺขุวิญฺญาณสฺส อตฺถิปจฺจเยน ปจฺจโย ฯ
สงฺขิตฺตํ ฯ อนุปาทินฺนุปาทานิยํ โผฏฺฐพฺพายตนญฺจ กายายตนญฺจ
กายวิญฺญาณสฺส อตฺถิปจฺจเยน ปจฺจโย อนุปาทินฺนุปาทานิยํ
รูปายตนญฺจ วตฺถุ จ อุปาทินฺนุปาทานิยานํ ขนฺธานํ ฯ
{๑๖๒๕.๑} สงฺขิตฺตํ ฯ อนุปาทินฺนุปาทานิยํ โผฏฺฐพฺพายตนญฺจ
วตฺถุ จ อุปาทินฺนุปาทานิยานํ ขนฺธานํ อตฺถิปจฺจเยน ปจฺจโย ฯ
ปจฺฉาชาตา: อุปาทินฺนุปาทานิยา ขนฺธา จ อนุปาทินฺนุปาทานิโย
กพฬึกาโร อาหาโร จ อุปาทินฺนุปาทานิยสฺส กายสฺส อตฺถิปจฺจเยน
ปจฺจโย อุปาทินฺนุปาทานิโย จ อนุปาทินฺนุปาทานิโย จ กพฬึกาโร
อาหาโร อุปาทินฺนุปาทานิยสฺส กายสฺส อตฺถิปจฺจเยน ปจฺจโย ฯ
ปจฺฉาชาตา: อนุปาทินฺนุปาทานิยา ขนฺธา จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
[๑๖๒๖] อุปาทินฺนุปาทานิโย จ อนุปาทินฺนุปาทานิโย จ ธมฺมา
อนุปาทินฺนุปาทานิยสฺส ธมฺมสฺส อตฺถิปจฺจเยน ปจฺจโย สหชาตํ
ปุเรชาตํ ปจฺฉาชาตํ อาหารํ ฯ สหชาตา: อุปาทินฺนุปาทานิยา ขนฺธา
จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ
ปุเรชาตํ: อนุปาทินฺนุปาทานิยํ รูปายตนญฺจ วตฺถุ จ
อนุปาทินฺนุปาทานิยานํ ขนฺธานํ ฯ สงฺขิตฺตํ ฯ อนุปาทินฺนุปาทานิยํ
โผฏฺฐพฺพายตนญฺจ วตฺถุ จ อนุปาทินฺนุปาทานิยานํ ขนฺธานํ
อตฺถิปจฺจเยน ปจฺจโย ฯ ปจฺฉาชาตา: อุปาทินฺนุปาทานิยา ขนฺธา จ
อนุปาทินฺนุปาทานิโย กพฬึกาโร อาหาโร จ อนุปาทินฺนุปาทานิยสฺส
กายสฺส อตฺถิปจฺจเยน ปจฺจโย อุปาทินฺนุปาทานิโย จ
อนุปาทินฺนุปาทานิโย จ กพฬึกาโร อาหาโร อนุปาทินฺนุปาทานิยสฺส
กายสฺส อตฺถิปจฺจเยน ปจฺจโย ฯ
[๑๖๒๗] อุปาทินฺนุปาทานิโย จ อนุปาทินฺนุปาทานิโย จ ธมฺมา
อุปาทินฺนุปาทานิยสฺส จ อนุปาทินฺนุปาทานิยสฺส จ ธมฺมสฺส
อตฺถิปจฺจเยน ปจฺจโย อาหารํ: อนุปาทินฺนุปาทานิโย จ
อนุปาทินฺนุปาทานิโย จ กพฬึกาโร อาหาโร อุปาทินฺนุปาทานิยสฺส จ
อนุปาทินฺนุปาทานิยสฺส จ กายสฺส อตฺถิปจฺจเยน ปจฺจโย ฯ
[๑๖๒๘] อนุปาทินฺนุปาทานิโย จ อนุปาทินฺนุปาทานิโย จ
อนุปาทินฺนอนุปาทานิโย จ ธมฺมา อุปาทินฺนุปาทานิยสฺส ธมฺมสฺส
อตฺถิปจฺจเยน ปจฺจโย ปจฺฉาชาตํ อาหารํ อินฺทฺริยํ ฯ ปจฺฉาชาตา:
อนุปาทินฺนอนุปาทานิยา ขนฺธา จ อนุปาทินฺนุปาทานิโย กพฬึกาโร
อาหาโร จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
[๑๖๒๙] อุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส นตฺถิปจฺจเยน ปจฺจโย ... วิคตปจฺจเยน ปจฺจโย
... อวิคตปจฺจเยน ปจฺจโย ฯ สงฺขิตฺตํ ฯ
[๑๖๓๐] เหตุยา สตฺต อารมฺมเณ ฉ อธิปติยา ปญฺจ
อนนฺตเร สตฺต สมนนฺตเร สตฺต สหชาเต นว อญฺญมญฺเญ
ตีณิ นิสฺสเย เอกาทส อุปนิสเย นว ปุเรชาเต สตฺต ปจฺฉาชาเต
นว อาเสวเน เทฺว กมฺเม อฏฺฐ วิปาเก ฉ อาหาเร ทฺวาทส
อินฺทฺริเย สตฺต ฌาเน สตฺต มคฺเค สตฺต สมฺปยุตฺเต ตีณิ
วิปฺปยุตฺเต ทส อตฺถิยา เตวีส นตฺถิยา สตฺต วิคเต สตฺต
อวิคเต เตวีส ฯ
[๑๖๓๑] เหตุปจฺจยา อธิปติยา จตฺตาริ ... สหชาเต สตฺต
อญฺญมญฺเญ ตีณิ นิสฺสเย สตฺต วิปาเก ฉ อินฺทฺริเย สตฺต มคฺเค สตฺต
สมฺปยุตฺเต ตีณิ วิปฺปยุตฺเต จตฺตาริ อตฺถิยา สตฺต อวิคเต สตฺต ฯ
สงฺขิตฺตํ
ยถา กุสลตฺติกสฺส คณนา สชฺฌายมคฺเคน
คณิตา เอวํ คเณตพฺพา ฯ
กุสลตฺติกสฺส คณนโต อุปาทินฺนตฺติเก คณนา คมฺภีรา
สุขุมตรา จ เอวํ กาตูน อสมฺโมหนฺเตน คเณตพฺพํ ฯ
อนุโลมํ ฯ
[๑๖๓๒] อุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย
... ปจฺฉาชาตปจฺจเยน ปจฺจโย ... อาหารปจฺจเยน ปจฺจโย
... อินฺทฺริยปจฺจเยน ปจฺจโย ฯ
[๑๖๓๓] อุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย
... ปจฺฉาชาตปจฺจเยน ปจฺจโย ... อาหารปจฺจเยน ปจฺจโย ฯ
[๑๖๓๔] อุปาทินฺนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย ฯ
[๑๖๓๕] อุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส สหชาตปจฺจเยน ปจฺจโย
... ปจฺฉาชาตปจฺจเยน ปจฺจโย ... อาหารปจฺจเยน ปจฺจโย ฯ
[๑๖๓๖] อนุปาทินฺนุปาทานิโย ธมฺโม อนุปาทินฺนุปาทานิยสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย
... ปจฺฉาชาตปจฺจเยน ปจฺจโย ... อาหารปจฺจเยน ปจฺจโย ฯ
[๑๖๓๗] อนุปาทินฺนุปาทานิโย ธมฺโม อุปาทินฺนุปาทานิยสฺส
ธมฺมสฺส อารมฺมณปจฺจเยน ปจฺจโย ... อุปนิสฺสยปจฺจเยน ปจฺจโย
... ปุเรชาตปจฺจเยน ปจฺจโย ... ปจฺฉาชาตปจฺจเยน ปจฺจโย
กมฺมปจฺจเยน ปจฺจโย ... อาหารปจฺจเยน ปจฺจโย ฯ
[๑๖๓๘] อนุปาทินฺนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส อุปนิสฺสยปจฺจเยน ปจฺจโย ฯ
[๑๖๓๙] อนุปาทินฺนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส ปจฺฉาชาตปจฺจเยน ปจฺจโย
... อาหารปจฺจเยน ปจฺจโย ฯ
[๑๖๔๐] อนุปาทินฺนอนุปาทานิโย ธมฺโม อนุปาทินฺนอนุปาทานิยสฺส
ธมฺมสฺส สหชาตปจฺจเยน ปจฺจโย ... อุปนิสฺสยปจฺจเยน
ปจฺจโย ฯ
[๑๖๔๑] อนุปาทินฺนอนุปาทานิโย ธมฺโม อุปาทินฺนุปาทานิยสฺส
ธมฺมสฺส อุปนิสฺสยปจฺจเยน ปจฺจโย ... ปจฺฉาชาตปจฺจเยน ปจฺจโย ฯ
[๑๖๔๒] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปจฺฉาชาตปจฺจเยน ปจฺจโย ฯ
[๑๖๔๓] อนุปาทินฺนอนุปาทานิโย ธมฺโม อุปาทินฺนุปาทานิยสฺส จ
อนุปาทินฺนอนุปาทานิยสฺส จ ธมฺมสฺส สหชาตํ ปจฺฉาชาตํ ฯ
[๑๖๔๔] อนุปาทินฺนอนุปาทานิโย ธมฺโม อนุปาทินฺนุปาทานิยสฺส
จ อนุปาทินฺนอนุปาทานิยสฺส จ ธมฺมสฺส สหชาตํ ปจฺฉาชาตํ ฯ
[๑๖๔๕] อนุปาทินฺนอนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ ธมฺมสฺส ปจฺฉาชาตปจฺจเยน ปจฺจโย ฯ
[๑๖๔๖] อนุปาทินฺนอนุปาทานิโย ธมฺโม อุปาทินฺนุปาทานิยสฺส จ
อนุปาทินฺนุปาทานิยสฺส จ อนุปาทินฺนอนุปาทานิยสฺส จ ธมฺมสฺส
สหชาตํ ปจฺฉาชาตํ ฯ
[๑๖๔๗] อุปาทินฺนุปาทานิโย จ อนุปาทินฺนอนุปาทานิโย จ
ธมฺมา อุปาทินฺนุปาทานิยสฺส ธมฺมสฺส ปจฺฉาชาตํ อินฺทฺริยํ ฯ
[๑๖๔๘] อุปาทินฺนุปาทานิโย จ อนุปาทินฺนอนุปาทานิโย จ
ธมฺมา อนุปาทินฺนอนุปาทานิยสฺส ธมฺมสฺส สหชาตํ ปุเรชาตํ ฯ
[๑๖๔๙] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อุปาทินฺนุปาทานิยสฺส ธมฺมสฺส ปจฺฉาชาตํ อาหารํ ฯ
[๑๖๕๐] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อนุปาทินฺนุปาทานิยสฺส ธมฺมสฺส สหชาตํ ปจฺฉาชาตํ อาหารํ ฯ
[๑๖๕๑] อนุปาทินฺนุปาทานิโย จ อนุปาทินฺนอนุปาทานิโย จ
ธมฺมา อุปาทินฺนุปาทานิยสฺส จ อนุปาทินฺนุปาทานิยสฺส จ ธมฺมสฺส
ปจฺฉาชาตํ อาหารํ ฯ
[๑๖๕๒] อุปาทินฺนุปาทานิโย จ อนุปาทินฺนุปาทานิโย จ ธมฺมา
อุปาทินฺนุปาทานิยสฺส ธมฺมสฺส ปุเรชาตํ ปจฺฉาชาตํ อาหารํ
อินฺทฺริยํ ฯ
[๑๖๕๓] อุปาทินฺนุปาทานิโย จ อนุปาทินฺนุปาทานิโย จ ธมฺมา
อนุปาทินฺนุปาทานิยสฺส ธมฺมสฺส สหชาตํ ปุเรชาตํ ปจฺฉาชาตํ
อาหารํ ฯ
[๑๖๕๔] อุปาทินฺนุปาทานิโย จ อนุปาทินฺนุปาทานิโย จ ธมฺมา
อุปาทินฺนุปาทานิยสฺส จ อนุปาทินฺนุปาทานิยสฺส จ ธมฺมสฺส อาหารํ ฯ
[๑๖๕๕] อุปาทินฺนุปาทานิโย จ อนุปาทินฺนุปาทานิโย จ
อนุปาทินฺนอนุปาทานิโย จ ธมฺมา อุปาทินฺนุปาทานิยสฺส ธมฺมสฺส
ปจฺฉาชาตํ อาหารํ อินฺทฺริยํ ฯ
[๑๖๕๖] นเหตุยา จตุวีสติ นอารมฺมเณ จตุวีสติ นอธิปติยา
จตุวีสติ นอนนฺตเร จตุวีสติ นสมนนฺตเร จตุวีสติ นสหชาเต วีสติ
นอญฺญมญฺเญ วีสติ นนิสฺสเย วีสติ นอุปนิสฺสเย เตวีสติ นปุเรชาเต
เตวีสติ นปจฺฉาชาเต สตฺตรส นอาเสวเน จตุวีสติ นกมฺเม
จตุวีสติ นวิปาเก จตุวีสติ นอาหาเร วีสติ นอินฺทฺริเย พาวีสติ
นฌาเน จตุวีสติ นมคฺเค จตุวีสติ นสมฺปยุตฺเต วีสติ น
วิปฺปยุตฺเต จุทฺทส โนอตฺถิยา นว โนนตฺถิยา จตุวีสติ โนวิคเต
จตุวีสติ โนอวิคเต นว ฯ
[๑๖๕๗] นเหตุปจฺจยา นอารมฺมเณ จตุวีส ฯ สงฺขิตฺตํ ฯ ยถา
กุสลตฺติเก ปจฺจนียคณนา วิตฺถาริตา เอวํ วิตฺถาเรตพฺพํ ฯ
ปจฺจนียํ ฯ
[๑๖๕๘] เหตุปจฺจยา นอารมฺมเณ สตฺต ... นอธิปติยา สตฺต
นอนนฺตเร สตฺต นสมนนฺตเร สตฺต นอญฺญมญฺเญ จตฺตาริ นอุปนิสฺสเย
สตฺต นปุเรชาเต สตฺต นปจฺฉาชาเต สตฺต นอาเสวเน
สตฺต นกมฺเม สตฺต นวิปาเก จตฺตาริ นอาหาเร สตฺต นอินฺทฺริเย
สตฺต นฌาเน สตฺต นมคฺเค สตฺต นสมฺปยุตฺเต จตฺตาริ นวิปฺปยุตฺเต
ตีณิ โนนตฺถิยา สตฺต โนวิคเต สตฺต ฯ เหตุสหชาตนิสฺสยอตฺถิอวิคตนฺติ
นอารมฺมเณ สตฺต ... นอธิปติยา สตฺต นอนนฺตเร
สตฺต ฯ
สงฺขิตฺตํ
ยถา กุสลตฺติเก อนุโลมปจฺจนียคณนา
วิภตฺตา เอวํ คเณตพฺพา ฯ
อนุโลมปจฺจนียํ ฯ
[๑๖๕๙] นเหตุปจฺจยา อารมฺมเณ ฉ ... อธิปติยา ปญฺจ
อนนฺตเร สตฺต สมนนฺตเร สตฺต สหชาเต นว อญฺญมญฺเญ ตีณิ
นิสฺสเย เอกาทส อุปนิสฺสเย นว ปุเรชาเต สตฺต ปจฺฉาชาเต นว
อาเสวเน เทฺว กมฺเม อฏฺฐ วิปาเก ฉ อาหาเร ทฺวาทส อินฺทฺริเย
สตฺต ฌาเน สตฺต มคฺเค สตฺต สมฺปยุตฺเต ตีณิ วิปฺปยุตฺเต ทส
อตฺถิยา เตวีสติ นตฺถิยา สตฺต วิคเต สตฺต อวิคเต เตวีสติ ฯ
สงฺขิตฺตํ
ยถา กุสลตฺติเก ปจฺจนียานุโลมคณนา
วิภตฺตา เอวํ คเณตพฺพา ฯ
อุปาทินฺนตฺติกํ จตุตฺถํ
นิฏฺฐิตํ ฯ
-----------
สงฺกิลิฏฺฐตฺติกํ
ปฏิจฺจวาโร
[๑๖๖๐] สงฺกิลิฏฺฐสงฺกิเลสิกํ ธมฺมํ ปฏิจฺจ สงฺกิลิฏฺฐสงฺกิเลสิโก
ธมฺโม อุปฺปชฺชติ เหตุปจฺจยา สงฺกิลิฏฺฐสงฺกิเลสิกํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
สงฺกิลิฏฺฐสงฺกิเลสิกํ ธมฺมํ ปฏิจฺจ อสงฺกิลิฏฺฐสงฺกิเลสิโก ธมฺโม
อุปฺปชฺชติ เหตุปจฺจยา สงฺกิลิฏฺฐสงฺกิเลสิเก ขนฺเธ ปฏิจฺจ
จิตฺตสมุฏฺฐานํ รูปํ ฯ สงฺกิลิฏฺฐสงฺกิเลสิกํ ธมฺมํ ปฏิจฺจ สงฺกิลิฏฺฐสงฺกิเลสิโก
จ อสงฺกิฏฺฐสงฺกิเลสิโก จ ธมฺมา อุปฺปชฺชนฺติ เหตุปจฺจยา
สงฺกิลิฏฺฐสงฺกิเลสิกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ รูปํ ฯ
[๑๖๖๑] อสงฺกิลิฏฺฐสงฺกิเลสิกํ ธมฺมํ ปฏิจฺจ อสงฺกิลิฏฺฐสงฺกิเลสิโก
ธมฺโม อุปฺปชฺชติ เหตุปจฺจยา อสงฺกิลิฏฺฐสงฺกิเลสิกํ เอกํ
ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ
ปฏิจฺจ เทฺว ขนฺธา จิตฺตสมุฏฺฐานญฺจ รูปํ ปฏิสนฺธิกฺขเณ
อสงฺกิลิฏฺฐสงฺกิเลสิกํ เอกํ ขนฺธํ ปฏิจฺจ ตโย ขนฺธา กฏตฺตา จ รูปํ
เทฺว ขนฺเธ ปฏิจฺจ เทฺว ขนฺธา กฏตฺตา จ รูปํ ขนฺเธ ปฏิจฺจ
วตฺถุ วตฺถุํ ปฏิจฺจ ขนฺธา เอกํ มหาภูตํ ปฏิจฺจ ตโย มหาภูตา
มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํ ฯ
[๑๖๖๒] อสงฺกิลิฏฺฐอสงฺกิเลสิกํ ธมฺมํ ปฏิจฺจ อสงฺกิลิฏฺฐอสงฺกิเลสิโก
ธมฺโม อุปฺปชฺชติ เหตุปจฺจยา อสงฺกิลิฏฺฐอสงฺกิเลสิกํ
เอกํ ขนฺธํ ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา
อสงฺกิลิฏฺฐอสงฺกิเลสิกํ ธมฺมํ ปฏิจฺจ อสงฺกิลิฏฺฐสงฺกิเลสิโก ธมฺโม
อุปฺปชฺชติ เหตุปจฺจยา อสงฺกิลิฏฺฐอสงฺกิเลสิเก ขนฺเธ ปฏิจฺจ จิตฺตสมุฏฺฐานํ
รูปํ ฯ อสงฺกิลิฏฺฐอสงฺกิเลสิกํ ธมฺมํ ปฏิจฺจ อสงฺกิลิฏฺฐสงฺกิเลสิโก
จ อสงฺกิลิฏฺฐอสงฺกิเลสิโก จ ธมฺมา อุปฺปชฺชนฺติ เหตุปจฺจยา
อสงฺกิลิฏฺฐอสงฺกิเลสิกํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ
รูปํ ฯ
[๑๖๖๓] อสงฺกิลิฏฺฐสงฺกิเลสิกญฺจ อสงฺกิลิฏฺฐอสงฺกิเลสิกญฺจ
ธมฺมํ ปฏิจฺจ อสงฺกิลิฏฺฐสงฺกิเลสิโก ธมฺโม อุปฺปชฺชติ เหตุปจฺจยา
อสงฺกิลิฏฺฐอสงฺกิเลสิเก ขนฺเธ จ มหาภูเต จ ปฏิจฺจ จิตฺตสมุฏฺฐานํ
รูปํ ฯ
[๑๖๖๔] สงฺกิลิฏฺฐสงฺกิเลสิกญฺจ อสงฺกิลิฏฺฐสงฺกิเลสิกญฺจ ธมฺมํ
ปฏิจฺจ อสงฺกิลิฏฺฐสงฺกิเลสิโก ธมฺโม อุปฺปชฺชติ เหตุปจฺจยา
สงฺกิลิฏฺฐสงฺกิเลสิเก ขนฺเธ จ มหาภูเต จ ปฏิจฺจ จิตฺตสมุฏฺฐานํ
รูปํ ฯ สงฺขิตฺตํ ฯ
[๑๖๖๕] เหตุยา นว อารมฺมเณ ตีณิ ฯ สงฺขิตฺตํ ฯ วิปาเก
ปญฺจ อวิคเต นว ฯ ยถา กุสลตฺติเก วิภตฺตํ เอวํ วิภชิตพฺพํ ฯ
[๑๖๖๖] สงฺกิลิฏฺฐสงฺกิเลสิกํ ธมฺมํ ปฏิจฺจ สงฺกิลิฏฺฐสงฺกิเลสิโก
ธมฺโม อุปฺปชฺชติ นเหตุปจฺจยา วิจิกิจฺฉาสหคเต อุทฺธจฺจสหคเต
ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
[๑๖๖๗] อสงฺกิลิฏฺฐสงฺกิเลสิกํ ธมฺมํ ปฏิจฺจ อสงฺกิลิฏฺฐสงฺกิเลสิโก
ธมฺโม อุปฺปชฺชติ นเหตุปจฺจยา อเหตุกํ อสงฺกิลิฏฺฐสงฺกิเลสิกํ
เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ
อเหตุกปฏิสนฺธิกฺขเณ อสญฺญสตฺตานํ เอกํ มหาภูตํ ... ฯ สงฺขิตฺตํ ฯ
ยถา กุสลตฺติเก วิภตฺตํ เอวํ วิภชิตพฺพํ ฯ
นเหตุยา เทฺว นอารมฺมเณ ปญฺจ นอธิปติยา ฉ ฯ สงฺขิตฺตํ ฯ
เหตุปจฺจยา นอารมฺมเณ ปญฺจ ฯ สงฺขิตฺตํ ฯ
นเหตุปจฺจยา อารมฺมเณ เทฺว ฯ สงฺขิตฺตํ ฯ
สหชาตวาโรปิ ปจฺจยนิสฺสยสํสฏฺฐสมฺปยุตฺตวาโรปิ
วิตฺถาเรตพฺโพ ฯ
ปญฺหาวาโร
[๑๖๖๘] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส เหตุปจฺจเยน ปจฺจโย สงฺกิลิฏฺฐสงฺกิเลสิกา เหตู สมฺปยุตฺตกานํ
ขนฺธานํ เหตุปจฺจเยน ปจฺจโย ฯ
[๑๖๖๙] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส เหตุปจฺจเยน ปจฺจโย สงฺกิลิฏฺฐสงฺกิเลสิกา เหตู จิตฺตสมุฏฺฐานานํ
รูปานํ เหตุปจฺจเยน ปจฺจโย ฯ
[๑๖๗๐] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส จ
อสงฺกิลิฏฺฐสงฺกิเลสิกสฺส จ ธมฺมสฺส เหตุปจฺจเยน ปจฺจโย
สงฺกิลิฏฺฐสงฺกิเลสิกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ฯ
[๑๖๗๑] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส เหตุปจฺจเยน ปจฺจโย อสงฺกิลิฏฺฐสงฺกิเลสิกา เหตู สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย
ปฏิสนฺธิกฺขเณ อสงฺกิลิฏฺฐสงฺกิเลสิกา เหตู สมฺปยุตฺตกานํ ขนฺธานํ
กฏตฺตา จ รูปานํ เหตุปจฺจเยน ปจฺจโย ฯ
[๑๖๗๒] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส เหตุปจฺจเยน ปจฺจโย อสงฺกิลิฏฺฐอสงฺกิเลสิกา
เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
[๑๖๗๓] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส เหตุปจฺจเยน ปจฺจโย อสงฺกิลิฏฺฐอสงฺกิเลสิกา เหตู
จิตฺตสมุฏฺฐานานํ รูปานํ เหตุปจฺจเยน ปจฺจโย ฯ
[๑๖๗๔] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
จ อสงฺกิลิฏฺฐอสงฺกิเลสิกสฺส จ ธมฺมสฺส เหตุปจฺจเยน ปจฺจโย
อสงฺกิลิฏฺฐอสงฺกิเลสิกา เหตู สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
[๑๖๗๕] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ราคํ อสฺสาเทติ อภินนฺทติ
ตํ อารพฺภ ราโค อุปฺปชฺชติ ทิฏฺฐิ อุปฺปชฺชติ วิจิกิจฺฉา อุปฺปชฺชติ
อุทฺธจฺจํ อุปฺปชฺชติ โทมนสฺสํ อุปฺปชฺชติ ทิฏฺฐึ อสฺสาเทติ
วิจิกิจฺฉํ อารพฺภ อุทฺธจฺจํ อารพฺภ โทมนสฺสํ อารพฺภ ฯ ยถา
กุสลตฺติเก วิภตฺตํ เอวํ วิภชิตพฺพํ ฯ
[๑๖๗๖] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย อริยา ปหีเน กิเลเส ปจฺจเวกฺขนฺติ
วิกฺขมฺภิเต กิเลเส ปจฺจเวกฺขนฺติ ปุพฺเพ สมุทาจิณฺเณ กิเลเส ชานนฺติ
สงฺกิลิฏฺฐสงฺกิเลสิเก ขนฺเธ อนิจฺจโต ทุกฺขโต อนตฺตโต วิปสฺสนฺติ
เจโตปริยญาเณน สงฺกิลิฏฺฐสงฺกิเลสิกจิตฺตสมงฺคิสฺส จิตฺตํ ชานนฺติ
เสกฺขา วา ปุถุชฺชนา วา สงฺกิลิฏฺฐสงฺกิเลสิเก ขนฺเธ อนิจฺจโต
ทุกฺขโต อนตฺตโต วิปสฺสนฺติ กุสเล นิรุทฺเธ วิปาโก ตทารมฺมณตา
อุปฺปชฺชติ สงฺกิลิฏฺฐสงฺกิเลสิเก ขนฺเธ อสฺสาเทนฺติ อภินนฺทนฺติ
โทมนสฺสํ อุปฺปชฺชติ อกุสเล นิรุทฺเธ วิปาโก ตทารมฺมณตา
อุปฺปชฺชติ สงฺกิลิฏฺฐสงฺกิเลสิกา ขนฺธา เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมูปคญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
[๑๖๗๗] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ทานํ ทตฺวา สีลํ
สมาทิยิตฺวา อุโปสถกมฺมํ กตฺวา ตํ ปจฺจเวกฺขติ ปุพฺเพ สุจิณฺณานิ
ปจฺจเวกฺขติ ฌานา วุฏฺฐหิตฺวา ฌานํ ปจฺจเวกฺขติ อริยา โคตฺรภุํ
ปจฺจเวกฺขนฺติ โวทานํ ปจฺจเวกฺขนฺติ จกฺขุํ อนิจฺจโต ทุกฺขโต
อนตฺตโต วิปสฺสนฺติ โสตํ ... ฆานํ ชิวฺหํ กายํ รูเป สทฺเท คนฺเธ
รเส โผฏฺฐพฺเพ วตฺถุํ ... อสงฺกิลิฏฺฐสงฺกิเลสิเก ขนฺเธ อนิจฺจโต
ทุกฺขโต อนตฺตโต วิปสฺสนฺติ ทิพฺเพน จกฺขุนา รูปํ ปสฺสนฺติ
ทิพฺพาย โสตธาตุยา สทฺทํ สุณนฺติ เจโตปริยญาเณน
อสงฺกิลิฏฺฐสงฺกิเลสิกจิตฺตสมงฺคิสฺส จิตฺตํ ชานนฺติ อากาสานญฺจายตนํ
วิญฺญาณญฺจายตนสฺส อากิญฺจญฺญายตนํ เนวสญฺญานาสญฺญายตนสฺส
อารมฺมณปจฺจเยน ปจฺจโย รูปายตนํ จกฺขุวิญฺญาณสฺส อารมฺมณปจฺจเยน
ปจฺจโย ฯเปฯ โผฏฺฐพฺพายตนํ กายวิญฺญาณสฺส อารมฺมณปจฺจเยน
ปจฺจโย อสงฺกิลิฏฺฐสงฺกิเลสิกา ขนฺธา อิทฺธิวิธญาณสฺส เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมูปคญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
[๑๖๗๘] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ทานํ ทตฺวา สีลํ สมาทิยิตฺวา
อุโสถกมฺมํ กตฺวา ตํ อสฺสาเทติ อภินนฺทติ ตํ อารพฺภ
ราโค อุปฺปชฺชติ ทิฏฺฐิ อุปฺปชฺชติ โทมนสฺสํ อุปฺปชฺชติ ปุพฺเพ
สุจิณฺณานิ อสฺสาเทติ ฌานา วุฏฺฐหิตฺวา ฌานํ อสฺสาเทติ จกฺขุํ
อสฺสาเทติ ... โผฏฺฐพฺเพ ... วตฺถุํ ... อสงฺกิลิฏฺฐสงฺกิเลสิเก ขนฺเธ
อสฺสาเทติ อภินนฺทติ ตํ อารพฺภ ราโค อุปฺปชฺชติ โทมนสฺสํ
อุปฺปชฺชติ ฯ
[๑๖๗๙] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อารมฺมณปจฺจเยน ปจฺจโย นิพฺพานํ มคฺคสฺส ผลสฺส
อารมฺมณปจฺจเยน ปจฺจโย ฯ
[๑๖๘๐] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย อริยา มคฺคา วุฏฺฐหิตฺวา
มคฺคํ ปจฺจเวกฺขนฺติ ผลํ ปจฺจเวกฺขนฺติ นิพฺพานํ ปจฺจเวกฺขนฺติ
นิพฺพานํ โคตฺรภุสฺส โวทานสฺส อาวชฺชนาย อารมฺมณปจฺจเยน
ปจฺจโย อริยา เจโตปริยญาเณน อสงฺกิลิฏฺฐอสงฺกิเลสิกจิตฺตสมงฺคิสฺส
จิตฺตํ ชานนฺติ อสงฺกิลิฏฺฐอสงฺกิเลสิกา ขนฺธา เจโตปริยญาณสฺส
ปุพฺเพนิวาสานุสฺสติญาณสฺส อนาคตํสญาณสฺส อาวชฺชนาย
อารมฺมณปจฺจเยน ปจฺจโย ฯ
[๑๖๘๑] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: ราคํ ครุํ กตฺวา อสฺสาเทติ อภินนฺทติ ตํ ครุํ
กตฺวา ราโค อุปฺปชฺชติ ทิฏฺฐิ อุปฺปชฺชติ ทิฏฺฐึ ครุํ กตฺวา อสฺสาเทติ
อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ ฯ
สหชาตาธิปติ: สงฺกิลิฏฺฐสงฺกิเลสิกาธิปติ สมฺปยุตฺตกานํ ขนฺธานํ
อธิปติปจฺจเยน ปจฺจโย ฯ
[๑๖๘๒] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อธิปติปจฺจเยน ปจฺจโย ฯ สหชาตาธิปติ: สงฺกิลิฏฺฐสงฺกิเลสิกาธิปติ
จิตฺตสมุฏฺฐานานํ รูปานํ อธิปติปจฺจเยน ปจฺจโย ฯ
[๑๖๘๓] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส จ
อสงฺกิลิฏฺฐสงฺกิเลสิกสฺส จ ธมฺมสฺส อธิปติปจฺจเยน ปจฺจโย ฯ
สหชาตาธิปติ: สงฺกิลิฏฺฐสงฺกิเลสิกาธิปติ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
[๑๖๘๔] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: ทานํ ทตฺวา สีลํ สมาทิยิตฺวา อุโปสถกมฺมํ
กตฺวา ตํ ครุํ กตฺวา ปจฺจเวกฺขติ ปุพฺเพ สุจิณฺณานิ ครุํ กตฺวา
ปจฺจเวกฺขติ ฌานา วุฏฺฐหิตฺวา ฌานํ ครุํ กตฺวา ปจฺจเวกฺขติ
เสกฺขา โคตฺรภุํ ครุํ กตฺวา ปจฺจเวกฺขนฺติ โวทานํ ครุํ กตฺวา
ปจฺจเวกฺขนฺติ ฯ สหชาตาธิปติ: อสงฺกิลิฏฺฐสงฺกิเลสิกาธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ
[๑๖๘๕] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อธิปติปจฺจเยน ปจฺจโย ฯ อารมฺมณาธิปติ: ทานํ
ทตฺวา สีลํ สมาทิยิตฺวา อุโปสถกมฺมํ กตฺวา ตํ ครุํ กตฺวา อสฺสาเทติ
อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ
ปุพฺเพ สุจิณฺณานิ ครุํ กตฺวา อสฺสาเทติ อภินนฺทติ ฌานา
วุฏฺฐหิตฺวา ฌานํ ครุํ กตฺวา อสฺสาเทติ อภินนฺทติ จกฺขุํ ครุํ กตฺวา
อสฺสาเทติ อภินนฺทติ โผฏฺฐพฺเพ ... วตฺถุํ ... อสงฺกิลิฏฺฐสงฺกิเลสิเก
ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา ราโค
อุปฺปชฺชติ ทิฏฺฐิ อุปฺปชฺชติ ฯ
[๑๖๘๖] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อธิปติปจฺจเยน ปจฺจโย อารมฺมณาธิปติ
สหชาตาธิปติ ฯ อารมฺมณาธิปติ: นิพฺพานํ มคฺคสฺส ผลสฺส
อธิปติปจฺจเยน ปจฺจโย ฯ สหชาตาธิปติ: อสงฺกิลิฏฺฐอสงฺกิเลสิกาธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
[๑๖๘๗] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อธิปติปจฺจเยน ปจฺจโย อารมฺมณาธิปติ สหชาตาธิปติ ฯ
อารมฺมณาธิปติ: อริยา มคฺคา วุฏฺฐหิตฺวา มคฺคํ ครุํ กตฺวา
ปจฺจเวกฺขนฺติ ผลํ ครุํ กตฺวา ปจฺจเวกฺขนฺติ นิพฺพานํ ครุํ กตฺวา
ปจฺจเวกฺขนฺติ นิพฺพานํ โคตฺรภุสฺส โวทานสฺส อธิปติปจฺจเยน
ปจฺจโย ฯ สหชาตาธิปติ: อสงฺกิลิฏฺฐอสงฺกิเลสิกาธิปติ จิตฺตสมุฏฺฐานานํ
รูปานํ อธิปติปจฺจเยน ปจฺจโย ฯ
[๑๖๘๘] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐ
อสงฺกิเลสิกสฺส จ อสงฺกิลิฏฺฐสงฺกิเลสิกสฺส จ ธมฺมสฺส อธิปติปจฺจเยน
ปจฺจโย ฯ สหชาตาธิปติ: อสงฺกิลิฏฺฐอสงฺกิเลสิกาธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
[๑๖๘๙] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อนนฺตรปจฺจเยน ปจฺจโย ปุริมา ปุริมา สงฺกิลิฏฺฐสงฺกิเลสิกา
ขนฺธา ปจฺฉิมานํ ปจฺฉิมานํ สงฺกิลิฏฺฐสงฺกิเลสิกานํ ขนฺธานํ
อนนฺตรปจฺจเยน ปจฺจโย ฯ
[๑๖๙๐] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อนนฺตรปจฺจเยน ปจฺจโย สงฺกิลิฏฺฐสงฺกิเลสิกา ขนฺธา
วุฏฺฐานสฺส อนนฺตรปจฺจเยน ปจฺจโย ฯ
[๑๖๙๑] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อนนฺตรปจฺจเยน ปจฺจโย ปุริมา ปุริมา อสงฺกิลิฏฺฐสงฺกิเลสิกา
ขนฺธา ปจฺฉิมานํ ปจฺฉิมานํ อสงฺกิลิฏฺฐสงฺกิเลสิกานํ
ขนฺธานํ อนนฺตรปจฺจเยน ปจฺจโย อนุโลมํ โคตฺรภุสฺส อนุโลมํ
โวทานสฺส อาวชฺชนา อสงฺกิลิฏฺฐสงฺกิเลสิกานํ ขนฺธานํ อนนฺตรปจฺจเยน
ปจฺจโย ฯ
[๑๖๙๒] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อนนฺตรปจฺจเยน ปจฺจโย อาวชฺชนา สงฺกิลิฏฺฐสงฺกิเลสิกานํ
ขนฺธานํ อนนฺตรปจฺจเยน ปจฺจโย ฯ
[๑๖๙๓] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อนนฺตรปจฺจเยน ปจฺจโย โคตฺรภุ มคฺคสฺส โวทานํ
มคฺคสฺส อนุโลมํ ผลสมาปตฺติยา นิโรธา วุฏฺฐหนฺตสฺส เนวสญฺญานาสญฺญายตนํ
ผลสมาปตฺติยา อนนฺตรปจฺจเยน ปจฺจโย ฯ
[๑๖๙๔] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อนนฺตรปจฺจเยน ปจฺจโย ปุริมา ปุริมา
อสงฺกิลิฏฺฐอสงฺกิเลสิกา ขนฺธา ปจฺฉิมานํ ปจฺฉิมานํ อสงฺกิลิฏฺฐอสงฺกิเลสิกานํ
ขนฺธานํ อนนฺตรปจฺจเยน ปจฺจโย มคฺโค ผลสฺส
ผลํ ผลสฺส อนนฺตรปจฺจเยน ปจฺจโย ฯ
[๑๖๙๕] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อนนฺตรปจฺจเยน ปจฺจโย ผลํ วุฏฺฐานสฺส
อนนฺตรปจฺจเยน ปจฺจโย ฯ
[๑๖๙๖] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส สมนนฺตรปจฺจเยน ปจฺจโย ฯเปฯ ... สหชาตปจฺจเยน
ปจฺจโย ... อญฺญมญฺญปจฺจเยน ปจฺจโย ... นิสฺสยปจฺจเยน ปจฺจโย
... อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: ราคํ อุปนิสฺสาย ปาณํ หนติ
สงฺฆํ ภินฺทติ โทสํ อุปนิสฺสาย ปาณํ หนติ สงฺฆํ ภินฺทติ ราโค ...
ปตฺถนา ราคสฺส ปตฺถนาย อุปนิสฺสยปจฺจเยน ปจฺจโย
ปาณาติปาโต ปาณาติปาตสฺส อุปนิสฺสยปจฺจเยน ปจฺจโย นิยตมิจฺฉาทิฏฺฐิ
นิยตมิจฺฉาทิฏฺฐิยา อุปนิสฺสยปจฺจเยน ปจฺจโย ฯ
[๑๖๙๗] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ราคํ อุปนิสฺสาย ทานํ เทติ สีลํ
สมาทิยติ อุโปสถกมฺมํ กโรติ ฌานํ ... วิปสฺสนํ ... อภิญฺญํ
อุปฺปาเทติ สมาปตฺตึ อุปฺปาเทติ ปตฺถนํ อุปนิสฺสาย ทานํ เทติ
สมาปตฺตึ อุปฺปาเทติ ราโค ... ปตฺถนา สทฺธาย กายิกสฺส สุขสฺส
กายิกสฺส ทุกฺขสฺส อุปนิสฺสยปจฺจเยน ปจฺจโย ปาณํ หนฺตฺวา
ตสฺส ปฏิฆาตตฺถาย ทานํ เทติ สีลํ สมาทิยติ อุโปสถกมฺมํ กโรติ
ฌานํ อุปฺปาเทติ วิปสฺสนํ อุปฺปาเทติ อภิญฺญํ อุปฺปาเทติ สมาปตฺตึ
อุปฺปาเทติ สงฺฆํ ภินฺทิตฺวา ตสฺส ปฏิฆาตตฺถาย ทานํ เทติ
สีลํ สมาทิยติ อุโปสถกมฺมํ กโรติ อกุสลํ กมฺมํ วิปากสฺส
อุปนิสฺสยปจฺจเยน ปจฺจโย ฯ
[๑๖๙๘] สงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย ปกตูปนิสฺสโย: ราคํ อุปนิสฺสาย
มคฺคํ อุปฺปาเทติ ผลสมาปตฺตึ สมาปชฺชติ โทสํ ... ปตฺถนํ
อุปนิสฺสาย มคฺคํ อุปฺปาเทติ ผลสมาปตฺตึ สมาปชฺชติ ราโค ...
ปตฺถนา มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
[๑๖๙๙] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: สทฺธํ อุปนิสฺสาย ทานํ
เทติ สมาปตฺตึ อุปฺปาเทติ สีลํ ... สุตํ จาคํ ปญฺญํ กายิกํ สุขํ
กายิกํ ทุกฺขํ อุตุํ โภชนํ ... เสนาสนํ อุปนิสฺสาย ทานํ เทติ สมาปตฺตึ
อุปฺปาเทติ สทฺธา ... เสนาสนํ สทฺธาย กายิกสฺส สุขสฺส
อุปนิสฺสยปจฺจเยน ปจฺจโย กุสลํ กมฺมํ วิปากสฺส อุปนิสฺสยปจฺจเยน
ปจฺจโย ปฐมสฺส ฌานสฺส ปริกมฺมํ ปฐมสฺส ฌานสฺส
อากิญฺจญฺญายตนํ เนวสญฺญานาสญฺญายตนสฺส ฯ
[๑๗๐๐] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯ ปกตูปนิสฺสโย: สทฺธํ อุปนิสฺสาย มานํ
ชปฺเปติ ทิฏฺฐึ คณฺหาติ สีลํ ... เสนาสนํ อุปนิสฺสาย ปาณํ หนติ
สงฺฆํ ภินฺทติ สทฺธา ... เสนาสนํ ราคสฺส ปตฺถนาย อุปนิสฺสยปจฺจเยน
ปจฺจโย ฯ
[๑๗๐๑] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ปฐมสฺส มคฺคสฺส ปริกมฺมํ ปฐมสฺส
มคฺคสฺส ... ทุติยสฺส ตติยสฺส จตุตฺถสฺส มคฺคสฺส อุปนิสฺสยปจฺจเยน
ปจฺจโย ฯ
[๑๗๐๒] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ปฐโม มคฺโค
ทุติยสฺส มคฺคสฺส ทุติโย มคฺโค ตติยสฺส มคฺคสฺส ตติโย มคฺโค
จตุตฺถสฺส มคฺคสฺส จตุตฺโถ มคฺโค ผลสมาปตฺติยา
อุปนิสฺสยปจฺจเยน ปจฺจโย ฯ
[๑๗๐๓] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: อริยา
มคฺคํ อุปนิสฺสาย อนุปฺปนฺนํ สมาปตฺตึ อุปฺปาเทนฺติ อุปฺปนฺนํ สมาปตฺตึ
สมาปชฺชนฺติ สงฺขาเร อนิจฺจโต ทุกฺขโต อนตฺตโต วิปสฺสนฺติ
มคฺโค อริยานํ อตฺถปฏิสมฺภิทาย ธมฺม ... นิรุตฺติ ... ปฏิภาณ ...
ฐานาฐานโกสลฺลสฺส อุปนิสฺสยปจฺจเยน ปจฺจโย ผลสมาปตฺติ
กายิกสฺส สุขสฺส อุปนิสฺสยปจฺจเยน ปจฺจโย ฯ
[๑๗๐๔] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ อนิจฺจโต ทุกฺขโต อนตฺตโต
วิปสฺสติ โสตํ ... ฆานํ ชิวฺหํ กายํ รูเป สทฺเท คนฺเธ รเส
โผฏฺฐพฺเพ ... วตฺถุํ อนิจฺจโต ทุกฺขโต อนตฺตโต วิปสฺสติ ทิพฺเพน
จกฺขุนา รูปํ ปสฺสติ ทิพฺพาย โสตธาตุยา สทฺทํ สุณาติ รูปายตนํ
จกฺขุวิญฺญาณสฺส โผฏฺฐพฺพายตนํ กายวิญฺญาณสฺส ปุเรชาตํ ฯ
วตฺถุปุเรชาตํ: จกฺขายตนํ จกฺขุวิญฺญาณสฺส กายายตนํ
กายวิญฺญาณสฺส ปุเรชาตปจฺจเยน ปจฺจโย วตฺถุ อสงฺกิลิฏฺฐสงฺกิเลสิกานํ
ขนฺธานํ ปุเรชาตปจฺจเยน ปจฺจโย ฯ
[๑๗๐๕] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส ปุเรชาตปจฺจเยน ปจฺจโย อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ อสฺสาเทติ อภินนฺทติ ตํ อารพฺภ
ราโค อุปฺปชฺชติ โทมนสฺสํ อุปฺปชฺชติ โสตํ ... ฯเปฯ โผฏฺฐพฺเพ ...
วตฺถุํ อสฺสาเทติ อภินนฺทติ ตํ อารพฺภ ราโค อุปฺปชฺชติ โทมนสฺสํ
อุปฺปชฺชติ ฯ วตฺถุปุเรชาตํ: วตฺถุ สงฺกิลิฏฺฐสงฺกิเลสิกานํ ขนฺธานํ
ปุเรชาตปจฺจเยน ปจฺจโย ฯ
[๑๗๐๖] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส ปุเรชาตปจฺจเยน ปจฺจโย วตฺถุ อสงฺกิลิฏฺฐอสงฺกิเลสิกานํ
ขนฺธานํ ปุเรชาตปจฺจเยน ปจฺจโย ฯ
[๑๗๐๗] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส ปจฺฉาชาตปจฺจเยน ปจฺจโย ปจฺฉาชาตา: สงฺกิลิฏฺฐสงฺกิเลสิกา
ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย ฯ
[๑๗๐๘] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส ปจฺฉาชาตปจฺจเยน ปจฺจโย ปจฺฉาชาตา: อสงฺกิลิฏฺฐสงฺกิเลสิกา
ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน
ปจฺจโย ฯ
[๑๗๐๙] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส ปจฺฉาชาตปจฺจเยน ปจฺจโย ปจฺฉาชาตา: อสงฺกิลิฏฺฐอสงฺกิเลสิกา
ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน
ปจฺจโย ฯ
[๑๗๑๐] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อาเสวนปจฺจเยน ปจฺจโย ปุริมา ปุริมา สงฺกิลิฏฺฐสงฺกิเลสิกา
ขนฺธา ปจฺฉิมานํ ปจฺฉิมานํ สงฺกิลิฏฺฐสงฺกิเลสิกานํ
ขนฺธานํ อาเสวนปจฺจเยน ปจฺจโย ฯ
[๑๗๑๑] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อาเสวนปจฺจเยน ปจฺจโย ปุริมา ปุริมา ฯเปฯ อนุโลมํ
โคตฺรภุสฺส อนุโลมํ โวทานสฺส อาเสวนปจฺจเยน ปจฺจโย ฯ
[๑๗๑๒] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อาเสวนปจฺจเยน ปจฺจโย โคตฺรภุ มคฺคสฺส
โวทานํ มคฺคสฺส อาเสวนปจฺจเยน ปจฺจโย ฯ
[๑๗๑๓] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส กมฺมปจฺจเยน ปจฺจโย สงฺกิลิฏฺฐสงฺกิเลสิกา เจตนา
สมฺปยุตฺตกานํ ขนฺธานํ กมฺมปจฺจเยน ปจฺจโย ฯ
[๑๗๑๔] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา:
สงฺกิลิฏฺฐสงฺกิเลสิกา เจตนา จิตฺตสมุฏฺฐานานํ รูปานํ กมฺมปจฺจเยน
ปจฺจโย ฯ นานาขณิกา: สงฺกิลิฏฺฐสงฺกิเลสิกา เจตนา
วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
[๑๗๑๕] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส จ
อสงฺกิลิฏฺฐสงฺกิเลสิกสฺส จ ธมฺมสฺส กมฺมปจฺจเยน ปจฺจโย
สงฺกิลิฏฺฐสงฺกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ กมฺมปจฺจเยน ปจฺจโย ฯ
[๑๗๑๖] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ สหชาตา:
อสงฺกิลิฏฺฐสงฺกิเลสิกา เจตนา สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ นานาขณิกา:
อสงฺกิลิฏฺฐสงฺกิเลสิกา เจตนา วิปากานํ ขนฺธานํ กฏตฺตา จ
รูปานํ กมฺมปจฺจเยน ปจฺจโย ฯ
[๑๗๑๗] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส กมฺมปจฺจเยน ปจฺจโย สหชาตา นานาขณิกา ฯ
สหชาตา: อสงฺกิลิฏฺฐอสงฺกิเลสิกา เจตนา สมฺปยุตฺตกานํ ขนฺธานํ
กมฺมปจฺจเยน ปจฺจโย ฯ นานาขณิกา: อสงฺกิลิฏฺฐอสงฺกิเลสิกา
เจตนา วิปากานํ อสงฺกิลิฏฺฐอสงฺกิเลสิกานํ ขนฺธานํ กมฺมปจฺจเยน
ปจฺจโย ฯ
[๑๗๑๘] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส กมฺมปจฺจเยน ปจฺจโย สหชาตา: อสงฺกิลิฏฺฐอสงฺกิเลสิกา
เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโย ฯ
[๑๗๑๙] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
จ อสงฺกิลิฏฺฐอสงฺกิเลสิกสฺส จ ธมฺมสฺส กมฺมปจฺจเยน ปจฺจโย
สหชาตา: อสงฺกิลิฏฺฐอสงฺกิเลสิกา เจตนา สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
[๑๗๒๐] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส วิปากปจฺจเยน ปจฺจโย วิปาโก อสงฺกิลิฏฺฐสงฺกิเลสิโก
เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ
วิปากปจฺจเยน ปจฺจโย เทฺว ขนฺธา ทฺวินฺนํ ขนฺธานํ ปฏิสนฺธิกฺขเณ
อสงฺกิลิฏฺฐสงฺกิเลสิโก เอโก ขนฺโธ ติณฺณนฺนํ ขนฺธานํ กฏตฺตา จ
รูปานํ วิปากปจฺจเยน ปจฺจโย เทฺว ขนฺธา ทฺวินฺนํ ขนฺธานํ ขนฺธา
วตฺถุสฺส วิปากปจฺจเยน ปจฺจโย ฯ
[๑๗๒๑] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส วิปากปจฺจเยน ปจฺจโย วิปาโก อสงฺกิลิฏฺฐอสงฺกิเลสิโก
เอโก ขนฺโธ ติณฺณนฺนํ ขนฺธานํ วิปากปจฺจเยน
ปจฺจโย เทฺว ขนฺธา ทฺวินฺนํ ขนฺธานํ ฯ
[๑๗๒๒] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส วิปากปจฺจเยน ปจฺจโย วิปากา อสงฺกิลิฏฺฐอสงฺกิเลสิกา
ขนฺธา จิตฺตสมุฏฺฐานานํ รูปานํ วิปากปจฺจเยน ปจฺจโย ฯ
[๑๗๒๓] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
จ อสงฺกิลิฏฺฐอสงฺกิเลสิกสฺส จ ธมฺมสฺส วิปากปจฺจเยน ปจฺจโย
อสงฺกิลิฏฺฐอสงฺกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ
รูปานํ วิปากปจฺจเยน ปจฺจโย เทฺว ขนฺธา ฯเปฯ
[๑๗๒๔] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อาหารปจฺจเยน ปจฺจโย ตีณิ ฯ
[๑๗๒๕] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อาหารปจฺจเยน ปจฺจโย อสงฺกิลิฏฺฐสงฺกิเลสิกา อาหารา
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อาหารปจฺจเยน
ปจฺจโย ปฏิสนฺธิกฺขเณ กพฬึกาโร อาหาโร อิมสฺส กายสฺส
อาหารปจฺจเยน ปจฺจโย ฯเปฯ
[๑๗๒๖] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อาหารปจฺจเยน ปจฺจโย ตีณิ ฯ
[๑๗๒๗] สงฺกิลิฏฺฐสงฺกิเลสิโก ธมฺโม สงฺกิลิฏฺฐอสงฺกิเลสิกสฺส
ธมฺมสฺส อินฺทฺริยปจฺจเยน ปจฺจโย ตีณิ ฯ อสงฺกิลิฏฺฐสงฺกิเลสิโก
ธมฺโม อสงฺกิลิฏฺฐสงฺกิเลสิกสฺส ธมฺมสฺส อินฺทฺริยปจฺจเยน ปจฺจโย
อสงฺกิลิฏฺฐสงฺกิเลสิกา อินฺทฺริยา สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อินฺทฺริยปจฺจเยน ปจฺจโย ปฏิสนฺธิกฺขเณ จกฺขุนฺทฺริยํ
จกฺขุวิญฺญาณสฺส กายินฺทฺริยํ กายวิญฺญาณสฺส อินฺทฺริยปจฺจเยน
ปจฺจโย รูปชีวิตินฺทฺริยํ กฏตฺตารูปานํ อินฺทฺริยปจฺจเยน ปจฺจโย ฯ
อสงฺกิลิฏฺฐอสงฺกิเลสิโก ธมฺโม ตีณิ ฯ
[๑๗๒๘] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส ฌานปจฺจเยน ปจฺจโย ... มคฺคปจฺจเยน ปจฺจโย
... สมฺปยุตฺตปจฺจเยน ปจฺจโย ฯ
[๑๗๒๙] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปจฺฉาชาตํ ฯ
สหชาตา: สงฺกิลิฏฺฐสงฺกิเลสิกา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ฯ ปจฺฉาชาตา: สงฺกิลิฏฺฐสงฺกิเลสิกา
ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
[๑๗๓๐] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: อสงฺกิลิฏฺฐสงฺกิเลสิกา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ปฏิสนฺธิกฺขเณ อสงฺกิลิฏฺฐสงฺกิเลสิกา
ขนฺธา กฏตฺตา จ รูปานํ วิปฺปยุตฺตปจฺจเยน ปจฺจโย ขนฺธา
วตฺถุสฺส วตฺถุ ขนฺธานํ วิปฺปยุตฺตปจฺจเยน ปจฺจโย ฯ ปุเรชาตํ:
จกฺขายตนํ จกฺขุวิญฺญาณสฺส กายายตนํ กายวิญฺญาณสฺส
วิปฺปยุตฺตปจฺจเยน ปจฺจโย วตฺถุ อสงฺกิลิฏฺฐสงฺกิเลสิกานํ ขนฺธานํ
วิปฺปยุตฺตปจฺจเยน ปจฺจโย ฯ ปจฺฉาชาตา: อสงฺกิลิฏฺฐสงฺกิเลสิกา
ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
[๑๗๓๑] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส วิปฺปยุตฺตปจฺจเยน ปจฺจโย ปุเรชาตํ: วตฺถุ สงฺกิลิฏฺฐสงฺกิเลสิกานํ
ขนฺธานํ วิปฺปยุตฺตปจฺจเยน ปจฺจโย ฯ
[๑๗๓๒] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส วิปฺปยุตฺตปจฺจเยน ปจฺจโย ปุเรชาตํ: วตฺถุ
อสงฺกิลิฏฺฐอสงฺกิเลสิกานํ ขนฺธานํ วิปฺปยุตฺตปจฺจเยน ปจฺจโย ฯ
[๑๗๓๓] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส วิปฺปยุตฺตปจฺจเยน ปจฺจโย สหชาตํ ปจฺฉาชาตํ ฯ
สหชาตา: อสงฺกิลิฏฺฐอสงฺกิเลสิกา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ฯ ปจฺฉาชาตา: อสงฺกิลิฏฺฐอสงฺกิเลสิกา
ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
[๑๗๓๔] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อตฺถิปจฺจเยน ปจฺจโย สงฺกิลิฏฺฐสงฺกิเลสิโก เอโก ขนฺโธ
ติณฺณนฺนํ ขนฺธานํ อตฺถิปจฺจเยน ปจฺจโย ฯเปฯ
[๑๗๓๕] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อตฺถิปจฺจเยน ปจฺจโย สหชาตํ ปจฺฉาชาตํ ฯ สหชาตา:
สงฺกิลิฏฺฐสงฺกิเลสิกา ขนฺธา จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ ปจฺฉาชาตา: สงฺกิลิฏฺฐสงฺกิเลสิกา ขนฺธา ปุเรชาตสฺส
อิมสฺส กายสฺส อตฺถิปจฺจเยน ปจฺจโย ฯ
[๑๗๓๖] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส จ
อสงฺกิลิฏฺฐสงฺกิเลสิกสฺส จ ธมฺมสฺส อตฺถิปจฺจเยน ปจฺจโย
สงฺกิลิฏฺฐสงฺกิเลสิโก เอโก ขนฺโธ ติณฺณนฺนํ ขนฺธานํ
จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย เทฺว ขนฺธา ... ฯ
[๑๗๓๗] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อตฺถิปจฺจเยน ปจฺจโย สหชาตํ ปุเรชาตํ ปจฺฉาชาตํ
อาหารํ อินฺทฺริยํ ฯ สหชาโต: อสงฺกิลิฏฺฐสงฺกิเลสิโก เอโก ขนฺโธ
ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย
ปฏิสนฺธิกฺขเณ อสญฺญสตฺตานํ เอกํ มหาภูตํ ติณฺณนฺนํ ขนฺธานํ
อตฺถิปจฺจเยน ปจฺจโย ฯเปฯ ปุเรชาตํ: จกฺขุํ อนิจฺจโต ทุกฺขโต
อนตฺตโต วิปสฺสติ โสตํ ... ฯเปฯ กายํ รูเป โผฏฺฐพฺเพ ... วตฺถุํ
อนิจฺจโต ทุกฺขโต อนตฺตโต วิปสฺสติ ทิพฺเพน จกฺขุนา รูปํ ปสฺสติ
ทิพฺพาย โสตธาตุยา สทฺทํ สุณาติ รูปายตนํ จกฺขุวิญฺญาณสฺส
โผฏฺฐพฺพายตนํ กายวิญฺญาณสฺส อตฺถิปจฺจเยน ปจฺจโย จกฺขายตนํ
จกฺขุวิญฺญาณสฺส กายายตนํ กายวิญฺญาณสฺส วตฺถุ อสงฺกิลิฏฺฐสงฺกิเลสิกานํ
ขนฺธานํ อตฺถิปจฺจเยน ปจฺจโย ฯ ปจฺฉาชาตา:
อสงฺกิลิฏฺฐสงฺกิเลสิกา ขนฺธา ปุเรชาตสฺส อิมสฺส กายสฺส
อตฺถิปจฺจเยน ปจฺจโย ฯ กพฬึกาโร อาหาโร อิมสฺส กายสฺส
รูปชีวิตินฺทฺริยํ กฏตฺตารูปานํ อตฺถิปจฺจเยน ปจฺจโย ฯ
[๑๗๓๘] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อตฺถิปจฺจเยน ปจฺจโย ปุเรชาตํ: จกฺขุํ อสฺสาเทติ
อภินนฺทติ ตํ อารพฺภ ราโค อุปฺปชฺชติ โทมนสฺสํ อุปฺปชฺชติ วตฺถุํ
อสฺสาเทติ วตฺถุ สงฺกิลิฏฺฐสงฺกิเลสิกานํ ขนฺธานํ อตฺถิปจฺจเยน
ปจฺจโย ฯ
[๑๗๓๙] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อตฺถิปจฺจเยน ปจฺจโย ปุเรชาตํ: วตฺถุ
อสงฺกิลิฏฺฐอสงฺกิเลสิกานํ ขนฺธานํ อตฺถิปจฺจเยน ปจฺจโย ฯ
[๑๗๔๐] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อตฺถิปจฺจเยน ปจฺจโย อสงฺกิลิฏฺฐอสงฺกิเลสิโก
เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย ฯ
[๑๗๔๑] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อตฺถิปจฺจเยน ปจฺจโย สหชาตํ ปจฺฉาชาตํ ฯ สหชาตา:
อสงฺกิลิฏฺฐอสงฺกิเลสิกา ขนฺธา จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ ปจฺฉาชาตา: อสงฺกิลิฏฺฐอสงฺกิเลสิกา ขนฺธา
ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ
[๑๗๔๒] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
จ อสงฺกิลิฏฺฐอสงฺกิเลสิกสฺส จ ธมฺมสฺส อตฺถิปจฺจเยน
ปจฺจโย อสงฺกิลิฏฺฐอสงฺกิเลสิโก เอโก ขนฺโธ ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย ฯ
[๑๗๔๓] อสงฺกิลิฏฺฐสงฺกิเลสิโก จ อสงฺกิลิฏฺฐอสงฺกิเลสิโก จ
ธมฺมา อสงฺกิลิฏฺฐสงฺกิเลสิกสฺส ธมฺมสฺส อตฺถิปจฺจเยน ปจฺจโย
สหชาตํ ปจฺฉาชาตํ อาหารํ อินฺทฺริยํ ฯ สหชาตา: อสงฺกิลิฏฺฐอสงฺกิเลสิกา
ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ ปจฺฉาชาตา: อสงฺกิลิฏฺฐอสงฺกิเลสิกา ขนฺธา จ
กพฬึกาโร อาหาโร จ อิมสฺส กายสฺส อตฺถิปจฺจเยน ปจฺจโย ฯ
ปจฺฉาชาตา: อสงฺกิลิฏฺฐสงฺกิเลสิกา ขนฺธา จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
[๑๗๔๔] อสงฺกิลิฏฺฐสงฺกิเลสิโก จ อสงฺกิลิฏฺฐอสงฺกิเลสิโก จ
ธมฺมา อสงฺกิลิฏฺฐอสงฺกิเลสิกสฺส ธมฺมสฺส อตฺถิปจฺจเยน ปจฺจโย
สหชาตํ ปุเรชาตํ ฯ สหชาโต: อสงฺกิลิฏฺฐอสงฺกิเลสิโก เอโก
ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย ฯ
[๑๗๔๕] สงฺกิลิฏฺฐสงฺกิเลสิโก จ อสงฺกิลิฏฺฐสงฺกิเลสิโก จ
ธมฺมา สงฺกิลิฏฺฐสงฺกิเลสิกสฺส ธมฺมสฺส อตฺถิปจฺจเยน ปจฺจโย สหชาตํ
ปุเรชาตํ ฯ สหชาโต: สงฺกิลิฏฺฐสงฺกิเลสิโก เอโก ขนฺโธ จ
วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย เทฺว ขนฺธา ฯ
[๑๗๔๖] สงฺกิลิฏฺฐสงฺกิเลสิโก จ อสงฺกิลิฏฺฐสงฺกิเลสิโก จ
ธมฺมา อสงฺกิลิฏฺฐสงฺกิเลสิกสฺส ธมฺมสฺส อตฺถิปจฺจเยน ปจฺจโย
สหชาตํ ปจฺฉาชาตํ อาหารํ อินฺทฺริยํ ฯ สหชาตา: สงฺกิลิฏฺฐสงฺกิเลสิกา
ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน
ปจฺจโย ฯ ปจฺฉาชาตา: สงฺกิลิฏฺฐสงฺกิเลสิกา ขนฺธา จ กพฬึกาโร
อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ
ปจฺฉาชาตา: สงฺกิลิฏฺฐสงฺกิเลสิกา ขนฺธา จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
[๑๗๔๗] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส นตฺถิปจฺจเยน ปจฺจโย ... วิคตปจฺจเยน ปจฺจโย
... อวิคตปจฺจเยน ปจฺจโย ฯ
[๑๗๔๘] เหตุยา สตฺต อารมฺมเณ ฉ อธิปติยา อฏฺฐ
อนนฺตเร สตฺต สมนนฺตเร สตฺต สหชาเต นว อญฺญมญฺเญ
ตีณิ นิสฺสเย เตรส อุปนิสฺสเย อฏฺฐ ปุเรชาเต ตีณิ ปจฺฉาชาเต
ตีณิ อาเสวเน ตีณิ กมฺเม สตฺต วิปาเก จตฺตาริ อาหาเร
อินฺทฺริเย ฌาเน มคฺเค สตฺต สมฺปยุตฺเต ตีณิ วิปฺปยุตฺเต ปญฺจ
อตฺถิยา เตรส นตฺถิยา สตฺต วิคเต สตฺต อวิคเต เตรส ฯ
[๑๗๔๙] เหตุปจฺจยา อธิปติยา จตฺตาริ ... สหชาเต สตฺต
อญฺญมญฺเญ ตีณิ นิสฺสเย สตฺต วิปาเก จตฺตาริ อินฺทฺริเย มคฺเค
จตฺตาริ สมฺปยุตฺเต ตีณิ วิปฺปยุตฺเต ตีณิ อตฺถิยา อวิคเต สตฺต ฯ
[๑๗๕๐] เหตุสหชาตนิสฺสยอตฺถิอวิคตนฺติ สตฺต ฯ
เหตุสหชาตอญฺญมญฺญนิสฺสยอตฺถิอวิคตนฺติ ตีณิ ฯ
เหตุสหชาตอญฺญมญฺญนิสฺสยสมฺปยุตฺตอตฺถิอวิคตนฺติ ตีณิ ฯ
เหตุสหชาตนิสฺสยวิปฺปยุตฺตอตฺถิอวิคตนฺติ ตีณิ ฯ
เหตุสหชาตนิสฺสยวิปากอตฺถิอวิคตนฺติ จตฺตาริ ฯ
เหตุสหชาตอญฺญมญฺญนิสฺสยวิปากอตฺถิอวิคตนฺติ เทฺว ฯ
เหตุสหชาตอญฺญมญฺญนิสฺสยวิปากสมฺปยุตฺตอตฺถิอวิคตนฺติ เทฺว ฯ
เหตุสหชาตนิสฺสยวิปากวิปฺปยุตฺตอตฺถิอวิคตนฺติ เทฺว ฯ
เหตุสหชาตอญฺญมญฺญนิสฺสยวิปากวิปฺปยุตฺตอตฺถิอวิคตนฺติ
เอกํ ฯ ยถา กุสลตฺติเก เอวํ วิตฺถาเรตพฺพํ ฯ
อนุโลมํ ฯ
[๑๗๕๑] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ฯ
[๑๗๕๒] สงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปจฺฉาชาตปจฺจเยน ปจฺจโย
... กมฺมปจฺจเยน ปจฺจโย ฯ
[๑๗๕๓] สงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย ฯ
[๑๗๕๔] สงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส จ
อสงฺกิลิฏฺฐสงฺกิเลสิกสฺส จ ธมฺมสฺส สหชาตปจฺจเยน ปจฺจโย ฯ
[๑๗๕๕] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย
... อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย ...
ปจฺฉาชาตปจฺจเยน ปจฺจโย ... กมฺมปจฺจเยน ปจฺจโย ... อาหารปจฺจเยน
ปจฺจโย ... อินฺทฺริยปจฺจเยน ปจฺจโย ฯ
[๑๗๕๖] อสงฺกิลิฏฺฐสงฺกิเลสิโก ธมฺโม สงฺกิลิฏฺฐสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ... อุปนิสฺสยปจฺจเยน ปจฺจโย
... ปุเรชาตปจฺจเยน ปจฺจโย ฯ
[๑๗๕๗] อสงฺกิลิฏฺฐสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย ฯ
[๑๗๕๘] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส สหชาตปจฺจเยน ปจฺจโย ... อุปนิสฺสยปจฺจเยน
ปจฺจโย ฯ
[๑๗๕๙] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐอสงฺกิเลสิกสฺส
ธมฺมสฺส อารมฺมณปจฺจเยน ปจฺจโย ... สหชาตปจฺจเยน
ปจฺจโย ... อุปนิสฺสยปจฺจเยน ปจฺจโย ... ปจฺฉาชาตปจฺจเยน ปจฺจโย ฯ
[๑๗๖๐] อสงฺกิลิฏฺฐอสงฺกิเลสิโก ธมฺโม อสงฺกิลิฏฺฐสงฺกิเลสิกสฺส
จ อสงฺกิลิฏฺฐอสงฺกิเลสิกสฺส จ ธมฺมสฺส สหชาตปจฺจเยน
ปจฺจโย ฯ
[๑๗๖๑] อสงฺกิลิฏฺฐสงฺกิเลสิโก จ อสงฺกิลิฏฺฐอสงฺกิเลสิโก จ
ธมฺมา อสงฺกิลิฏฺฐสงฺกิเลสิกสฺส ธมฺมสฺส สหชาตํ ปจฺฉาชาตํ
อาหารํ อินฺทฺริยํ ฯ
[๑๗๖๒] อสงฺกิลิฏฺฐสงฺกิเลสิโก จ อสงฺกิลิฏฺฐอสงฺกิเลสิโก จ
ธมฺมา อสงฺกิลิฏฺฐอสงฺกิเลสิกสฺส ธมฺมสฺส สหชาตํ ปุเรชาตํ ฯ
[๑๗๖๓] สงฺกิลิฏฺฐสงฺกิเลสิโก จ อสงฺกิลิฏฺฐสงฺกิเลสิโก จ
ธมฺมา สงฺกิลิฏฺฐสงฺกิเลสิกสฺส ธมฺมสฺส สหชาตํ ปุเรชาตํ ฯ
[๑๗๖๔] สงฺกิลิฏฺฐสงฺกิเลสิโก จ อสงฺกิลิฏฺฐสงฺกิเลสิโก จ
ธมฺมา อสงฺกิลิฏฺฐสงฺกิเลสิกสฺส ธมฺมสฺส สหชาตํ ปจฺฉาชาตํ
อาหารํ อินฺทฺริยํ ฯ
[๑๗๖๕] นเหตุยา จุทฺทส นอารมฺมเณ จุทฺทส นอธิปติยา
จุทฺทส นอนนฺตเร จุทฺทส นสมนนฺตเร จุทฺทส นสหชาเต ทส
นอญฺญมญฺเญ ทส นนิสฺสเย ทส นอุปนิสฺสเย เตรส นปุเรชาเต
ทฺวาทส นปจฺฉาชาเต จุทฺทส นอาเสวเน นกมฺเม นวิปาเก จุทฺทส
นอาหาเร นอินฺทฺริเย ฌาเนน นมคฺเค จุทฺทส นสมฺปยุตฺเต ทส
นวิปฺปยุตฺเต อฏฺฐ โนอตฺถิยา อฏฺฐ โนนตฺถิยา จุทฺทส โนวิคเต
จุทฺทส โนอวิคเต อฏฺฐ ฯ นเหตุปจฺจยา นอารมฺมเณ จุทฺทส ฯ
สงฺขิตฺตํ ฯ ยถา กุสลตฺติเก ปจฺจนียคณนา เอวํ คเณตพฺพํ ฯ
ปจฺจนียํ ฯ
[๑๗๖๖] เหตุปจฺจยา นอารมฺมเณ สตฺต ... นอธิปติยา นอนนฺตเร
นสมนนฺตเร สตฺต นอญฺญมญฺเญ ตีณิ นอุปนิสฺสเย นปุเรชาเต
นปจฺฉาชาเต นอาเสวเน นกมฺเม นวิปาเก นอาหาเร นอินฺทฺริเย
นฌาเน สตฺต นมคฺเค สตฺต นสมฺปยุตฺเต ตีณิ นวิปฺปยุตฺเต ตีณิ
โนนตฺถิยา สตฺต โนวิคเต สตฺต ฯ เหตุสหชาตนิสฺสยอตฺถิอวิคตนฺติ
นอารมฺมเณ สตฺต ฯ สงฺขิตฺตํ ฯ ยถา กุสลตฺติเก อนุโลมปจฺจนียคณนา
วิภตฺตา เอวํ วิภชิตพฺพํ ฯ
อนุโลมปจฺจนียํ ฯ
[๑๗๖๗] นเหตุปจฺจยา อารมฺมเณ ฉ ... อธิปติยา อฏฺฐ อนนฺตเร
สตฺต สมนนฺตเร สตฺต สหชาเต นว อญฺญมญฺเญ ตีณิ นิสฺสเย
เตรส อุปนิสฺสเย อฏฺฐ ปุเรชาเต ตีณิ ปจฺฉาชาเต ตีณิ อาเสวเน
ตีณิ กมฺเม สตฺต วิปาเก จตฺตาริ อาหาเร อินฺทฺริเย ฌาเน มคฺเค
สตฺต สมฺปยุตฺเต ตีณิ วิปฺปยุตฺเต ปญฺจ อตฺถิยา เตรส นตฺถิยา
สตฺต วิคเต สตฺต อวิคเต เตรส ฯ
นเหตุปจฺจยา นอารมฺมณปจฺจยา อธิปติยา สตฺต ฯ
สงฺขิตฺตํ
ยถา กุสลตฺติเก ปจฺจนียานุโลมคณนา
วิภตฺตา เอวํ วิภชิตพฺพํ ฯ
ปจฺจนียานุโลมํ ฯ
สงฺกิลิฏฺฐตฺติกํ ปญฺจมํ
นิฏฺฐิตํ
อนุโลมติกปฏฺฐานํ ปุริมํ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๐ หน้าที่ ๕๒๘-๕๗๗.
https://84000.org/tipitaka/read/pali_item.php?book=40&item=1584&items=184
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=40&item=1584&items=184&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=40&item=1584&items=184
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=40&item=1584&items=184
ศึกษาอรรถกถานี้ได้ที่ :-
https://84000.org/tipitaka/attha/attha.php?b=40&i=1584
สารบัญพระไตรปิฎกเล่มที่ ๔๐
https://84000.org/tipitaka/read/?index_40
https://84000.org/tipitaka/english/?index_40
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
