ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๑ ภาษาบาลี อักษรไทย พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ
                                 สํสฏฺฐวาโร
     [๑๓๙๑]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
เหตุปจฺจยา  ปริตฺตํ  เอกํ  ขนฺธํ  สํสฏฺฐา  ตโย  ขนฺธา เทฺว ขนฺเธ ...
ปฏิสนฺธิกฺขเณ ... ฯ
     [๑๓๙๒]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
เหตุปจฺจยา   มหคฺคตํ   เอกํ   ขนฺธํ   สํสฏฺฐา   ตโย   ขนฺธา   เทฺว
ขนฺเธ ... ปฏิสนฺธิกฺขเณ ... ฯ
     [๑๓๙๓]   อปฺปมาณํ    ธมฺมํ    สํสฏฺโฐ    อปฺปมาโณ   ธมฺโม
อุปฺปชฺชติ   เหตุปจฺจยา   อปฺปมาณํ   เอกํ  ขนฺธํ  สํสฏฺฐา  ตโย  ขนฺธา
เทฺว ขนฺเธ ... ฯ
     [๑๓๙๔]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
อารมฺมณปจฺจยา    อธิปติปจฺจยา   ปฏิสนฺธิ   นตฺถิ   ฯ   อนนฺตรปจฺจยา
สมนนฺตรปจฺจยา     สหชาตปจฺจยา     อญฺญมญฺญปจฺจยา    นิสฺสยปจฺจยา
อุปนิสฺสยปจฺจยา   ปุเรชาตปจฺจยา   ปฏิสนฺธิ   นตฺถิ  ฯ  อาเสวนปจฺจยา
วิปาโกปิ  ปฏิสนฺธิปิ  นตฺถิ  ฯ  กมฺมปจฺจยา  วิปากปจฺจยา  อาหารปจฺจยา
อินฺทฺริยปจฺจยา      ฌานปจฺจยา      มคฺคปจฺจยา      สมฺปยุตฺตปจฺจยา
วิปฺปยุตฺตปจฺจยา อตฺถิปจฺจยา นตฺถิปจฺจยา วิคตปจฺจยา อวิคตปจฺจยา ฯ
     [๑๓๙๕]   เหตุยา  ตีณิ  อารมฺมเณ  ตีณิ อธิปติยา ตีณิ ฯ สงฺขิตฺตํ ฯ
อวิคเต ตีณิ ฯ เอวํ คเณตพฺพํ ฯ
                                     อนุโลมํ ฯ
     [๑๓๙๖]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นเหตุปจฺจยา   อเหตุกํ   ปริตฺตํ   เอกํ   ขนฺธํ   สํสฏฺฐา  ตโย  ขนฺธา
เทฺว  ขนฺเธ  ...  อเหตุกปฏิสนฺธิกฺขเณ  วิจิกิจฺฉาสหคเต  อุทฺธจฺจสหคเต
ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห ฯ
     [๑๓๙๗]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นอธิปติปจฺจยา   ปริตฺตํ   เอกํ   ขนฺธํ   สํสฏฺฐา   ตโย   ขนฺธา  เทฺว
ขนฺเธ ... ปฏิสนฺธิกฺขเณ ... ฯ
     [๑๓๙๘]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นอธิปติปจฺจยา    มหคฺคเต    ขนฺเธ    สํสฏฺฐา    มหคฺคตา    อธิปติ
วิปากํ มหคฺคตํ เอกํ ขนฺธํ สํสฏฺฐา ปฏิสนฺธิกฺขเณ ... ฯ
     [๑๓๙๙]   อปฺปมาณํ  ธมฺมํ  สํสฏฺโฐ  อปฺปมาโณ  ธมฺโม  อุปฺปชฺชติ
นอธิปติปจฺจยา อปฺปมาเณ ขนฺเธ สํสฏฺฐา อปฺปมาณา อธิปติ ฯ
     [๑๔๐๐]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นปุเรชาตปจฺจยา อรูเป ปริตฺตํ เอกํ ขนฺธํ สํสฏฺฐา ปฏิสนฺธิกฺขเณ ... ฯ
     [๑๔๐๑]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นปุเรชาตปจฺจยา    อรูเป    มหคฺคตํ   เอกํ   ขนฺธํ   สํสฏฺฐา   ตโย
ขนฺธา ปฏิสนฺธิกฺขเณ ... ฯ
     [๑๔๐๒]   อปฺปมาณํ  ธมฺมํ  สํสฏฺโฐ  อปฺปมาโณ  ธมฺโม  อุปฺปชฺชติ
นปุเรชาตปจฺจยา อรูเป อปฺปมาณํ เอกํ ขนฺธํ สํสฏฺฐา ตโย ขนฺธา ฯ
     [๑๔๐๓]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นปจฺฉาชาตปจฺจยา   นอาเสวนปจฺจยา   ปริตฺตํ   เอกํ   ขนฺธํ   สํสฏฺฐา
ตโย ขนฺธา ปฏิสนฺธิกฺขเณ ... ฯ
     [๑๔๐๔]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นอาเสวนปจฺจยา     วิปากํ     มหคฺคตํ     เอกํ    ขนฺธํ    สํสฏฺฐา
ปฏิสนฺธิกฺขเณ ... ฯ
     [๑๔๐๕]   อปฺปมาณํ    ธมฺมํ    สํสฏฺโฐ    อปฺปมาโณ   ธมฺโม
อุปฺปชฺชติ นอาเสวนปจฺจยา วิปากํ อปฺปมาณํ เอกํ ขนฺธํ สํสฏฺฐา ฯ
     [๑๔๐๖]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นกมฺมปจฺจยา ปริตฺเต ขนฺเธ สํสฏฺฐา ปริตฺตา เจตนา ฯ
     [๑๔๐๗]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นกมฺมปจฺจยา มหคฺคเต ขนฺเธ สํสฏฺฐา มหคฺคตา เจตนา ฯ
     [๑๔๐๘]   อปฺปมาณํ  ธมฺมํ  สํสฏฺโฐ  อปฺปมาโณ  ธมฺโม  อุปฺปชฺชติ
นกมฺมปจฺจยา อปฺปมาเณ ขนฺเธ สํสฏฺฐา อปฺปมาณา เจตนา ฯ
     [๑๔๐๙]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นวิปากปจฺจยา ปริตฺตํ เอกํ ขนฺธํ สํสฏฺฐา ตโย ขนฺธา ฯ
     [๑๔๑๐]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นวิปากปจฺจยา มหคฺคตํ เอกํ ขนฺธํ สํสฏฺฐา ตโย ขนฺธา ฯ
     [๑๔๑๑]   อปฺปมาณํ  ธมฺมํ  สํสฏฺโฐ  อปฺปมาโณ  ธมฺโม  อุปฺปชฺชติ
นวิปากปจฺจยา อปฺปมาณํ เอกํ ขนฺธํ สํสฏฺฐา ตโย ขนฺธา ฯ
     [๑๔๑๒]   ปริตฺตํ   ธมฺมํ   สํสฏฺโฐ   ปริตฺโต   ธมฺโม  อุปฺปชฺชติ
นฌานปจฺจยา     นมคฺคปจฺจยา    นวิปฺปยุตฺตปจฺจยา    อรูเป    ปริตฺตํ
เอกํ ขนฺธํ ... ฯ
     [๑๔๑๓]   มหคฺคตํ   ธมฺมํ   สํสฏฺโฐ  มหคฺคโต  ธมฺโม  อุปฺปชฺชติ
นวิปฺปยุตฺตปจฺจยา อรูเป มหคฺคตํ เอกํ ขนฺธํ ... ฯ
     [๑๔๑๔]   อปฺปมาณํ    ธมฺมํ    สํสฏฺโฐ    อปฺปมาโณ   ธมฺโม
อุปฺปชฺชติ นวิปฺปยุตฺตปจฺจยา อรูเป อปฺปมาณํ เอกํ ขนฺธํ ... ฯ
     [๑๔๑๕]   นเหตุยา   เอกํ   นอธิปติยา   ตีณิ  นปุเรชาเต  ตีณิ
นปจฺฉาชาเต   ตีณิ   นอาเสวเน   ตีณิ   นกมฺเม   ตีณิ  นวิปาเก  ตีณิ
นฌาเน เอกํ นมคฺเค เอกํ นวิปฺปยุตฺเต ตีณิ ฯ เอวํ คเณตพฺพํ ฯ
                                     ปจฺจนียํ ฯ
     [๑๔๑๖]   เหตุปจฺจยา นอธิปติยา ตีณิ ... นปุเรชาเต นปจฺฉาชาเต
นอาเสวเน    นกมฺเม    นวิปาเก    นวิปฺปยุตฺเต    ตีณิ   ฯ   เอวํ
คเณตพฺพํ ฯ
                                อนุโลมปจฺจนียํ ฯ
     [๑๔๑๗]   นเหตุปจฺจยา  อารมฺมเณ  เอกํ  ...  อนนฺตเร เอกํ ฯ
สงฺขิตฺตํ ฯ อวิคเต เอกํ ฯ เอวํ คเณตพฺพํ ฯ
                               ปจฺจนียานุโลมํ ฯ
                      สมฺปยุตฺตวาโร สํสฏฺฐวารสทิโส ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๔๒๑-๔๒๕. https://84000.org/tipitaka/read/pali_item.php?book=41&item=1391&items=27              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=41&item=1391&items=27&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=41&item=1391&items=27              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=41&item=1391&items=27              ศึกษาอรรถกถานี้ได้ที่ :- https://84000.org/tipitaka/attha/attha.php?b=41&i=1391              สารบัญพระไตรปิฎกเล่มที่ ๔๑ https://84000.org/tipitaka/read/?index_41 https://84000.org/tipitaka/english/?index_41

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]