พระไตรปิฎกเล่มที่ ๔๒ ภาษาบาลี อักษรไทย
พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                        เหตุเหตุสมฺปยุตฺตทุกํ
     [๑๒๙]   เหตุญฺเจวเหตุสมฺปยุตฺตญฺจ   ธมฺมํ  ปฏิจฺจ  เหตุเจวเหตุ-
สมฺปยุตฺโตจ   ธมฺโม   อุปฺปชฺชติ  เหตุปจฺจยา:  อโลภํ  ปฏิจฺจ  อโทโส
อโมโห   ฯ   จกฺกํ   พนฺธิตพฺพํ   ฯ   โลภํ   ปฏิจฺจ  โมโห  ฯ  จกฺกํ
พนฺธิตพฺพํ   ฯ   ปฏิสนฺธิกฺขเณ  ...  ฯ  ยถา  เหตุเจวสเหตุกทุกํ  เอวํ
วิตฺถาเรตพฺพํ นินฺนานากรณํ ฯ
                     เหตุเหตุสมฺปยุตฺตทุกํ นิฏฺฐิตํ ฯ
                            นเหตุสเหตุกทุกํ
     [๑๓๐]   นเหตุํ  สเหตุกํ  ธมฺมํ  ปฏิจฺจ  นเหตุ  สเหตุโก  ธมฺโม
อุปฺปชฺชติ   เหตุปจฺจยา:   นเหตุํ   สเหตุกํ   เอกํ  ขนฺธํ  ปฏิจฺจ  ตโย
ขนฺธา เทฺว ขนฺเธ ... ปฏิสนฺธิกฺขเณ นเหตุํ สเหตุกํ ... ฯ นเหตุํ สเหตุกํ
ธมฺมํ    ปฏิจฺจ   นเหตุ   อเหตุโก   ธมฺโม   อุปฺปชฺชติ   เหตุปจฺจยา:
นเหตู  สเหตุเก  ขนฺเธ  ปฏิจฺจ  จิตฺตสมุฏฺฐานํ  รูปํ ปฏิสนฺธิกฺขเณ ... ฯ
นเหตุํ  สเหตุกํ  ธมฺมํ  ปฏิจฺจ  นเหตุ  สเหตุโก  จ  นเหตุ  อเหตุโก จ
ธมฺมา   อุปฺปชฺชนฺติ   เหตุปจฺจยา:  นเหตุํ  สเหตุกํ  เอกํ  ขนฺธํ  ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ ... ฯ
     {๑๓๐.๑}   นเหตุํ  อเหตุกํ  ธมฺมํ  ปฏิจฺจ  นเหตุ  อเหตุโก ธมฺโม
อุปฺปชฺชติ   เหตุปจฺจยา:  ฯเปฯ  เอกํ  มหาภูตํ  ปฏิจฺจ  ตโย  มหาภูตา
มหาภูเต    ปฏิจฺจ   จิตฺตสมุฏฺฐานํ   รูปํ   กฏตฺตารูปํ   อุปาทารูปํ   ฯ
นเหตุํ   อเหตุกํ   ธมฺมํ   ปฏิจฺจ   นเหตุ   สเหตุโก  ธมฺโม  อุปฺปชฺชติ
เหตุปจฺจยา:   ปฏิสนฺธิกฺขเณ  วตฺถุํ  ปฏิจฺจ  นเหตู  สเหตุกา  ขนฺธา  ฯ
นเหตุํ   อเหตุกํ  ธมฺมํ  ปฏิจฺจ  นเหตุ  สเหตุโก  จ  นเหตุ  อเหตุโกจ
ธมฺมา    อุปฺปชฺชนฺติ    เหตุปจฺจยา:    ปฏิสนฺธิกฺขเณ    วตฺถุํ   ปฏิจฺจ
นเหตู สเหตุกา ขนฺธา มหาภูเต ปฏิจฺจ กฏตฺตารูปํ อุปาทารูปํ ฯ
     {๑๓๐.๒}  นเหตุํ  สเหตุกํ  จ นเหตุํ อเหตุกํ จ ธมฺมํ ปฏิจฺจ นเหตุ
สเหตุโก  ธมฺโม  อุปฺปชฺชติ เหตุปจฺจยา: ปฏิสนฺธิกฺขเณ นเหตุํ สเหตุกํ เอกํ
ขนฺธญฺจ  วตฺถุญฺจ  ปฏิจฺจ ตโย ขนฺธา เทฺว ขนฺเธ ... ฯ นเหตุํ สเหตุกญฺจ
นเหตุํ    อเหตุกญฺจ    ธมฺมํ    ปฏิจฺจ    นเหตุ    อเหตุโก   ธมฺโม
อุปฺปชฺชติ   เหตุปจฺจยา:   นเหตู   สเหตุเก   ขนฺเธ  จ  มหาภูเต  จ
ปฏิจฺจ   จิตฺตสมุฏฺฐานํ   รูปํ  ปฏิสนฺธิกฺขเณ  ...  ฯ  นเหตุํ  สเหตุกญฺจ
นเหตุํ  อเหตุกญฺจ  ธมฺมํ  ปฏิจฺจ  นเหตุ  สเหตุโก  จ นเหตุ อเหตุโก จ
ธมฺมา    อุปฺปชฺชนฺติ    เหตุปจฺจยา:   ปฏิสนฺธิกฺขเณ   นเหตุํ   สเหตุกํ
เอกํ   ขนฺธญฺจ   วตฺถุญฺจ   ปฏิจฺจ   ตโย   ขนฺธา  เทฺว  ขนฺเธ  ...
นเหตู สเหตุเก ขนฺเธ จ มหาภูเต จ ปฏิจฺจ กฏตฺตารูปํ อุปาทารูปํ ฯ
     [๑๓๑]   นเหตุํ  สเหตุกํ  ธมฺมํ  ปฏิจฺจ  นเหตุ  สเหตุโก  ธมฺโม
อุปฺปชฺชติ   อารมฺมณปจฺจยา:   นเหตุํ   สเหตุกํ   เอกํ   ขนฺธํ   ปฏิจฺจ
ตโย  ขนฺธา  เทฺว  ขนฺเธ  ...  ปฏิสนฺธิกฺขเณ  ...  ฯ นเหตุํ อเหตุกํ
ธมฺมํ   ปฏิจฺจ   นเหตุ   อเหตุโก   ธมฺโม  อุปฺปชฺชติ  อารมฺมณปจฺจยา:
นเหตุํ  อเหตุกํ  เอกํ  ขนฺธํ  ...  ปฏิสนฺธิกฺขเณ  ... ฯ นเหตุํ อเหตุกํ
ธมฺมํ   ปฏิจฺจ   นเหตุ   สเหตุโก   ธมฺโม  อุปฺปชฺชติ  อารมฺมณปจฺจยา:
ปฏิสนฺธิกฺขเณ  วตฺถุํ  ปฏิจฺจ  นเหตู  สเหตุกา  ขนฺธา ฯ นเหตุํ สเหตุกญฺจ
นเหตุํ    อเหตุกญฺจ    ธมฺมํ    ปฏิจฺจ    นเหตุ    สเหตุโก   ธมฺโม
อุปฺปชฺชติ     อารมฺมณปจฺจยา:     ปฏิสนฺธิกฺขเณ     นเหตุํ    สเหตุกํ
เอกํ ขนฺธญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ ... ฯ
                       สงฺขิตฺตํ เอวํ วิภชฺชิตพฺพํ ฯ
     [๑๓๒]   เหตุยา   นว   อารมฺมเณ   จตฺตาริ   อธิปติยา  ปญฺจ
อนนฺตเร   จตฺตาริ   สมนนฺตเร   จตฺตาริ   สหชาเต   นว  อญฺญมญฺเญ
ฉ     นิสฺสเย    นว    อุปนิสฺสเย    จตฺตาริ    ปุเรชาเต    เทฺว
อาเสวเน   เทฺว   กมฺเม   นว   วิปาเก   นว   อาหาเร   นว  ฯ
สงฺขิตฺตํ   ฯ   สพฺพตฺถ   นว   สมฺปยุตฺเต   จตฺตาริ   วิปฺปยุตฺเต   นว
อตฺถิยา นว นตฺถิยา จตฺตาริ วิคเต จตฺตาริ อวิคเต นว ฯ
                            เอวํ คเณตพฺพํ ฯ
                            อนุโลมํ นิฏฺฐิตํ ฯ
     [๑๓๓]   นเหตุํ  อเหตุกํ  ธมฺมํ  ปฏิจฺจ  นเหตุ  อเหตุโก  ธมฺโม
อุปฺปชฺชติ   นเหตุปจฺจยา:   นเหตุํ   อเหตุกํ  เอกํ  ขนฺธํ  ปฏิจฺจ  ตโย
ขนฺธา   จิตฺตสมุฏฺฐานญฺจ   รูปํ   เทฺว  ขนฺเธ  ...  ฯ  ปฏิสนฺธิ  ยาว
อสญฺญสตฺตา โมโห นตฺถิ ฯ
     [๑๓๔]   นเหตุํ  สเหตุกํ  ธมฺมํ  ปฏิจฺจ  นเหตุ  อเหตุโก  ธมฺโม
อุปฺปชฺชติ  นอารมฺมณปจฺจยา:  นเหตู  สเหตุเก ขนฺเธ ปฏิจฺจ จิตฺตสมุฏฺฐานํ
รูปํ   ฯ   นเหตุํ   อเหตุกํ   ธมฺมํ   ปฏิจฺจ   นเหตุ  อเหตุโก  ธมฺโม
อุปฺปชฺชติ  นอารมฺมณปจฺจยา:  นเหตู  อเหตุเก ขนฺเธ ปฏิจฺจ จิตฺตสมุฏฺฐานํ
รูปํ   ปฏิสนฺธิกฺขเณ   ...   ยาว   อสญฺญสตฺตา  ฯ  นเหตุํ  สเหตุกญฺจ
นเหตุํ    อเหตุกญฺจ    ธมฺมํ    ปฏิจฺจ    นเหตุ    อเหตุโก   ธมฺโม
อุปฺปชฺชติ  นอารมฺมณปจฺจยา:  นเหตู  สเหตุเก  ขนฺเธ  จ  มหาภูเต  จ
ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ ... ฯ สงฺขิตฺตํ ฯ
     [๑๓๕]   นเหตุยา   เอกํ   นอารมฺมเณ   ตีณิ   นอธิปติยา  นว
นอนนฺตเร   ตีณิ   นสมนนฺตเร   ตีณิ   นอญฺญมญฺเญ   ตีณิ   นอุปนิสฺสเย
ตีณิ     นปุเรชาเต     นว     นปจฺฉาชาเต     นว    นอาเสวเน
นว   นกมฺเม   เทฺว   นวิปาเก   ปญฺจ   นอาหาเร  เอกํ  นอินฺทฺริเย
เอกํ   นฌาเน   เอกํ   นมคฺเค   เอกํ  นสมฺปยุตฺเต  ตีณิ  นวิปฺปยุตฺเต
เทฺว โนนตฺถิยา ตีณิ โนวิคเต ตีณิ ฯ เอวํ คเณตพฺพํ ฯ
                            ปจฺจนียํ นิฏฺฐิตํ ฯ
     [๑๓๖]   เหตุปจฺจยา   นอารมฺมเณ   ตีณิ  ...  นอธิปติยา  นว
นอนนฺตเร   นว   นสมนนฺตเร   นว   นอญฺญมญฺเญ   นว   นอุปนิสฺสเย
ตีณิ   นปุเรชาเต   นว   นปจฺฉาชาเต  นว  นอาเสวเน  นว  นกมฺเม
เอกํ    นวิปาเก    ปญฺจ    นสมฺปยุตฺเต    ตีณิ   นวิปฺปยุตฺเต   เอกํ
โนนตฺถิยา ตีณิ โนวิคเต ตีณิ ฯ เอวํ คเณตพฺพํ ฯ
                       อนุโลมปจฺจนียํ นิฏฺฐิตํ ฯ
     [๑๓๗]   นเหตุปจฺจยา  อารมฺมเณ  เอกํ  สงฺขิตฺตํ  ...  อาหาเร
เอกํ   ฌาเน   เอกํ  มคฺเค  เอกํ  สมฺปยุตฺเต  เอกํ  วิปฺปยุตฺเต  เอกํ
วิคเต เอกํ อวิคเต เอกํ ฯ เอวํ คเณตพฺพํ ฯ
                       ปจฺจนียานุโลมํ นิฏฺฐิตํ ฯ
                   สหชาตวาเรปิ เอวํ คเณตพฺพํ ฯ
                              ปจฺจยวาโร
     [๑๓๘]   นเหตุํ  สเหตุกํ  ธมฺมํ  ปจฺจยา  นเหตุ  สเหตุโก  ธมฺโม
อุปฺปชฺชติ   เหตุปจฺจยา:   ตีณิ   ฯ   นเหตุํ   อเหตุกํ   ธมฺมํ  ปจฺจยา
นเหตุ   อเหตุโก   ธมฺโม   อุปฺปชฺชติ   เหตุปจฺจยา:   เอกํ   มหาภูตํ
ปจฺจยา    ตโย   มหาภูตา   มหาภูเต   ปจฺจยา   จิตฺตสมุฏฺฐานํ   รูปํ
กฏตฺตารูปํ  อุปาทารูปํ  ฯ  นเหตุํ  อเหตุกํ  ธมฺมํ ปจฺจยา นเหตุ สเหตุโก
ธมฺโม   อุปฺปชฺชติ   เหตุปจฺจยา:   วตฺถุํ   ปจฺจยา   นเหตู   สเหตุกา
ขนฺธา   ปฏิสนฺธิกฺขเณ   ...   ฯ   นเหตุ   อเหตุกํ   ธมฺมํ   ปจฺจยา
นเหตุ  สเหตุโก  จ  นเหตุ  อเหตุโก  จ ธมฺมา อุปฺปชฺชนฺติ เหตุปจฺจยา:
วตฺถุํ  ปจฺจยา  นเหตู  สเหตุกา  ขนฺธา  มหาภูเต  ปจฺจยา จิตฺตสมุฏฺฐานํ
รูปํ   ปฏิสนฺธิกฺขเณ   ...   ฯ   นเหตุํ  สเหตุกญฺจ  นเหตุํ  อเหตุกญฺจ
ธมฺมํ   ปจฺจยา   นเหตุ   สเหตุโก   ธมฺโม   อุปฺปชฺชติ   เหตุปจฺจยา:
ฆฏนา ตีณิ ปวตฺติปฏิสนฺธิ ปริปุณฺณํ ฯ สงฺขิตฺตํ ฯ
     [๑๓๙]   เหตุยา   นว   อารมฺมเณ   จตฺตาริ  อวิคเต  นว  ฯ
เอวํ คเณตพฺพํ ฯ
                            อนุโลมํ นิฏฺฐิตํ ฯ
     [๑๔๐]   นเหตุยา   เอกํ   นอารมฺมเณ   ตีณิ   ฯ  สงฺขิตฺตํ  ฯ
โนวิคเต ตีณิ ฯ
                           ปจฺจนียํ นิฏฺฐิตํ ฯ
                    นิสฺสยวาโร ปจฺจยวารสทิโส ฯ
                               สํสฏฺฐวาโร
     [๑๔๑]   นเหตุํ  สเหตุกํ  ธมฺมํ  สํสฏฺโฐ  นเหตุ  สเหตุโก  ธมฺโม
อุปฺปชฺชติ เหตุปจฺจยา: นเหตุํ สเหตุกํ เอกํ ขนฺธํ ... ปฏิสนฺธิกฺขเณ ... ฯ
     [๑๔๒]   เหตุยา   เอกํ   อารมฺมเณ   เทฺว   อธิปติยา   เอกํ
อนนฺตเร เทฺว สพฺพตฺถ เทฺว มคฺเค เอกํ อวิคเต เทฺว ฯ
                             อนุโลมํ นิฏฺฐิตํ ฯ
     [๑๔๓]   นเหตุํ  อเหตุกํ  ธมฺมํ  สํสฏฺโฐ  นเหตุ  อเหตุโก  ธมฺโม
อุปฺปชฺชติ  นเหตุปจฺจยา:  นเหตุํ  อเหตุกํ เอกํ ขนฺธํ ... นเหตู อเหตุกา
ขนฺธา ปฏิสนฺธิกฺขเณ ... ฯ
     [๑๔๔]   นเหตุยา   เอกํ   นอธิปติยา  เทฺว  นปุเรชาเต  เทฺว
นปจฺฉาชาเต   เทฺว   นอาเสวเน   เทฺว   นกมฺเม   เทฺว   นวิปาเก
เทฺว นฌาเน เอกํ นมคฺเค เอกํ นวิปฺปยุตฺเต เทฺว ฯ
                            ปจฺจนียํ นิฏฺฐิตํ ฯ
             เอวํ อวเสสาปิ เทฺว คณนา คเณตพฺพา ฯ
                   สมฺปยุตฺตวาโร สํสฏฺฐวารสทิโส ฯ
                                ปญฺหาวาโร
     [๑๔๕]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ ... ตํ
ปจฺจเวกฺขนฺติ   ปุพฺเพ   สุจิณฺณานิ   ปจฺจเวกฺขนฺติ   ฌานํ   ...  อริยา
มคฺคา   วุฏฺฐหิตฺวา   มคฺคํ   ปจฺจเวกฺขนฺติ   ผลํ   ปจฺจเวกฺขนฺติ  ปหีเน
กิเลเส  ...  วิกฺขมฺภิเต กิเลเส ... ปุพฺเพ ... นเหตู สเหตุเก ขนฺเธ
อนิจฺจโต  ...  โทมนสฺสํ  อุปฺปชฺชติ  กุสลากุสเล นิรุทฺเธ นเหตุ สเหตุโก
วิปาโก        ตทารมฺมณตา        อุปฺปชฺชติ       เจโตปริยญาเณน
นเหตุ    สเหตุกจิตฺตสมงฺคิสฺส    จิตฺตํ    ชานาติ    อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
นเหตู     สเหตุกา     ขนฺธา     อิทฺธิวิธญาณสฺส    เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อารมฺมณปจฺจเยน  ปจฺจโย  นเหตู สเหตุเก ขนฺเธ อารพฺภ นเหตู สเหตุกา
ขนฺธา อุปฺปชฺชนฺติ ฯ
     {๑๔๕.๑}   นเหตุ  สเหตุโก  ธมฺโม  นเหตุ  อเหตุกสฺส  ธมฺมสฺส
อารมฺมณปจฺจเยน   ปจฺจโย:   นเหตู  สเหตุเก  ขนฺเธ  อนิจฺจโต  ...
โทมนสฺสํ   อุปฺปชฺชติ   กุสลากุสเล   นิรุทฺเธ  นเหตุ  อเหตุโก  วิปาโก
ตทารมฺมณตา   อุปฺปชฺชติ   นเหตู   สเหตุเก   ขนฺเธ   อารพฺภ  นเหตู
อเหตุกา   ขนฺธา   อุปฺปชฺชนฺติ   ฯ   นเหตุ   อเหตุโก  ธมฺโม  นเหตุ
อเหตุกสฺส     ธมฺมสฺส     อารมฺมณปจฺจเยน     ปจฺจโย:     นิพฺพานํ
อาวชฺชนาย  อารมฺมณปจฺจเยน  ปจฺจโย  จกฺขุํ  ...  วตฺถุํ  ...  นเหตู
อเหตุเก   ขนฺเธ   อนิจฺจโต   ...   โทมนสฺสํ  อุปฺปชฺชติ  กุสลากุสเล
นิรุทฺเธ    นเหตุ    อเหตุโก    วิปาโก    ตทารมฺมณตา    อุปฺปชฺชติ
รูปายตนํ       จกฺขุวิญฺญาณสฺส      โผฏฺฐพฺพายตนํ      กายวิญฺญาณสฺส
อารมฺมณปจฺจเยน   ปจฺจโย   นเหตู   อเหตุเก  ขนฺเธ  อารพฺภ  นเหตู
อเหตุกา ขนฺธา อุปฺปชฺชนฺติ ฯ
     {๑๔๕.๒}   นเหตุ  อเหตุโก  ธมฺโม  นเหตุ  สเหตุกสฺส  ธมฺมสฺส
อารมฺมณปจฺจเยน     ปจฺจโย:     อริยา     นิพฺพานํ    ปจฺจเวกฺขนฺติ
นิพฺพานํ   โคตฺรภุสฺส   โวทานสฺส   มคฺคสฺส   ผลสฺส   อารมฺมณปจฺจเยน
ปจฺจโย    จกฺขุํ    ...    วตฺถุํ   ...   นเหตู   อเหตุเก   ขนฺเธ
อนิจฺจโต   ...   โทมนสฺสํ   อุปฺปชฺชติ   กุสลากุสเล   นิรุทฺเธ  นเหตุ
สเหตุโก   วิปาโก   ตทารมฺมณตา   อุปฺปชฺชติ   ทิพฺเพน   จกฺขุนา  รูปํ
ปสฺสติ    ทิพฺพาย    โสตธาตุยา    สทฺทํ    สุณาติ   เจโตปริยญาเณน
นเหตุ   อเหตุกจิตฺตสมงฺคิสฺส   จิตฺตํ   ชานาติ  นเหตู  อเหตุกา  ขนฺธา
อิทฺธิวิธญาณสฺส        เจโตปริยญาณสฺส       ปุพฺเพนิวาสานุสฺสติญาณสฺส
อนาคตํสญาณสฺส   อารมฺมณปจฺจเยน   ปจฺจโย   นเหตู  อเหตุเก  ขนฺเธ
อารพฺภ นเหตู สเหตุกา ขนฺธา อุปฺปชฺชนฺติ ฯ
     [๑๔๖]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   ทานํ   ทตฺวา   สีลํ   สมาทิยิตฺวา   ตํ   ครุํ  กตฺวา
ปจฺจเวกฺขติ    ปุพฺเพ    สุจิณฺณานิ    ปจฺจเวกฺขติ   ฌานา   วุฏฺฐหิตฺวา
ฌานํ   ครุํ   กตฺวา   ปจฺจเวกฺขติ   อริยา   มคฺคา   วุฏฺฐหิตฺวา  มคฺคํ
ครุํ  กตฺวา  ปจฺจเวกฺขนฺติ  ผลํ  ครุํ  กตฺวา ปจฺจเวกฺขนฺติ นเหตู สเหตุเก
ขนฺเธ   ครุํ   กตฺวา   อสฺสาเทติ   อภินนฺทติ   ตํ  ครุํ  กตฺวา  ราโค
อุปฺปชฺชติ   ทิฏฺฐิ   อุปฺปชฺชติ   ฯ   สหชาตาธิปติ:  นเหตุ  สเหตุกาธิปติ
สมฺปยุตฺตกานํ   ขนฺธานํ   อธิปติปจฺจเยน   ปจฺจโย  ฯ  นเหตุ  สเหตุโก
ธมฺโม    นเหตุ    อเหตุกสฺส    ธมฺมสฺส    อธิปติปจฺจเยน   ปจฺจโย:
สหชาตาธิปติ:     นเหตุ    สเหตุกาธิปติ    จิตฺตสมุฏฺฐานานํ    รูปานํ
อธิปติปจฺจเยน ปจฺจโย ฯ
     {๑๔๖.๑}   นเหตุ    สเหตุโก    ธมฺโม   นเหตุ   สเหตุกสฺส
จ      นเหตุ      อเหตุกสฺส     จ     ธมฺมสฺส     อธิปติปจฺจเยน
ปจฺจโย:         สหชาตาธิปติ:         นเหตุ        สเหตุกาธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย   ฯ   นเหตุ   อเหตุโก   ธมฺโม   นเหตุ  สเหตุกสฺส  ธมฺมสฺส
อธิปติปจฺจเยน   ปจฺจโย:  อารมฺมณาธิปติ:  อริยา  นิพฺพานํ  ครุํ  กตฺวา
ปจฺจเวกฺขนฺติ    นิพฺพานํ    โคตฺรภุสฺส    โวทานสฺส   มคฺคสฺส   ผลสฺส
อธิปติปจฺจเยน  ปจฺจโย  จกฺขุํ  ... วตฺถุํ ... นเหตู อเหตุเก ขนฺเธ ครุํ
กตฺวา   อสฺสาเทติ   อภินนฺทติ   ตํ   ครุํ   กตฺวา   ราโค   อุปฺปชฺชติ
ทิฏฺฐิ อุปฺปชฺชติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๘๐-๘๙.
https://84000.org/tipitaka/read/pali_item.php?book=42&item=129&items=18
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=42&item=129&items=18&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=42&item=129&items=18
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=129&items=18
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=129
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42