บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๒๖ ภาษาบาลี อักษรไทย พระสุตตันตปิฎกเล่มที่ ๑๘ สุตฺต. ขุ. วิมานวตฺถุ-เปตวตฺถุ-เถรคาถา-เถรีคาถา
เถรีคาถาย วีสตินิปาโต [๔๖๗] |๔๖๗.๒๕๑| ๑ กาฬกา ภมรวณฺณสทิสา เวลฺลิตคฺคา มม มุทฺธชา อหุํ เต ชราย สาณวากสทิสา สจฺจวาทิวจนํ อนญฺถา ฯ |๔๖๗.๒๕๒| วาสิโตว สุรภิกรณฺฑโก ปุปฺผปูรํ มม อุตฺตมงฺคภูโต ๑- ตํ ชรายถ สโลมคนฺธิกํ สจฺจวาทิวจนํ อนญฺถา ฯ |๔๖๗.๒๕๓| กานนํว สหิตํ สุโรปิตํ โกจฺฉสูจิวิจิตฺตคฺคโสภิตํ ตํ ชราย วิรฬํ ตหึ ตหึ สจฺจวาทิวจนํ อนญฺถา ฯ |๔๖๗.๒๕๔| สณฺหคนฺธกสุวณฺณมณฺฑิตํ ๒- โสภเต สุ เวณีหิ อลงฺกตํ ตํ ชราย ขลิตํ สิรํ กตํ สจฺจวาทิวจนํ อนญฺถา ฯ |๔๖๗.๒๕๕| จิตฺตการสุกตาว เลขิตา โสภเต ๓- สุ ภมุกา ปุเร มม @เชิงอรรถ: ๑ ม. อุตฺตมงฺคโช ฯ ๒ ม. กณฺหขนฺธก ... ฯ ๓ ม. โสภเร ฯ ตา ชราย วลีหิ ปลมฺพิตา สจฺจวาทิวจนํ อนญฺถา ฯ |๔๖๗.๒๕๖| ภสฺสรา สุรุจิรา ยถา มณิ เนตฺตาเหสุํ อภินีลมายตา เต ชรายภิหตา น โสภเต ๑- สจฺจวาทิวจนํ อนญฺถา ฯ |๔๖๗.๒๕๗| สณฺหตุงฺคสทิสี จ นาสิกา โสภเต สุ อภิโยพฺพนํ ปติ สา ชราย อุปกูลิตา วิย สจฺจวาทิวจนํ อนญฺถา ฯ |๔๖๗.๒๕๘| กงฺกณํว สุกตํ สุนิฏฺิตํ โสภเต ๑- สุ มม กณฺณปาฬิโย ปุเร ๒- ตา ชราย วลีหิ ปลมฺพิตา สจฺจวาทิวจนํ อนญฺถา ฯ |๔๖๗.๒๕๙| ปตฺตลิมกุลวณฺณสทิสา โสภเต สุ ทนฺตา ปุเร มม เต ชราย ขณฺฑา ยวปีตกา สจฺจวาทิวจนํ อนญฺถา ฯ |๔๖๗.๒๖๐| กานนสฺมึ วนสณฺฑจาริณี @เชิงอรรถ: ๑ ม. โสภเร ฯ ๒ ม. อยํ ปาโ นตฺถิ ฯ โกกิลาว มธุรํ นิกูชิตํ ๑- ตํ ชราย ขลิตํ ตหึ ตหึ สจฺจวาทิวจนํ อนญฺถา ฯ |๔๖๗.๒๖๑| สณฺกมฺมุทีว ๒- สุปฺปมชฺชิตา โสภเต สุ คีวา ปุเร มม สา ชราย ภคฺคา วินามิตา ๓- สจฺจวาทิวจนํ อนญฺถา ฯ |๔๖๗.๒๖๒| วฏฺฏปลิฆสทิโสปมา อุโภ โสภเต สุ พาหา ปุเร มม ตา ชราย ยถา ปาฏลิปฺปลิตา ๔- สจฺจวาทิวจนํ อนญฺถา ฯ |๔๖๗.๒๖๓| สณฺหมุทฺทิกาสุวณฺณมณฺฑิตา โสภเต สุ หตฺถา ปุเร มม เต ชราย ยถา มูลมูลิกา สจฺจวาทิวจนํ อนญฺถา ฯ |๔๖๗.๒๖๔| ปีนวฏฺฏสหิตุคฺคตา อุโภปิ ๕- โสภเต สุ ถนกา ปุเร มม เถรีติ ว ๖- ลมฺพนฺเตโนทกา @เชิงอรรถ: ๑ ม. นิกูชิหํ ฯ ๒ ม. สณฺหกมฺพุริว ฯ ๓ ยุ. วินาสิตา ฯ ๔ ม. ปาฏลิพฺพลิตา ฯ @๕ ม. ยุ. ปิสทฺโท นตฺถิ ฯ ๖ ม. เถวิกีว ลมฺพนฺติ โนทกา ฯ สจฺจวาทิวจนํ อนญฺถา ฯ |๔๖๗.๒๖๕| กญฺจนสฺส ผลกํว สุมฏฺ ๑- โสภเต สุ กาโย ปุเร มม โส วลีหิ สุขุมาหิ โอตโต สจฺจวาทิวจนํ อนญฺถา ฯ |๔๖๗.๒๖๖| นาคโภคสทิโสปมา อุโภ โสภเต สุ อูรู ปุเร มม ตา ๒- ชราย ยถา เวฬุนาฬิโย สจฺจวาทิวจนํ อนญฺถา ฯ |๔๖๗.๒๖๗| สณฺหนูปุรสุวณฺณมณฺฑิตา โสภเต สุ ชงฺฆา ปุเร มม ตา ชราย ติลทณฺฑการิว สจฺจวาทิวจนํ อนญฺถา ฯ |๔๖๗.๒๖๘| ตูลปุณฺณสทิโสปมา อุโภ โสภเต สุ ปาทา ปุเร มม เต ชราย ผุฏิกา วลีมตา สจฺจวาทิวจนํ อนญฺถา ฯ |๔๖๗.๒๖๙| เอทิโส อหุ อยํ สมุสฺสโย ชชฺชโร พหุทุกฺขานมาลโย โสปเลปปติโต ชราฆโร @เชิงอรรถ: ๑ ม. สมฺมฏฺ ฯ ๒ โป. ม. ยุ. เต ฯ สจฺจวาทิวจนํ อนญฺาถ ฯ อมฺพปาลี ฯเนื้อความพระไตรปิฎกฉบับภาษาบาลีอักษรไทย เล่มที่ ๒๖ หน้าที่ ๔๗๕-๔๗๙. http://84000.org/tipitaka/read/pali_item_s.php?book=26&item=467&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=26&item=467&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=26&item=467&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=26&item=467&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=26&i=467 The Pali Atthakatha in Thai :- http://84000.org/tipitaka/atthapali/read_th.php?B=34&A=5613 The Pali Atthakatha in Roman :- http://84000.org/tipitaka/atthapali/read_rm.php?B=34&A=5613 สารบัญพระไตรปิฎกเล่มที่ ๒๖ http://84000.org/tipitaka/read/?index_26
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]