ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๒๗ ภาษาบาลี อักษรไทย พระสุตตันตปิฎกเล่มที่ ๑๙ สุตฺต. ขุ. ชาตกํ (๑): เอก-จตฺตาลีสนิปาตชาตกํ
                                          ๕ โรหนมิคชาตกํ ๑-
     [๒๑๐๔]      เอเต ยูถา ปฏิยนฺติ           ภีตา มรณา ๒- จิตฺตก
                       คจฺฉ ตุวํปิ มา กงฺขิ           ชีวิสฺสนฺติ ตยา สห ฯ
     [๒๑๐๕]      นาหํ โรหน ๓- คจฺฉามิ      หทยํ เม อวกสฺสติ
                       น ตํ อหํ ชหิสฺสามิ             อิธ เหสฺสามิ ๔- ชีวิตํ ฯ
                       เต หิ นูน มริสฺสนฺติ           อนฺธา อปริณายกา
                       คจฺฉ ตุวํปิ มา กงฺขิ           ชีวิสฺสนฺติ ตยา สห ฯ
                       นาหํ โรหน คจฺฉามิ          หทยํ เม อวกสฺสติ
                       น ตํ พนฺธํ ชหิสฺสามิ          อิธ เหสฺสามิ ชีวิตํ ฯ
     [๒๑๐๖]      คจฺฉ ภีรุ ปลายสฺสุ            กูเฏ พนฺโธสฺมิ อายเส
                       คจฺฉ ตุวํปิ มา กงฺขิ           ชีวิสฺสนฺติ ตยา สห ฯ
     [๒๑๐๗]      นาหํ โรหน คจฺฉามิ          หทยํ เม อวกสฺสติ
                       น ตํ อหํ ชหิสฺสามิ            อิธ เหสฺสามิ ชีวิตํ ฯ
                       เต หิ นูน มริสฺสนฺติ           อนฺธา อปริณายกา
                       คจฺฉ ตุวํปิ มา กงฺขิ           ชีวิสฺสนฺติ ตยา สห ฯ
                       นาหํ โรหน คจฺฉามิ           หทยํ เม อวกสฺสติ
@เชิงอรรถ:  ม. โรหณมิคชาตกํ สี. ยุ. โรหนฺตมิคชาตกํ ฯ   ม. มรณสฺส ฯ   ม. โรหณ ฯ
@สี. ยุ. โรหนฺต ฯ    ม. หิสฺสามิ ฯ เอวมุปริปิ ฯ
                       น ตํ พนฺธํ ชหิสฺสามิ          อิธ เหสฺสามิ ชีวิตํ ฯ
     [๒๑๐๘]      อยํ โส ลุทฺทโก เอติ          ลุทฺทรูโป ๑- สหาวุโธ
                       โย โน วธิสฺสติ อชฺช          อุสุนา สตฺติยามปิ ๒- ฯ
     [๒๑๐๙]      สา มุหุตฺตํ ปลายิตฺวา       ภยฏฺฏา ๓- ภยตชฺชิตา
                       สุทุกฺกรํ อกรา ภีรุ            มรณายูปนิวตฺตถ ฯ
     [๒๑๑๐]      กินฺนุ เตเม มิคา โหนฺติ      มุตฺตา พนฺธํ อุปาสเร
                       น ตํ จชิตุมิจฺฉนฺติ             ชีวิตสฺสาปิ การณา ฯ
     [๒๑๑๑]      ภาตโร โหนฺติ เม ลุทฺท      โสทริยา เอกมาตุกา
                       น มํ จชิตุมิจฺฉนฺติ             ชีวิตสฺสาปิ การณา ฯ
     [๒๑๑๒]      เต หิ นูน มริสฺสนฺติ          อนฺธา อปริณายกา
                       ปญฺจนฺนํ ชีวิตํ เทหิ          ภาตรํ มุญฺจ ลุทฺทก ฯ
     [๒๑๑๓]      โส โว อหํ ปโมกฺขามิ        มาตาเปติภรํ มิคํ
                       นนฺทนฺตุ มาตาปิตโร        มุตฺตํ ทิสฺวา มหามิคํ ฯ
     [๒๑๑๔]      เอวํ ลุทฺทก นนฺทสฺสุ         สห สพฺเพหิ ญาติภิ
                       ยถาหมชฺช นนฺทามิ         มุตฺตํ ทิสฺวา มหามิคํ ฯ
     [๒๑๑๕]      กถํ ตฺวํ ปโมกฺโข อาสิ       อุปนีตสฺมิ ชีวิเต
                       กถํ ปุตฺต อโมเจสิ            กูฏปาสมฺหา ลุทฺทโก ฯ
     [๒๑๑๖]      ภณํ กณฺณสุขํ วาจํ          หทยงฺคํ หทยสฺสิตํ
                       สุภาสิตาหิ วาจาหิ          จิตฺตโก มํ อโมจยิ ฯ
                       ภณํ กณฺณสุขํ วาจํ          หทยงฺคํ หทยสฺสิตํ
@เชิงอรรถ:  สี. ยุ. รุทฺทรูโป ฯ   ม. สตฺติยา อปิ ฯ    ยุ. ภยฏฺฐา ฯ
                       สุภาสิตาหิ วาจาหิ          สุตนา มํ อโมจยิ ฯ
                       สุตฺวา กณฺณสุขํ วาจํ       หทยงฺคํ หทยสฺสิตํ
                       สุภาสิตานิ สุตฺวาน          ลุทฺทโก มํ อโมจยิ ฯ
     [๒๑๑๗]      เอวํ อานนฺทิโต โหตุ         สห ทาเรหิ ลุทฺทโก
                       ยถา มยชฺช นนฺทาม        ทิสฺวา โรหนมาคตํ ฯ
     [๒๑๑๘]      นนุ ตฺวํ อวจ ลุทฺท            มิคจมฺมานิ อาหรึ
                       อถ เกน นุ วณฺเณน         มิคจมฺมานิ นาหริ ฯ
     [๒๑๑๙]      อาคมญฺเจว ๑- หตฺถตฺถํ   กูฏปาสญฺจ โส มิโค
                       อพชฺฌิ ตํ ๒- มิคราชํ       ตญฺจ มุตฺตา อุปาสเร ฯ
                       ตสฺส เม อหุ สํเวโค          อพฺภูโต โลมหํสโน
                       อิมญฺจาหํ มิคํ หญฺเญ      อชฺช หิสฺสามิ ชีวิตํ ฯ
     [๒๑๒๐]      กีทิสา เต มิคา ลุทฺท         กีทิสา ธมฺมิกา มิคา
                       กถํวณฺณา กถํสีลา          พาฬฺหํ โข เน ปสํสสิ ฯ
     [๒๑๒๑]      โอทาตสิงฺคา สุจิวาลา     ชาตรูปตจูปมา
                       ปาทา โลหิตกา เตสํ        อญฺชิตกฺขา มโนรมา ฯ
     [๒๑๒๒]      เอทิสา เต มิคา เทว         เอทิสา ธมฺมิกา มิคา
                       มาตาเปติภรา เทว          น เต โส อภิหารยึ ๓- ฯ
     [๒๑๒๓]      ทมฺมิ นิกฺขสตํ ลุทฺท         ถูลญฺจ มณิกุณฺฑลํ
                       จตุรสฺสญฺจ ๔- ปลฺลงฺกํ    อุมฺมาปุปฺผสิรินฺนิภํ ฯ
@เชิงอรรถ:  ม. อาคมาเจว ฯ   ยุ. ตญฺจ ฯ   สี. อภิหารยุํ ฯ ม. อภิหาริตุํ ฯ
@ยุ. อภิหารยํ ฯ   ม. จตุสฺสทญฺจ ฯ
                       เทฺว จ สาทิสิโย ภริยา      อุสภญฺจ ควํสตํ
                       ธมฺเมน รชฺชํ กาเรสฺสํ        พหุกาโร เมส ลุทฺทก ฯ
                       กสิวณิชฺชา ๑- อิณทานํ   อุญฺฉาจริยา จ ลุทฺทก
                       เอเตน ทารํ โปเสหิ           มา ปาปํ อกรี ปุนาติ ๒- ฯ
                                     โรหนมิคชาตกํ ปญฺจมํ ฯ
                                                ---------



             เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๔๒๙-๔๓๒. http://84000.org/tipitaka/read/pali_item_s.php?book=27&item=2104&items=20&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=27&item=2104&items=20&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=2104&items=20&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=2104&items=20&modeTY=2              ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=2104              The Pali Atthakatha in Thai :- http://84000.org/tipitaka/atthapali/read_th.php?B=41&A=1059              The Pali Atthakatha in Roman :- http://84000.org/tipitaka/atthapali/read_rm.php?B=41&A=1059              สารบัญพระไตรปิฎกเล่มที่ ๒๗ http://84000.org/tipitaka/read/?index_27

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :