บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

ทสมํ สปริวารฉตฺตทายกตฺเถราปทานํ (๓๓๐) [๓๓๒] |๓๓๒.๘๓| ปทุมุตฺตโร โลกวิทู อาหุตีนํ ปฏิคฺคโห อากาเส ชลวุฏฺีว วสฺสเต ธมฺมวุฏฺิยา ฯ @เชิงอรรถ: ^๑ โป. ยุ. อิมา คาถา ฯ ^๒ ม. อธารยึ ฯ ยุ. อการยึ ฯ |๓๓๒.๘๔| ตมทฺทสาสึ สมฺพุทฺธํ เทเสนฺตํ อมตํ ปทํ สกํ จิตฺตํ ปสาเทตฺวา อคมาสึ สกํ ฆรํ ฯ |๓๓๒.๘๕| ฉตฺตํ อลงฺกตํ คยฺห อุปคญฺฉึ นรุตฺตมํ หฏฺโ หฏฺเน จิตฺเตน อากาเส อุกฺขิปึ อหํ ฯ |๓๓๒.๘๖| สุสงฺคหิตยานํว ทนฺโตว สาวกุตฺตโม อุปคนฺตฺวาน สมฺพุทฺธํ มตฺถเก สมฺปติฏฺหิ ฯ |๓๓๒.๘๗| อนุกมฺปโก การุณิโก พุทฺโธ โลกคฺคนายโก ภิกฺขุสงฺเฆ นิสีทิตฺวา อิมา คาถา อภาสถ ฯ |๓๓๒.๘๘| เยน ฉตฺตมิทํ ทินฺนํ อลงฺกตํ มโนรมํ เตน จิตฺตปฺปสาเทน ทุคฺคตึ โส น คจฺฉติ ฯ |๓๓๒.๘๙| สตฺตกฺขตฺตุํ จ เทเวสุ เทวรชฺชํ กริสฺสติ ทฺวตฺตึสกฺขตฺตุํ ^๑- ราชา จ จกฺกวตฺติ ภวิสฺสติ ฯ |๓๓๒.๙๐| กปฺปสตสหสฺสมฺหิ โอกฺกากกุลสมฺภโว โคตโม นาม นาเมน ^๒- สตฺถา โลเก ภวิสฺสติ ฯ |๓๓๒.๙๑| ตสฺส ธมฺเมสุ ทายาโท โอรโส ธมฺมนิมฺมิโต สพฺพาสเว ปริญฺาย นิพฺพายิสฺสตินาสโว ฯ |๓๓๒.๙๒| พุทฺธสฺส คิรมญฺาย วาจาสภิมุทีริตํ ปสนฺนจิตฺโต สุมโน ภิยฺโย หาสํ ชเนสหํ ฯ |๓๓๒.๙๓| ชหิตฺวา มานุสํ โยนึ ทิพฺพโยนึ ^๓- สมชฺฌคํ วิมานมุตฺตมํ มยฺหํ อพฺภุคฺคตํ มโนรมํ ฯ @เชิงอรรถ: ^๑ ยุ. ฉตฺตึสกฺขตฺตุํ ฯ ^๒ ม. โคตุเตน ฯ ^๓ ยุ. เทวโยนึ ฯ |๓๓๒.๙๔| วิมานา นิกฺขมนฺตสฺส เสตจฺฉตฺตํ ธรียติ ตทา สญฺ ปฏิลภามิ ปุพฺพกมฺมสฺสิทํ ผลํ ฯ |๓๓๒.๙๕| เทวโลกา จวิตฺวาน มนุสฺสตฺตญฺจ อาคมึ ฉตฺตึสกฺขตฺตุํ จกฺกวตฺติ สตฺตกปฺปสตมฺหิโต ฯ |๓๓๒.๙๖| ตมฺหา กายา จวิตฺวาน อาคจฺฉึ ติทสํ ปุรํ สํสริตฺวานุปุพฺเพน มานุสํ ปุนราคมึ ฯ |๓๓๒.๙๗| โอกฺกนฺตํ มาตุกุจฺฉึ มํ เสตจฺฉตฺตํ อธารยุํ ชาติยา สตฺตวสฺโสหํ ปพฺพชึ อนคาริยํ ฯ |๓๓๒.๙๘| สุนนฺโท นาม นาเมน พฺราหฺมโณ มนฺตปารคู ผลิกํ ^๑- ฉตฺตมาทาย สาวกคฺคสฺส โส อทา ^๒- ฯ |๓๓๒.๙๙| อนุโมทิ มหาวีโร สารีปุตฺโต มหากถี สุตฺวานุโมทนํ ตสฺส ปุพฺพกมฺมํ อนุสฺสรึ ฯ |๓๓๒.๑๐๐| อญฺชลึ ปคฺคเหตฺวาน สกํ จิตฺตํ ปสาทยึ สริตฺวา ปุริมํ กมฺมํ อรหตฺตํ อปาปุณึ ฯ |๓๓๒.๑๐๑| อุฏฺาย อาสนา ตมฺหา สิเร กตฺวาน อญฺชลึ สมฺพุทฺธํ อภิวาเทตฺวา อิมํ วาจมุทีรยึ ฯ |๓๓๒.๑๐๒| สตสหสฺเส อิโต กปฺเป พุทฺโธ โลเก อนุตฺตโร ปทุมุตฺตโร โลกวิทู อาหุตีนํ ปฏิคฺคโห ฯ |๓๓๒.๑๐๓| ตสฺส ฉตฺตํ มยา ทินฺนํ วิจิตฺตํ สมลงฺกตํ อุโภหตฺเถหิ ปคฺคณฺหิ สยมฺภู อคฺคปุคฺคโล ฯ @เชิงอรรถ: ^๑ ม. ภลิตํ ฯ ^๒ ม. ตทา ฯ |๓๓๒.๑๐๔| อโห พุทฺโธ ^๑- อโห ธมฺโม ^๒- อโห โน สตฺถุสมฺปทา เอกฉตฺตสฺส ทาเนน ทุคฺคตึ นูปปชฺชหํ ฯ |๓๓๒.๑๐๕| กิเลสา ฌาปิตา มยฺหํ ภวา สพฺเพ สมูหตา สพฺพาสเว ปริญฺาย วิหรามิ อนาสโว ฯ |๓๓๒.๑๐๖| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สปริวารฉตฺตทายโก เถโร อิมา คาถาโย อภาสิตฺถาติ ฯ สปริวารฉตฺตทายกตฺเถรสฺส อปทานํ สมตฺตํ ฯ อุทฺทานํ อุมฺมาปุปฺผญฺจ ปุฬินํ หาโส ยญฺโ นิมิตฺตโก สํสาวโก นิคฺคุณฺฑิ จ สุมนา ปุปฺผฉตฺตโก สปริวารฉตฺโต จ คาถา สตฺตสตุตฺตรา ฯ อุมฺมาปุปฺผิยวคฺโค เตตฺตึโส ฯ ----------- @เชิงอรรถ: ^๑ ยุ. พุทฺธา ฯ ^๒ ยุ. ธมฺมา ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๐๗-๔๑๐. http://84000.org/tipitaka/read/pali_item_s.php?book=32&item=332&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=32&item=332&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=332&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=332&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=332 สารบัญพระไตรปิฎกเล่มที่ ๓๒ http://84000.org/tipitaka/read/?index_32