ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)
                                          อนุสยยมกํ
                                         สตฺต อนุสยา
                      กามราคานุสโย ปฏิฆานุสโย มานานุสโย ทิฏฺฐานุสโย
                       วิจิกิจฺฉานุสโย ภวราคานุสโย อวิชฺชานุสโย ฯ
     [๑๒๒๑]   กตฺถ   กามราคานุสโย   อนุเสติ:   กามธาตุยา  ทฺวีสุ
เวทนาสุ   เอตฺถ   กามราคานุสโย   อนุเสติ   ฯ   กตฺถ  ปฏิฆานุสโย
อนุเสติ:   ทุกฺขาย   เวทนาย   เอตฺถ  ปฏิฆานุสโย  อนุเสติ  ฯ  กตฺถ
มานานุสโย    อนุเสติ:    กามธาตุยา   ทฺวีสุ   เวทนาสุ   รูปธาตุยา
อรูปธาตุยา   เอตฺถ   มานานุสโย   อนุเสติ   ฯ   กตฺถ   ทิฏฺฐานุสโย
อนุเสติ:    สพฺพสกฺกายปริยาปนฺเนสุ    ธมฺเมสุ    เอตฺถ   ทิฏฺฐานุสโย
อนุเสติ   ฯ   กตฺถ   วิจิกิจฺฉานุสโย  อนุเสติ:  สพฺพสกฺกายปริยาปนฺเนสุ
ธมฺเมสุ   เอตฺถ   วิจิกิจฺฉานุสโย   อนุเสติ   ฯ   กตฺถ  ภวราคานุสโย
อนุเสติ:     รูปธาตุยา     อรูปธาตุยา     เอตฺถ     ภวราคานุสโย
อนุเสติ   ฯ   กตฺถ   อวิชฺชานุสโย   อนุเสติ:  สพฺพสกฺกายปริยาปนฺเนสุ
ธมฺเมสุ เอตฺถ อวิชฺชานุสโย อนุเสติ ฯ
                                         อนุสยวาโร
     [๑๒๒๒]   ยสฺส   กามราคานุสโย   อนุเสติ   ตสฺส   ปฏิฆานุสโย
อนุเสตีติ:   อามนฺตา   ฯ  ยสฺส  วา  ปน  ปฏิฆานุสโย  อนุเสติ  ตสฺส
กามราคานุสโย    อนุเสตีติ:   อามนฺตา   ฯ   ยสฺส   กามราคานุสโย
อนุเสติ   ตสฺส   มานานุสโย  อนุเสตีติ:  อามนฺตา  ฯ  ยสฺส  วา  ปน
มานานุสโย   อนุเสติ   ตสฺส   กามราคานุสโย  อนุเสตีติ:  อนาคามิสฺส
มานานุสโย    อนุเสติ    โน   จ   ตสฺส   กามราคานุสโย   อนุเสติ
ติณฺณํ    ปุคฺคลานํ    มานานุสโย   จ   อนุเสติ   กามราคานุสโย   จ
อนุเสติ  ฯ  ยสฺส  กามราคานุสโย  อนุเสติ  ตสฺส ทิฏฺฐานุสโย อนุเสตีติ:
ทฺวินฺนํ   ปุคฺคลานํ  กามราคานุสโย  อนุเสติ  โน  จ  เตสํ  ทิฏฺฐานุสโย
อนุเสติ   ปุถุชฺชนสฺส   กามราคานุสโย   จ   อนุเสติ   ทิฏฺฐานุสโย  จ
อนุเสติ อนุเสตีติ: อามนฺตา ฯ
     {๑๒๒๒.๑}   ยสฺส     กามราคานุสโย     อนุเสติ     ตสฺส
วิจิกิจฺฉานุสโย     อนุเสตีติ:    ทฺวินฺนํ    ปุคฺคลานํ    กามราคานุสโย
อนุเสติ  โน  จ  เตสํ  วิจิกิจฺฉานุสโย อนุเสติ ปุถุชฺชนสฺส กามราคานุสโย
จ    อนุเสติ   วิจิกิจฉานุสโย   จ   อนุเสติ   ฯ   ยสฺส   วา   ปน
วิจิกิจฺฉานุสย   อนุเสติ  ตสฺส  กามราคานุสโย  อนุเสตีติ:  อามนฺตา  ฯ
ยสฺส    กามราคานุสโย   อนุเสติ   ตสฺส   ภวราคานุสโย   อนุเสตีติ:
อามนฺตา  ฯ  ยสฺส  วา  ปน  ภวราคานุสย อนุเสติ ตสฺส กามราคานุสโย
อนุเสตีติ:     อนาคามสฺส     ภวราคานุสโย    อนุเสติ    โน    จ
ตสฺส   กามราคานุสโย   อนุเสติ   ติณฺณํ   ปุคฺคลานํ  ภวราคานุสโย  จ
อนุเสติ   กามราคานุสโย   จ   อนุเสติ   ฯ   ยสฺส   กามราคานุสโย
อนุเสติ   ตสฺส  อวิชฺชานุสโย  อนุเสตีติ:  อามนฺตา  ฯ  ยสฺส  วา  ปน
อวิชฺชานุสโย   อนุเสติ   ตสฺส  กามราคานุสโย  อนุเสตีติ:  อนาคามิสฺส
อวิชฺชานุสโย    อนุเสติ   โน   จ   ตสฺส   กามราคานุสโย   อนุเสติ
ติณฺณํ    ปุคฺคลานํ   อวิชฺชานุสโย   จ   อนุเสติ   กามราคานุสโย   จ
อนุเสติ ฯ
     [๑๒๒๓]   ยสฺส  ปฏิฆานุสโย  อนุเสติ  ตสฺส  มานานุสโย อนุเสตีติ:
อามนฺตา   ฯ  ยสฺส  วา  ปน  มานานุสโย  อนุเสติ  ตสฺส  ปฏิฆานุสโย
อนุเสตีติ:    อนาคามิสฺส    มานานุสโย    อนุเสติ   โน   จ   ตสฺส
ปฏิฆานุสโย    อนุเสติ   ติณฺณํ   ปุคฺคลานํ   มานานุสโย   จ   อนุเสติ
ปฏิฆานุสโย  จ  อนุเสติ  ฯ  ยสฺส  ปฏิฆานุสโย อนุเสติ ตสฺส ทิฏฺฐานุสโย
ฯเปฯ    วิจิกิจฺฉานุสโย   อนุเสตีติ:   ทฺวินฺนํ   ปุคฺคลานํ   ปฏิฆานุสโย
อนุเสติ    โน    จ    เตสํ    วิจิกิจฺฉานุสโย   อนุเสติ   ปุถุชฺชนสฺส
ปฏิฆานุสโย  จ  อนุเสติ  จิกิจฺฉานุสโย  จ  อนุเสติ  ฯ  ยสฺส  วา  ปน
วิจิกิจฺฉานุสโย   อนุเสติ   ตสฺส   ปฏิฆานุสโย  อนุเสตีติ:  อามนฺตา  ฯ
ยสฺส  ปฏิฆานุสโย  อนุเสติ  ตสฺส  ภวาราคานุสโย  ฯเปฯ  อวิชฺชานุสโย
อนุเสตีติ:   อามนฺตา   ฯ   ยสฺส   วา   ปน  อวิชฺชายนุสโย  อนุเสติ
ตสฺส   ปฏิฆานุสโย   อนุเสตีติ:   อนาคามิสฺส   อวิชฺชานุสโย   อนุเสติ
โน   จ   ตสฺส   ปฏิฆานุสโย   อนุเสติ  ติรฺณํ  ปุคฺคลานํ  อวิชฺชานุสโย
จ อนุเสติ ปฏิฆานุสโย จ อนุเสติ ฯ
     [๑๒๒๔]   ยสฺส   มานานุสโย  อนุเสติ  ตสฺส  ทิฏฺฐานุสโย  ฯเปฯ
วิจิกิจฺฉานุสโย    อนุเสตีติ:   ติณฺณํ   ปุคฺคลานํ   มานานุสโย   อนุเสติ
โน   จ   เตสํ   วิจิกิจฺฉานุสโย   อนุเสติ  ปุถุชฺชนสฺส  มานานุสโย  จ
อนุเสติ  วิจิกิจฺฉานุสโย  จ  อนุเสติ  ฯ  ยสฺส  วา  ปน  วิจิกิจฺฉานุสฺโย
อนุเสติ    ตสฺส    มานานุสโย    อนุเสติ:    อามนฺตา    ฯ   ยสฺส
มานานุสโย    อนุเสติ   ตสฺส   ภวราคานุสโย   ฯเปฯ   อวิชฺชานุสโย
อนุเสตีติ:   อามนฺตา  ฯ  ยสฺส  วา  ปน  อวิชฺชานุสโย  อนุเสติ  ตสฺส
มานานุสโย อนุเสตีติ: อามนฺตา ฯ
     [๑๒๒๕]   ยสฺส   ทิฏฺฐานุสโย   อนุเสติ   ตสฺส   วิจิกิจฺฉานุสโย
อนุเสตีติ:   อามนฺตา   ฯ   ยสฺส   วา   ปน  วิจิกิจฺฉานุสโย  อนุเสติ
ตสฺส    ทิฏฺฐานุสโย   อนุเสตีติ:   อามนฺตา   ฯ   ยสฺส   ทิฏฺฐานุสโย
อนุเสติ    ตสฺส    ภวราคานุสโย   ฯเปฯ   อวิชฺชานุสโย   อนุเสตีติ:
อามนฺตา   ฯ  ยสฺส  วา  ปน  อวิชฺชานุสโย  อนุเสติสตสฺส  ทิฏฺฐานุสโย
อนุเสตีติ:   ติณฺณํ   ปุคฺคลานํ   อวิชฺชานุสโย   อนุเสติ   โน  จ  เตสํ
ทิฏฺฐานุสโย  อนุเสติ  ปุถุชฺชนสฺส  อวิชฺชานุสโย  จ  อนุเสติ  ทิฏฺฐานุสโย
จ อนุเสติ ฯ
     [๑๒๒๖]   ยสฺส   วิจิกิจฺฉานุสโย   อนุเสติ   ตสฺส  ภวราคานุสโย
ฯเปฯ   อวิชฺชานุสโย   อนุเสตีติ:   อามนฺตา   ฯ   ยสฺส   วา   ปน
อวิชฺชานุสโย    อนุเสติ    ตสฺส    วิจิกิจฺฉานุสโย   อนุเสตีติ:   ติรฺณํ
ปุคฺคลายนํ  อวิชฺชานุสโย  อนุเสติ  โน  จ  เตสํ  วิจิกิจฺฉานุสโย อนุเสติ
ปุถุชฺชนสฺส อวิชฺชานุสโย จ อนุเสติ วิจิกิจฺฉานุสโย จ อนุเสติ ฯ
     [๑๒๒๗]   ยสฺส   ภวราคานุสโย   อนุเสติ   ตสฺส   อวิชฺชานุสโย
อนุเสตีติ:   อามนฺตา   ฯ   ยสฺส   วา   ปน   อวิชฺชานุสโย  อนุเสติ
ตสฺส ภวราคานุสโย อนุเสตีติ: อามนฺตา ฯ
     [๑๒๒๘]   ยสฺส   กามราคานุสโย   จ  ปฏิฆานุสโย  จ  อนุเสนฺติ
ตสฺส  มานานุสโย  อนุเสตีติ:  อามนฺตา  ฯ  ยสฺส  วา  ปน มานานุสโย
อนุเสติ   ตสฺส   กามราคานุสโย   จ   ปฏิฆานุสโย   จ   อนุเสนฺตีติ:
อนาคามิสฺส   มานานุสโย   อนุเสติ   โน   จ   ตสฺส  กามราคานุสโย
จ   ปฏิฆานุสโย   จ   อนุเสนฺติ   ติณฺณํ   ปุคฺคลานํ   มานานุสโย   จ
อนุเสติ   กามราคานุสโย   จ   ปฏิฆานุสโย   จ   อนุเสนฺติ  ฯ  ยสฺส
กามราคานุสโย  จ  ปฏิฆานุสโย  จ  อนุเสนฺติ  ตสฺส  ทิฏฺฐานุสโย ฯเปฯ
วิจิกิจฺฉานุสโย    อนุเสตีติ:   ทฺวินฺนํ   ปุคฺคลานํ   กามราคานุสโย   จ
ปฏิฆานุสโย   จ   อนุเสนฺติ   โน   จ   เตสํ  วิจิกิจฺฉานุสโย  อนุเสติ
ปุถุชฺชนสส  กามราคานุสโย  จ  ปฏิฆานุสโย  จ  อนุเสนฺติ วิจิกิจฺฉานุสโย
จ   อนุเสติ   ฯ   ยสฺส   วา   ปน   วิจิกิจฺฉานุสโย   อนุเสติ  ตสฺส
กามราคานุสโย    จ   ปฏิฆานุสโย   จ   อนุเสนฺตีติ:   อามนฺตา   ฯ
ยสฺส  กามราคานุสโย  จ  ปฏิฆานุสโย  จ  อนุเสนฺติ ตสฺส ภวราคานุสโย
ฯเปฯ   อวิชฺชานุสโย   อนเสตีติ:   อามนฺตา   ฯ   ยสฺส   วา   ปน
อวิชฺชานุสโย   อนุเสติ   ตสฺส   กามราคานุสโย   จ   ปฏิฆานุสโย  จ
อนุเสนฺตีติ:    อนาคามิสส   อวิชฺชานุสโย   อนุเสติ   โน   จ   ตสฺส
กามราคานุสโย    จ   ปฏิฆานุสโย   จ   อนุเสนฺติ   ติณฺณํ   ปุคฺคลานํ
อวิชฺชานุสโย    จ   อนุเสติ   กามราคานุสโย   จ   ปฏิฆานุสโย   จ
อนุเสนฺติ ฯ
     [๑๒๒๙]   ยสฺส    กามราคานุสโย    จ    ปฏิฆานุสโย    จ
มานานุสโย   จ   อนุเสนฺติ   ตสฺส  ทิฏฺฐานุสโย  ฯเปฯ  วิจิกิจฺฉานุสโย
อนุเสตีติ:   ทฺวินฺนํ   ปุคฺคลายนํ   กามราคานุสโย   จ  ปฏิฆานุสโย  จ
มานานุสโย   จ   อนุเสนฺติ   โน   จ   เตสํ   วิจิกิจฺฉานุโย  อนุเสติ
ปุถุชฺชนสฺส   กามราคานุสโย   จ   ปฏิฆานุสโย   จ   มานานุสโย   จ
อนุเสนฺติ  วิจิกิจฺฉานุสโย  จ  อนุเสติ  ฯ  ยสฺส  วา  ปน วิจิกิจฺฉานุสโย
อนุเสติ   ตสฺส   กามราคานุสโย   จ  ปฏิฆานุสโย  จ  มานานุสโย  จ
อนุเสนฺตีติ:   อามนฺตา   ฯ  ยสฺส  กามราคานุสโย  จ  ปฏิฆานุสโย  จ
มานานุสโย   จ   อนุเสนฺติ  ตสฺส  ภวราคานุสโย  ฯเปฯ  อวิชฺชานุสโย
อนุเสตีติ:   อามนฺตา  ฯ  ยสฺส  วา  ปน  อวิชฺชานุสโย  อนุเสติ  ตสฺส
กามราคานุสโย   จ   ปฏิฆานุสโยก   จ   มานานุสโย  จ  อนุเสนฺตีติ:
อนาคามิสฺส  อวิชฺชานุสโย  จ  มานานุสโย  จ  อนุเสนฺติ  โน  จ  ตสฺส
กามราคานุสโย    จ    ปฏิฆานุสโย   จ   อุเสนฺติ   ติณฺณํ   ปุคฺคลานํ
อวิชฺชานุสโย    จ   อนุเสติ   กามราคานุสโย   จ   ปฏิฆานุสโย   จ
มานานุสโย จ อนุเสนฺติ ฯ
     [๑๒๓๐]   ยสฺส  กามราคานุสโย  จ  ปฏิฆานุสโย  จ มานานุสโย จ
ทิฏฺฐานุสโย  จ  อนุเสนฺติ  ตสฺส  วิจิกิจฺฉานุสโย  อนุเสตีติ:  อามนฺตา ฯ
ยสฺส   วา   ปน   วิจิกิจฺฉานุสโย   อนุเสติ  ตสฺส  กามราคานุสโย  จ
ปฏิฆานุสโย  จ  มานานุสโย  จ  ทิฏฺฐานุสโย  จ อนุเสนฺตีติ: อามนฺตา ฯ
ยสฺส  กามราคานุสโย  จ  ปฏิฆานุสโย  จ  มานานุสโย จ ทิฏฺฐานุสโย จ
อนุเสนฺติ    ตสฺส   ภวราคานุสโย   ฯเปฯ   อวิชฺชานุสโย   อนุเสตีติ:
อามนฺตา  ฯ  ยสฺส  วา  ปน  อวิชฺชานุสโย อนุเสติ ตสฺส กามราคานุสโย
จ   ปฏิฆานุสโย   จ   มานานุสโย   จ   ทิฏฺฐานุสโย  จ  อนุเสนฺตีติ:
อนาคามิสฺส   อวิชฺชานุสโย   จ   มานานุสโย   จ   อนุเสนฺติ  โน  จ
ตสฺส   กมราคานุสโย   จ   ปฏิฆานุสโย  จ  ทิฏฺฐานุสโย  จ  อนุเสนฺติ
ทฺวินฺนํ  ปุคฺคลานํ  อวิชฺชานุสโย  จ  กามราคานุสโย  จ  ปฏิฆานุสโย  จ
มานานุสโย  จ  อนุเสนฺติ  โน  จ  เตสํ  ทิฏฺฐานุสโย อนุเสติ ปุถุชฺชนสฺส
อวิชฺชานุสโย  จ  อนุเสติ  กามราคานุสโย  จ ปฏิฆานุสโย จ มานานุสโย
จ ทิฏฺฐานุสโย จ อนุเสนฺติ ฯ
     [๑๒๓๑]   ยสฺส  กามราคานุสโย  จ  ปฏิฆานุสโย  จ มานานุสโย จ
ทิฏฺฐานุสโย   จ   วิจิกิจฺฉานุสโย   จ   อนุเสนฺติ  ตสฺส  ภวราคานุสโย
ฯเปฯ  อวิชฺชานุสโย  อนุเสตีติ:  อามนฺตา  ฯ ยสฺส วา ปน อวิชฺชานุสโย
อนุเสติ   ตสฺส   กามราคานุสโย   จ  ปฏิฆานุสโย  จ  มานานุสโย  จ
ทิฏฺฐานุสโย    จ    วิจิกิจฺฉานุสโย    จ    อนุเสนฺตีติ:   อนาคามิสฺส
อวิชฺชานุสโย  จ  มานานุสโย  จ อนุเสนฺติ โน จ ตสฺส กามราคานุสโย จ
ปฏิฆานุสโย    จ    ทิฏฺฐานุสโย   จ   วิจิกิจฺฉานุสโย   จ   อนุเสนฺติ
ทฺวินฺนํ    ปุคฺคลานํ    จ    อนุเสนฺติ   ปุถุชฺชนสฺส   อวิชฺชานุสโย   จ
ปฏิฆานุสโย  จ  มานานุสโย  จ  อนุเสนฺติ  โน  จ  เตสํ ทิฏฺฐานุสโย จ
วิจิกิจฺฉานุสโย     จ    อนุเสนฺติ    ปุถุชฺชนสฺส    อวิชฺชานุสโย    จ
อนุเสติ    กามราคานุสโย    จ   ปฏิฆานุสโย   จ   มานานุสโย   จ
ทิฏฺฐานุสโย จ วิจิกิจฺฉานุสโย จ อนุเสนฺติ ฯ
     [๑๒๓๒]   ยสฺส  กามราคานุสโย  จ  ปฏิฆานุสโย  จ มานานุสโย จ
ทิฏฺฐานุสโย   จ  วิจิกิจฺฉานุสโย  จ  ภวราคานุสโย  จ  อนุเสนฺติ  ตสฺส
อวิชฺชานุสโย   อนุเสตีติ:   อามนฺตา  ฯ  ยสฺส  วา  ปน  อวิชฺชานุสโย
อนุเสติ   ตสฺส   กามราคานุสโย   จ  ปฏิฆานุสโย  จ  มานานุสโย  จ
ทิฏฺฐานุสโย   จ   วิจิกิจฺฉานุสโย   จ   ภวราคานุสโย  จ  อนุเสนฺตีติ:
อนาคามิสฺส   อวิชฺชานุสโย   จ   มานานุสโย   จ   ภวราคานุสโย  จ
อนุเสนฺติ  โน  จ  ตสฺส  กามราคานุสโย  จ  ปฏิฆานุสโย จ ทิฏฺฐานุสโย
จ   วิจิกิจฺฉานุสโย   จ   อนุเสนฺติ   ทฺวินฺนํ   ปุคฺคลานํ   อวิชฺชานุสโย
จ  กามราคานุสโย  จ  ปฏิฆานุสโย  จ  มานานุสโย  จ  ภวราคานุสโย
จ   อนุเสนฺติ   โน   จ   เตสํ   ทิฏฺฐานุสโย   จ  วิจิกิจฺฉานุสโย  จ
อนุเสนฺติ   ปุถุชฺชนสฺส   อวิชฺชานุสโย   จ  อนุเสติ  กามราคานุสโย  จ
ปฏิฆานุสโย   จ   มานานุสโย   จ  ทิฏฺฐานุสโย  จ  วิจิกิจฺฉานุสโย  จ
ภวราคานุสโย จ อนุเสนฺติ ฯ
     [๑๒๓๓]   ยตฺถ   กามราคานุสโย   อนุเสติ   ตตฺถ   ปฏิฆานุสโย
อนุเสตีติ:   โน   ฯ   ยตฺถ   วา   ปน   ปฏิฆานุสโย  อนุเสติ  ตตฺถ
กามราคานุสโย   อนุเสตีติ:   โน   ฯ  ยตฺถ  กามราคานุสโย  อนุเสติ
ตตฺถ  มานานุสโย  อนุเสตีติ:  อามนฺตา  ฯ  ยตฺถ  วา  ปน มานานุสโย
อนุเสติ   ตตฺถ   กามราคานุสโย   อนุเสตีติ:   รูปธาตุยา  อรูปธาตุยา
เอตฺถ   มานานุสโย   อนุเสติ  โน  จ  ตตฺถ  กามราคานุสโย  อนุเสติ
กามธาตุยา    ทฺวีสุ    เวทนาสุ   เอตฺถ   มานานุสโย   จ   อนุเสติ
กามราคานุสโย   จ  อนุเสติ  ฯ  ยตฺถ  กามราคานุสโย  อนุเสติ  ตตฺถ
ทิฏฺฐานุสโย    ฯเปฯ    วิจิกิจฺฉานุสโย    อนุเสตีติ:    อามนฺตา   ฯ
ยตฺถ    วา   ปน   วิจิกิจฺฉานุสโย   อนุเสติ   ตตฺถ   กามราคานุสโย
อนุเสตีติ:    ทุกฺขาย    เวทนาย    รูปธาตุยา   อรูปธาตุยา   เอตฺถ
วิจิกิจฺฉานุสโย   อนุเสติ   โน   จ   ตตฺถ   กามราคานุสโย   อนุเสติ
กามธาตุยา   ทฺวีสุ   เวทนาสุ   เอตฺถ   วิจิกิจฺฉานุสโย   จ   อนุเสติ
กามราคานุสโย จ อนุเสติ ฯ
     {๑๒๓๓.๑}   ยตฺถ  กามราคานุสโย  อนุเสติ  ตตฺถ  ภวราคานุสโย
อนุเสตีติ:   โน   ฯ   ยตฺถ   วา  ปน  ภวราคานุสโย  อนุเสติ  ตตฺถ
กามราคานุสโย  อนุเสตีติ:  โน  ฯ  ยตฺถ  กามราคานุสโย อนุเสติ ตตฺถ
อวิชฺชานุสโย   อนุเสตีติ:   อามนฺตา  ฯ  ยตฺถ  วา  ปน  อวิชฺชานุสโย
อนุเสติ  ตตฺถ  กามราคานุสโย  อนุเสตีติ:  ทุกฺขาย  เวทนาย รูปธาตุยา
อรูปธาตุยา  เอตฺถ  อวิชฺชานุสโย  อนุเสติ  โน  จ ตตฺถ กามราคานุสโย
อนุเสติ  กามธาตุยา  ทฺวีสุ  เวทนาสุ  เอตฺถ  อวิชฺชานุสโย  จ  อนุเสติ
กามราคานุสโย จ อนุเสติ ฯ
     [๑๒๓๔]   ยตฺถ  ปฏิฆานุสโย  อนุเสติ  ตตฺถ  มานานุสโย อนุเสตีติ:
โน   ฯ   ยตฺถ   วา   ปน   มานานุสโย  อนุเสติ  ตตฺถ  ปฏิฆานุสโย
อนุเสตีติ:   โน   ฯ   ยตฺถ   ปฏิฆานุสโย  อนุเสติ  ตตฺถ  ทิฏฺฐานุสโย
ฯเปฯ   วิจิกิจฺฉานุสโย   อนุเสตีติ:   อามนฺตา   ฯ   ยตฺถ   วา  ปน
วิจิกิจฺฉานุสโย   อนุเสติ   ตตฺถ   ปฏิฆานุสโย   อนุเสตีติ:  กามธาตุยา
ทฺวีสุ  เวทนาสุ  รูปธาตุยา  อรูปธาตุยา  เอตฺถ  วิจิกิจฺฉานุสโย  อนุเสติ
โน   จ   ตตฺถ   ปฏิฆานุสโย   อนุเสติ   ทุกฺขาย   เวทนาย   เอตฺถ
วิจิกิจฺฉานุสโย   จ   อนุเสติ   ปฏิฆานุสโย   จ   อนุเสติ   ฯ   ยตฺถ
ปฏิฆานุสโย    อนุเสติ   ตตฺถ   ภวราคานุสโย   อนุเสตีติ:   โน   ฯ
ยตฺถ    วา    ปน    ภวราคานุสโย    อนุเสติ   ตตฺถ   ปฏิฆานุสโย
อนุเสตีติ:   โน   ฯ   ยตฺถ  ปฏิฆานุสโย  อนุเสติ  ตตฺถ  อวิชฺชานุสโย
อนุเสตีติ:   อามนฺตา  ฯ  ยตฺถ  วา  ปน  อวิชฺชานุสโย  อนุเสติ  ตตฺถ
ปฏิฆานุสโย    อนุเสตีติ:   กามธาตุยา   ทวีสุ   เวทนาสุ   รูปธาตุยา
อรูปธาตุยา  เอตฺถ  อวิชฺชานุสโย   อนุเสติ  โน  จ  ตตฺถ  ปฏิฆานุสโย
อนุเสติ    ทุกฺขาย   เวทนาย    เอตฺถ   อวิชฺชานุสโย   จ   อนุเสติ
ปฏิฆานุสโย จ อนุเสติ ฯ
     [๑๒๓๕]   ยตฺถ   มานานุสโย  อนุเสติ  ตตฺถ  ทิฏฺฐานุสโย  ฯเปฯ
วิจิกิจฺฉานุสโย  อนุเสตีติ:  อามนฺตา  ฯ  ยตฺถ  วา  ปน  วิจิกิจฺฉานุสโย
อนุเสติ   ตตฺถ   มานานุสโย   อนุเสตีติ:   ทุกฺขาย   เวทนาย  เอตฺถ
วิจิกิจฺฉานุสโย  อนุเสติ  โน  จ  ตตฺถ  มานานุสโย  อนุเสติ กามธาตุยา
ทฺวีสุ   เวทนาสุ   รูปธาตุยา   อรูปธาตุยา   เอตฺถ  วิจิกิจฺฉานุสโย  จ
อนุเสติ  มานานุสโย  จ  อนุเสติ  ฯ  ยตฺถ  มานานุสโย  อนุเสติ  ตตฺถ
ภวราคานุสโย    อนุเสตีติ:    กามธาตุยา   ทฺวีสุ   เวทนาสุ   เอตฺถ
มานานุสโย  อนุเสติ  โน  จ  ตตฺถ  ภวราคานุสโย  อนุเสติ  รูปธาตุยา
อรูปธาตุยา    เอตฺถ    มานานุสโย    จ    อนุเสติ   ภวราคานุสโย
จ   อนุเสติ   ฯ   ยตฺถ   วา   ปน   ภวราคานุสโย   อนุเสติ  ตตฺถ
มานานุสโย   อนุเสตีติ:   อามนฺตา   ฯ   ยตฺถ   มานานุสโย  อนุเสติ
ตตฺถ  อวิชฺชานุสโย  อนุเสตีติ:  อามนฺตา  ฯ  ยตฺถ วา ปน อวิชฺชานุสโย
อนุเสติ   ตตฺถ   มานานุสโย   อนุเสตีติ:   ทุกฺขาย   เวทนาย  เอตฺถ
อวิชฺชานุสโย  อนุเสติ  โน  จ  ตตฺถ  มานานุสโย  อนุเสติ  กามธาตุยา
ทฺวีสุ    เวทนาสุ    รูปธาตุยา    อรูปธาตุยา   เอตฺถ   อวิชฺชานุสโย
จ อนุเสติ มานานุสโย จ อนุเสติ ฯ
     [๑๒๓๖]   ยตฺถ   ทิฏฺฐานุสโย   อนุเสติ   ตตฺถ   วิจิกิจฺฉานุสโย
อนุเสตีติ:   อามนฺตา   ฯ   ยตฺถ   วา   ปน  วิจิกิจฺฉานุสโย  อนุเสติ
ตตฺถ    ทิฏฺฐานุสโย   อนุเสตีติ:   อามนฺตา   ฯ   ยตฺถ   ทิฏฺฐานุสโย
อนุเสติ   ตตฺถ   ภวราคานุสโย  อนุเสตีติ:  กามธาตุยา  ตีสุ  เวทนาสุ
เอตฺถ   ทิฏฺฐานุสโย   อนุเสติ   โน  จ  ตตฺถ  ภวราคานุสโย  อนุเสติ
รูปธาตุยา  อรูปธาตุยา  เอตฺถ  ทิฏฺฐานุสโย  จ  อนุเสติ  ภวราคานุสโย
จ  อนุเสติ  ฯ  ยตฺถ  วา  ปน  ภวราคานุสโย อนุเสติ ตตฺถ ทิฏฺฐานุสโย
อนุเสตีติ:    อามนฺตา    ฯ    ยตฺถ    ทิฏฺฐานุสโย   อนุเสติ   ตตฺถ
อวิชฺชานุสโย   อนุเสตีติ:   อามนฺตา  ฯ  ยตฺถ  วา  ปน  อวิชฺชานุสโย
อนุเสติ ตตฺถ ทิฏฺฐานุสโย อนุเสตีติ: อามนฺตา ฯ
     [๑๒๓๗]   ยตฺถ   วิจิกิจฺฉานุสโย   อนุเสติ   ตตฺถ  ภวราคานุสโย
อนุเสตีติ:    กามธาตุยา    ตีสุ    เวทนาสุ   เอตฺถ   วิจิกิจฺฉานุสโย
อนุเสติ  โน  จ  ตตฺถ  ภวราคานุสโย  อนุเสติ  รูปธาตุยา  อรูปธาตุยา
เอตฺถ   วิจิกิจฺฉานุสโย   จ   อนุเสติ   ภวราคานุสโย  จ  อนุเสติ  ฯ
ยตฺถ  วา  ปน  ภวราคานุสโย  อนุเสติ  ตตฺถ  วิจิกิจฺฉานุสโย อนุเสตีติ:
อามนฺตา   ฯ   ยตฺถ   วิจิกิจฺฉานุสโย   อนุเสติ   ตตฺถ   อวิชฺชานุสโย
อนุเสตีติ:   อามนฺตา  ฯ  ยตฺถ  วา  ปน  อวิชฺชานุสโย  อนุเสติ  ตตฺถ
วิจิกิจฺฉานุสโย อนุเสตีติ: อามนฺตา ฯ
     [๑๒๓๘]   ยตฺถ   ภวราคานุสโย   อนุเสติ   ตตฺถ   อวิชฺชานุสโย
อนุเสตีติ:   อามนฺตา  ฯ  ยตฺถ  วา  ปน  อวิชฺชานุสโย  อนุเสติ  ตตฺถ
ภวราคานุสโย    อนุเสตีติ:    กามธาตุยา    ตีสุ   เวทนาสุ   เอตฺถ
อวิชฺชานุสโย  อนุเสติ  โน  จ  ตตฺถ  ภวราคานุสโย  อนุเสติ รูปธาตุยา
อรูปธาตุยา เอตฺถ อวิชฺชานุสโย จ อนุเสติ ภวราคานุสโย จ อนุเสติ ฯ
     [๑๒๓๙]   ยตฺถ   กามราคานุสโย   จ  ปฏิฆานุสโย  จ  อนุเสนฺติ
ตตฺถ   มานานุสโย   อนุเสตีติ:  นตฺถิ  ฯ  ยตฺถ  วา  ปน  มานานุสโย
อนุเสติ   ตตฺถ   กามราคานุสโย   จ   ปฏิฆานุสโย   จ   อนุเสนฺตีติ:
รูปธาตุยา   อรูปธาตุยา   เอตฺถ   มานานุสโย  อนุเสติ  โน  จ  ตตฺถ
กามราคานุสโย   จ   ปฏิฆานุสโย   จ   อนุเสนฺติ   กามธาตุยา  ทฺวีสุ
เวทนาสุ  เอตฺถ  มานานุสโย  จ  กามราคานุสโย  จ  อนุเสนฺติ  โน จ
ตตฺถ   ปฏิฆานุสโย   อนุเสติ   ทุกฺขาย   เวทนาย  เอตฺถ  ปฏิฆานุสโย
อนุเสติ  โน  จ  ตตฺถ  กามราคานุสโย จ มานานุสโย จ อนุเสนฺติ ๑- ฯ
ยตฺถ  กามราคานุสโย  จ  ปฏิฆานุสโย  จ  อนุเสนฺติ  ตตฺถ  ทิฏฺฐานุสโย
ฯเปฯ    วิจิกิจฺฉานุสโย    อนุเสตีติ:   นตฺถิ   ฯ   ยตฺถ   วา   ปน
@เชิงอรรถ:  ทุกฺขาย เวทนาสูตฺยาทิ ภวราคานุสยวาเร วกฺขมานเหตุโต อติเรกํ
@สิยา ฯ
วิจิกิจฺฉานุสโย   อนุเสติ   ตตฺถ   กามราคานุสโย   จ  ปฏิฆานุสโย  จ
อนุเสนฺตีติ:   รูปธาตุยา   อรูปธาตุยา   เอตฺถ  วิจิกิจฺฉานุสโย  อนุเสติ
โน  จ  ตตฺถ  กามราคานุสโย  จ  ปฏิฆานุสโย  จ อนุเสนฺติ กามธาตุยา
ทฺวีสุ  เวทนาสุ  เอตฺถ  วิจิกิจฺฉานุสโย  จ  กามราคานุสโย  จ อนุเสนฺติ
โน  จ  ตตฺถ  ปฏิฆานุสโย อนุเสติ ทุกฺขาย เวทนาย เอตฺถ วิจิกิจฺฉานุสโย
จ    ปฏิฆานุสโย   จ   อนุเสนฺติ   โน   จ   ตตฺถ   กามราคานุสโย
อนุเสติ ฯ
     {๑๒๓๙.๑}   ยตฺถ  กามราคานุสโย  จ  ปฏิฆานุสโย  จ  อนุเสนฺติ
ตตฺถ  ภวราคานุสโย  อนุเสตีติ:  นตฺถิ  ฯ  ยตฺถ  วา ปน ภวราคานุสโย
อนุเสติ   ตตฺถ   กามราคานุสโย   จ   ปฏิฆานุสโย   จ   อนุเสนฺตีติ:
โน   ฯ   ยตฺถ   กามราคานุสโย  จ  ปฏิฆานุสโย  จ  อนุเสนฺติ  ตตฺถ
อวิชฺชานุสโย   อนุเสตีติ:   นตฺถิ   ฯ   ยตฺถ   วา  ปน  อวิชฺชานุสโย
อนุเสติ   ตตฺถ   กามราคานุสโย   จ   ปฏิฆานุสโย   จ   อนุเสนฺตีติ:
รูปธาตุยา   อรูปธาตุยา   เอตฺถ  อวิชฺชานุสโย  อนุเสติ  โน  จ  ตตฺถ
กามราคานุสโย   จ   ปฏิฆานุสโย   จ   อนุเสนฺติ   กามธาตุยา  ทฺวีสุ
เวทนาสุ   เอตฺถ   อวิชฺชานุสโย   จ   กามราคานุสโย   จ  อนุเสนฺติ
โน   จ   ตตฺถ   ปฏิฆานุสโย   อนุเสติ   ทุกฺขาย   เวทนาย   เอตฺถ
อวิชฺชานุสโย  จ  ปฏิฆานุสโย  จ  อนุเสนฺติ  โน จ ตตฺถ กามราคานุสโย
อนุเสติ ฯ
     [๑๒๔๐]   ยตฺถ  กามราคานุสโย  จ  ปฏิฆานุสโย จ มานานุสโย จ
อนุเสนฺติ    ตตฺถ    ทิฏฺฐานุสโย   ฯเปฯ   วิจิกิจฺฉานุสโย   อนุเสตีติ:
นตฺถิ  ฯ  ยตฺถ  วา  ปน  วิจิกิจฺฉานุสโย  อนุเสติ  ตตฺถ กามราคานุสโย
จ    ปฏิฆานุสโย    จ    มานานุสโย   จ   อนุเสนฺตีติ:   รูปธาตุยา
อรูปธาตุยา   เอตฺถ   วิจิกิจฺฉานุสโย   จ   มานานุสโย   จ  อนุเสนฺติ
โน  จ  ตตฺถ  กามราคานุสโย  จ  ปฏิฆานุสโย  จ อนุเสนฺติ กามธาตุยา
ทฺวีสุ    เวทนาสุ   เอตฺถ   วิจิกิจฺฉานุสโย   จ   กามราคานุสโย   จ
มานานุสโย  จ  อนุเสนฺติ  โน  จ  ตตฺถ  ปฏิฆานุสโย  อนุเสติ  ทุกฺขาย
เวทนาย  เอตฺถ  วิจิกิจฺฉานุสโย  จ  ปฏิฆานุสโย  จ  อนุเสนฺติ  โน  จ
ตตฺถ กามราคานุสโย จ มานานุสโย จ อนุเสนฺติ ฯ
     {๑๒๔๐.๑}   ยตฺถ     กามราคานุสโย     จ    ปฏิฆานุสโย
จ    มานานุสโย   จ   อนุเสนฺติ   ตตฺถ   ภวราคานุสโย   อนุเสตีติ:
นตฺถิ    ฯ    ยตฺถ    วา    ปน    ภวราคานุสโย   อนุเสติ   ตตฺถ
กามราคานุสโย   จ   ปฏิฆานุสโย   จ   มานานุสโย   จ  อนุเสนฺตีติ:
รูปธาตุยา   อรูปธาตุยา   เอตฺถ   ภวราคานุสโย   จ  มานานุสโย  จ
อนุเสนฺติ  โน  จ  ตตฺถ  กามราคานุสโย  จ  ปฏิฆานุสโย  จ  อนุเสนฺติ
กามธาตุยา  ทฺวีสุ  เวทนาสุ  เอตฺถ  กามราคานุสโย  จ  มานานุสโย จ
อนุเสนฺติ   โน  จ  ตตฺถ  ภวราคานุสโย  จ  ปฏิฆานุสโย  จ  อนุเสนฺติ
ทุกฺขาย  เวทนาย  เอตฺถ  ปฏิฆานุสโย อนุเสติ โน จ ตตฺถ ภวราคานุสโย
จ   กามราคานุสโย   จ   มานานุสโย   จ   อนุเสนฺติ  ๑-  ฯ  ยตฺถ
@เชิงอรรถ:  กามธาตุยา ทฺวีสุ เวทนาสุ ฯเปฯ ปฏิฆานุสโย จ มานานุสโย จ
@อนุเสนฺตีติ วจนํ อติเรกํ สิยา ฯ อิมสฺมึ หิ วาเร ภวราคานุสยสฺเสว
@อญฺเญหิ สทฺธึ อนุสยนฏฺฐานํ ปุจฺฉติ น อญฺเญสํ ตสฺมา ยตฺถ
@โส อนุเสติ ตญฺเญว นิทฺทิสิตฺวา วิสฺสชฺชนา กาตพฺพา ฯ
กามราคานุสโย   จ   ปฏิฆานุสโย  จ  มานานุสโย  จ  อนุเสนฺติ  ตตฺถ
อวิชฺชานุสโย   อนุเสตีติ:   นตฺถิ   ฯ   ยตฺถ   วา  ปน  อวิชฺชานุสโย
อนุเสติ   ตตฺถ    กามราคานุสโย  จ  ปฏิฆานุสโย  จ  มานานุสโย  จ
อนุเสนฺตีติ:  รูปธาตุยา  อรูปธาตุยา  เอตฺถ  อวิชฺชานุสโย จ มานานุสโย
จ   อนุเสนฺติ   โน   จ   ตตฺถ   กามราคานุสโย  จ  ปฏิฆานุสโย  จ
อนุเสนฺติ   กามธาตุยา   ทฺวีสุ   เวทนาสุ   เอตฺถ   อวิชฺชานุสโย   จ
กามราคานุสโย  จ  มานานุสโย  จ  อนุเสนฺติ  โน  จ ตตฺถ ปฏิฆานุสโย
อนุเสติ   ทุกฺขาย   เวทนาย  เอตฺถ  อวิชฺชานุสโย  จ  ปฏิฆานุสโย  จ
อนุเสนฺติ โน จ ตตฺถ กามราคานุสโย จ มานานุสโย จ อนุเสนฺติ ฯ
     [๑๒๔๑]   ยตฺถ  กามราคานุสโย  จ  ปฏิฆานุสโย จ มานานุสโย จ
ทิฏฺฐานุสโย   จ   อนุเสนฺติ  ตตฺถ  วิจิกิจฺฉานุสโย  อนุเสตีติ:  นตฺถิ  ฯ
ยตฺถ   วา   ปน   วิจิกิจฺฉานุสโย   อนุเสติ  ตตฺถ  กามราคานุสโย  จ
ปฏิฆานุสโย  จ  มานานุสโย  จ  ทิฏฺฐานุสโย  จ  อนุเสนฺตีติ: รูปธาตุยา
อรูปธาตุยา  เอตฺถ  วิจิกิจฺฉานุสโย  จ  มานานุสโย  จ  ทิฏฺฐานุสโย  จ
อนุเสนฺติ  โน  จ  ตตฺถ  กามราคานุสโย  จ  ปฏิฆานุสโย  จ  อนุเสนฺติ
กามธาตุยา  ทฺวีสุ  เวทนาสุ  เอตฺถ  วิจิกิจฺฉานุสโย  จ  กามราคานุสโย
จ   มานานุสโย   จ   ทิฏฺฐานุสโย   จ   อนุเสนฺติ   โน   จ   ตตฺถ
ปฏิฆานุสโย   อนุเสติ   ทุกฺขาย   เวทนาย   เอตฺถ  วิจิกิจฺฉานุสโย  จ
ปฏิฆานุสโย  จ  ทิฏฺฐานุสโย  จ  อนุเสนฺติ  โน  จ ตตฺถ กามราคานุสโย
จ    มานานุสโย    จ   อนุเสนฺติ   ฯ   ยตฺถ   กามราคานุสโย   จ
ปฏิฆานุสโย   จ   มานานุสโย   จ   ทิฏฺฐานุสโย   จ  อนุเสนฺติ  ตตฺถ
ภวราคานุสโย   อนุเสตีติ:   นตฺถิ   ฯ  ยตฺถ  วา  ปน  ภวราคานุสโย
อนุเสติ   ตตฺถ   กามราคานุสโย   จ  ปฏิฆานุสโย  จ  มานานุสโย  จ
ทิฏฺฐานุสโย    จ    อนุเสนฺตีติ:    รูปธาตุยา    อรูปธาตุยา   เอตฺถ
ภวราคานุสโย  จ  มานานุสโย  จ  ทิฏฺฐานุสโย  จ อนุเสนฺติ โน จ ตตฺถ
กามราคานุสโย   จ   ปฏิฆานุสโย   จ   อนุเสนฺติ   กามธาตุยา  ทฺวีสุ
เวทนาสุ   เอตฺถ  กามราคานุสโย  จ  มานานุสโย  จ  ทิฏฺฐานุสโย  จ
อนุเสนฺติ   โน  จ  ตตฺถ  ภวราคานุสโย  จ  ปฏิฆานุสโย  จ  อนุเสนฺติ
ทุกฺขาย   เวทนาย   เอตฺถ  ปฏิฆานุสโย  จ  ทิฏฺฐานุสโย  จ  อนุเสนฺติ
โน   จ  ตตฺถ  ภวราคานุสโย  จ  กามราคานุสโย  จ  มานานุสโย  จ
อนุเสนฺติ ๑- ฯ
     {๑๒๔๑.๑}   ยตฺถ  กามราคานุสโย  จ  ปฏิฆานุสโย จ มานานุสโย
จ    ทิฏฺฐานุสโย    จ   อนุเสนฺติ   ตตฺถ   อวิชฺชานุสโย   อนุเสตีติ:
นตฺถิ  ฯ  ยตฺถ  วา  ปน  อวิชฺชานุสโย  อนุเสติ ตตฺถ กามราคานุสโย จ
ปฏิฆานุสโย  จ  มานานุสโย  จ  ทิฏฺฐานุสโย  จ  อนุเสนฺตีติ: รูปธาตุยา
อรูปธาตุยา   เอตฺถ  อวิชฺชานุสโย  จ  มานานุสโย  จ  ทิฏฺฐานุสโย  จ
อนุเสนฺติ  โน  จ  ตตฺถ  กามราคานุสโย  จ  ปฏิฆานุสโย  จ  อนุเสนฺติ
กามธาตุยา  ทฺวีสุ  เวทนาสุ  เอตฺถ  อวิชฺชานุสโย  จ กามราคานุสโย จ
มานานุสโย   จ  ทิฏฺฐานุสโย  จ  อนุเสนฺติ  โน  จ  ตตฺถ  ปฏิฆานุสโย
@เชิงอรรถ:  อิธาปิ กามธาตุยา ทฺวีสุ เวทนาสูตฺยาทิ วุตฺตาธิปฺปายโต อติเรกํ
@สิยา ฯ
อนุเสติ   ทุกฺขาย   เวทนาย  เอตฺถ  อวิชฺชานุสโย  จ  ปฏิฆานุสโย  จ
ทิฏฺฐานุสโย  จ  อนุเสนฺติ  โน  จ  ตตฺถ  กามราคานุสโย จ มานานุสโย
จ อนุเสนฺติ ฯ
     [๑๒๔๒]   ยตฺถ  กามราคานุสโย  จ  ปฏิฆานุสโย จ มานานุสโย จ
ทิฏฺฐานุสโย   จ   วิจิกิจฺฉานุสโย   จ   อนุเสนฺติ  ตตฺถ  ภวราคานุสโย
อนุเสตีติ:   นตฺถิ   ฯ   ยตฺถ  วา  ปน  ภวราคานุสโย  อนุเสติ  ตตฺถ
กามราคานุสโย   จ   ปฏิฆานุสโย  จ  มานานุสโย  จ  ทิฏฺฐานุสโย  จ
วิจิกิจฺฉานุสโย    จ    อนุเสนฺตีติ:   รูปธาตุยา   อรูปธาตุยา   เอตฺถ
ภวราคานุสโย   จ  มานานุสโย  จ  ทิฏฺฐานุสโย  จ  วิจิกิจฺฉานุสโย  จ
อนุเสนฺติ  โน  จ  ตตฺถ  กามราคานุสโย  จ  ปฏิฆานุสโย  จ  อนุเสนฺติ
กามธาตุยา  ทฺวีสุ  เวทนาสุ  เอตฺถ  กามราคานุสโย  จ  มานานุสโย จ
ทิฏฺฐานุสโย  จ  วิจิกิจฺฉานุสโย  จ  อนุเสนฺติ  โน จ ตตฺถ ภวราคานุสโย
จ   ปฏิฆานุสโย   จ  อนุเสนฺติ  ทุกฺขาย  เวทนาย  เอตฺถ  ปฏิฆานุสโย
จ   ทิฏฺฐานุสโย   จ   วิจิกิจฺฉานุสโย   จ   อนุเสนฺติ   โน  จ  ตตฺถ
ภวราคานุสโย จ กามราคานุสโย จ มานานุสโย จ อนุเสนฺติ ๑- ฯ
     {๑๒๔๒.๑}  ยตฺถ  กามราคานุสโย จ ปฏิฆานุสโย จ มานานุสโย จ
ทิฏฺฐานุสโย  จ  วิจิกิจฺฉานุสโย  จ อนุเสนฺติ ตตฺถ อวิชฺชานุสโย อนุเสตีติ:
นตฺถิ  ฯ  ยตฺถ  วา  ปน  อวิชฺชานุสโย  อนุเสติ ตตฺถ กามราคานุสโย จ
@เชิงอรรถ:  อิธาปิ กามธาตุยา ทฺวีสุ เวทนาสูตฺยาทินา วุตฺตาธิปฺปายโต อติเรเกน
@ภวิตพฺพํ ฯ
ปฏิฆานุสโย   จ   มานานุสโย   จ  ทิฏฺฐานุสโย  จ  วิจิกิจฺฉานุสโย  จ
อนุเสนฺตีติ:  รูปธาตุยา  อรูปธาตุยา  เอตฺถ  อวิชฺชานุสโย จ มานานุสโย
จ   ทิฏฺฐานุสโย   จ   วิจิกิจฺฉานุสโย   จ   อนุเสนฺติ   โน  จ  ตตฺถ
กามราคานุสโย   จ   ปฏิฆานุสโย   จ   อนุเสนฺติ   กามธาตุยา  ทฺวีสุ
เวทนาสุ  เอตฺถ  อวิชฺชานุสโย  จ  กามราคานุสโย  จ  มานานุสโย  จ
ทิฏฺฐานุสโย  จ  วิจิกิจฺฉานุสโย  จ  อนุเสนฺติ  โน  จ  ตตฺถ ปฏิฆานุสโย
อนุเสติ   ทุกฺขาย   เวทนาย  เอตฺถ  อวิชฺชานุสโย  จ  ปฏิฆานุสโย  จ
ทิฏฺฐานุสโย  จ  วิจิกิจฺฉานุสโย  จ  อนุเสนฺติ โน จ ตตฺถ กามราคานุสโย
จ มานานุสโย จ อนุเสนฺติ ฯ
     [๑๒๔๓]   ยตฺถ  กามราคานุสโย  จ  ปฏิฆานุสโย จ มานานุสโย จ
ทิฏฺฐานุสโย   จ  วิจิกิจฺฉานุสโย  จ  ภวราคานุสโย  จ  อนุเสนฺติ  ตตฺถ
อวิชฺชานุสโย   อนุเสตีติ:   นตฺถิ   ฯ   ยตฺถ   วา  ปน  อวิชฺชานุสโย
อนุเสติ   ตตฺถ   กามราคานุสโย   จ  ปฏิฆานุสโย  จ  มานานุสโย  จ
ทิฏฺฐานุสโย  จ  วิจิกิจฺฉานุสโย จ ภวราคานุสโย จ อนุเสนฺตีติ: รูปธาตุยา
อรูปธาตุยา   เอตฺถ   อวิชฺชานุสโย   จ   มานานุสโย  จ  ทิฏฺฐานุสโย
จ   วิจิกิจฺฉานุสโย   จ   ภวราคานุสโย   จ  อนุเสนฺติ  โน  จ  ตตฺถ
กามราคานุสโย    จ    ปฏิฆานุสโย    จ    อนุเสนฺติ    กามธาตุยา
ทฺวีสุ  เวทนาสุ  เอตฺถ  อวิชฺชานุสโย  จ  กามราคานุสโย จ มานานุสโย
จ   ทิฏฺฐานุสโย   จ   วิจิกิจฺฉานุสโย   จ   อนุเสนฺติ   โน  จ  ตตฺถ
ปฏิฆานุสโย   จ   ภวราคานุสโย   จ   อนุเสนฺติ   ทุกฺขาย   เวทนาย
เอตฺถ  อวิชฺชานุสโย  จ  ปฏิฆานุสโย  จ  ทิฏฺฐานุสโย  จ วิจิกิจฺฉานุสโย
จ   อนุเสนฺติ   โน   จ   ตตฺถ   กามราคานุสโย  จ  มานานุสโย  จ
ภวราคานุสโย จ อนุเสนฺติ ฯ
     [๑๒๔๔]   ยสฺส   ยตฺถ   กามราคานุสโย   อนุเสติ  ตสฺส  ตตฺถ
ปฏิฆานุสโย   อนุเสตีติ:   โน   ฯ  ยสฺส  วา  ปน  ยตฺถ  ปฏิฆานุสโย
อนุเสติ   ตสฺส   ตตฺถ   กามราคานุสโย   อนุเสตีติ:   โน   ฯ  ยสฺส
ยตฺถ   กามราคานุสโย   อนุเสติ   ตสฺส  ตตฺถ  มานานุสโย  อนุเสตีติ:
อามนฺตา   ฯ  ยสฺส  วา  ปน  ยตฺถ  มานานุสโย  อนุเสติ  ตสฺส  ตตฺถ
กามราคานุสโย   อนุเสตีติ:   อนาคามิสฺส  กามธาตุยา  ทฺวีสุ  เวทนาสุ
รูปธาตุยา   อรูปธาตุยา   ตสฺส   ตตฺถ   มานานุสโย  อนุเสติ  โน  จ
ตสฺส   ตตฺถ   กามราคานุสโย   อนุเสติ   ติณฺณํ   ปุคฺคลานํ  รูปธาตุยา
อรูปธาตุยา   เตสํ   ตตฺถ   มานานุสโย  อนุเสติ  โน  จ  เตสํ  ตตฺถ
กามราคานุสโย    อนุเสติ   เตสํเยว   ปุคฺคลานํ   กามธาตุยา   ทฺวีสุ
เวทนาสุ   เตสํ   ตตฺถ   มานานุสโย  จ  อนุเสติ  กามราคานุสโย  จ
อนุเสติ ฯ
     {๑๒๔๔.๑}   ยสฺส   ยตฺถ  กามราคานุสโย  อนุเสติ  ตสฺส  ตตฺถ
ทิฏฺฐานุสโย    ฯเปฯ   วิจิกิจฺฉานุสโย   อนุเสตีติ:   ทฺวินฺนํ   ปุคฺคลานํ
กามธาตุยา   ทฺวีสุ   เวทนาสุ   เตสํ   ตตฺถ  กามราคานุสโย  อนุเสติ
โน   จ   เตสํ  ตตฺถ  วิจิกิจฺฉานุสโย  อนุเสติ  ปุถุชฺชนสฺส  กามธาตุยา
ทฺวีสุ  เวทนาสุ  ตสฺส  ตตฺถ  กามราคานุสโย จ อนุเสติ วิจิกิจฺฉานุสโย จ
อนุเสติ  ฯ  ยสฺส  วา  ปน  ยตฺถ  วิจิกิจฺฉานุสโย  อนุเสติ  ตสฺส  ตตฺถ
กามราคานุสโย   อนุเสตีติ:   ปุถุชฺชนสฺส  ทุกฺขาย  เวทนาย  รูปธาตุยา
อรูปธาตุยา   ตสฺส  ตตฺถ  วิจิกิจฺฉานุสโย  อนุเสติ  โน  จ  ตสฺส  ตตฺถ
กามราคานุสโย    อนุเสติ    ตสฺเสว   ปุคฺคลสฺส   กามธาตุยา   ทฺวีสุ
เวทนาสุ   ตสฺส  ตตฺถ  วิจิกิจฺฉานุสโย  จ  อนุเสติ  กามราคานุสโย  จ
อนุเสติ ฯ
     {๑๒๔๔.๒}   ยสฺส   ยตฺถ  กามราคานุสโย  อนุเสติ  ตสฺส  ตตฺถ
ภวราคานุสโย  อนุเสตีติ:  โน  ฯ  ยสฺส  วา  ปน  ยตฺถ ภวราคานุสโย
อนุเสติ   ตสฺส  ตตฺถ  กามราคานุสโย  อนุเสตีติ:  โน  ฯ  ยสฺส  ยตฺถ
กามราคานุสโย    อนุเสติ    ตสฺส   ตตฺถ   อวิชฺชานุสโย   อนุเสตีติ:
อามนฺตา   ฯ   ยสฺส   วา   ปน   ยตฺถ  อวิชฺชานุสโย  อนุเสติ  ตสฺส
ตตฺถ   กามราคานุสโย   อนุเสตีติ:   อนาคามิสฺส   กามธาตุยา   ทฺวีสุ
เวทนาสุ   รูปธาตุยา   อรูปธาตุยา  ตสฺส  ตตฺถ  อวิชฺชานุสโย  อนุเสติ
โน   จ   ตสฺส   ตตฺถ   กามราคานุสโย   อนุเสติ   ติณฺณํ   ปุคฺคลานํ
ทุกฺขาย   เวทนาย   รูปธาตุยา  อรูปธาตุยา  เตสํ  ตตฺถ  อวิชฺชานุสโย
อนุเสติ   โน   จ   เตสํ   ตตฺถ   กามราคานุสโย  อนุเสติ  เตสํเยว
ปุคฺคลานํ   กามธาตุยา   ทฺวีสุ  เวทนาสุ  เตสํ  ตตฺถ  อวิชฺชานุสโย  จ
อนุเสติ กามราคานุสโย จ อนุเสติ ฯ
     [๑๒๔๕]   ยสฺส   ยตฺถ   ปฏิฆานุสโย   อนุเสติ   ตสฺส   ตตฺถ
มานานุสโย   อนุเสตีติ:   โน   ฯ  ยสฺส  วา  ปน  ยตฺถ  มานานุสโย
อนุเสติ   ตสฺส   ตตฺถ   ปฏิฆานุสโย   อนุเสตีติ:  โน  ฯ  ยสฺส  ยตฺถ
ปฏิฆานุสโย   อนุเสติ   ตสฺส  ตตฺถ  ทิฏฺฐานุสโย  ฯเปฯ  วิจิกิจฺฉานุสโย
อนุเสตีติ:  ทฺวินฺนํ  ปุคฺคลานํ  ทุกฺขาย  เวทนาย  เตสํ  ตตฺถ ปฏิฆานุสโย
อนุเสติ   โน   จ   เตสํ   ตตฺถ   วิจิกิจฺฉานุสโย  อนุเสติ  ปุถุชฺชนสฺส
ทุกฺขาย  เวทนาย  ตสฺส  ตตฺถ  ปฏิฆานุสโย  จ  อนุเสติ  วิจิกิจฺฉานุสโย
จ   อนุเสติ   ฯ   ยสฺส   วา   ปน   ยตฺถ   วิจิกิจฺฉานุสโย  อนุเสติ
ตสฺส   ตตฺถ   ปฏิฆานุสโย   อนุเสตีติ:   ปุถุชฺชนสฺส  กามธาตุยา  ทฺวีสุ
เวทนาสุ   รูปธาตุยา  อรูปธาตุยา  ตสฺส  ตตฺถ  วิจิกิจฺฉานุสโย  อนุเสติ
โน   จ  ตสฺส  ตตฺถ  ปฏิฆานุสโย  อนุเสติ  ตสฺเสว  ปุคฺคลสฺส  ทุกฺขาย
เวทนาย ตสฺส ตตฺถ วิจิกิจฺฉานุสโย จ อนุเสติ ปฏิฆานุสโย จ อนุเสติ ฯ
     {๑๒๔๕.๑}   ยสฺส   ยตฺถ   ปฏิฆานุสโย   อนุเสติ   ตสฺส  ตตฺถ
  ภวราคานุสโย  อนุเสตีติ:  โน  ฯ  ยสฺส  วา  ปน ยตฺถ ภวราคานุสโย
อนุเสติ  ตสฺส  ตตฺถ  ปฏิฆานุสโย อนุเสตีติ: โน ฯ ยสฺส ยตฺถ ปฏิฆานุสโย
อนุเสติ  ตสฺส  ตตฺถ  อวิชฺชานุสโย  อนุเสตีติ:  อามนฺตา ฯ ยสฺส วา ปน
ยตฺถ   อวิชฺชานุสโย   อนุเสติ   ตสฺส   ตตฺถ   ปฏิฆานุสโย  อนุเสตีติ:
อนาคามิสฺส    กามธาตุยา   ตีสุ   เวทนาสุ   รูปธาตุยา   อรูปธาตุยา
ตสฺส   ตตฺถ   อวิชฺชานุสโย  อนุเสติ  โน  จ  ตสฺส  ตตฺถ  ปฏิฆานุสโย
อนุเสติ   ติณฺณํ   ปุคฺคลานํ   กามธาตุยา   ทฺวีสุ   เวทนาสุ  รูปธาตุยา
อรูปธาตุยา   เตสํ   ตตฺถ  อวิชฺชานุสโย  อนุเสติ  โน  จ  เตสํ  ตตฺถ
ปฏิฆานุสโย  อนุเสติ  เตสํเยว  ปุคฺคลานํ  ทุกฺขาย  เวทนาย  เตสํ ตตฺถ
อวิชฺชานุสโย จ อนุเสติ ปฏิฆานุสโย จ อนุเสติ ฯ
     [๑๒๔๖]   ยสฺส  ยตฺถ  มานานุสโย  อนุเสติ ตสฺส ตตฺถ ทิฏฺฐานุสโย
ฯเปฯ    วิจิกิจฺฉานุสโย    อนุเสตีติ:   ติณฺณํ   ปุคฺคลานํ   กามธาตุยา
ทฺวีสุ   เวทนาสุ   รูปธาตุยา   อรูปธาตุยา   เตสํ   ตตฺถ  มานานุสโย
อนุเสติ   โน   จ   เตสํ   ตตฺถ   วิจิกิจฺฉานุสโย  อนุเสติ  ปุถุชฺชนสฺส
กามธาตุยา   ทฺวีสุ   เวทนาสุ   รูปธาตุยา   อรูปธาตุยา   ตสฺส  ตตฺถ
มานานุสโย  จ  อนุเสติ  วิจิกิจฺฉานุสโย  จ  อนุเสติ  ฯ  ยสฺส  วา ปน
ยตฺถ   วิจิกิจฺฉานุสโย   อนุเสติ   ตสฺส   ตตฺถ  มานานุสโย  อนุเสตีติ:
ปุถุชฺชนสฺส   ทุกฺขาย   เวทนาย   ตสฺส   ตตฺถ  วิจิกิจฺฉานุสโย  อนุเสติ
โน  จ  ตสฺส  ตตฺถ  มานานุสโย  อนุเสติ  ตสฺเสว ปุคฺคลสฺส กามธาตุยา
ทฺวีสุ   เวทนาสุ   รูปธาตุยา   อรูปธาตุยา  ตสฺส  ตตฺถ  วิจิกิจฺฉานุสโย
จ อนุเสติ มานานุสโย จ อนุเสติ ฯ
     {๑๒๔๖.๑}   ยสฺส   ยตฺถ   มานานุสโย   อนุเสติ   ตสฺส  ตตฺถ
ภวราคานุสโย  อนุเสตีติ:  จตุนฺนํ  ปุคฺคลานํ  กามธาตุยา  ทฺวีสุ เวทนาสุ
เตสํ  ตตฺถ  มานานุสโย  อนุเสติ โน จ เตสํ ตตฺถ ภวราคานุสโย อนุเสติ
เตสํเยว  ปุคฺคลานํ  รูปธาตุยา  อรูปธาตุยา  เตสํ  ตตฺถ  มานานุสโย จ
อนุเสติ  ภวราคานุสโย  จ  อนุเสติ  ฯ ยสฺส วา ปน ยตฺถ ภวราคานุสโย
อนุเสติ  ตสฺส  ตตฺถ  มานานุสโย  อนุเสตีติ:  อามนฺตา  ฯ  ยสฺส  ยตฺถ
มานานุสโย  อนุเสติ  ตสฺส  ตตฺถ  อวิชฺชานุสโย  อนุเสตีติ:  อามนฺตา ฯ
ยสฺส  วา ปน ยตฺถ อวิชฺชานุสโย อนุเสติ ตสฺส ตตฺถ มานานุสโย อนุเสตีติ:
จตุนฺนํ  ปุคฺคลานํ  ทุกฺขาย  เวทนาย  เตสํ  ตตฺถ  อวิชฺชานุสโย  อนุเสติ
โน   จ   เตสํ   ตตฺถ   มานานุสโย   อนุเสติ   เตสํเยว   ปุคฺคลานํ
กามธาตุยา   ทฺวีสุ   เวทนาสุ   รูปธาตุยา   อรูปธาตุยา   เตสํ  ตตฺถ
อวิชฺชานุสโย จ อนุเสติ มานานุสโย จ อนุเสติ ฯ
     [๑๒๔๗]   ยสฺส   ยตฺถ   ทิฏฺฐานุสโย   อนุเสติ   ตสฺส   ตตฺถ
วิจิกิจฺฉานุสโย   อนุเสตีติ:   อามนฺตา   ฯ   ยสฺส   วา   ปน   ยตฺถ
วิจิกิจฺฉานุสโย    อนุเสติ    ตสฺส    ตตฺถ    ทิฏฺฐานุสโย   อนุเสตีติ:
อามนฺตา ฯเปฯ
     [๑๒๔๘]   ยสฺส   ยตฺถ   วิจิกิจฺฉานุสโย   อนุเสติ   ตสฺส  ตตฺถ
ภวราคานุสโย  อนุเสตีติ:  ปุถุชฺชนสฺส  กามธาตุยา  ตีสุ  เวทนาสุ  ตสฺส
ตตฺถ   วิจิกิจฺฉานุสโย   อนุเสติ   โน   จ  ตสฺส  ตตฺถ  ภวราคานุสโย
อนุเสติ   ตสฺเสว   ปุคฺคลสฺส   รูปธาตุยา   อรูปธาตุยา   ตสฺส   ตตฺถ
วิจิกิจฺฉานุสโย  จ  อนุเสติ  ภวราคานุสโย  จ  อนุเสติ  ฯ ยสฺส วา ปน
ยตฺถ   ภวราคานุสโย   อนุเสติ  ตสฺส  ตตฺถ  วิจิกิจฺฉานุสโย  อนุเสตีติ:
ติณฺณํ   ปุคฺคลานํ   รูปธาตุยา   อรูปธาตุยา  เตสํ  ตตฺถ  ภวราคานุสโย
อนุเสติ   โน   จ   เตสํ   ตตฺถ   วิจิกิจฺฉานุสโย  อนุเสติ  ปุถุชฺชนสฺส
รูปธาตุยา   อรูปธาตุยา   ตสฺส   ตตฺถ   ภวราคานุสโย   จ   อนุเสติ
วิจิกิจฺฉานุสโย   จ   อนุเสติ   ฯ  ยสฺส  ยตฺถ  วิจิกิจฺฉานุสโย  อนุเสติ
ตสฺส   ตตฺถ   อวิชฺชานุสโย   อนุเสตีติ:  อามนฺตา  ฯ  ยสฺส  วา  ปน
ยตฺถ   อวิชฺชานุสโย   อนุเสติ   ตสฺส  ตตฺถ  วิจิกิจฺฉานุสโย  อนุเสตีติ:
ติณฺณํ   ปุคฺคลานํ   กามธาตุยา   ตีสุ  เวทนาสุ  รูปธาตุยา  อรูปธาตุยา
เตสํ  ตตฺถ  อวิชฺชานุสโย  อนุเสติ  โน  จ  เตสํ  ตตฺถ  วิจิกิจฺฉานุสโย
อนุเสติ  ปุถุชฺชนสฺส  กามธาตุยา  ตีสุ  เวทนาสุ  รูปธาตุยา  อรูปธาตุยา
ตสฺส ตตฺถ อวิชฺชานุสโย จ อนุเสติ วิจิกิจฺฉานุสโย จ อนุเสติ ฯ
     [๑๒๔๙]   ยสฺส   ยตฺถ   ภวราคานุสโย   อนุเสติ   ตสฺส  ตตฺถ
อวิชฺชานุสโย  อนุเสตีติ:  อามนฺตา  ฯ  ยสฺส  วา ปน ยตฺถ อวิชฺชานุสโย
อนุเสติ   ตสฺส   ตตฺถ   ภวราคานุสโย   อนุเสตีติ:   จตุนฺนํ  ปุคฺคลานํ
กามธาตุยา  ตีสุ  เวทนาสุ  เตสํ  ตตฺถ อวิชฺชานุสโย อนุเสติ โน จ เตสํ
ตตฺถ  ภวราคานุสโย  อนุเสติ  เตสํเยว  ปุคฺคลานํ รูปธาตุยา อรูปธาตุยา
เตสํ ตตฺถ อวิชฺชานุสโย จ อนุเสติ ภวราคานุสโย จ อนุเสติ ฯ
     [๑๒๕๐]   ยสฺส  ยตฺถ  กามราคานุสโย  จ ปฏิฆานุสโย จ อนุเสนฺติ
ตสฺส   ตตฺถ   มานานุสโย  อนุเสตีติ:  นตฺถิ  ฯ  ยสฺส  วา  ปน  ยตฺถ
มานานุสโย   อนุเสติ  ตสฺส  ตตฺถ  กามราคานุสโย  จ  ปฏิฆานุสโย  จ
อนุเสนฺตีติ:   อนาคามิสฺส   กามธาตุยา   ทฺวีสุ   เวทนาสุ   รูปธาตุยา
อรูปธาตุยา   ตสฺส   ตตฺถ   มานานุสโย  อนุเสติ  โน  จ  ตสฺส  ตตฺถ
กามราคานุสโย    จ   ปฏิฆานุสโย   จ   อนุเสนฺติ   ติณฺณํ   ปุคฺคลานํ
รูปธาตุยา   อรูปธาตุยา   เตสํ   ตตฺถ   มานานุสโย  อนุเสติ  โน  จ
เตสํ   ตตฺถ   กามราคานุสโย  จ  ปฏิฆานุสโย  จ  อนุเสนฺติ  เตสํเยว
ปุคฺคลานํ   กามธาตุยา   ทฺวีสุ   เวทนาสุ  เตสํ  ตตฺถ  มานานุสโย  จ
กามราคานุสโย   จ   อนุเสนฺติ   โน   จ   เตสํ   ตตฺถ  ปฏิฆานุสโย
อนุเสติ ฯ
     {๑๒๕๐.๑}   ยสฺส  ยตฺถ กามราคานุสโย จ ปฏิฆานุสโย จ อนุเสนฺติ
ตสฺส   ตตฺถ   ทิฏฺฐานุสโย  ฯเปฯ  วิจิกิจฺฉานุสโย  อนุเสตีติ:  นตฺถิ  ฯ
  ยสฺส  วา  ปน  ยตฺถ  วิจิกิจฺฉานุสโย อนุเสติ ตสฺส ตตฺถ กามราคานุสโย
จ   ปฏิฆานุสโย   จ   อนุเสนฺตีติ:  ปุถุชฺชนสฺส  รูปธาตุยา  อรูปธาตุยา
ตสฺส  ตตฺถ  วิจิกิจฺฉานุสโย  อนุเสติ  โน จ ตสฺส ตตฺถ กามราคานุสโย จ
ปฏิฆานุสโย   จ   อนุเสนฺติ   ตสฺเสว   ปุคฺคลสฺส   กามธาตุยา   ทฺวีสุ
เวทนาสุ  ตสฺส  ตตฺถ  วิจิกิจฺฉานุสโย  จ  กามราคานุสโย  จ  อนุเสนฺติ
โน   จ  ตสฺส  ตตฺถ  ปฏิฆานุสโย  อนุเสติ  ตสฺเสว  ปุคฺคลสฺส  ทุกฺขาย
เวทนาย   ตสฺส   ตตฺถ   วิจิกิจฺฉานุสโย  จ  ปฏิฆานุสโย  จ  อนุเสนฺติ
โน จ ตสฺส ตตฺถ กามราคานุสโย อนุเสติ ฯ
     {๑๒๕๐.๒}   ยสฺส   ยตฺถ   กามราคานุสโย  จ  ปฏิฆานุสโย  จ
อนุเสนฺติ   ตสฺส   ตตฺถ   ภวราคานุสโย   อนุเสตีติ:   นตฺถิ  ฯ  ยสฺส
วา  ปน  ยตฺถ  ภวราคานุสโย  อนุเสติ  ตสฺส  ตตฺถ  กามราคานุสโย จ
ปฏิฆานุสโย   จ  อนุเสนฺตีติ:  โน  ฯ  ยสฺส  ยตฺถ  กามราคานุสโย  จ
ปฏิฆานุสโย   จ   อนุเสนฺติ   ตสฺส   ตตฺถ   อวิชฺชานุสโย   อนุเสตีติ:
นตฺถิ   ฯ   ยสฺส   วา  ปน  ยตฺถ  อวิชฺชานุสโย  อนุเสติ  ตสฺส  ตตฺถ
กามราคานุสโย    จ    ปฏิฆานุสโย    จ   อนุเสนฺตีติ:   อนาคามิสฺส
กามธาตุยา   ตีสุ   เวทนาสุ   รูปธาตุยา   อรูปธาตุยา   ตสฺส   ตตฺถ
อวิชฺชานุสโย   อนุเสติ   โน   จ   ตสฺส   ตตฺถ   กามราคานุสโย  จ
ปฏิฆานุสโย   จ   อนุเสนฺติ   ติณฺณํ   ปุคฺคลานํ  รูปธาตุยา  อรูปธาตุยา
เตสํ  ตตฺถ  อวิชฺชานุสโย  อนุเสติ  โน  จ เตสํ ตตฺถ กามราคานุสโย จ
ปฏิฆานุสโย   จ   อนุเสนฺติ   เตสํเยว   ปุคฺคลานํ   กามธาตุยา  ทฺวีสุ
เวทนาสุ  เตสํ  ตตฺถ  อวิชฺชานุสโย จ กามราคานุสโย จ อนุเสนฺติ โน จ
เตสํ    ตตฺถ   ปฏิฆานุสโย   อนุเสติ   เตสํเยว   ปุคฺคลานํ   ทุกฺขาย
เวทนาย   เตสํ   ตตฺถ   อวิชฺชานุสโย   จ  ปฏิฆานุสโย  จ  อนุเสนฺติ
โน จ เตสํ ตตฺถ กามราคานุสโย อนุเสติ ฯ
     [๑๒๕๑]   ยสฺส   ยตฺถ   กามราคานุสโย   จ   ปฏิฆานุสโย  จ
มานานุสโย  จ  อนุเสนฺติ  ตสฺส  ตตฺถ  ทิฏฺฐานุสโย ฯเปฯ วิจิกิจฺฉานุสโย
อนุเสตีติ:  นตฺถิ  ฯ  ยสฺส  วา  ปน  ยตฺถ  วิจิกิจฺฉานุสโย อนุเสติ ตสฺส
ตตฺถ    กามราคานุสโย    จ    ปฏิฆานุสโย    จ   มานานุสโย   จ
อนุเสนฺตีติ:    ปุถุชฺชนสฺส    รูปธาตุยา    อรูปธาตุยา    ตสฺส   ตตฺถ
วิจิกิจฺฉานุสโย   จ   มานานุสโย   จ   อนุเสนฺติ  โน  จ  ตสฺส  ตตฺถ
กามราคานุสโย   จ   ปฏิฆานุสโย   จ   อนุเสนฺติ   ตสฺเสว  ปุคฺคลสฺส
กามธาตุยา  ทฺวีสุ  เวทนาสุ  ตสฺส ตตฺถ วิจิกิจฺฉานุสโย จ กามราคานุสโย
จ  มานานุสโย  จ  อนุเสนฺติ  โน  จ  ตสฺส  ตตฺถ  ปฏิฆานุสโย อนุเสติ
ตสฺเสว   ปุคฺคลสฺส   ทุกฺขาย   เวทนาย   ตสฺส   ตตฺถ  วิจิกิจฺฉานุสโย
จ   ปฏิฆานุสโย   จ   อนุเสนฺติ  โน  จ  ตสฺส  ตตฺถ  กามราคานุสโย
จ   มานานุสโย   จ   อนุเสนฺติ   ฯ  ยสฺส  ยตฺถ  กามราคานุสโย  จ
ปฏิฆานุสโย   จ  มานานุสโย  จ  อนุเสนฺติ  ตสฺส  ตตฺถ  ภวราคานุสโย
อนุเสตีติ:   นตฺถิ   ฯ   ยสฺส  วา  ปน  ยตฺถ  ภวราคานุสโย  อนุเสติ
ตสฺส   ตตฺถ   กามราคานุสโย   จ   ปฏิฆานุสโย   จ  มานานุสโย  จ
อนุเสนฺตีติ: โน ๑- ฯ
     {๑๒๕๑.๑}   ยสฺส   ยตฺถ   กามราคานุสโย  จ  ปฏิฆานุสโย  จ
มานานุสโย  จ  อนุเสนฺติ  ตสฺส  ตตฺถ  อวิชฺชานุสโย  อนุเสตีติ: นตฺถิ ฯ
ยสฺส  วา  ปน  ยตฺถ  อวิชฺชานุสโย  อนุเสติ  ตสฺส ตตฺถ กามราคานุสโย
จ    ปฏิฆานุสโย    จ   มานานุสโย   จ   อนุเสนฺตีติ:   อนาคามิสฺส
ทุกฺขาย   เวทนาย   ตสฺส  ตตฺถ  อวิชฺชานุสโย  อนุเสติ  โน  จ  ตสฺส
ตตฺถ   กามราคานุสโย   จ  ปฏิฆานุสโย  จ  มานานุสโย  จ  อนุเสนฺติ
ตสฺเสว  ปุคฺคลสฺส  กามธาตุยา  ทฺวีสุ  เวทนาสุ  รูปธาตุยา  อรูปธาตุยา
ตสฺส   ตตฺถ   อวิชฺชานุสโย   จ   มานานุสโย   จ  อนุเสนฺติ  โน  จ
ตสฺส   ตตฺถ   กามราคานุสโย   จ   ปฏิฆานุสโย   จ  อนุเสนฺติ  ติณฺณํ
ปุคฺคลานํ   รูปธาตุยา   อรูปธาตุยา   เตสํ   ตตฺถ   อวิชฺชานุสโย   จ
มานานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
ปฏิฆานุสโย   จ   อนุเสนฺติ   เตสํเยว   ปุคฺคลานํ   กามธาตุยา  ทฺวีสุ
เวทนาสุ  เตสํ  ตตฺถ  อวิชฺชานุสโย  จ  กามราคานุสโย  จ มานานุสโย
จ   อนุเสนฺติ   โน   จ   เตสํ  ตตฺถ  ปฏิฆานุสโย  อนุเสติ  เตสํเยว
ปุคฺคลานํ    ทุกฺขาย    เวทนาย    เตสํ    ตตฺถ   อวิชฺชานุสโย   จ
@เชิงอรรถ:  อยํ ปาโฐ วิจาเรตพฺโพ ภวราคานุสยสฺส จ มานานุสยสฺส จ
@รูปารูปธาตูสุ ลพฺภมานตฺตา ฯ จตุนฺนํ ปุคฺคลานํ รูปธาตุยา อรูปธาตุยา
@เตสํ ตตฺถ ภวราคานุสโย จ มานานุสโย จ อนุเสนฺติ
@โน จ เตสํ ตตฺถ กามราคานุสโย จ ปฏิฆานุสโย จ อนุเสนฺตีติ
@เอวํ วิสฺสชฺชนาย ภวิตพฺพํ ฯ
ปฏิฆานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
มานานุสโย จ อนุเสนฺติ ฯ
     [๑๒๕๒]   ยสฺส   ยตฺถ   กามราคานุสโย   จ   ปฏิฆานุสโย   จ
มานานุสโย   จ  ทิฏฺฐานุสโย  จ  อนุเสนฺติ  ตสฺส  ตตฺถ  วิจิกิจฺฉานุสโย
อนุเสตีติ:   นตฺถิ   ฯ   ยสฺส  วา  ปน  ยตฺถ  วิจิกิจฺฉานุสโย  อนุเสติ
ตสฺส   ตตฺถ   กามราคานุสโย   จ   ปฏิฆานุสโย   จ  มานานุสโย  จ
ทิฏฺฐานุสโย    จ   อนุเสนฺตีติ:   ปุถุชฺชนสฺส   รูปธาตุยา   อรูปธาตุยา
ตสฺส   ตตฺถ   วิจิกิจฺฉานุสโย   จ   มานานุสโย   จ   ทิฏฺฐานุสโย  จ
อนุเสนฺติ   โน   จ   ตสฺส  ตตฺถ  กามราคานุสโย  จ  ปฏิฆานุสโย  จ
อนุเสนฺติ   ตสฺเสว   ปุคฺคลสฺส   กามธาตุยา   ทฺวีสุ   เวทนาสุ   ตสฺส
ตตฺถ    วิจิกิจฺฉานุสโย    จ   กามราคานุสโย   จ   มานานุสโย   จ
ทิฏฺฐานุสโย   จ   อนุเสนฺติ  โน  จ  ตสฺส  ตตฺถ  ปฏิฆานุสโย  อนุเสติ
ตสฺเสว   ปุคฺคลสฺส   ทุกฺขาย  เวทนาย  ตสฺส  ตตฺถ  วิจิกิจฺฉานุสโย  จ
ปฏิฆานุสโย   จ   ทิฏฺฐานุสโย   จ   อนุเสนฺติ   โน   จ  ตสฺส  ตตฺถ
กามราคานุสโย จ มานานุสโย จ อนุเสนฺติ ฯ
     {๑๒๕๒.๑}   ยสฺส   ยตฺถ   กามราคานุสโย  จ  ปฏิฆานุสโย  จ
มานานุสโย     จ    ทิฏฺฐานุสโย    จ    อนุเสนฺติ    ตสฺส    ตตฺถ
ภวราคานุสโย    อนุเสตีติ:    นตฺถิ    ฯ   ยสฺส   วา   ปน   ยตฺถ
ภวราคานุสโย     อนุเสติ     ตสฺส    ตตฺถ    กามราคานุสโย    จ
ปฏิฆานุสโย    จ    มานานุสโย   จ   ทิฏฺฐานุสโย   จ   อนุเสนฺตีติ:
ติณฺณํ  ปุคฺคลานํ  รูปธาตุยา  อรูปธาตุยา  เตสํ  ตตฺถ  ภวราคานุสโย  จ
มานานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
ปฏิฆานุสโย   จ   ทิฏฺฐานุสโย   จ   อนุเสนฺติ   ปุถุชฺชนสฺส  รูปธาตุยา
อรูปธาตุยา  ตสฺส  ตตฺถ  ภวราคานุสโย  จ  มานานุสโย  จ ทิฏฺฐานุสโย
จ   อนุเสนฺติ   โน   จ  ตสฺส  ตตฺถ  กามราคานุสโย  จ  ปฏิฆานุสโย
จ อนุเสนฺติ ฯ
     {๑๒๕๒.๒}   ยสฺส   ยตฺถ   กามราคานุสโย   จ   ปฏิฆานุสโย
จ    มานานุสโย    จ    ทิฏฺฐานุสโย   จ   อนุเสนฺติ   ตสฺส   ตตฺถ
อวิชฺชานุสโย  อนุเสตีติ:  นตฺถิ  ฯ  ยสฺส  วา  ปน  ยตฺถ  อวิชฺชานุสโย
อนุเสติ  ตสฺส  ตตฺถ  กามราคานุสโย  จ  ปฏิฆานุสโย  จ มานานุสโย จ
ทิฏฺฐานุสโย   จ   อนุเสนฺตีติ:   อนาคามิสฺส   ทุกฺขาย  เวทนาย  ตสฺส
ตตฺถ   อวิชฺชานุสโย  อนุเสติ  โน  จ  ตสฺส  ตตฺถ  กามราคานุสโย  จ
ปฏิฆานุสโย   จ   มานานุสโย   จ  ทิฏฺฐานุสโย  จ  อนุเสนฺติ  ตสฺเสว
ปุคฺคลสฺส    กามธาตุยา    ทฺวีสุ   เวทนาสุ   รูปธาตุยา   อรูปธาตุยา
ตสฺส  ตตฺถ  อวิชฺชานุสโย  จ  มานานุสโย  จ  อนุเสนฺติ  โน  จ  ตสฺส
ตตฺถ   กามราคานุสโย   จ  ปฏิฆานุสโย  จ  ทิฏฺฐานุสโย  จ  อนุเสนฺติ
ทฺวินฺนํ  ปุคฺคลานํ  รูปธาตุยา  อรูปธาตุยา  เตสํ  ตตฺถ  อวิชฺชานุสโย  จ
มานานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
ปฏิฆานุสโย    จ   ทิฏฺฐานุสโย   จ   อนุเสนฺติ   เตสํเยว   ปุคฺคลานํ
กามธาตุยา    ทฺวีสุ    เวทนาสุ    เตสํ    ตตฺถ   อวิชฺชานุสโย   จ
กามราคานุสโย    จ   มานานุสโย   จ   อนุเสนฺติ   โน   จ   เตสํ
ตตฺถ      ปฏิฆานุสโย      จ      ทิฏฺฐานุสโย     จ     อนุเสนฺติ
เตสํเยว   ปุคฺคลานํ   ทุกฺขาย  เวทนาย  เตสํ  ตตฺถ  อวิชฺชานุสโย  จ
ปฏิฆานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
มานานุสโย   จ   ทิฏฺฐานุสโย   จ   อนุเสนฺติ   ปุถุชฺชนสฺส  รูปธาตุยา
อรูปธาตุยา  ตสฺส  ตตฺถ  อวิชฺชานุสโย  จ  มานานุสโย  จ  ทิฏฺฐานุสโย
จ   อนุเสนฺติ   โน   จ  ตสฺส  ตตฺถ  กามราคานุสโย  จ  ปฏิฆานุสโย
จ    อนุเสนฺติ    ตสฺเสว   ปุคฺคลสฺส   กามธาตุยา   ทฺวีสุ   เวทนาสุ
ตสฺส   ตตฺถ   อวิชฺชานุสโย   จ   กามราคานุสโย  จ  มานานุสโย  จ
ทิฏฺฐานุสโย   จ   อนุเสนฺติ  โน  จ  ตสฺส  ตตฺถ  ปฏิฆานุสโย  อนุเสติ
ตสฺเสว   ปุคฺคลสฺส   ทุกฺขาย   เวทนาย  ตสฺส  ตตฺถ  อวิชฺชานุสโย  จ
ปฏิฆานุสโย   จ   ทิฏฺฐานุสโย   จ   อนุเสนฺติ   โน   จ  ตสฺส  ตตฺถ
กามราคานุสโย จ มานานุสโย จ อนุเสนฺติ ฯ
     [๑๒๕๓]   ยสฺส   ยตฺถ   กามราคานุสโย   จ   ปฏิฆานุสโย   จ
มานานุสโย    จ    ทิฏฺฐานุสโย   จ   วิจิกิจฺฉานุสโย   จ   อนุเสนฺติ
ตสฺส   ตตฺถ   ภวราคานุสโย   อนุเสตีติ:   นตฺถิ   ฯ  ยสฺส  วา  ปน
ยตฺถ    ภวราคานุสโย   อนุเสติ   ตสฺส   ตตฺถ   กามราคานุสโย   จ
ปฏิฆานุสโย   จ   มานานุสโย   จ  ทิฏฺฐานุสโย  จ  วิจิกิจฺฉานุสโย  จ
อนุเสนฺตีติ:   ติณฺณํ   ปุคฺคลานํ   รูปธาตุยา   อรูปธาตุยา   เตสํ  ตตฺถ
ภวราคานุสโย   จ   มานานุสโย   จ   อนุเสนฺติ  โน  จ  เตสํ  ตตฺถ
กามราคานุสโย     จ     ปฏิฆานุสโย     จ     ทิฏฺฐานุสโย     จ
วิจิกิจฺฉานุสโย      จ      อนุเสนฺติ      ปุถุชฺชนสฺส      รูปธาตุยา
อรูปธาตุยา           ตสฺส          ตตฺถ          ภวราคานุสโย
จ   มานานุสโย   จ   ทิฏฺฐานุสโย   จ   วิจิกิจฺฉานุสโย  จ  อนุเสนฺติ
โน จ ตสฺส ตตฺถ กามราคานุสโย จ ปฏิฆานุสโย จ อนุเสนฺติ ฯ
     {๑๒๕๓.๑}   ยสฺส   ยตฺถ   กามราคานุสโย  จ  ปฏิฆานุสโย  จ
มานานุสโย    จ    ทิฏฺฐานุสโย   จ   วิจิกิจฺฉานุสโย   จ   อนุเสนฺติ
ตสฺส   ตตฺถ  อวิชฺชานุสโย  อนุเสตีติ:  นตฺถิ  ฯ  ยสฺส  วา  ปน  ยตฺถ
อวิชฺชานุสโย  อนุเสติ  ตสฺส  ตตฺถ  กามราคานุสโย  จ  ปฏิฆานุสโย  จ
มานานุสโย  จ  ทิฏฺฐานุสโย  จ วิจิกิจฺฉานุสโย จ อนุเสนฺตีติ: อนาคามิสฺส
ทุกฺขาย   เวทนาย   ตสฺส  ตตฺถ  อวิชฺชานุสโย  อนุเสติ  โน  จ  ตสฺส
ตตฺถ    กามราคานุสโย    จ    ปฏิฆานุสโย    จ   มานานุสโย   จ
ทิฏฺฐานุสโย   จ   วิจิกิจฺฉานุสโย   จ   อนุเสนฺติ   ตสฺเสว   ปุคฺคลสฺส
กามธาตุยา   ทฺวีสุ   เวทนาสุ   รูปธาตุยา   อรูปธาตุยา   ตสฺส  ตตฺถ
อวิชฺชานุสโย   จ   มานานุสโย   จ   อนุเสนฺติ   โน  จ  ตสฺส  ตตฺถ
กามราคานุสโย   จ   ปฏิฆานุสโย   จ  ทิฏฺฐานุสโย  จ  วิจิกิจฺฉานุสโย
จ     อนุเสนฺติ     ทฺวินฺนํ     ปุคฺคลานํ    รูปธาตุยา    อรูปธาตุยา
เตสํ   ตตฺถ   อวิชฺชานุสโย   จ   มานานุสโย   จ  อนุเสนฺติ  โน  จ
เตสํ   ตตฺถ   กามราคานุสโย   จ   ปฏิฆานุสโย   จ  ทิฏฺฐานุสโย  จ
วิจิกิจฺฉานุสโย    จ    อนุเสนฺติ    เตสํเยว   ปุคฺคลานํ   กามธาตุยา
ทฺวีสุ   เวทนาสุ   เตสํ   ตตฺถ   อวิชฺชานุสโย  จ  กามราคานุสโย  จ
มานานุสโย   จ   อนุเสนฺติ   โน   จ   เตสํ   ตตฺถ  ปฏิฆานุสโย  จ
ทิฏฺฐานุสโย  จ  วิจิกิจฺฉานุสโย  จ  อนุเสนฺตี  เตสํเยว ปุคฺคลานํ ทุกฺขาย
เวทนาย   เตสํ   ตตฺถ   อวิชฺชานุสโย   จ  ปฏิฆานุสโย  จ  อนุเสนฺติ
โน  จ  เตสํ  ตตฺถ  กามราคานุสโย  จ  มานานุสโย  จ ทิฏฺฐานุสโย จ
วิจิกิจฺฉานุสโย    จ   อนุเสนฺติ   ปุถุชฺชนสฺส   รูปธาตุยา   อรูปธาตุยา
ตสฺส  ตตฺถ  อวิชฺชานุสโย  จ มานานุสโย จ ทิฏฺฐานุสโย จ วิจิกิจฺฉานุสโย
จ   อนุเสนฺติ   โน   จ  ตสฺส  ตตฺถ  กามราคานุสโย  จ  ปฏิฆานุสโย
จ   อนุเสนฺติ   ตสฺเสว   ปุคฺคลสฺส  กามธาตุยา  ทฺวีสุ  เวทนาสุ  ตสฺส
ตตฺถ    อวิชฺชานุสโย    จ    กามราคานุสโย   จ   มานานุสโย   จ
ทิฏฺฐานุสโย   จ   วิจิกิจฺฉานุสโย   จ   อนุเสนฺติ  โน  จ  ตสฺส  ตตฺถ
ปฏิฆานุสโย  อนุเสติ  ตสฺเสว  ปุคฺคลสฺส  ทุกฺขาย  เวทนาย  ตสฺส  ตตฺถ
อวิชฺชานุสโย   จ   ปฏิฆานุสโย  จ  ทิฏฺฐานุสโย  จ  วิจิกิจฺฉานุสโย  จ
อนุเสนฺติ   โน   จ   ตสฺส  ตตฺถ  กามราคานุสโย  จ  มานานุสโย  จ
อนุเสนฺติ ฯ
     [๑๒๕๔]   ยสฺส   ยตฺถ   กามราคานุสโย   จ   ปฏิฆานุสโย  จ
มานานุสโย   จ  ทิฏฺฐานุสโย  จ  วิจิกิจฺฉานุสโย  จ  ภวราคานุสโย  จ
อนุเสนฺติ   ตสฺส   ตตฺถ   อวิชฺชานุสโย   อนุเสตีติ:   นตฺถิ   ฯ  ยสฺส
วา  ปน  ยตฺถ  อวิชฺชานุสโย  อนุเสติ  ตสฺส  ตตฺถ  กามราคานุสโย  จ
ปฏิฆานุสโย   จ   มานานุสโย   จ  ทิฏฺฐานุสโย  จ  วิจิกิจฺฉานุสโย  จ
ภวราคานุสโย   จ   อนุเสนฺตีติ:   อนาคามิสฺส  รูปธาตุยา  อรูปธาตุยา
ตสฺส   ตตฺถ   อวิชฺชานุสโย   จ   มานานุสโย   จ  ภวราคานุสโย  จ
อนุเสนฺติ   โน   จ   ตสฺส  ตตฺถ  กามราคานุสโย  จ  ปฏิฆานุสโย  จ
ทิฏฺฐานุสโย   จ   วิจิกิจฺฉานุสโย   จ   อนุเสนฺติ   ตสฺเสว   ปุคฺคลสฺส
กามธาตุยา  ทฺวีสุ  เวทนาสุ  ตสฺส  ตตฺถ  อวิชฺชานุสโย  จ  มานานุสโย
จ   อนุเสนฺติ   โน   จ  ตสฺส  ตตฺถ  กามราคานุสโย  จ  ปฏิฆานุสโย
จ   ทิฏฺฐานุสโย   จ   วิจิกิจฺฉานุสโย  จ  ภวราคานุสโย  จ  อนุเสนฺติ
ตสฺเสว   ปุคฺคลสฺส   ทุกฺขาย   เวทนาย   ตสฺส   ตตฺถ   อวิชฺชานุสโย
อนุเสติ   โน   จ   ตสฺส   ตตฺถ  กามราคานุสโย  จ  ปฏิฆานุสโย  จ
มานานุสโย   จ  ทิฏฺฐานุสโย  จ  วิจิกิจฺฉานุสโย  จ  ภวราคานุสโย  จ
อนุเสนฺติ   ทฺวินฺนํ   ปุคฺคลานํ   รูปธาตุยา   อรูปธาตุยา   เตสํ   ตตฺถ
อวิชฺชานุสโย  จ  มานานุสโย  จ  ภวราคานุสโย  จ  อนุเสนฺติ  โน  จ
เตสํ   ตตฺถ   กามราคานุสโย   จ   ปฏิฆานุสโย   จ  ทิฏฺฐานุสโย  จ
วิจิกิจฺฉานุสโย    จ    อนุเสนฺติ    เตสํเยว   ปุคฺคลานํ   กามธาตุยา
ทฺวีสุ   เวทนาสุ   เตสํ   ตตฺถ   อวิชฺชานุสโย  จ  กามราคานุสโย  จ
มานานุสโย   จ   อนุเสนฺติ   โน   จ   เตสํ   ตตฺถ  ปฏิฆานุสโย  จ
ทิฏฺฐานุสโย   จ   วิจิกิจฺฉานุสโย   จ   ภวราคานุสโย   จ   อนุเสนฺติ
เตสํเยว   ปุคฺคลานํ   ทุกฺขาย  เวทนาย  เตสํ  ตตฺถ  อวิชฺชานุสโย  จ
ปฏิฆานุสโย   จ   อนุเสนฺติ   โน  จ  เตสํ  ตตฺถ  กามราคานุสโย  จ
มานานุสโย   จ  ทิฏฺฐานุสโย  จ  วิจิกิจฺฉานุสโย  จ  ภวราคานุสโย  จ
อนุเสนฺติ  ปุถุชฺชนสฺส  รูปธาตุยา  อรูปธาตุยา  ตสฺส  ตตฺถ  อวิชฺชานุสโย
จ     มานานุสโย    จ    ทิฏฺฐานุสโย    จ    วิจิกิจฺฉานุสโย    จ
ภวราคานุสโย   จ  อนุเสนฺติ  โน  จ  ตสฺส  ตตฺถ  กามราคานุสโย  จ
ปฏิฆานุสโย   จ   อนุเสนฺติ   ตสฺเสว   ปุคฺคลสฺส   กามธาตุยา   ทฺวีสุ
เวทนาสุ  ตสฺส  ตตฺถ  อวิชฺชานุสโย  จ  กามราคานุสโย  จ มานานุสโย
จ   ทิฏฺฐานุสโย  จ  วิจิกิจฺฉานุสโย  จ  อนุเสนฺติ  โน  จ  ตสฺส  ตตฺถ
ปฏิฆานุสโย   จ   ภวราคานุสโย   จ   อนุเสนฺติ   ตสฺเสว   ปุคฺคลสฺส
ทุกฺขาย    เวทนาย    ตสฺส   ตตฺถ   อวิชฺชานุสโย   จ   ปฏิฆานุสโย
จ   ทิฏฺฐานุสโย  จ  วิจิกิจฺฉานุสโย  จ  อนุเสนฺติ  โน  จ  ตสฺส  ตตฺถ
กามราคานุสโย จ มานานุสโย จ ภวราคานุสโย จ อนุเสนฺติ ฯ
                                         อนุโลมํ นิฏฺฐิตํ ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๔๓๔-๔๖๗. http://84000.org/tipitaka/read/pali_item_s.php?book=38&item=1221&items=34&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=38&item=1221&items=34&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=38&item=1221&items=34&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=38&item=1221&items=34&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=38&i=1221              The Pali Atthakatha in Thai :- http://84000.org/tipitaka/atthapali/read_th.php?B=55&A=8171              The Pali Atthakatha in Roman :- http://84000.org/tipitaka/atthapali/read_rm.php?B=55&A=8171              สารบัญพระไตรปิฎกเล่มที่ ๓๘ http://84000.org/tipitaka/read/?index_38

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :