ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)
                                           ปชหนวาโร
     [๑๓๕๔]   โย  กามราคานุสยํ  ปชหติ  โส  ปฏิฆานุสยํ  ปชหตีติ:
อามนฺตา   ฯ   โย   วา  ปน  ปฏิฆานุสยํ  ปชหติ  โส  กามราคานุสยํ
ปชหตีติ:   อามนฺตา   ฯ   โย  กามราคานุสยํ  ปชหติ  โส  มานานุสยํ
ปชหตีติ:   ตเทกฏฺฐํ  ปชหติ  ฯ  โย  วา  ปน  มานานุสยํ  ปชหติ  โส
กามราคานุสยํ  ปชหตีติ:  โน  ฯ โย กามราคานุสยํ ปชหติ โส ทิฏฺฐานุสยํ
ฯเปฯ   วิจิกิจฺฉานุสยํ   ปชหตีติ:  โน  ฯ  โย  วา  ปน  วิจิกิจฺฉานุสยํ
ปชหติ    โส    กามราคานุสยํ    ปชหตีติ:    ตเทกฏฺฐํ   ปชหติ   ฯ
โย   กามราคานุสยํ   ปชหติ   โส   ภวราคานุสยํ  ฯเปฯ  อวิชฺชานุสยํ
ปชหตีติ:   ตเทกฏฺฐํ   ปชหติ   ฯ   โย  วา  ปน  อวิชฺชานุสยํ  ปชหติ
โส กามราคานุสยํ ปชหตีติ: โน ฯ
     [๑๓๕๕]   โย   ปฏิฆานุสยํ   ปชหติ   โส  มานานุสยํ  ปชหตีติ:
ตเทกฏฺฐํ  ปชหติ  ฯ  โย  วา  ปน  มานานุสยํ  ปชหติ  โส  ปฏิฆานุสยํ
ปชหตีติ:    โน    ฯ    โย   ปฏิฆานุสยํ   ปชหติ   โส   ทิฏฺฐานุสยํ
ฯเปฯ   วิจิกิจฺฉานุสยํ   ปชหตีติ:  โน  ฯ  โย  วา  ปน  วิจิกิจฺฉานุสยํ
ปชหติ  โส  ปฏิฆานุสยํ  ปชหตีติ:  ตเทกฏฺฐํ  ปชหติ  ฯ  โย  ปฏิฆานุสยํ
ปชหติ     โส     ภวราคานุสยํ    ฯเปฯ    อวิชฺชานุสยํ    ปชหตีติ:
ตเทกฏฺฐํ  ปชหติ  ฯ  โย  วา  ปน  อวิชฺชานุสยํ  ปชหติ  โส ปฏิฆานุสยํ
ปชหตีติ: โน ฯ
     [๑๓๕๖]   โย   มานานุสยํ   ปชหติ   โส   ทิฏฺฐานุสยํ  ฯเปฯ
วิจิกิจฺฉานุสยํ  ปชหตีติ:  โน  ฯ  โย  วา  ปน  วิจิกิจฺฉานุสยํ ปชหติ โส
มานานุสยํ   ปชหตีติ:   ตเทกฏฺฐํ   ปชหติ   ฯ  โย  มานานุสยํ  ปชหติ
โส    ภวราคานุสยํ   ฯเปฯ   อวิชฺชานุสยํ   ปชหตีติ:   อามนฺตา   ฯ
โย วา ปน อวิชฺชานุสยํ ปชหติ โส มานานุสยํ ปชหตีติ: อามนฺตา ฯ
     [๑๓๕๗]   โย  ทิฏฺฐานุสยํ  ปชหติ  โส  วิจิกิจฺฉานุสยํ  ปชหตีติ:
อามนฺตา   ฯ   โย   วา   ปน  วิจิกิจฺฉานุสยํ  ปชหติ  โส  ทิฏฺฐานุสยํ
ปชหตีติ: อามนฺตา ฯเปฯ
     [๑๓๕๘]   โย  วิจิกิจฺฉานุสยํ  ปชหติ  โส  ภวราคานุสยํ  ฯเปฯ
อวิชฺชานุสยํ  ปชหตีติ:  ตเทกฏฺฐํ  ปชหติ  ฯ  โย  วา  ปน  อวิชฺชานุสยํ
ปชหติ โส วิจิกิจฺฉานุสยํ ปชหตีติ: โน ฯ
     [๑๓๕๙]   โย  ภวราคานุสยํ  ปชหติ  โส  อวิชฺชานุสยํ  ปชหตีติ:
อามนฺตา   ฯ   โย   วา  ปน  อวิชฺชานุสยํ  ปชหติ  โส  ภวราคานุสยํ
ปชหตีติ: อามนฺตา ฯ
     [๑๓๖๐]   โย   กามราคานุสยญฺจ   ปฏิฆานุสยญฺจ   ปชหติ  โส
มานานุสยํ   ปชหตีติ:   ตเทกฏฺฐํ  ปชหติ  ฯ  โย  วา  ปน  มานานุสยํ
ปชหติ   โส   กามราคานุสยญฺจ   ปฏิฆานุสยญฺจ  ปชหตีติ:  โน  ฯ  โย
กามราคานุสยญฺจ    ปฏิฆานุสยญฺจ    ปชหติ   โส   ทิฏฺฐานุสยํ   ฯเปฯ
วิจิกิจฺฉานุสยํ   ปชหตีติ:   โน  ฯ  โย  วา  ปน  วิจิกิจฺฉานุสยํ  ปชหติ
โส   กามราคานุสยญฺจ   ปฏิฆานุสยญฺจ   ปชหตีติ:  ตเทกฏฺฐํ  ปชหติ  ฯ
โย    กามราคานุสยญฺจ    ปฏิฆานุสยญฺจ   ปชหติ   โส   ภวราคานุสยํ
ฯเปฯ  อวิชฺชานุสยํ  ปชหตีติ:  ตเทกฏฺฐํ ปชหติ ฯ โย วา ปน อวิชฺชานุสยํ
ปชหติ โส กามราคานุสยญฺจ ปฏิฆานุสยญฺจ ปชหตีติ: โน ฯ
     [๑๓๖๑]   โย   กามราคานุสยญฺจ   ปฏิฆานุสยญฺจ  มานานุสยญฺจ
ปชหติ   โส  ทิฏฺฐานุสยํ  ฯเปฯ  วิจิกิจฺฉานุสยํ  ปชหตีติ:  นตฺถิ  ฯ  โย
วา   ปน   วิจิกิจฺฉานุสยํ   ปชหติ  โส  กามราคานุสยญฺจ  ปฏิฆานุสยญฺจ
มานานุสยญฺจ   ปชหตีติ:   ตเทกฏฺฐํ   ปชหติ  ฯ  โย  กามราคานุสยญฺจ
ปฏิฆานุสยญฺจ    มานานุสยญฺจ    ปชหติ    โส   ภวราคานุสยํ   ฯเปฯ
อวิชฺชานุสยํ  ปชหตีติ:  นตฺถิ  ฯ  โย  วา  ปน  อวิชฺชานุสยํ  ปชหติ โส
กามราคานุสยญฺจ   ปฏิฆานุสยญฺจ   มานานุสยญฺจ   ปชหตีติ:   มานานุสยํ
ปชหติ ฯ
     [๑๓๖๒]   โย   กามราคานุสยญฺจ   ปฏิฆานุสยญฺจ  มานานุสยญฺจ
ทิฏฺฐานุสยญฺจ    ปชหติ    โส    วิจิกิจฺฉานุสยํ   ปชหตีติ:   นตฺถิ   ฯ
โย  วา  ปน  วิจิกิจฺฉานุสยํ  ปชหติ  โส  กามราคานุสยญฺจ ปฏิฆานุสยญฺจ
มานานุสยญฺจ        ทิฏฺฐานุสยญฺจ        ปชหตีติ:        ทิฏฺฐานุสยํ
ปชหติ    กามราคานุสยญฺจ    ปฏิฆานุสยญฺจ    มานานุสยญฺจ   ตเทกฏฺฐํ
ปชหติ ฯเปฯ
     [๑๓๖๓]   โย   กามราคานุสยญฺจ   ปฏิฆานุสยญฺจ  มานานุสยญฺจ
ทิฏฺฐานุสยญฺจ    วิจิกิจฺฉานุสยญฺจ   ปชหติ   โส   ภวราคานุสยํ   ฯเปฯ
อวิชฺชานุสยํ   ปชหตีติ:   นตฺถิ   ฯ  โย  วา  ปน  อวิชฺชานุสยํ  ปชหติ
โส    กามราคานุสยญฺจ    ปฏิฆานุสยญฺจ   มานานุสยญฺจ   ทิฏฺฐานุสยญฺจ
วิจิกิจฺฉานุสยญฺจ ปชหตีติ: มานานุสยํ ปชหติ ฯ
     [๑๓๖๔]   โย   กามราคานุสยญฺจ   ปฏิฆานุสยญฺจ  มานานุสยญฺจ
ทิฏฺฐานุสยญฺจ     วิจิกิจฺฉานุสยญฺจ     ภวราคานุสยญฺจ    ปชหติ    โส
อวิชฺชานุสยํ  ปชหตีติ:  นตฺถิ  ฯ  โย  วา  ปน  อวิชฺชานุสยํ  ปชหติ โส
กามราคานุสยญฺจ      ปฏิฆานุสยญฺจ     มานานุสยญฺจ     ทิฏฺฐานุสยญฺจ
วิจิกิจฺฉานุสยญฺจ      ภวราคานุสยญฺจ      ปชหตีติ:      มานานุสยญฺจ
ภวราคานุสยญฺจ ปชหติ ฯ
     [๑๓๖๕]   ยโต  กามราคานุสยํ  ปชหติ  ตโต ปฏิฆานุสยํ ปชหตีติ:
โน  ฯ  ยโต  วา  ปน  ปฏิฆานุสยํ  ปชหติ ตโต กามราคานุสยํ ปชหตีติ:
โน   ฯ   ยโต   กามราคานุสย   ปชหติ   ตโต  มานานุสยํ  ปชหตีติ:
อามนฺตา   ฯ  ยโต  วา  ปน  มานานุสยํ  ปชหติ  ตโต  กามราคานุสยํ
ปชหตีติ:   รูปธาตุยา   อรูปธาตุยา   ตโต  มานานุสยํ  ปชหติ  โน  จ
ตโต   กามราคานุสยํ   ปชหติ   กามธาตุยา   ทฺวีสุ   เวทนาสุ   ตโต
มานานุสยญฺจ  ปชหติ  กามราคานุสยญฺจ  ปชหติ  ฯ  ยโต  กามราคานุสยํ
ปชหติ   ตโต  ทิฏฺฐานุสยํ  ฯเปฯ  วิจิกิจฺฉานุสยํ  ปชหตีติ:  อามนฺตา  ฯ
ยโต  วา  ปน  วิจิกิจฺฉานุสยํ ปชหติ ตโต กามราคานุสยํ ปชหตีติ: ทุกฺขาย
เวทนาย   รูปธาตุยา  อรูปธาตุยา  ตโต  วิจิกิจฺฉานุสยํ  ปชหติ  โน  จ
ตโต   กามราคานุสยํ   ปชหติ   กามธาตุยา   ทฺวีสุ   เวทนาสุ   ตโต
วิจิกิจฺฉานุสยญฺจ ปชหติ กามราคานุสยญฺจ ปชหติ ฯ
     {๑๓๖๕.๑}   ยโต   กามราคานุสยํ   ปชหติ  ตโต  ภวราคานุสยํ
ปชหตีติ:   โน   ฯ   ยโต   วา   ปน   ภวราคานุสยํ   ปชหติ  ตโต
กามราคานุสยํ    ปชหตีติ:   โน   ฯ   ยโต   กามราคานุสยํ   ปชหติ
ตโต  อวิชฺชานุสยํ  ปชหตีติ:  อามนฺตา  ฯ  ยโต  วา  ปน  อวิชฺชานุสยํ
ปชหติ   ตโต   กามราคานุสยํ  ปชหตีติ:  ทุกฺขาย  เวทนาย  รูปธาตุยา
อรูปธาตุยา   ตโต   อวิชฺชานุสยํ  ปชหติ  โน  จ  ตโต  กามราคานุสยํ
ปชหติ   กามธาตุยา   ทฺวีสุ   เวทนาสุ   ตโต   อวิชฺชานุสยญฺจ  ปชหติ
กามราคานุสยญฺจ ปชหติ ฯ
     [๑๓๖๖]   ยโต  ปฏิฆานุสยํ  ปชหติ  ตโต  มานานุสยํ  ปชหตีติ:
โน  ฯ  ยโต  วา  ปน  มานานุสยํ  ปชหติ  ตโต  ปฏิฆานุสยํ  ปชหตีติ:
โน  ฯ  ยโต  ปฏิฆานุสยํ  ปชหติ  ตโต  ทิฏฺฐานุสยํ  ฯเปฯ วิจิกิจฺฉานุสยํ
ปชหตีติ:    อามนฺตา   ฯ   ยโต   วา   ปน   วิจิกิจฺฉานุสยํ   ปชหติ
ตโต   ปฏิฆานุสยํ   ปชหตีติ:   กามธาตุยา  ทฺวีสุ  เวทนาสุ  รูปธาตุยา
อรูปธาตุยา   ตโต   วิจิกิจฺฉานุสยํ   ปชหติ   โน  จ  ตโต  ปฏิฆานุสยํ
ปชหติ   ทุกฺขาย  เวทนาย  ตโต  วิจิกิจฺฉานุสยญฺจ  ปชหติ  ปฏิฆานุสยญฺจ
ปชหติ  ฯ  ยโต  ปฏิฆานุสยํ  ปชหติ  ตโต  ภวราคานุสยํ ปชหตีติ: โน ฯ
ยโต  วา  ปน  ภวราคานุสยํ  ปชหติ  ตโต  ปฏิฆานุสยํ  ปชหตีติ: โน ฯ
ยโต   ปฏิฆานุสยํ   ปชหติ   ตโต  อวิชฺชานุสยํ  ปชหตีติ:  อามนฺตา  ฯ
ยโต   วา   ปน   อวิชฺชานุสยํ   ปชหติ   ตโต   ปฏิฆานุสยํ  ปชหตีติ:
กามธาตุยา    ทฺวีสุ    เวทนาสุ    รูปธาตุยา    อรูปธาตุยา    ตโต
อวิชฺชานุสยํ   ปชหติ   โน   จ   ตโต   ปฏิฆานุสยํ   ปชหติ   ทุกฺขาย
เวทนาย ตโต อวิชฺชานุสยญฺจ ปชหติ ปฏิฆานุสยญฺจ ปชหติ ฯ
     [๑๓๖๗]   ยโต   มานานุสยํ   ปชหติ  ตโต  ทิฏฺฐานุสยํ  ฯเปฯ
วิจิกิจฺฉานุสยํ   ปชหตีติ:   อามนฺตา   ฯ  ยโต  วา  ปน  วิจิกิจฺฉานุสยํ
ปชหติ  ตโต  มานานุสยํ  ปชหตีติ:  ทุกฺขาย  เวทนาย ตโต วิจิกิจฺฉานุสยํ
ปชหติ   โน  จ  ตโต  มานานุสยํ  ปชหติ  กามธาตุยา  ทฺวีสุ  เวทนาสุ
รูปธาตุยา      อรูปธาตุยา      ตโต     วิจิกิจฺฉานุสยญฺจ     ปชหติ
มานานุสยญฺจ    ปชหติ    ฯ    ยโต    มานานุสยํ    ปชหติ    ตโต
ภวราคานุสยํ   ปชหตีติ:  กามธาตุยา  ทฺวีสุ  เวทนาสุ  ตโต  มานานุสยํ
ปชหติ   โน   จ   ตโต  ภวราคานุสยํ  ปชหติ  รูปธาตุยา  อรูปธาตุยา
  ตโต   มานานุสยญฺจ   ปชหติ   ภวราคานุสยญฺจ  ปชหติ  ฯ  ยโต  วา
ปน   ภวราคานุสยํ   ปชหติ   ตโต  มานานุสยํ  ปชหตีติ:  อามนฺตา  ฯ
ยโต  มานานุสยํ  ปชหติ  ตโต   อวิชฺชานุสยํ  ปชหตีติ: อามนฺตา ฯ ยโต
วา   ปน   อวิชฺชานุสยํ   ปชหติ   ตโต  มานานุสยํ  ปชหตีติ:  ทุกฺขาย
เวทนาย   ตโต  อวิชฺชานุสยํ  ปชหติ  โน  จ  ตโต  มานานุสยํ  ปชหติ
กามธาตุยา  ทฺวีสุ  เวทนาสุ  รูปธาตุยา  อรูปธาตุยา ตโต อวิชฺชานุสยญฺจ
ปชหติ มานานุสยญฺจ ปชหติ ฯ
     [๑๓๖๘]   ยโต  ทิฏฺฐานุสยํ  ปชหติ  ตโต  วิจิกิจฺฉานุสยํ ปชหตีติ:
อามนฺตา   ฯ   ยโต  วา  ปน  วิจิกิจฺฉานุสยํ  ปชหติ  ตโต  ทิฏฺฐานุสยํ
ปชหตีติ: อามนฺตา ฯเปฯ
     [๑๓๖๙]   ยโต  วิจิกิจฺฉานุสยํ  ปชหติ ตโต ภวราคานุสยํ ปชหตีติ:
กามธาตุยา   ตีสุ  เวทนาสุ  ตโต  วิจิกิจฺฉานุสยํ  ปชหติ  โน  จ  ตโต
ภวราคานุสยํ   ปชหติ   รูปธาตุยา   อรูปธาตุยา  ตโต  วิจิกิจฺฉานุสยญฺจ
ปชหติ  ภวราคานุสยญฺจ  ปชหติ  ฯ  ยโต  วา  ปน  ภวราคานุสยํ ปชหติ
ตโต   วิจิกิจฺฉานุสยํ   ปชหตีติ:   อามนฺตา   ฯ   ยโต   วิจิกิจฺฉานุสยํ
ปชหติ   ตโต   อวิชฺชานุสยํ   ปชหตีติ:   อามนฺตา  ฯ  ยโต  วา  ปน
อวิชฺชานุสยํ ปชหติ ตโต วิจิกิจฺฉานุสยํ ปชหตีติ: อามนฺตา ฯ
     [๑๓๗๐]   ยโต  ภวราคานุสยํ  ปชหติ  ตโต อวิชฺชานุสยํ ปชหตีติ:
อามนฺตา   ฯ  ยโต  วา  ปน  อวิชฺชานุสยํ  ปชหติ  ตโต  ภวราคานุสยํ
ปชหตีติ:   กามธาตุยา   ตีสุ   เวทนาสุ   ตโต   อวิชฺชานุสยํ   ปชหติ
โน   จ   ตโต   ภวราคานุสยํ   ปชหติ  รูปธาตุยา  อรูปธาตุยา  ตโต
อวิชฺชานุสยญฺจ ปชหติ ภวราคานุสยญฺจ ปชหติ ฯ
     [๑๓๗๑]   ยโต   กามราคานุสยญฺจ  ปฏิฆานุสยญฺจ  ปชหติ  ตโต
มานานุสยํ   ปชหตีติ:   นตฺถิ   ฯ   ยโต  วา  ปน  มานานุสยํ  ปชหติ
ตโต  กามราคานุสยญฺจ  ปฏิฆานุสยญฺจ  ปชหตีติ:  รูปธาตุยา  อรูปธาตุยา
ตโต  มานานุสยํ  ปชหติ  โน  จ  ตโต  กามราคานุสยญฺจ  ปฏิฆานุสยญฺจ
ปชหติ     กามธาตุยา     ทฺวีสุ    เวทนาสุ    ตโต    มานานุสยญฺจ
กามราคานุสยญฺจ ปชหติ โน จ ตโต ปฏิฆานุสยํ ปชหติ ฯ
     {๑๓๗๑.๑}   ยโต
กามราคานุสยญฺจ    ปฏิฆานุสยญฺจ   ปชหติ   ตโต   ทิฏฺฐานุสยํ   ฯเปฯ
วิจิกิจฺฉานุสยํ   ปชหตีติ:   นตฺถิ   ฯ   ยโต   วา   ปน  วิจิกิจฺฉานุสยํ
ปชหติ   ตโต   กามราคานุสยญฺจ   ปฏิฆานุสยญฺจ   ปชหตีติ:  รูปธาตุยา
อรูปธาตุยา  ตโต  วิจิกิจฺฉานุสยํ  ปชหติ  โน  จ  ตโต กามราคานุสยญฺจ
ปฏิฆานุสยญฺจ     ปชหติ     กามธาตุยา    ทฺวีสุ    เวทนาสุ    ตโต
วิจิกิจฺฉานุสยญฺจ   กามราคานุสยญฺจ   ปชหติ   โน  จ  ตโต  ปฏิฆานุสยํ
ปชหติ    ทุกฺขาย    เวทนาย   ตโต   วิจิกิจฺฉานุสยญฺจ   ปฏิฆานุสยญฺจ
ปชหติ โน จ ตโต กามราคานุสยํ ปชหติ ฯ
     {๑๓๗๑.๒}   ยโต    กามราคานุสยญฺจ   ปฏิฆานุสยญฺจ   ปชหติ
ตโต   ภวราคานุสยํ  ปชหตีติ:  นตฺถิ  ฯ  ยโต  วา  ปน  ภวราคานุสยํ
ปชหติ   ตโต   กามราคานุสยญฺจ   ปฏิฆานุสยญฺจ   ปชหตีติ:   โน   ฯ
ยโต    กามราคานุสยญฺจ   ปฏิฆานุสยญฺจ   ปชหติ   ตโต   อวิชฺชานุสยํ
ปชหตีติ:  นตฺถิ  ฯ ยโต วา ปน อวิชฺชานุสยํ ปชหติ ตโต กามราคานุสยญฺจ
ปฏิฆานุสยญฺจ  ปชหตีติ:  รูปธาตุยา  อรูปธาตุยา  ตโต อวิชฺชานุสยํ ปชหติ
โน จ ตโต กามราคานุสยญฺจ ปฏิฆานุสยญฺจ ปชหติ กามธาตุยา ทฺวีสุ เวทนาสุ
ตโต  อวิชฺชานุสยญฺจ  กามราคานุสยญฺจ  ปชหติ  โน  จ  ตโต ปฏิฆานุสยํ
ปชหติ    ทุกฺขาย    เวทนาย    ตโต   อวิชฺชานุสยญฺจ   ปฏิฆานุสยญฺจ
ปชหติ โน จ ตโต กามราคานุสยํ ปชหติ ฯ
     [๑๓๗๒]   ยโต   กามราคานุสยญฺจ   ปฏิฆานุสยญฺจ   มานานุสยญฺจ
ปชหติ   ตโต   ทิฏฺฐานุสยํ   ฯเปฯ   วิจิกิจฺฉานุสยํ  ปชหตีติ:  นตฺถิ  ฯ
ยโต    วา    ปน   วิจิกิจฺฉานุสยํ   ปชหติ   ตโต   กามราคานุสยญฺจ
ปฏิฆานุสยญฺจ   มานานุสยญฺจ   ปชหตีติ:   รูปธาตุยา  อรูปธาตุยา  ตโต
วิจิกิจฺฉานุสยญฺจ   มานานุสยญฺจ  ปชหติ  โน  จ  ตโต  กามราคานุสยญฺจ
ปฏิฆานุสยญฺจ     ปชหติ     กามธาตุยา    ทฺวีสุ    เวทนาสุ    ตโต
วิจิกิจฺฉานุสยญฺจ    กามราคานุสยญฺจ   มานานุสยญฺจ   ปชหติ   โน   จ
ตโต   ปฏิฆานุสยํ   ปชหติ   ทุกฺขาย   เวทนาย  ตโต  วิจิกิจฺฉานุสยญฺจ
ปฏิฆานุสยญฺจ   ปชหติ   โน   จ  ตโต  กามราคานุสยญฺจ  มานานุสยญฺจ
ปชหติ ฯ
     {๑๓๗๒.๑}   ยโต  กามราคานุสยญฺจ  ปฏิฆานุสยญฺจ  มานานุสยญฺจ
ปชหติ   ตโต   ภวราคานุสยํ   ปชหตีติ:   นตฺถิ   ฯ   ยโต  วา  ปน
ภวราคานุสยํ     ปชหติ     ตโต    กามราคานุสยญฺจ    ปฏิฆานุสยญฺจ
มานานุสยญฺจ   ปชหตีติ:  มานานุสยํ  ปชหติ  ฯ  ยโต  กามราคานุสยญฺจ
ปฏิฆานุสยญฺจ    มานานุสยญฺจ   ปชหติ   ตโต   อวิชฺชานุสยํ   ปชหตีติ:
นตฺถิ   ฯ  ยโต  วา  ปน  อวิชฺชานุสยํ  ปชหติ  ตโต  กามราคานุสยญฺจ
ปฏิฆานุสยญฺจ    มานานุสยญฺจ    ปชหตีติ:    รูปธาตุยา    อรูปธาตุยา
ตโต  อวิชฺชานุสยญฺจ  มานานุสยญฺจ  ปชหติ  โน จ ตโต กามราคานุสยญฺจ
ปฏิฆานุสยญฺจ  ปชหติ  กามธาตุยา  ทฺวีสุ  เวทนาสุ  ตโต  อวิชฺชานุสยญฺจ
กามราคานุสยญฺจ  มานานุสยญฺจ  ปชหติ  โน  จ  ตโต  ปฏิฆานุสยํ ปชหติ
ทุกฺขาย   เวทนาย  ตโต  อวิชฺชานุสยญฺจ  ปฏิฆานุสยญฺจ  ปชหติ  โน  จ
ตโต กามราคานุสยญฺจ มานานุสยญฺจ ปชหติ ฯ
     [๑๓๗๓]   ยโต   กามราคานุสยญฺจ   ปฏิฆานุสยญฺจ   มานานุสยญฺจ
ทิฏฺฐานุสยญฺจ  ปชหติ  ตโต  วิจิกิจฺฉานุสยํ  ปชหตีติ: นตฺถิ ฯ ยโต วา ปน
วิจิกิจฺฉานุสยํ     ปชหติ     ตโต    กามราคานุสยญฺจ    ปฏิฆานุสยญฺจ
มานานุสยญฺจ    ทิฏฺฐานุสยญฺจ    ปชหตีติ:    รูปธาตุยา    อรูปธาตุยา
ตโต     วิจิกิจฺฉานุสยญฺจ     มานานุสยญฺจ     ทิฏฺฐานุสยญฺจ    ปชหติ
โน   จ   ตโต   กามราคานุสยญฺจ   ปฏิฆานุสยญฺจ  ปชหติ  กามธาตุยา
ทฺวีสุ     เวทนาสุ     ตโต     วิจิกิจฺฉานุสยญฺจ     กามราคานุสยญฺจ
มานานุสยญฺจ   ทิฏฺฐานุสยญฺจ   ปชหติ  โน  จ  ตโต  ปฏิฆานุสยํ  ปชหติ
ทุกฺขาย   เวทนาย   ตโต  วิจิกิจฺฉานุสยญฺจ  ปฏิฆานุสยญฺจ  ทิฏฺฐานุสยญฺจ
ปชหติ โน จ ตโต กามราคานุสยญฺจ มานานุสยญฺจ ปชหติ ฯเปฯ
     [๑๓๗๔]   ยโต   กามราคานุสยญฺจ   ปฏิฆานุสยญฺจ   มานานุสยญฺจ
ทิฏฺฐานุสยญฺจ   วิจิกิจฺฉานุสยญฺจ   ปชหติ   ตโต  ภวราคานุสยํ  ปชหตีติ:
นตฺถิ  ฯ  ยโต  วา  ปน  ภวราคานุสยํ  ปชหติ  ตโต  กามราคานุสยญฺจ
ปฏิฆานุสยญฺจ      มานานุสยญฺจ      ทิฏฺฐานุสยญฺจ     วิจิกิจฺฉานุสยญฺจ
ปชหตีติ:       มานานุสยญฺจ       ทิฏฺฐานุสยญฺจ      วิจิกิจฺฉานุสยญฺจ
ปชหติ    ฯ    ยโต   กามราคานุสยญฺจ   ปฏิฆานุสยญฺจ   มานานุสยญฺจ
ทิฏฺฐานุสยญฺจ  วิจิกิจฺฉานุสยญฺจ  ปชหติ  ตโต อวิชฺชานุสยํ ปชหตีติ: นตฺถิ ฯ
ยโต  วา  ปน  อวิชฺชานุสยํ  ปชหติ  ตโต กามราคานุสยญฺจ ปฏิฆานุสยญฺจ
มานานุสยญฺจ    ทิฏฺฐานุสยญฺจ   วิจิกิจฺฉานุสยญฺจ   ปชหตีติ:   รูปธาตุยา
อรูปธาตุยา    ตโต    อวิชฺชานุสยญฺจ    มานานุสยญฺจ    ทิฏฺฐานุสยญฺจ
วิจิกิจฺฉานุสยญฺจ   ปชหติ  โน  จ  ตโต  กามราคานุสยญฺจ  ปฏิฆานุสยญฺจ
ปชหติ     กามธาตุยา    ทฺวีสุ    เวทนาสุ    ตโต    อวิชฺชานุสยญฺจ
กามราคานุสยญฺจ     มานานุสยญฺจ     ทิฏฺฐานุสยญฺจ    วิจิกิจฺฉานุสยญฺจ
ปชหติ   โน   จ   ตโต   ปฏิฆานุสยํ  ปชหติ  ทุกฺขาย  เวทนาย  ตโต
อวิชฺชานุสยญฺจ      ปฏิฆานุสยญฺจ     ทิฏฺฐานุสยญฺจ     วิจิกิจฺฉานุสยญฺจ
ปชหติ โน จ ตโต กามราคานุสยญฺจ มานานุสยญฺจ ปชหติ ฯ
     [๑๓๗๕]   ยโต   กามราคานุสยญฺจ   ปฏิฆานุสยญฺจ   มานานุสยญฺจ
ทิฏฺฐานุสยญฺจ     วิจิกิจฺฉานุสยญฺจ    ภวราคานุสยญฺจ    ปชหติ    ตโต
อวิชฺชานุสยํ   ปชหตีติ:   นตฺถิ  ฯ  ยโต  วา  ปน  อวิชฺชานุสยํ  ปชหติ
ตโต    กามราคานุสยญฺจ   ปฏิฆานุสยญฺจ   มานานุสยญฺจ   ทิฏฺฐานุสยญฺจ
วิจิกิจฺฉานุสยญฺจ   ภวราคานุสยญฺจ   ปชหตีติ:   รูปธาตุยา   อรูปธาตุยา
ตโต    อวิชฺชานุสยญฺจ   มานานุสยญฺจ   ทิฏฺฐานุสยญฺจ   วิจิกิจฺฉานุสยญฺจ
ภวราคานุสยญฺจ     ปชหติ     โน    จ    ตโต    กามราคานุสยญฺจ
ปฏิฆานุสยญฺจ  ปชหติ  กามธาตุยา  ทฺวีสุ  เวทนาสุ  ตโต  อวิชฺชานุสยญฺจ
กามราคานุสยญฺจ     มานานุสยญฺจ     ทิฏฺฐานุสยญฺจ    วิจิกิจฺฉานุสยญฺจ
ปชหติ   โน   จ  ตโต  ปฏิฆานุสยญฺจ  ภวราคานุสยญฺจ  ปชหติ  ทุกฺขาย
เวทนาย     ตโต     อวิชฺชานุสยญฺจ    ปฏิฆานุสยญฺจ    ทิฏฺฐานุสยญฺจ
วิจิกิจฺฉานุสยญฺจ   ปชหติ  โน  จ  ตโต  กามราคานุสยญฺจ  มานานุสยญฺจ
ภวราคานุสยญฺจ ปชหติ ฯ
     [๑๓๗๖]   โย  ยโต  กามราคานุสยํ  ปชหติ  โส  ตโต  ปฏิฆานุสยํ
ปชหตีติ:   โน  ฯ  โย  วา  ปน  ยโต  ปฏิฆานุสยํ  ปชหติ  โส  ตโต
กามราคานุสยํ   ปชหตีติ:   โน   ฯ  โย  ยโต  กามราคานุสยํ  ปชหติ
โส   ตโต   มานานุสยํ  ปชหตีติ:  ตเทกฏฺฐํ  ปชหติ  ฯ  โย  วา  ปน
ยโต   มานานุสยํ  ปชหติ  โส  ตโต  กามราคานุสยํ  ปชหตีติ:  โน  ฯ
โย   ยโต   กามราคานุสยํ   ปชหติ   โส   ตโต   ทิฏฺฐานุสยํ  ฯเปฯ
วิจิกิจฺฉานุสยํ   ปชหตีติ:   โน   ฯ  โย  วา  ปน  ยโต  วิจิกิจฺฉานุสยํ
ปชหติ    โส   ตโต   กามราคานุสยํ   ปชหตีติ:   อฏฺฐมโก   ทุกฺขาย
เวทนาย   รูปธาตุยา   อรูปธาตุยา   โส   ตโต  วิจิกิจฺฉานุสยํ  ปชหติ
โน   จ  โส  ตโต  กามราคานุสยํ  ปชหติ  โสว  ปุคฺคโล  กามธาตุยา
ทฺวีสุ  เวทนาสุ  โส  ตโต  วิจิกิจฺฉานุสยํ  ปชหติ กามราคานุสยํ ตเทกฏฺฐํ
ปชหติ   ฯ  โย  ยโต  กามราคานุสยํ  ปชหติ  โส  ตโต  ภวราคานุสยํ
ปชหตีติ:  โน  ฯ  โย  วา  ปน  ยโต  ภวราคานุสยํ  ปชหติ  โส ตโต
กามราคานุสยํ   ปชหตีติ:   โน   ฯ  โย  ยโต  กามราคานุสยํ  ปชหติ
โส   ตโต  อวิชฺชานุสยํ  ปชหตีติ:  ตเทกฏฺฐํ  ปชหติ  ฯ  โย  วา  ปน
ยโต อวิชฺชานุสยํ ปชหติ โส ตโต กามราคานุสยํ ปชหตีติ: โน ฯ
     [๑๓๗๗]   โย   ยโต   ปฏิฆานุสยํ  ปชหติ  โส  ตโต  มานานุสยํ
ปชหตีติ:   โน  ฯ  โย  วา  ปน  ยโต  มานานุสยํ  ปชหติ  โส  ตโต
ปฏิฆานุสยํ   ปชหตีติ:   โน   ฯ   โย   ยโต  ปฏิฆานุสยํ  ปชหติ  โส
ตโต   ทิฏฺฐานุสยํ   ฯเปฯ   วิจิกิจฺฉานุสยํ   ปชหตีติ:   โน   ฯ   โย
วา   ปน  ยโต  วิจิกิจฺฉานุสยํ  ปชหติ  โส  ตโต  ปฏิฆานุสยํ  ปชหตีติ:
อฏฺฐมโก   กามธาตุยา   ทฺวีสุ   เวทนาสุ  รูปธาตุยา  อรูปธาตุยา  โส
ตโต   วิจิกิจฺฉานุสยํ   ปชหติ   โน   จ  โส  ตโต  ปฏิฆานุสยํ  ปชหติ
โสว   ปุคฺคโล   ทุกฺขาย   เวทนาย   โส  ตโต  วิจิกิจฺฉานุสยํ  ปชหติ
ปฏิฆานุสยํ   ตเทกฏฺฐํ   ปชหติ   ฯ  โย  ยโต  ปฏิฆานุสยํ  ปชหติ  โส
ตโต  ภวราคานุสยํ  ปชหตีติ:  โน  ฯ  โย  วา  ปน ยโต ภวราคานุสยํ
ปชหติ  โส  ตโต  ปฏิฆานุสยํ  ปชหตีติ:  โน  ฯ  โย  ยโต  ปฏิฆานุสยํ
ปชหติ   โส   ตโต   อวิชฺชานุสยํ   ปชหตีติ:   ตเทกฏฺฐํ   ปชหติ   ฯ
โย   วา   ปน   ยโต   อวิชฺชานุสยํ   ปชหติ   โส  ตโต  ปฏิฆานุสยํ
ปชหตีติ: โน ฯ
     [๑๓๗๘]   โย   ยโต   มานานุสยํ  ปชหติ  โส  ตโต  ทิฏฺฐานุสยํ
ฯเปฯ  วิจิกิจฺฉานุสยํ  ปชหตีติ:  โน  ฯ  โย  วา ปน ยโต วิจิกิจฺฉานุสยํ
ปชหติ    โส    ตโต    มานานุสยํ    ปชหตีติ:   อฏฺฐมโก   ทุกฺขาย
เวทนาย  โส  ตโต  วิจิกิจฺฉานุสยํ  ปชหติ  โน  จ  โส ตโต มานานุสยํ
ปชหติ    โสว   ปุคฺคโล   กามธาตุยา   ทฺวีสุ   เวทนาสุ   รูปธาตุยา
อรูปธาตุยา   โส   ตโต   วิจิกิจฺฉานุสยํ   ปชหติ  มานานุสยํ  ตเทกฏฺฐํ
ปชหติ   ฯ   โย   ยโต   มานานุสยํ  ปชหติ  โส  ตโต  ภวราคานุสยํ
ปชหตีติ:   อคฺคมคฺคสมงฺคี   กามธาตุยา   ทฺวีสุ   เวทนาสุ   โส  ตโต
มานานุสยํ   ปชหติ   โน   จ   โส  ตโต  ภวราคานุสยํ  ปชหติ  โสว
ปุคฺคโล   รูปธาตุยา   อรูปธาตุยา   โส   ตโต   มานานุสยญฺจ  ปชหติ
ภวราคานุสยญฺจ   ปชหติ  ฯ  โย  วา  ปน  ยโต  ภวราคานุสยํ  ปชหติ
โส   ตโต   มานานุสยํ  ปชหตีติ:  อามนฺตา  ฯ  โย  ยโต  มานานุสยํ
ปชหติ   โส  ตโต  อวิชฺชานุสยํ  ปชหตีติ:  อามนฺตา  ฯ  โย  วา  ปน
ยโต  อวิชฺชานุสยํ  ปชหติ  โส  ตโต  มานานุสยํ ปชหตีติ: อคฺคมคฺคสมงฺคี
ทุกฺขาย   เวทนาย   โส   ตโต   อวิชฺชานุสยํ   ปชหติ   โน  จ  โส
ตโต   มานานุสยํ   ปชหติ  โสว  ปุคฺคโล  กามธาตุยา  ทฺวีสุ  เวทนาสุ
รูปธาตุยา  อรูปธาตุยา  โส  ตโต  อวิชฺชานุสยญฺจ  ปชหติ  มานานุสยญฺจ
ปชหติ ฯ
     [๑๓๗๙]   โย  ยโต  ทิฏฺฐานุสยํ  ปชหติ  โส  ตโต  วิจิกิจฺฉานุสยํ
ปชหตีติ:   อามนฺตา   ฯ   โย   วา  ปน  ยโต  วิจิกิจฺฉานุสยํ  ปชหติ
โส ตโต ทิฏฺฐานุสยํ ปชหตีติ: อามนฺตา ฯเปฯ
     [๑๓๘๐]   โย  ยโต  วิจิกิจฺฉานุสยํ  ปชหติ  โส  ตโต ภวราคานุสยํ
ปชหตีติ:    อฏฺฐมโก    กามธาตุยา    ตีสุ    เวทนาสุ   โส   ตโต
วิจิกิจฺฉานุสยํ   ปชหติ   โน  จ  โส  ตโต  ภวราคานุสยํ  ปชหติ  โสว
ปุคฺคโล   รูปธาตุยา   อรูปธาตุยา   โส   ตโต   วิจิกิจฺฉานุสยํ  ปชหติ
ภวราคานุสยํ   ตเทกฏฺฐํ  ปชหติ  ฯ  โย  วา  ปน  ยโต  ภวราคานุสยํ
ปชหติ โส ตโต วิจิกิจฺฉานุสยํ ปชหตีติ: โน ฯเปฯ
     [๑๓๘๑]   โย  ยโต  ภวราคานุสยํ  ปชหติ  โส  ตโต  อวิชฺชานุสยํ
ปชหตีติ:   อามนฺตา   ฯ   โย   วา   ปน  ยโต  อวิชฺชานุสยํ  ปชหติ
โส    ตโต    ภวราคานุสยํ   ปชหตีติ:   อคฺคมคฺคสมงฺคี   กามธาตุยา
ตีสุ   เวทนาสุ   โส   ตโต   อวิชฺชานุสยํ  ปชหติ  โน  จ  โส  ตโต
ภวราคานุสยํ   ปชหติ   โสว   ปุคฺคโล   รูปธาตุยา   อรูปธาตุยา  โส
ตโต อวิชฺชานุสยญฺจ ปชหติ ภวราคานุสยญฺจ ปชหติ ฯ
     [๑๓๘๒]   โย   ยโต   กามราคานุสยญฺจ   ปฏิฆานุสยญฺจ   ปชหติ
โส  ตโต  มานานุสยํ  ปชหตีติ:  นตฺถิ  ฯ  โย  วา ปน ยโต มานานุสยํ
ปชหติ   โส   ตโต  กามราคานุสยญฺจ  ปฏิฆานุสยญฺจ  ปชหตีติ:  โน  ฯ
โย    ยโต    กามราคานุสยญฺจ   ปฏิฆานุสยญฺจ   ปชหติ   โส   ตโต
ทิฏฺฐานุสยํ   ฯเปฯ   วิจิกิจฺฉานุสยํ   ปชหตีติ:  นตฺถิ  ฯ  โย  วา  ปน
ยโต   วิจิกิจฺฉานุสยํ  ปชหติ  โส  ตโต  กามราคานุสยญฺจ  ปฏิฆานุสยญฺจ
ปชหตีติ:     อฏฺฐมโก     รูปธาตุยา     อรูปธาตุยา    โส    ตโต
วิจิกิจฺฉานุสยํ  ปชหติ  โน  จ  โส  ตโต  กามราคานุสยญฺจ ปฏิฆานุสยญฺจ
ปชหติ   โสว   ปุคฺคโล   กามธาตุยา   ทฺวีสุ   เวทนาสุ   โส   ตโต
วิจิกิจฺฉานุสยํ    ปชหติ   กามราคานุสยํ   ตเทกฏฺฐํ   ปชหติ   โน   จ
โส   ตโต   ปฏิฆานุสยํ   ปชหติ   โสว   ปุคฺคโล   ทุกฺขาย  เวทนาย
โส   ตโต  วิจิกิจฺฉานุสยํ  ปชหติ  ปฏิฆานุสยํ  ตเทกฏฺฐํ  ปชหติ  โน  จ
โส   ตโต   กามราคานุสยํ   ปชหติ   ฯ  โย  ยโต  กามราคานุสยญฺจ
ปฏิฆานุสยญฺจ   ปชหติ   โส   ตโต   ภวราคานุสยํ  ปชหตีติ:  นตฺถิ  ฯ
โย  วา  ปน  ยโต  ภวราคานุสยํ  ปชหติ  โส  ตโต  กามราคานุสยญฺจ
ปฏิฆานุสยญฺจ    ปชหตีติ:    โน   ฯ   โย   ยโต   กามราคานุสยญฺจ
ปฏิฆานุสยญฺจ   ปชหติ   โส   ตโต   อวิชฺชานุสยํ   ปชหตีติ:  นตฺถิ  ฯ
โย   วา  ปน  ยโต  อวิชฺชานุสยํ  ปชหติ  โส  ตโต  กามราคานุสยญฺจ
ปฏิฆานุสยญฺจ ปชหตีติ: โน ฯ
     [๑๓๘๓]   โย     ยโต     กามราคานุสยญฺจ    ปฏิฆานุสยญฺจ
มานานุสยญฺจ   ปชหติ   โส   ตโต   ทิฏฺฐานุสยํ   ฯเปฯ  วิจิกิจฺฉานุสยํ
ปชหตีติ:   นตฺถิ   ฯ   โย  วา  ปน  ยโต  วิจิกิจฺฉานุสยํ  ปชหติ  โส
ตโต    กามราคานุสยญฺจ    ปฏิฆานุสยญฺจ    มานานุสยญฺจ    ปชหตีติ:
อฏฺฐมโก   รูปธาตุยา   อรูปธาตุยา   โส   ตโต  วิจิกิจฺฉานุสยํ  ปชหติ
มานานุสยํ   ตเทกฏฺฐํ   ปชหติ   โน   จ  โส  ตโต  กามราคานุสยญฺจ
ปฏิฆานุสยญฺจ   ปชหติ   โสว   ปุคฺคโล   กามธาตุยา   ทฺวีสุ  เวทนาสุ
โส    ตโต   วิจิกิจฺฉานุสยํ   ปชหติ   กามราคานุสยญฺจ   มานานุสยญฺจ
ตเทกฏฺฐํ  ปชหติ  โน  จ  โส  ตโต  ปฏิฆานุสยํ  ปชหติ  โสว  ปุคฺคโล
ทุกฺขาย    เวทนาย   โส   ตโต   วิจิกิจฺฉานุสยํ   ปชหติ   ปฏิฆานุสยํ
ตเทกฏฺฐํ   ปชหติ   โน  จ  โส  ตโต  กามราคานุสยญฺจ  มานานุสยญฺจ
ปชหติ   ฯ   โย   ยโต  กามราคานุสยญฺจ  ปฏิฆานุสยญฺจ  มานานุสยญฺจ
ปชหติ   โส   ตโต   ภวราคานุสยํ  ปชหตีติ:  นตฺถิ  ฯ  โย  วา  ปน
ยโต     ภวราคานุสยํ     ปชหติ    โส    ตโต    กามราคานุสยญฺจ
ปฏิฆานุสยญฺจ   มานานุสยญฺจ   ปชหตีติ:   มานานุสยํ   ปชหติ   ฯ  โย
ยโต    กามราคานุสยญฺจ   ปฏิฆานุสยญฺจ   มานานุสยญฺจ   ปชหติ   โส
ตโต  อวิชฺชานุสยํ  ปชหตีติ:  นตฺถิ  ฯ  โย  วา  ปน  ยโต อวิชฺชานุสยํ
ปชหติ    โส   ตโต   กามราคานุสยญฺจ   ปฏิฆานุสยญฺจ   มานานุสยญฺจ
ปชหตีติ:   อคฺคมคฺคสมงฺคี   ทุกฺขาย   เวทนาย  โส  ตโต  อวิชฺชานุสยํ
ปชหติ    โน    จ    โส    ตโต   กามราคานุสยญฺจ   ปฏิฆานุสยญฺจ
มานานุสยญฺจ   ปชหติ   โสว   ปุคฺคโล   กามธาตุยา   ทฺวีสุ  เวทนาสุ
รูปธาตุยา    อรูปธาตุยา   โส   ตโต   อวิชฺชานุสยญฺจ   มานานุสยญฺจ
ปชหติ โน จ โส ตโต กามราคานุสยญฺจ ปฏิฆานุสยญฺจ ปชหติ ฯ
     [๑๓๘๔]   โย     ยโต     กามราคานุสยญฺจ    ปฏิฆานุสยญฺจ
มานานุสยญฺจ    ทิฏฺฐานุสยญฺจ    ปชหติ    โส    ตโต   วิจิกิจฺฉานุสยํ
ปชหตีติ:  นตฺถิ  ฯ  โย  วา  ปน  ยโต  วิจิกิจฺฉานุสยํ  ปชหติ โส ตโต
กามราคานุสยญฺจ      ปฏิฆานุสยญฺจ     มานานุสยญฺจ     ทิฏฺฐานุสยญฺจ
ปชหตีติ:  อฏฺฐมโก  รูปธาตุยา  อรูปธาตุยา  โส  ตโต  วิจิกิจฺฉานุสยญฺจ
ทิฏฺฐานุสยญฺจ   ปชหติ  มานานุสยํ  ตเทกฏฺฐํ  ปชหติ  โน  จ  โส  ตโต
  กามราคานุสยญฺจ   ปฏิฆานุสยญฺจ   ปชหติ   โสว  ปุคฺคโล  กามธาตุยา
ทฺวีสุ   เวทนาสุ   โส   ตโต   วิจิกิจฺฉานุสยญฺจ   ทิฏฺฐานุสยญฺจ  ปชหติ
กามราคานุสยญฺจ    มานานุสยญฺจ   ตเทกฏฺฐํ   ปชหติ   โน   จ   โส
ตโต   ปฏิฆานุสยํ  ปชหติ  โสว  ปุคฺคโล  ทุกฺขาย  เวทนาย  โส  ตโต
วิจิกิจฺฉานุสยญฺจ   ทิฏฺฐานุสยญฺจ   ปชหติ   ปฏิฆานุสยํ   ตเทกฏฺฐํ  ปชหติ
โน จ โส ตโต กามราคานุสยญฺจ มานานุสยญฺจ ปชหติ ฯเปฯ
     [๑๓๘๕]   โย  ยโต  กามราคานุสยญฺจ  ปฏิฆานุสยญฺจ  มานานุสยญฺจ
ทิฏฺฐานุสยญฺจ    วิจิกิจฺฉานุสยญฺจ    ปชหติ   โส   ตโต   ภวราคานุสยํ
ปชหตีติ:  นตฺถิ  ฯ  โย  วา  ปน  ยโต  ภวราคานุสยํ  ปชหติ โส ตโต
กามราคานุสยญฺจ      ปฏิฆานุสยญฺจ     มานานุสยญฺจ     ทิฏฺฐานุสยญฺจ
วิจิกิจฺฉานุสยญฺจ    ปชหตีติ:    มานานุสยํ    ปชหติ   ฯ   โย   ยโต
กามราคานุสยญฺจ      ปฏิฆานุสยญฺจ     มานานุสยญฺจ     ทิฏฺฐานุสยญฺจ
วิจิกิจฺฉานุสยญฺจ   ปชหติ   โส   ตโต  อวิชฺชานุสยํ  ปชหตีติ:  นตฺถิ  ฯ
โย   วา  ปน  ยโต  อวิชฺชานุสยํ  ปชหติ  โส  ตโต  กามราคานุสยญฺจ
ปฏิฆานุสยญฺจ      มานานุสยญฺจ      ทิฏฺฐานุสยญฺจ     วิจิกิจฺฉานุสยญฺจ
ปชหตีติ:   อคฺคมคฺคสมงฺคี   ทุกฺขาย   เวทนาย  โส  ตโต  อวิชฺชานุสยํ
ปชหติ    โน    จ    โส    ตโต   กามราคานุสยญฺจ   ปฏิฆานุสยญฺจ
มานานุสยญฺจ   ทิฏฺฐานุสยญฺจ   วิจิกิจฺฉานุสยญฺจ   ปชหติ   โสว  ปุคฺคโล
กามธาตุยา   ทฺวีสุ   เวทนาสุ   รูปธาตุยา   อรูปธาตุยา   โส   ตโต
อวิชฺชานุสยญฺจ  มานานุสยญฺจ  ปชหติ  โน  จ  โส ตโต กามราคานุสยญฺจ
ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ฯ
     [๑๓๘๖]   โย  ยโต  กามราคานุสยญฺจ  ปฏิฆานุสยญฺจ  มานานุสยญฺจ
ทิฏฺฐานุสยญฺจ       วิจิกิจฺฉานุสยญฺจ       ภวราคานุสยญฺจ      ปชหติ
โส  ตโต  อวิชฺชานุสยํ  ปชหตีติ:  นตฺถิ  ฯ โย วา ปน ยโต อวิชฺชานุสยํ
ปชหติ    โส   ตโต   กามราคานุสยญฺจ   ปฏิฆานุสยญฺจ   มานานุสยญฺจ
ทิฏฺฐานุสยญฺจ      วิจิกิจฺฉานุสยญฺจ      ภวราคานุสยญฺจ      ปชหตีติ:
อคฺคมคฺคสมงฺคี   ทุกฺขาย   เวทนาย   โส   ตโต   อวิชฺชานุสยํ  ปชหติ
โน   จ   โส   ตโต   กามราคานุสยญฺจ   ปฏิฆานุสยญฺจ  มานานุสยญฺจ
ทิฏฺฐานุสยญฺจ     วิจิกิจฺฉานุสยญฺจ    ภวราคานุสยญฺจ    ปชหติ    โสว
ปุคฺคโล   กามธาตุยา   ทฺวีสุ   เวทนาสุ   โส   ตโต   อวิชฺชานุสยญฺจ
มานานุสยญฺจ  ปชหติ  โน  จ  โส  ตโต  กามราคานุสยญฺจ ปฏิฆานุสยญฺจ
ทิฏฺฐานุสยญฺจ     วิจิกิจฺฉานุสยญฺจ    ภวราคานุสยญฺจ    ปชหติ    โสว
ปุคฺคโล  รูปธาตุยา  อรูปธาตุยา  โส  ตโต  อวิชฺชานุสยญฺจ มานานุสยญฺจ
  ภวราคานุสยญฺจ    ปชหติ   โน   จ   โส   ตโต   กามราคานุสยญฺจ
ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ฯ
                                         อนุโลมํ นิฏฺฐิตํ ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๕๕๙-๕๗๗. http://84000.org/tipitaka/read/pali_item_s.php?book=38&item=1354&items=33&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=38&item=1354&items=33&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=38&item=1354&items=33&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=38&item=1354&items=33&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=38&i=1354              สารบัญพระไตรปิฎกเล่มที่ ๓๘ http://84000.org/tipitaka/read/?index_38

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :