บาลีพระไตรปิฎกเล่มที่ ๑๗ - พระสุตตันตปิฎกเล่มที่ ๙

[๗๙] สาวตฺถิยํ ฯ อถ โข อายสฺมา อานนฺโท สายณฺหสมยํ ปฏิสลฺลานา วุฏฺฐิโต เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺนํ โข อายสฺมนฺตํ อานนฺทํ ภควา เอตทโวจ สเจ ตํ อานนฺท เอวํ ปุจฺเฉยฺยุ กตเมสํ อาวุโส อานนฺท ธมฺมานํ อุปฺปาโท ปญฺายติ วโย ปญฺายติ ฐิตานํ อญฺถตฺตํ ปญฺายตีติ ฯ เอวํ ปุฏฺโฐ ตฺวํ อานนฺท กินฺติ พฺยากเรยฺยาสีติ ฯ สเจ มํ ภนฺเต เอวํ ปุจฺเฉยฺยุ กตเมสํ อาวุโส อานนฺท ธมฺมานํ อุปฺปาโท ปญฺายติ วโย ปญฺายติ ฐิตานํ อญฺถตฺตํ ปญฺายตีติ ฯ เอวํ ปุฏฺโฐ อหํ ภนฺเต เอวํ พฺยากเรยฺยํ รูปสฺส โข อาวุโส อุปฺปาโท ปญฺายติ วโย ปญฺายติ ฐิตสฺส อญฺถตฺตํ ปญฺายติ ฯ เวทนาย ฯ สญฺาย ฯ สงฺขารานํ ฯ วิญฺาณสฺส อุปฺปาโท ปญฺายติ วโย ปญฺายติ ฐิตสฺส อญฺถตฺตํ ปญฺายติ ฯ อิเมสํ โข อาวุโส ธมฺมานํ อุปฺปาโท ปญฺายติ วโย ปญฺายติ ฐิตานํ อญฺถตฺตํ ปญฺายตีติ ฯ เอวํ ปุฏฺโฐ อหํ ภนฺเต เอวํ พฺยากเรยฺยนฺติ ฯ [๘๐] สาธุ สาธุ อานนฺท รูปสฺส โข อานนฺท อุปฺปาโท ปญฺายติ วโย ปญฺายติ ฐิตสฺส อญฺถตฺตํ ปญฺายติ ฯ เวทนาย ฯ สญฺาย ฯ สงฺขารานํ ฯ วิญฺาณสฺส อุปฺปาโท อิเมสํ โข อานนฺท ธมฺมานํ อุปฺปาโท ปญฺายติ วโย ปญฺายติ ฐิตานํ อญฺถตฺตํ ปญฺายตีติ ฯ เอวํ ปุฏฺโฐ ตฺวํ อานนฺท เอวํ พฺยากเรยฺยาสีติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๗ หน้าที่ ๔๖-๔๗. http://84000.org/tipitaka/read/pali_read.php?B=17&A=909&w= อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem.php?book=17&item=79&items=2 อ่านเทียบพระไตรปิฎกฉบับมหาจุฬาฯ :- http://84000.org/tipitaka/pitaka_item/m_siri.php?B=17&siri=37 ศึกษาอรรถกถานี้ได้ที่ :- http://84000.org/tipitaka/attha/attha.php?b=17&i=79 สารบัญพระไตรปิฎกเล่มที่ ๑๗ http://84000.org/tipitaka/read/?สารบัญพระไตรปิฎกเล่มที่_๑๗ http://84000.org/tipitaka/read/?index_17