บาลีพระไตรปิฎกเล่มที่ ๒๒ - พระสุตตันตปิฎกเล่มที่ ๑๔

     [๑๗๐]   เอกํ   สมยํ   อายสฺมา   อานนฺโท   โกสมฺพิยํ  วิหรติ
โฆสิตาราเม  ฯ  อถโข อายสฺมา ภทฺทชิ เยนายสฺมา อานนฺโท เตนุปสงฺกมิ
อุปสงฺกมิตฺวา   อายสฺมตา   อานนฺเทน   สทฺธึ  สมฺโมทิ  สมฺโมทนียํ  กถํ
สาราณียํ    วีติสาเรตฺวา   เอกมนฺตํ   นิสีทิ   เอกมนฺตํ   นิสินฺนํ   โข
อายสฺมนฺตํ  ภทฺทชึ  อายสฺมา  อานนฺโท  เอตทโวจ  กึ  นุ  โข  อาวุโส
ภทฺทชิ   ทสฺสนานํ   อคฺคํ   กึ   สวนานํ   อคฺคํ   กึ  สุขานํ  อคฺคํ  กึ
สญฺานํ อคฺคํ กึ ภวานํ อคฺคนฺติ ฯ
     {๑๗๐.๑}   อตฺถาวุโส   พฺรหฺมา   อภิภู  อนภิภูโต  อญฺทตฺถุทโส
วสวตฺตี   โย   ตํ   พฺรหฺมานํ  ปสฺสติ  อิทํ  ทสฺสนานํ  อคฺคํ  อตฺถาวุโส
อาภสฺสรา  นาม  เทวา  สุเขน  อภิสนฺนา  ปริสนฺนา  เต  กทาจิ กรหจิ
อุทานํ  อุทาเนนฺติ  อโห  สุขํ  อโห สุขนฺติ โย ตํ สทฺทํ สุณาติ อิทํ สวนานํ
อคฺคํ  อตฺถาวุโส  สุภกิณฺหา  นาม  เทวา  เต  สนฺตญฺเว   ตุสิตา  สุขํ
ปฏิสํเวเทนฺติ  อิทํ  สุขานํ  อคฺคํ อตฺถาวุโส อากิญฺจญฺายตนูปคา เทวา อิทํ
สญฺานํ   อคฺคํ   อตฺถาวุโส   เนวสญฺานาสญฺายตนูปคา   เทวา   อิทํ
ภวานํ    อคฺคนฺติ   สเมติ   โข   อิทํ   อายสฺมโต   ภทฺทชิสฺส   ยทิทํ
พหุนา ชเนนาติ ฯ
     {๑๗๐.๒}   อายสฺมา    โข    อานนฺโท   พหุสฺสุโต   ปฏิภาตุ
อายสฺมนฺตญฺเว   อานนฺทนฺติ   ฯ   เตนหาวุโส   ภทฺทชิ  สุณาหิ  สาธุกํ
มนสิกโรหิ   ภาสิสฺสามีติ   ฯ   เอวมาวุโสติ   โข   อายสฺมา   ภทฺทชิ
อายสฺมโต   อานนฺทสฺส   ปจฺจสฺโสสิ  ฯ  อายสฺมา  อานนฺโท  เอตทโวจ
ยถา   ปสฺสโต   โข   อาวุโส   อนนฺตรา  อาสวานํ  ขโย  โหติ  อิทํ
ทสฺสนานํ   อคฺคํ   ยถา   สุณโต  อนนฺตรา  อาสวานํ  ขโย  โหติ  อิทํ
สวนานํ   อคฺคํ   ยถา   สุขิตสฺส  อนนฺตรา  อาสวานํ  ขโย  โหติ  อิทํ
สุขานํ   อคฺคํ   ยถาสญฺิสฺส   อนนฺตรา   อาสวานํ   ขโย   โหติ  อิทํ
สญฺานํ   อคฺคํ   ยถาภูตสฺส   อนนฺตรา   อาสวานํ   ขโย   โหติ  อิทํ
ภวานํ อคฺคนฺติ ฯ
                    อาฆาตวคฺโค ทุติโย ฯ
                        ตสฺสุทฺทานํ
         เทฺว อาฆาตวินยา              สากจฺฉา สาชีวโต ปญฺหํ
         ปุจฺฉา นิโรโธ โจทนา       สีลํ นิสนฺติ ภทฺทชีติ ฯ
                      -----------

เนื้อความพระไตรปิฎกฉบับภาษาบาลี อักษรไทย เล่มที่ ๒๒ หน้าที่ ๒๒๕-๒๒๖. https://84000.org/tipitaka/read/pali_read.php?B=22&A=4742&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=22&A=4742&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=22&item=170&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=22&siri=170 ศึกษาอรรถกถานี้ได้ที่ :- https://84000.org/tipitaka/attha/attha.php?b=22&i=170 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=1477 The Pali Atthakatha in Roman :- https://84000.org/tipitaka/atthapali/read_rm.php?B=16&A=1477 สารบัญพระไตรปิฎกเล่มที่ ๒๒ https://84000.org/tipitaka/read/?index_22 https://84000.org/tipitaka/english/?index_22