บาลีพระไตรปิฎกเล่มที่ ๒๖ - พระสุตตันตปิฎกเล่มที่ ๑๘

     [๙]   |๙.๗๘| อภิกฺกนฺเตน วณฺเณน       ยา ตฺวํ ติฏฺฐสิ เทวเต
                      โอภาเสนฺตี ทิสา สพฺพา       โอสธี วิย ตารกา
     |๙.๗๙|       เกน เตตาทิโส วณฺโณ         เกน เต อิธมิชฺฌติ
                      อุปฺปชฺชนฺติ จ เต โภคา          เย เกจิ มนโส ปิยา
     |๙.๘๐|       เกน ตฺวํ วิมโลภาสา             อติโรจสิ เทวเต
                      เกน เต สพฺพคตฺเตหิ               สพฺพา โอภาสเร ทิสา
     |๙.๘๑|       ปุจฺฉามิ ตํ เทวิ มหานุภาเว
                      มนุสฺสภูตา กิมกาสิ ปุญฺญํ
                      เกนาสิ เอวญฺชลิตานุภาวา
                      วณฺโณ จ เต สพฺพทิสา ปภาสตีติ ฯ
     |๙.๘๒|       สา เทวตา อตฺตมนา            โมคฺคลฺลาเนน ปุจฺฉิตา
                      ปญฺหํ ปุฏฺฐา วิยากาสิ            ยสฺส กมฺมสฺสิทํ ผลํ
     |๙.๘๓|       อหํ มนุสฺเสสุ มนุสฺสภูตา
                      ปุริมาย ชาติยา มนุสฺสโลเก
                      ตมนฺธการมฺหิ ^๔- ติมีสิกายํ
                      ปทีปกาลมฺหิ อทํ ปทีปํ
     |๙.๘๔|       โย อนฺธการมฺหิ ติมีสิกายํ
@เชิงอรรถ: ^๑ โป. กมฺมสฺสิทํ ผลํ ฯ ม. ผลํ มเมทํ ฯ  ^๒ โป. ม. อตฺถาย ฯ  ^๓ ม. อปายีติ ฯ
@^๔ โป. สมนฺธการมฺหิ ฯ
                      ปทีปกาลมฺหิ ททาติ ทีปํ
                      อุปฺปชฺชติ โชติรสํ วิมานํ
                      ปหูตมลฺยํ พหุปุณฺฑรีกํ
     |๙.๘๕|       เตน เมตาทิโส วณฺโณ          เตน เม อิธมิชฺฌติ
                      อุปฺปชฺชนฺติ จ เม โภคา           เย เกจิ มนโส ปิยา
     |๙.๘๖|       เตนาหํ วิมโลภาสา             อติโรจามิ เทวตา
                      เตน เม สพฺพคตฺเตหิ              สพฺพา โอภาสเร ทิสา
     |๙.๘๗|       อกฺขามิ เต ภิกฺขุ มหานุภาว
                      มนุสฺสภูตา ยมกาสิ ^๑- ปุญฺญํ
                      เตนมฺหิ เอวญฺชลิตานุภาวา
                      วณฺโณ จ เม สพฺพทิสา ปภาสตีติ ฯ
                                  ปทีปวิมานํ นวมํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๖ หน้าที่ ๑๓-๑๔. https://84000.org/tipitaka/read/pali_read.php?B=26&A=246&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=26&A=246&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=26&item=9&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=26&siri=9 ศึกษาอรรถกถานี้ได้ที่ :- https://84000.org/tipitaka/attha/attha.php?b=26&i=9 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=30&A=1145 The Pali Atthakatha in Roman :- https://84000.org/tipitaka/atthapali/read_rm.php?B=30&A=1145 สารบัญพระไตรปิฎกเล่มที่ ๒๖ https://84000.org/tipitaka/read/?index_26 https://84000.org/tipitaka/english/?index_26