บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๑๓๕.

๑๐ สยฺหชาตกํ ^๑- [๕๓๘] สสมุทฺทปริยายํ มหึ สาครกุณฺฑลํ น อิจฺเฉ สห นินฺทาย เอวํ สยฺห ^๒- วิชานหิ ฯ [๕๓๙] ธิรตฺถุ ตํ ยสลาภํ ธนลาภญฺจ พฺราหฺมณ ยา วุตฺติ วินิปาเตน อธมฺมจรเณน วา ฯ [๕๔๐] อปิ เจ ปตฺตมาทาย อนาคาโร ปริพฺพเช สาเอว ชีวิกา เสยฺโย ยา จาธมฺเมน เอสนา ฯ [๕๔๑] อปิ เจ ปตฺตมาทาย อนาคาโร ปริพฺพเช อญฺญํ อหึสยํ โลเก อปิ รชฺเชน ตํ วรนฺติ ฯ สยฺหชาตกํ ทสมํ กาลิงฺควคฺโค ^๓- ปฐโม ฯ --------- ตสฺสุทฺทานํ วิวรํ จ อเทยฺย สมิทฺธวรํ อถ ททฺทร ปาปมหาติรโห อถ โกลิ ปลาสวรญฺจกร จริมํ สสมุทฺทวเรน ทส ฯ ---------