บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๑๔๔.

๔ จมฺมสาฏกชาตกํ [๕๙๔] กลฺยาณรูโป วตายํ จตุปฺปโท สุภทฺทโก เจว สุเปสโล จ โย พฺราหฺมณํ ชาติมนฺตูปปนฺนํ อปจายติ เมณฺฑวโร ยสสฺสี ฯ [๕๙๕] มา พฺราหฺมณ อิตฺตรทสฺสเนน วิสฺสาสมาปชฺชิ จตุปฺปทสฺส ทฬฺหปฺปหารํ อภิกตฺตุกาโม ^๑- อวสกฺกติ ^๒- ทสฺสติ สุปฺปหารํ ฯ [๕๙๖] อุรุฏฺฐี ภคฺคา ปติโต ^๓- ขาริภาโร สพฺพํ ภณฺฑํ พฺราหฺมณสฺเสว ^๔- ภินฺนํ อุโภปิ พาหา ปคฺคเยฺหว ^๕- กนฺทติ อภิธาวตํ หญฺญติ พฺรหฺมจารึ ^๖- ฯ [๕๙๗] เอวํ โส นิหโต เสติ โย อปูชํ ปสํสติ ^๗- ยถาหมชฺช ปหโต หโต เมณฺเฑน ทุมฺมตีติ ฯ จมฺมสาฏกชาตกํ จตุตฺถํ ฯ --------- @เชิงอรรถ: ^๑ สี. ม. อภิกงฺขมาโน ฯ ^๒ ม. อวสกฺกตี ฯ ^๓ ม. อูรุฏฺฐิ ภคฺคํ ปวฏฺฏิโต ฯ @^๔ ม. สพฺพญฺจ ภณฺฑํ พฺราหฺมณสฺส ... ฯ ^๕ ม. ปคฺคยฺห ฯ ^๖ สี. ม. อภิธาวถ @หญฺญเต พฺรหฺมจารี ฯ ^๗ สี. ยุ. นมสฺสติ ฯ