บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๑๐ วิสยฺหชาตกํ [๖๕๘] อทาสิ ทานานิ ปุเร วิสยฺห ททโต จ เต ขยธมฺโม อโหสิ อิโต ปรญฺเจ น ทเทยฺย ทานํ ติฏฺเยฺยุํ เต สํยมนฺตสฺส โภคา ฯ [๖๕๙] อนริยมริเยน สหสฺสเนตฺต สุทุคฺคเตนาปิ อกิจฺจมาหุ มา โว ธนํ ตํ อหุ วา ชนินฺท ^๑- ยํ โภคเหตุ วิชเหมุ สทฺธํ ฯ [๖๖๐] เยน เอโก รโถ ยาติ ยาติ เตน ปโร ^๒- รโถ โปราณํ นิหิตํ วตฺตํ วตฺตตญฺเว วาสว ^๓- ฯ @เชิงอรรถ: ^๑ ม. อหุ เทวราช ฯ ^๒ ม. เตนาปโร ฯ ^๓ สี. โปราณํ นิหิตํ วฑฺฒํ @ วฑฺฒตญฺเว วาสว ฯ

--------------------------------------------------------------------------------------------- หน้าที่ ๑๕๖.

[๖๖๑] ยทิ เหสฺสติ ทสฺสาม อสนฺเต กึ ททามฺหเส เอวํ ภูตาปิ ทสฺสาม มา ทานํ ปมทามฺหเสติ ฯ วิสยฺหชาตกํ ทสมํ ฯ โกกิลวคฺโค จตุตฺโถ ฯ --------- ตสฺสุทฺทานํ อติเวลํ ปภาสติ ^๑- ชินวโร วนมชฺเฌ รเถสภ ชิมฺหคโม อถ ชมฺพุ ติณาสนปีวรํ อถ ตณฺฑุลํ โมร วิสยฺห ทส ฯ ---------