บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๔ มาตุโปสกคิชฺฌชาตกํ [๙๙๐] เต กถนฺนุ กริสฺสนฺติ วุฑฺฒา คิริทรีสยา อหํ พนฺโธสฺมิ ^๙- ปาเสน นิลิยสฺส วสํ คโต ฯ [๙๙๑] กึ คิชฺฌ ปริเทเวสิ กา นุ เต ปริเวทนา @เชิงอรรถ: ^๑ ม. ภิกฺขา จ ฯ ^๒ สี. ม. มรณสญฺญิโน ฯ ^๓ ม. ลทฺธาย ยกฺขา ฯ @^๔ ม. รสสา อุเปตํ ฯ ^๕ ม. เหหิติ ภิกฺขิเต ฯ ^๖ สี. ยุ. มเมส ฯ @^๗ ม. สุตโน ฯ ^๘ ม. คจฺฉมาทาย ฯ ^๙ ม. พทฺโธสฺมิ ฯ

--------------------------------------------------------------------------------------------- หน้าที่ ๒๑๕.

นเม สุโต วา ทิฏฺโฐ วา ภาสนฺโต มานุสึ ทิโช ฯ [๙๙๒] ภรามิ มาตาปิตโร วุฑฺเฒ คิริทรีสเย เต กถนฺนุ กริสฺสนฺติ อหํ วสํ คโต ตว ฯ [๙๙๓] ยนฺนุ คิชฺโฌ โยชนสตํ กุณปานิ อเวกฺขติ กสฺมา ชาลญฺจปาสญฺจ อาสชฺชาปิ น พุชฺฌสิ ฯ [๙๙๔] ยทา ปราภโว โหติ โปโส ชีวิตสงฺขเย อถ ชาลญฺจ ปาสญฺจ อาสชฺชาปิ น พุชฺฌติ ฯ [๙๙๕] ภรสฺสุ มาตาปิตโร วุฑฺเฒ คิริทรีสเย มยา ตฺวํ สมนุญฺญาโต โสตฺถึ ปสฺสาหิ ญาตเก ฯ [๙๙๖] เอวํ ลุทฺทก นนฺทสฺสุ สห สพฺเพหิ ญาติภิ ภริสฺสํ มาตาปิตโร วุฑฺเฒ คิริทรีสเยติ ฯ มาตุโปสกคิชฺฌชาตกํ จตุตฺถํ ฯ ---------