บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๑๐ พกพฺรหฺมชาตกํ ^๓- [๑๐๓๕] ทฺวาสตฺตติ โคตม ปุญฺญกมฺมา @เชิงอรรถ: ^๑ ม. นิวสติ ฯ ^๒ สี. ม. สีลปญฺญาสุตามิว ฯ ^๓ ม. พกชาตกํ ฯ

--------------------------------------------------------------------------------------------- หน้าที่ ๒๒๒.

วสวตฺติโน ชาติชรํ อตีตา อยมนฺติมา เวทคู พฺรหฺมุปปตฺติ ^๑- อสฺมาภิชปฺปนฺติ ชนา อเนกา ฯ [๑๐๓๖] อปฺปญฺจ เหตํ ^๒- น หิ ทีฆมายุ ยํ ตฺวํ พก มญฺญสิ ทีฆมายุํ สตํ สหสฺสาน ^๓- นิรพฺพุทานํ อายุํ ปชานามิ ตวาห พฺรหฺเม ฯ [๑๐๓๗] อนนฺตทสฺสี ภควาหมสฺมิ ชาติชฺชรํ โสกมุปาติวตฺโต กึ เม ปุราณํ วตสีลวตฺตํ อาจิกฺข เมตํ ยมหํ วิชญฺญํ ฯ [๑๐๓๘] ยํ ตฺวํ อปาเยสิ พหู มนุสฺเส ปิปาสิเต ฆมฺมนิ สมฺปเรเต ตนฺเต ปุราณํ วตสีลวตฺตํ สุตฺตปฺปพุทฺโธว อนุสฺสรามิ ฯ [๑๐๓๙] ยํ เอณิกูลสฺมึ ชนตํ คหีตํ อโมจยี คยฺหก นียมานํ ตนฺเต ปุราณํ วตสีลวตฺตํ สุตฺตปฺปพุทฺโธว อนุสฺสรามิ ฯ [๑๐๔๐] คงฺคาย โสตสฺมึ คหีตนาวํ @เชิงอรรถ: ^๑ ม. พฺรหฺมปตฺติ ฯ ^๒ ม. อปฺปํ หิ เอตํ ฯ ^๓ ม. สหสฺสานิ ฯ สี. ยุ. สหสฺสานํ ฯ

--------------------------------------------------------------------------------------------- หน้าที่ ๒๒๓.

ลุทฺเทน นาเคน มนุสฺสกปฺปา อโมจยี ตฺวํ พลสา ปสยฺห ตนฺเต ปุราณํ วตสีลวตฺตํ สุตฺตปฺปพุทฺโธว อนุสฺสรามิ ฯ [๑๐๔๑] กปฺโป จ เต ปตฺถจโร อโหสึ ^๑- สมฺพุทฺธิวนฺตํ วติตํ ^๒- อมญฺญํ ตนฺเต ปุราณํ วตสีลวตฺตํ สุตฺตปฺปพุทฺโธว อนุสฺสรามิ ฯ [๑๐๔๒] อทฺธา ปชานาสิ มเมตมายุํ อญฺญํปิ ชานาสิ ตถาหิ พุทฺโธ ตถาหิ ตายํ ชลิตานุภาโว โอภาสยํ ติฏฺฐติ พฺรหฺมโลกนฺติ ฯ พกพฺรหฺมชาตกํ ทสมํ ฯ กุกฺกุวคฺโค ปฐโม ฯ --------- ตสฺสุทฺทานํ วรกณฺณิก จาปวโร สุตโน อถ คิชฺฌ สโรหิตมจฺฉวโร ปุน ทสณฺณก ^๓- เสนก ยาจนโก อถ เวรี สพฺรหฺมพเกน ทส ฯ @เชิงอรรถ: ^๑ ม. พทฺธจโร อโหสิ ฯ ^๒ ม. สมฺพุทฺธิมนฺตํ วตินํ ฯ ^๓ ม. ปณฺณก ฯ