บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๒๒๔.

๒ คนฺธารวคฺโค ๑ คนฺธารชาตกํ [๑๐๔๓] หิตฺวา คามสหสฺสานิ ปริปุณฺณานิ โสฬส โกฏฺฐาคารานิ ผีตานิ สนฺนิธินฺทานิ กุพฺพสิ ฯ [๑๐๔๔] หิตฺวา คนฺธารวิสยํ ปหูตธนปานิยํ ^๑- ปสาสนิโต ^๒- นิกฺขนฺโต อิธทานิ ปสาสสิ ฯ [๑๐๔๕] ธมฺมํ ภณามิ เวเทห อธมฺโม เม น รุจฺจติ ธมฺมํ เม ภณมานสฺส น ปาปมุปลิมฺปติ ฯ [๑๐๔๖] เยนเกนจิ วณฺเณน ปโร ลภติ รุปฺปนํ มหตฺถิยมฺปิ เจ วาจํ น ตํ ภาเสยฺย ปณฺฑิโต ฯ [๑๐๔๗] กามํ รุปฺปตุ วา มา วา ภูสํ วา วิกิริยฺยตุ ธมฺมํ เม ภณมานสฺส น ปาปมุปลิมฺปติ ฯ [๑๐๔๘] โน เจ อสฺส สกา พุทฺธิ วินโย วา สุสิกฺขิโต วเน อนฺธมหึโสว ^๓- จเรยฺย พหุโก ชโน ฯ [๑๐๔๙] ยสฺมา จ ปนิเธกจฺเจ อาเจรมฺหิ ^๔- สุสิกฺขิตา ตสฺมา วินีตวินยา ธีรา ^๕- จรนฺติ สุสมาหิตาติ ฯ คนฺธารชาตกํ ปฐมํ ฯ --------- @เชิงอรรถ: ^๑ สี. ยุ. ปหุตธนธานิยํ ฯ ม. ปหูตธนธาริยํ ฯ ^๒ ม. ปสาสนโต ฯ @^๓ สี. ยุ. อนฺธมหิโส ว ฯ ^๔ สี. ยุ. อาจารมฺหิ ฯ ^๕ ม. ยุ. อยํ ปาโฐ นตฺถิ ฯ