บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๑๐ สมุคฺคชาตกํ [๑๒๙๒] กุโต นุ อาคจฺฉถ โภ ตโย ชนา สฺวาคตา ^๒- เอถ นิสีทถาสเน กจฺจิตฺถ โภนฺโต กุสลํ อนามยํ จิรสฺสมพฺภาคมนํ หิ โว อิธ ฯ [๑๒๙๓] อหเมว เอโก อิธมชฺช ปตฺโต น จาปิ เม ทุติโย โกจิ วิชฺชติ กิเมว สนฺธาย เต ภาสิตํ อิเส กุโต นุ อาคจฺฉถ โภ ตโย ชนา ฯ [๑๒๙๔] ตฺวญฺจ เอโก ภริยา จ เต ปิยา @เชิงอรรถ: ^๑ สี. ยุ. สงฺคญฺฉิ ฯ ^๒ สี. ยุ. สฺวาคตํ เอตฺถ ฯ

--------------------------------------------------------------------------------------------- หน้าที่ ๒๖๖.

สมุคฺคปกฺขิตฺตนิกิณฺณมนฺตเร สา รกฺขิตา กุจฺฉิคตาว เต สทา วายุสฺส ปุตฺเตน สหา ตหึ รตา ฯ [๑๒๙๕] สํวิคฺครูโป อิสินา พฺยากโต ^๑- โส ทานโว ตตฺถ สมุคฺคมุคฺคิลิ ^๒- อทฺทกฺขิ ภริยํ สุจิมาลธารินึ วายุสฺส ปุตฺเตน สหา ตหึ รตํ ฯ [๑๒๙๖] สุทิฏฺฐรูปุคฺคตปานุวตฺตินา ^๓- หีนา นรา เย ปมุทาวสงฺคตา ^๔- ยถา หเว ปาณริเวตฺถ รกฺขิตา ทุฏฺฐา มยิ อญฺญมภิปฺปโมทติ ^๕- ฯ [๑๒๙๗] ทิวา จ รตฺโต จ มยา อุปฏฺฐิตา ตปสฺสินา โชติริวา วเน วสํ สา ธมฺมโมกฺกมฺม ^๖- อธมฺมมาจริ อกฺรียรูโป ปมุทาหิ ^๗- สนฺถโว ฯ [๑๒๙๘] สรีรมชฺฌมฺหิ ฐิตาติ มญฺญิหํ มยฺหํ อยนฺติ อสตึ อสญฺญตํ สา ธมฺมโมกฺกมฺม ^๖- อธมฺมมาจริ อกฺรียรูโป ปมุทาหิ ^๗- สนฺถโว ฯ @เชิงอรรถ: ^๑ ม. วิยากโต ฯ ^๒ โส ทานโว ฉมฺภิ สมุคฺคิลิตฺวาติปิ ปาโฐ ฯ @^๓ ม. สทิฏฺฐรูปมุคฺคตปานุวตฺตินา ฯ ^๔ ม. ปมทาวสํ คตา ฯ ^๕ ม. ... ปโมทยิ ฯ @^๖ ม. ธมฺมมุกฺกมฺม ฯ ^๗ ม. อกฺกิริยรูโป ปมทาหิ ฯ

--------------------------------------------------------------------------------------------- หน้าที่ ๒๖๗.

[๑๒๙๙] สุรกฺขิตมฺเมติ กถนฺนุ วิสฺสเส อเนกจิตฺตาสุ น เหตฺถ ^๑- รกฺขนา เอตา หิ ปาตาลปปาตสนฺนิภา ตตฺถ ปมตฺโต ^๒- พฺยสนํ นิคจฺฉติ ฯ [๑๓๐๐] ตสฺมา หิ เต สุขิโน วีตโสกา เย มาตุคาเมหิ จรนฺติ นิสฺสฏา เอตํ สิวํ อุตฺตมมาภิปตฺถยํ น มาตุคาเมหิ กเรยฺย สนฺถวนฺติ ฯ สมุคฺคชาตกํ ทสมํ ฯ ---------