บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

๘ ตกฺการิยชาตกํ [๑๘๒๖] อหเมว ทุพฺภาสิตํ ภาสิ พาโล เภโกวรญฺเญ อหิมวฺหายมาโน ตกฺการิเย โสพฺภมิมํ ปตามิ @เชิงอรรถ: ^๑ ม. วิวสาเน ฯ ^๒ ยุ. เทววณฺณึ ฯ ^๓ ม. ปมชฺเชยฺย ฯ

--------------------------------------------------------------------------------------------- หน้าที่ ๓๕๗.

น กิเรว สาธุ อติเวลภาณี ฯ [๑๘๒๗] ปปฺโปติ มจฺโจ อติเวลภาณี พนฺธํ วธํ โสกปริทฺทวญฺจ อตฺตานเมว ครหาสิ เอตฺถ ^๑- อาจริย ตํ นิกฺขณนฺติ ^๒- โสพฺเภ ฯ [๑๘๒๘] กิเมวาหํ ตุณฺฑิลํ อนุปุจฺฉึ กเรยฺยาสํ ^๓- ภาตรํ กาลิกาย นคฺโควหํ วตฺถยุคญฺจ ชิโน อยมฺปิ อตฺโถ พหุ ตาทิโสว ฯ [๑๘๒๙] โย ยุชฺฌมานานํ อยุชฺฌมาโน เมณฺฑนฺตรํ อจฺจุปตี กุลิงฺโค โส ปึสิโต เมณฺฑสิเรหิ ตตฺถ อยมฺปิ อตฺโถ พหุ ตาทิโสว ฯ [๑๘๓๐] จตุโร ชนา โปตฺถกมคฺคเหสุํ เอกญฺจ โปสํ อนุรกฺขมานา สพฺเพว เต ภินฺนสิรา สยึสุ อยมฺปิ อตฺโถ พหุ ตาทิโสว ฯ [๑๘๓๑] อชา ยถา เวฬุคุมฺพสฺมึ พนฺธา อเวกฺขิปนฺตี ^๔- อสิมชฺฌคจฺฉิ @เชิงอรรถ: ^๑ สี. เอตฺโต ฯ ^๒ ม. อาเจร ยํ ตํ นิกฺขณนฺติ ฯ ^๓ กเรยฺย สงฺคหนฺติปิ ฯ @ม. กเรยฺย สํ ฯ ^๔ ม. อวกฺขิปนฺตี ฯ

--------------------------------------------------------------------------------------------- หน้าที่ ๓๕๘.

เตเนว ตสฺสา คลกํ วิกนฺตา ^๑- อยมฺปิ อตฺโถ พหุ ตาทิโสว ฯ [๑๘๓๒] นยิเม เทวา นาปิ ^๒- คนฺธพฺพปุตฺตา มิคา อิเม อตฺถวสาภตา อิเม ^๓- เอกญฺจ นํ สายมาเส ปจนฺตุ เอกํ ^๔- ปุนปฺปาตราเส ปจนฺตุ ฯ [๑๘๓๓] สตํ สหสฺสาน ทุพฺภาสิตานํ ^๕- กลมฺปิ นาคฺฆติ สุภาสิตสฺส ทุพฺภาสิตํ สงฺกมาโน กิเลโส ตสฺมา ตุณฺหี กึปุริโส ^๖- น พาลฺยา ฯ [๑๘๓๔] ยา เมสา พฺยากาสิ ^๗- ปมุญฺจเถตํ คิริญฺจ นํ หิมวนฺตํ นยนฺตุ อิมญฺจ โข เทนฺตุ มหานสาย ปาโตว นํ ปาตราเส ปจนฺตุ ฯ [๑๘๓๕] ปชฺชุนฺนนาถา ปสโว ปสุนาถา อยํ ปชา ตฺวํนาโถสฺมิ ^๘- มหาราช อมฺหนาถา มม ภริยา ^๙- ทฺวินฺนมญฺญตรํ ญตฺวา มุตฺโต คจฺเฉยฺย ปพฺพตํ ฯ [๑๘๓๖] น เว นินฺทา สุปริวชฺชยาถ ^๑๐- @เชิงอรรถ: ^๑ ม. คลกาวกนฺตํ ฯ ^๒ ม. อิเม น เทวา น ฯ ^๓ ม. อตฺถวสํ คตา เม ฯ @^๔ สี. ยุ. เอกญฺจ นํ ปาตราเส ฯ ^๕ ม. สหสฺสานิ ทุภาสิตานิ ฯ ^๖ ม. กิมฺปุริสา ฯ @^๗ ม. พฺยาหาสิ ฯ ^๘ ม. ตฺวํ นาโถสิ ฯ ^๙ ม. นาโถหํ ฯ ^๑๐ ม. สุปริวชฺชเยถ ฯ

--------------------------------------------------------------------------------------------- หน้าที่ ๓๕๙.

นานาชนา เสวิตพฺพา ชนินฺท เยเนว เอโก ลภเต ปสํสํ เตเนว อญฺโญ ลภเต นินฺทิตารํ ฯ [๑๘๓๗] สพฺโพ โลโก ปรจิตฺเตน ^๑- อติจิตฺโต สพฺโพ โลโก จิตฺตวา สมฺหิ จิตฺเต ปจฺเจกจิตฺตา ปุถุ สพฺพสตฺตา กสฺสีธ จิตฺตสฺส วเส น วตฺเต ฯ [๑๘๓๘] ตุณฺหี อหุ กึปุริโส สภริโย ^๒- โยทานิ พฺยากาสิ ภยสฺส ภีโต โสทานิ มุตฺโต สุขิโต อโรโค วาจา กิเรวตฺถวตี นรานนฺติ ฯ ตกฺการิยชาตกํ อฏฺฐมํ ฯ ---------

เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๓๕๖-๓๕๙. https://84000.org/tipitaka/read/pali_read.php?B=27&A=7304&w=&modeTY=2&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=7304&modeTY=2&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=1826&items=13 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=481 ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=1826 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=40&A=4158 The Pali Atthakatha in Roman :- https://84000.org/tipitaka/atthapali/read_rm.php?B=40&A=4158 สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27