ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๒๗ ภาษาบาลี อักษรไทย พระสุตตันตปิฎกเล่มที่ ๑๙ สุตฺต. ขุ. ชาตกํ (๑): เอก-จตฺตาลีสนิปาตชาตกํ

                                         ๒ จิตฺตสมฺภูตชาตกํ
     [๒๐๕๔]      สพฺพํ นรานํ สผลํ สุจิณฺณํ
                       น กมฺมุนา กิญฺจน โมฆมตฺถิ
                       ปสฺสามิ สมฺภูตํ มหานุภาวํ
@เชิงอรรถ:  สี. ยุ. โหหิติ ฯ   สี. ยุ. รุมฺมรูปึ ฯ     ม. อยํ คาถา นตฺถิ ฯ
                       สกมฺมุนา ปุญฺญผลูปปนฺนํ ฯ
                       สพฺพํ นรานํ สผลํ สุจิณฺณํ
                       น กมฺมุนา กิญฺจน โมฆมตฺถิ
                       กจฺจินฺนุ จิตฺตสฺสปิ เอวเมว ๑-
                       อิทฺโธ มโน ตสฺส ยถาปิ มยฺหํ ฯ
     [๒๐๕๕]      สพฺพํ นรานํ สผลํ สุจิณฺณํ
                       น กมฺมุนา กิญฺจน โมฆมตฺถิ
                       จิตฺตํปิ ชานาหิ ๒- ตเถว เทว
                       อิทฺโธ มโน ตสฺส ยถาปิ ตุยฺหํ ฯ
     [๒๐๕๖]      ภวํ นุ จิตฺโต สุตมญฺญโต เต
                       อุทาหุ เต โกจิ นํ เอตทกฺขา
                       คาถา สุคีตา น มมตฺถิ กงฺขา
                       ททามิ เต คามวรํ สตญฺจ ฯ
     [๒๐๕๗]      น จาหํ จิตฺโต สุตมญฺญโต เม
                       อิสิ จ เม เอตมตฺถํ อสํสิ
                       คนฺตฺวาน รญฺโญ ปฏิคายิ ๓- คาถํ
                       อปิ นุ ๔- เต วรํ อตฺตมโน ทเทยฺย ๕- ฯ
     [๒๐๕๘]      โยเชนฺตุ เม ราชรเถ       สุกเต จิตฺตสิพฺพเน
                       กจฺฉํ นาคานํ พนฺธถ         คีเวยฺยํ ปฏิมุญฺจถ ฯ
@เชิงอรรถ:  ม. เอวเมวํ ฯ    สี. ยุ. จิตฺตํ วิชานาหิ ฯ    ม. ปฏิคาหิ ฯ
@ ม. นุสทฺโท นตฺถิ ฯ   อปิ นุ เต คามวรํ ทเทยฺยาติปิ ฯ
                       อาหญฺญเร เภริมุทิงฺคสงฺขา ๑-
                       สีฆานิ ยานานิ จ โยชยนฺตุ
                       อชฺเชวหํ อสฺสมตํ ๒- คมิสฺสํ
                       ยตฺเถว ทกฺขิสฺสมิสึ นิสินฺนํ ฯ
     [๒๐๕๙]      สุลทฺธลาโภ วต เม อโหสิ
                       คาถา สุคีตา ปริสาย มชฺเฌ
                       โสหํ อิสึ สีลวตูปปนฺนํ
                       ทิสฺวา ปตีโต สุมโนหมสฺมิ ฯ
     [๒๐๖๐]      อาสนํ อุทกํ ปชฺชํ              ปฏิคฺคณฺหาตุ โน ภวํ
                       อคฺเฆ ภวนฺตํ ปุจฺฉาม        อคฺฆํ กุรุตุ โน ภวํ ฯ
     [๒๐๖๑]      รมฺมญฺจ เต อาวสถํ กโรนฺตุ
                       นารีคเณหิ ปริจารยสฺสุ
                       กโรหิ โอกาสมนุคฺคหาย
                       อุโภปิมํ อิสฺสริยํ กโรม ฯ
     [๒๐๖๒]      ทิสฺวา ผลํ ทุจฺจริตสฺส ราช
                       อโถ สุจิณฺณสฺส มหาวิปากํ
                       อตฺตานเมว ปฏิสํยมิสฺสํ
                       น ปตฺถเย ปุตฺตปสุํ ๓- ธนํ วา ฯ
                       ทเสวิมา วสฺสทสา                     มจฺจานํ อิธ ชีวิตํ
@เชิงอรรถ:  หญฺญนฺตุ โภ เภริมุทิงฺคสงฺเขติปิ ฯ ม. อาหญฺญนฺตุ เภริมุทิงฺคสงฺเข ฯ
@ ม. อสฺสมํ ตํ ฯ    สี. ยุ. ปุตฺตํ ฯ
                       อปฺปตฺตญฺเญว ตํ โอธึ                นโฬ ฉินฺโนว สุสฺสติ ฯ
                       ตตฺถ กา นนฺทิ กา ขิฑฺฑา           กา รติ กา ธเนสนา
                       กึ เม ปุตฺเตหิ ทาเรหิ                  ราช มุตฺโตสฺมิ พนฺธนา ฯ
                       โสหํ เอวํ ปชานามิ ๑-                มจฺจุ เม นปฺปมชฺชติ
                       อนฺตเกนาธิปนฺนสฺส                   กา รติ กา ธเนสนา ฯ
                       ชาติ นรานํ อธมา ชนินฺท
                       จณฺฑาลโยนิ ทฺวิปทกนิฏฺฐา ๒-
                       สเกหิ กมฺเมหิ สุปาปเกหิ
                       จณฺฑาลิคพฺเภ ๓- อวสิมฺห ปุพฺเพ ฯ
                       จณฺฑาลาหุมฺหาวนฺตีสุ                  มิคา เนรญฺชรํ ปติ
                       อุกฺกุสา รมฺมทาตีเร ๔-        ตยชฺช พฺราหฺมณขตฺติยา ฯ
     [๒๐๖๓]      อุปนิยฺยติ ชีวิตมปฺปมายุํ
                       ชรูปนีตสฺส น สนฺติ ตาณา
                       กโรหิ ปญฺจาล มเมว ๕- วากฺยํ
                       มากาสิ กมฺมานิ ทุกฺขุทฺรยานิ ฯ
                       อุปนิยฺยติ ชีวิตมปฺปมายุํ
                       ชรูปนีตสฺส น สนฺติ ตาณา
                       กโรหิ ปญฺจาล มเมว วากฺยํ
                       มากาสิ กมฺมานิ ทุกฺขปฺผลานิ ฯ
                       อุปนิยฺยติ ชีวิตมปฺปมายุํ
@เชิงอรรถ:  สี. ยุ. โส อหํ สุปฺปชานามิ ฯ     ม. ทฺวิปทากนิฏฺฐา ฯ   ม. จณฺฑาลคพฺเภ ฯ
@ ม. นมฺมทาตีเร ฯ   ม. มเมต ฯ เอวมุปริปิ ฯ
                       ชรูปนีตสฺส น สนฺติ ตาณา
                       กโรหิ ปญฺจาล มเมว วากฺยํ
                       มากาสิ กมฺมานิ รชสฺสิรานิ ฯ
                       อุปนิยฺยติ ชีวิตมปฺปมายุํ
                       วณฺณํ ชรา หนฺติ นรสฺส ชิยฺยโต
                       กโรหิ ปญฺจาล มเมว วากฺยํ
                       มากาสิ กมฺมํ นิรยูปปตฺติยา ฯ
     [๒๐๖๔]      อทฺธา หิ สจฺจํ วจนํ ตเวทํ
                       ยถา อิสี ภาสสิ เอวเมตํ
                       กามา จ เม สนฺติ อนปฺปรูปา
                       เต ทุจฺจชา มาทิสเกน ภิกฺขุ ฯ
                       นาโค ยถา ปงฺกมชฺเฌ พฺยสนฺโน
                       สยํ ๑- ถลํ นาภิสมฺโภติ คนฺตุํ
                       เอวมหํ ๒- กามปงฺเก พฺยสนฺโน
                       น ภิกฺขุโน มคฺคมนุพฺพชามิ ฯ
                       ยถาปิ มาตา จ ปิตา จ ปุตฺตํ
                       อนุสาสเร กินฺติ สุขี ภเวยฺย
                       เอวํปิ มํ ตฺวํ อนุสาส ภนฺเต
                       ยถา จิรํ ๓- เปจฺจ สุขี ภเวยฺยํ ฯ
@เชิงอรรถ:  สี. ม. ปสฺสํ ฯ   ม. เอวมฺปหํ ฯ    สี. ยุ. ยมาจรํ ฯ
     [๒๐๖๕]      โน เจ ตุวํ อุสฺสหเส ชนินฺท
                       กาเม อิเม มานุสเก ปหาตุํ
                       ธมฺมึ ๑- พลึ ปฏฺฐปยสฺสุ ราช
                       อธมฺมกาโร จ เต ๒- มาหุ รฏฺเฐ ฯ
                       ทูตา วิธาวนฺตุ ทิสา จตสฺโส
                       นิมนฺตกา สมณพฺราหฺมณานํ
                       เต อนฺนปาเนน อุปฏฺฐหสฺสุ
                       วตฺเถน เสนาสนปจฺจเยน จ ฯ
                       อนฺเนน ปาเนน ปสนฺนจิตฺโต
                       สนฺตปฺปย สมณพฺราหฺมเณ จ
                       ทตฺวา จ ภุตฺวา จ ยถานุภาวํ
                       อนินฺทิโต สคฺคมุเปหิ ฐานํ ฯ
                       สเจ จ ตํ ราช มโท สเหยฺย
                       นารีคเณหิ ปริวารยนฺตํ ๓-
                       อิมเมว คาถํ มนสิกโรหิ
                       ภาเสหิ เจตํ ๔- ปริสาย มชฺเฌ ฯ
                       อพฺโภกาสสโย ชนฺตุ                  วชนฺตฺยา ขีรปายิโต
                       ปริกิณฺโณ สุวาเนหิ ๕-         สฺวาชฺช ราชาติ วุจฺจตีติ ฯ
                                      จิตฺตสมฺภูตชาตกํ ทุติยํ ฯ
@เชิงอรรถ:  สี. ยุ. ธมฺมํ ฯ    ม. ตว ฯ   ม. ปริจารยนฺตํ ฯ   ม. ภาเสสิ เจนํ ฯ
@ สี. ยุ. สุปิเนหิ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๒๗ หน้าที่ ๔๑๓-๔๑๘. https://84000.org/tipitaka/read/pali_read.php?B=27&A=8488&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=27&A=8488&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=27&item=2054&items=12              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=27&siri=498              ศึกษาอรรถกถาชาดกนี้ได้ที่ :- https://84000.org/tipitaka/attha/attha.php?b=27&i=2054              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=41&A=413              The Pali Atthakatha in Roman :- https://84000.org/tipitaka/atthapali/read_rm.php?B=41&A=413              สารบัญพระไตรปิฎกเล่มที่ ๒๗ https://84000.org/tipitaka/read/?index_27 https://84000.org/tipitaka/english/?index_27

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]