บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

                                     นวมํ โสปากตฺเถราปทานํ (๑๙)
     [๒๑]   |๒๑.๑๑๑| ปพฺภารํ โสธยนฺตสฺส     ปวเร ^๒- ปพฺพตุตฺตเม
                        สิทฺธตฺโถ นาม ภควา          อาคจฺฉิ มม สนฺติกํ ฯ
@เชิงอรรถ: ^๑ ม. ยุ. อทฺเธ ฯ ^๒ ม. วิปิเน ฯ
       |๒๑.๑๑๒| พุทฺธํ อุปคตํ ทิสฺวา         โลกเชฏฺสฺส ตาทิโน
                        สนฺถรํ ปญฺาเปตฺวาน ^๑-   ปุปฺผาสนมทาสหํ ฯ
       |๒๑.๑๑๓| ปุปฺผาสเน นิสีทิตฺวา       สิทฺธตฺโถ โลกนายโก
                        มมญฺจ คติมญฺาย       อนิจฺจตํ อุทาหริ ฯ
       |๒๑.๑๑๔| อนิจฺจา วต สงฺขารา        อุปฺปาทวยธมฺมิโน
                        อุปฺปชฺชิตฺวา นิรุชฺฌนฺติ    เตสํ วูปสโม สุโข ฯ
       |๒๑.๑๑๕|  อิทํ วตฺวาน สพฺพญฺู    โลกเชฏฺโ นราสโภ
                        นเภ ^๒- อพฺภุคฺคมิ ธีโร    หํสราชาว อมฺพเร ฯ
       |๒๑.๑๑๖| สกํ ทิฏฺึ ชหิตฺวาน          ภาวยานิจฺจสญฺหํ
                        เอกาหํ ภาวยิตฺวาน         ตตฺถ กาลกโต อหํ ฯ
       |๒๑.๑๑๗|  เทฺว สมฺปตฺตี อนุโภตฺวา     สุกฺกมูเลน โจทิโต
                        ปจฺฉิมพฺภวสมฺปตฺโต ^๓-     สาปากโยนุปาคมึ ฯ
       |๒๑.๑๑๘| อคารา อภินิกฺขมฺม          ปพฺพชึ อนคาริยํ
                        ชาติยา สตฺตวสฺโสหํ        อรหตฺตํ อปาปุณึ ฯ
       |๒๑.๑๑๙| อารทฺธวิริโย ปหิตตฺโต      สีเลสุ สุสมาหิโต
                        โตเสตฺวาน มหานาคํ       อลตฺถํ อุปสมฺปทํ ฯ
       |๒๑.๑๒๐| จตุนวุเต อิโต กปฺเป         ยํ กมฺมมกรึ ตทา
                        ทุคฺคตึ นาภิชานามิ         ปุปฺผทานสฺสิทํ ผลํ ฯ
       |๒๑.๑๒๑| จตุนวุเต อิโต กปฺเป         ยํ สญฺ ภาวยึ ตทา
                        ตํ สญฺ ภาวยนฺตสฺส     ปตฺโต เม อาสวกฺขโย ฯ
@เชิงอรรถ: ^๑ ม. สนฺถริตฺวาน ฯ ^๒ ม. ยุ. นภํ อพฺภุคฺคมิ วีโร ฯ ^๓ ม. ยุ. ปจฺฉิเม
@ภเว สมุปตฺเต ฯ
       |๒๑.๑๒๒| ปฏิสมฺภิทา จตสฺโส        วิโมกฺขาปิจ อฏฺิเม
                        ฉฬภิญฺา สจฺฉิกตา      กตํ พุทฺธสฺส สาสนนฺติ ฯ
         อิตฺถํ สุทํ อายสฺมา โสปาโก เถโร อิมา คาถาโย
อภาสิตฺถาติ ฯ
                                    โสปากตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๓๒ หน้าที่ ๙๐-๙๒. https://84000.org/tipitaka/read/pali_read.php?B=32&A=1883&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=32&A=1883&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=32&item=21&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=32&siri=21 ศึกษาอรรถกถานี้ได้ที่ :- https://84000.org/tipitaka/attha/attha.php?b=32&i=21 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=50&A=650 The Pali Atthakatha in Roman :- https://84000.org/tipitaka/atthapali/read_rm.php?B=50&A=650 สารบัญพระไตรปิฎกเล่มที่ ๓๒ https://84000.org/tipitaka/read/?index_32 https://84000.org/tipitaka/english/?index_32