บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

                              อฏฺฐมํ ติณมุฏฺฐิทายกตฺเถราปทานํ (๓๔๘)
     [๓๕๐]   |๓๕๐.๔๘| หิมวนฺตสฺสวิทูเร        ลมฺพโก นาม ปพฺพโต
                         อุปติสฺโส นาม สมฺพุทฺโธ  อพฺโภกาสมฺหิ จงฺกมิ ฯ
@เชิงอรรถ: ^๑ ม. ยุ. พุทฺโธปิ สมฺภโว นาม ฯ
       |๓๕๐.๔๙| มิคลุทฺโธ ปุเร อาสึ           อรญฺเญ กานเน อหํ
                         ทิสฺวาน ตํ เทวเทวํ          สยมฺภุํ อปราชิตํ ฯ
       |๓๕๐.๕๐| วิปฺปสนฺเนน จิตฺเตน         ตทา ตสฺส มเหสิโน
                         นิสีทนตฺถํ พุทฺธสฺส         ติณมุฏฺฐิมทาสหํ ฯ
       |๓๕๐.๕๑| ทตฺวาน เทวเทวสฺส           ภิยฺโย จิตฺตํ ปสาทยึ
                         สมฺพุทฺธํ อภิวาเทตฺวา      ปกฺกามิ ^๑- อุตฺตรามุโข ฯ
       |๓๕๐.๕๒| อจิรํ คตมตฺตํ มํ                มิคราชา อเหฐยิ ^๒-
                         สีเหน ปาติโต ^๓- สนฺโต   ตตฺถ กาลํ กโต อหํ ฯ
       |๓๕๐.๕๓| อาสนฺเน เม กตํ กมฺมํ       พุทฺธเสฏฺเฐ อนาสเว
                         สุมุตฺโต สรเวโคว            เทวโลกํ อคจฺฉหํ ฯ
       |๓๕๐.๕๔| ยูโป ตตฺถ สุโภ อาสิ          ปุญฺญกมฺมาภินิมฺมิโต
                         สหสฺสกณฺโฑ สตฺตเคณฺฑุ      ธชาลุ หริตามโย ฯ
       |๓๕๐.๕๕| ปภา นิทฺธาวเต ตสฺส         สตรํสีว อุคฺคโต
                         อากิณฺโณ เทวกญฺญาหิ   อาโมทึ กามกามิหํ ฯ
       |๓๕๐.๕๖| เทวโลกา จวิตฺวาน           สุกฺกมูเลน โจทิโต
                         อาคนฺตฺวาน มนุสฺสตฺตํ    ปตฺโตมฺหิ อาสวกฺขยํ ฯ
       |๓๕๐.๕๗| จตุนวุเต อิโต กปฺเป          นิสีทนมทาสหํ
                         ทุคฺคตึ นาภิชานามิ         ติณมุฏฺฐิยิทํ ^๔- ผลํ ฯ
       |๓๕๐.๕๘| ปฏิสมฺภิทา จตสฺโส           วิโมกฺขาปิจ อฏฺฐิเม
                         ฉฬภิญฺญา สจฺฉิกตา       กตํ พุทฺธสฺส สาสนนฺติ ฯ
@เชิงอรรถ: ^๑ ม. ยุ. ปกฺกามึ ฯ ^๒ ม. อโปฐยิ ฯ ^๓ ม. โปถิโต ฯ ^๔ ยุ. ติณมุฏฺเฐ อิทํ ผลํ ฯ
           อิตฺถํ สุทํ อายสฺมา ติณมุฏฺฐิทายโก เถโร อิมา คาถาโย
อภาสิตฺถาติ ฯ
                                ติณมุฏฺฐิทายกตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๓๒ หน้าที่ ๔๓๕-๔๓๗. https://84000.org/tipitaka/read/pali_read.php?B=32&A=8539&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=32&A=8539&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=32&item=350&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=32&siri=350 ศึกษาอรรถกถานี้ได้ที่ :- https://84000.org/tipitaka/attha/attha.php?b=32&i=350 สารบัญพระไตรปิฎกเล่มที่ ๓๒ https://84000.org/tipitaka/read/?index_32 https://84000.org/tipitaka/english/?index_32