![]() |
|
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
![]() |
|
ฉบับหลวง ฉบับมหาจุฬาฯ บาลีอักษรไทย PaliRoman |
![]()
พระไตรปิฎกเล่มที่ ๓๓ ภาษาบาลี อักษรไทย พระสุตตันตปิฎกเล่มที่ ๒๕ สุตฺต. ขุ. อปทานํ (๒) พุทฺธวํโส จริยาปิฏกํ
ทสมํ เสลาเถริยาปทานํ (๔๐) [๑๘๐] |๑๘๐.๒๒๐| อิมมฺหิ ภทฺทเก กปฺเป พฺรหฺมพนฺธุ มหายโส กสฺสโป นาม นาเมน อุปฺปชฺชิ วทตํ วโร ฯ |๑๘๐.๒๒๑| สาวตฺถิยํ ปุรวเร อุปาสกกุเล อหํ ปสุตา นํ ชินวรํ ทิสฺวา สุตฺวา จ เทสนํ ฯ |๑๘๐.๒๒๒| ตํ วีรํ สรณํ คนฺตฺวา สีลานิ จ สมาทยึ ๑- กทาจิ โส มหาวีโร มหาชนสมาคเม ฯ |๑๘๐.๒๒๓| อตฺตโน อภิสมฺโพธึ ปกาเสสิ นราสโภ อนนุสฺสุตธมฺเมสุ ปุพฺเพ ทุกฺขาทิเกสุ จ ฯ |๑๘๐.๒๒๔| จกฺขุ าณญฺจ ปญฺา จ วิชฺชาโลกํ ๒- จ อาสิ เม ตํ สุตฺวา อุคฺคเหตฺวาน ปริปุจฺฉามิ ๓- ภิกฺขโว ฯ |๑๘๐.๒๒๕| เตน กมฺเมน สุกเตน เจตนาปณิธีหิ จ ชหิตฺวา มานุสํ เทหํ ตาวตึสํ อคญฺฉหํ ฯ @เชิงอรรถ: ๑ ม. สมาทิยึ ฯ ๒ ม. วิชฺชาโลโก ฯ ยุ. วิชฺชาโลกา ฯ ๓ ม. ยุ. ปริปุจฺฉิญฺจ ... ฯ |๑๘๐.๒๒๖| ปจฺฉิเม จ ภเว ทานิ ชาตา เสฏฺิมหากุเล อุเปจฺจ พุทฺธํ สทฺธมฺมํ สุตฺวา มจฺจุปสํหิตํ ๑- ฯ |๑๘๐.๒๒๗| ปพฺพชิตฺวา น จิเรเนว สพฺพตฺถานิ ๒- วิจินฺตยํ เขเปตฺวา อาสเว สพฺเพ อรหตฺตํ อปาปุณึ ฯ |๑๘๐.๒๒๘| อิทฺธีสุ จ วสี โหมิ ทิพฺพาย โสตธาตุยา เจโตปริยาณสฺส วสี โหมิ มหามุเน ฯ |๑๘๐.๒๒๙| ปุพฺเพนิวาสํ ชานามิ ทิพฺพจกฺขุ วิโสธิตํ สพฺพาสวปริกฺขีณา นตฺถิ ทานิ ปุนพฺภโว ฯ |๑๘๐.๒๓๐| อตฺถธมฺมนิรุตฺตีสุ ปฏิภาเณ ตเถว จ าณํ เม วิมลํ สุทฺธํ พุทฺธเสฏฺสฺส วาหสา ฯ |๑๘๐.๒๓๑| กิเลสา ฌาปิตา มยฺหํ ภวา สพฺเพ สมูหตา นาคีว พนฺธนํ เฉตฺวา วิหรามิ อนาสวา ฯ |๑๘๐.๒๓๒| สฺวาคตํ วต เม อาสิ พุทฺธเสฏฺสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๑๘๐.๒๓๓| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ เสลา ภิกฺขุนี อิมา คาถาโย อภาสิตฺถาติ ฯ เสลาเถริยา อปทานํ สมตฺตํ ฯ @เชิงอรรถ: ๑ ม. ยุ. สจฺจูปสํหิตํ ฯ ๒ ม. ยุ. สจฺจตฺถานิ ฯ อุทฺทานํ ๑- ขตฺติยพฺราหฺมณี เจว ตถา อุปฺปลทายิกา สิงฺคาลมาตา สุกฺกา จ อภิรูปนนฺทา เจว อฑฺฒกาสิกา เจว ปุณฺณา จ อมฺพปาลี เสลา ภิกฺขุนีติ ฯ ขตฺติยกญฺาวคฺโค จตุตฺโถ ฯ อปทานํ นิฏฺิตํ ฯ ------------ @เชิงอรรถ: ๑ ม. อถ วคฺคุทฺทานํ @ สุเมธา เอกูโปสถา กุณฺฑลเกสี ขตฺติยา @ สหสฺสํ ติสตา คาถา สตฺตตาฬีส ปิญฺฑิตา @ สห อุทฺทานคาถาหิ คณิตาโย วิภาวิภิ @ สหสฺสํ ติสตํ คาถา สตฺต ปญฺาสเมว จาติ ฯ @ เถริกาปทานํ สมตฺตํ ฯเนื้อความพระไตรปิฎกฉบับภาษาบาลี อักษรไทย เล่มที่ ๓๓ หน้าที่ ๔๐๐-๔๐๒. http://84000.org/tipitaka/read/pali_read.php?B=33&A=8228&w= อ่านเทียบพระไตรปิฎกฉบับภาษาบาลี อักษรโรมัน :- http://84000.org/tipitaka/read/roman_read.php?B=33&A=8228 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem.php?book=33.1&item=180&items=1 อ่านเทียบพระไตรปิฎกฉบับมหาจุฬาฯ :- http://84000.org/tipitaka/pitaka_item/m_siri.php?B=33&siri=191 ศึกษาอรรถกถานี้ได้ที่ :- http://84000.org/tipitaka/attha/attha.php?b=33&i=180 สารบัญพระไตรปิฎกเล่มที่ ๓๓ http://84000.org/tipitaka/read/?index_33
![]() ![]() ![]() ![]() ![]() ![]() ![]() ![]() ![]() ![]() |
![]() |
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ DhammaPerfect@yahoo.com