ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๗ ภาษาบาลี อักษรไทย พระอภิธรรมปิฎกเล่มที่ ๔ อภิ. กถาวตฺถุ

                                          กงฺขากถา
     [๕๒๒]   อตฺถิ  อรหโต  กงฺขาติ  ฯ  อามนฺตา  ฯ  อตฺถิ  อรหโต
วิจิกิจฺฉา      วิจิกิจฺฉาปริยุฏฺฐานํ      วิจิกิจฺฉาสญฺโญชนํ     วิจิกิจฺฉา-
นีวรณนฺติ ฯ น เหวํ วตฺตพฺเพ ฯเปฯ
     [๕๒๓]   นตฺถิ  อรหโต  วิจิกิจฺฉา  วิจิกิจฺฉาปริยุฏฺฐานํ  วิจิกิจฺฉา-
สญฺโญชนํ   วิจิกิจฺฉานีวรณนฺติ   ฯ   อามนฺตา  ฯ  หญฺจิ  นตฺถิ  อรหโต
วิจิกิจฺฉา     วิจิกิจฺฉาปริยุฏฺฐานํ     วิจิกิจฺฉาสญฺโญชนํ    วิจิกิจฺฉานีวรณํ
โน วต เร วตฺตพฺเพ อตฺถิ อรหโต กงฺขาติ ฯ
     [๕๒๔]   อตฺถิ  ปุถุชฺชนสฺส  กงฺขา  อตฺถิ  ตสฺส  วิจิกิจฺฉา วิจิกิจฺฉา
ปริยุฏฺฐานํ    วิจิกิจฺฉาสญฺโญชนํ   วิจิกิจฺฉานีวรณนฺติ   ฯ   อามนฺตา   ฯ
อตฺถิ   อรหโต   กงฺขา   อตฺถิ   ตสฺส   วิจิกิจฺฉา   วิจิกิจฺฉาปริยุฏฺฐานํ
วิจิกิจฺฉาสญฺโญชนํ วิจิกิจฺฉานีวรณนฺติ ฯ น เหวํ วตฺตพฺเพ ฯเปฯ
     [๕๒๕]   อตฺถิ อรหโต กงฺขา นตฺถิ ตสฺส วิจิกิจฺฉา วิจิกิจฺฉาปริยุฏฺฐานํ
วิจิกิจฺฉาสญฺโญชนํ    วิจิกิจฺฉานีวรณนฺติ    ฯ    อามนฺตา    ฯ    อตฺถิ
ปุถุชฺชนสฺส    กงฺขา    นตฺถิ    ตสฺส    วิจิกิจฺฉา   วิจิกิจฺฉาปริยุฏฺฐานํ
วิจิกิจฺฉาสญฺโญชนํ วิจิกิจฺฉานีวรณนฺติ ฯ น เหวํ วตฺตพฺเพ ฯเปฯ
     [๕๒๖]   อตฺถิ  อรหโต  กงฺขาติ  ฯ  อามนฺตา  ฯ  อตฺถิ  อรหโต
สตฺถริ  กงฺขา  ธมฺเม  กงฺขา  สงฺเฆ  กงฺขา  สิกฺขาย  กงฺขา  ปุพฺพนฺเต
กงฺขา    อปรนฺเต   กงฺขา   ปุพฺพนฺตาปรนฺเต   กงฺขา   อิทปฺปจฺจยตา-
ปฏิจฺจสมุปฺปนฺเนสุ ธมฺเมสุ กงฺขาติ ฯ น เหวํ วตฺตพฺเพ ฯเปฯ
     [๕๒๗]   นตฺถิ   อรหโต   สตฺถริ  กงฺขา  ธมฺเม  กงฺขา  สงฺเฆ
กงฺขา   ฯเปฯ   อิทปฺปจฺจยตาปฏิจฺจสมุปฺปนฺเนสุ   ธมฺเมสุ   กงฺขาติ   ฯ
อามนฺตา   ฯ   หญฺจิ   นตฺถิ   อรหโต   สตฺถริ  กงฺขา  ธมฺเม  กงฺขา
ฯเปฯ    อิทปฺปจฺจยตาปฏิจฺจสมุปฺปนฺเนสุ    ธมฺเมสุ   กงฺขา   โน   วต
เร วตฺตพฺเพ อตฺถิ อรหโต กงฺขาติ ฯ
     [๕๒๘]   อตฺถิ   ปุถุชฺชนสฺส   กงฺขา  อตฺถิ  ตสฺส  สตฺถริ  กงฺขา
ธมฺเม     กงฺขา    ฯเปฯ    อิทปฺปจฺจยตาปฏิจฺจสมุปฺปนฺเนสุ    ธมฺเมสุ
กงฺขาติ   ฯ   อามนฺตา  ฯ  อตฺถิ  อรหโต  กงฺขา  อตฺถิ  ตสฺส  สตฺถริ
กงฺขา     ธมฺเม     กงฺขา    ฯเปฯ    อิทปฺปจฺจยตาปฏิจฺจสมุปฺปนฺเนสุ
ธมฺเมสุ กงฺขาติ ฯ น เหวํ วตฺตพฺเพ ฯเปฯ
     [๕๒๙]   อตฺถิ   อรหโต   กงฺขา   นตฺถิ   ตสฺส  สตฺถริ  กงฺขา
ธมฺเม     กงฺขา    ฯเปฯ    อิทปฺปจฺจยตาปฏิจฺจสมุปฺปนฺเนสุ    ธมฺเมสุ
กงฺขาติ   ฯ   อามนฺตา   ฯ   อตฺถิ   ปุถุชฺชนสฺส   กงฺขา  นตฺถิ  ตสฺส
สตฺถริ   กงฺขา   ธมฺเม   กงฺขา   ฯเปฯ  อิทปฺปจฺจยตาปฏิจฺจสมุปฺปนฺเนสุ
ธมฺเมสุ กงฺขาติ ฯ น เหวํ วตฺตพฺเพ ฯเปฯ
     [๕๓๐]   อตฺถิ  อรหโต  กงฺขาติ  ฯ  อามนฺตา  ฯ  นนุ  อรหโต
ราโค   ปหีโน   อุจฺฉินฺนมูโล   ตาลาวตฺถุกโต   อนภาวํ  กโต  อายตึ-
อนุปฺปาทธมฺโมติ   ฯ   อามนฺตา   ฯ   หญฺจิ   อรหโต  ราโค  ปหีโน
อุจฺฉินฺนมูโล   ตาลาวตฺถุกโต   อนภาวํ   กโต   อายตึอนุปฺปาทธมฺโม  ฯ
โน วต เร วตฺตพฺเพ อตฺถิ อรหโต กงฺขาติ ฯ
     [๕๓๑]   อตฺถิ  อรหโต  กงฺขาติ  ฯ  อามนฺตา  ฯ  นนุ  อรหโต
โทโส   ปหีโน   ฯเปฯ   โมโห   ปหีโน   ฯเปฯ   อโนตฺตปฺปํ   ปหีนํ
ฯเปฯ   ราคปฺปหานาย   มคฺโค   ภาวิโต   ฯเปฯ  โพชฺฌงฺคา  ภาวิตา
ฯเปฯ   โทสปฺปหานาย   ฯเปฯ   อโนตฺตปฺปปฺปหานาย   มคฺโค  ภาวิโต
ฯเปฯ   โพชฺฌงฺคา   ภาวิตา   ฯเปฯ  นนุ  อรหา  วีตราโค  วีตโทโส
ฯเปฯ   สจฺฉิกาตพฺพํ   สจฺฉิกตนฺติ   ฯ   อามนฺตา   ฯ   หญฺจิ   อรหา
วีตราโค   วีตโทโส   ฯเปฯ   สจฺฉิกาตพฺพํ   สจฺฉิกตํ   โน   วต  เร
วตฺตพฺเพ อตฺถิ อรหโต กงฺขาติ ฯ
     [๕๓๒]   อตฺถิ  อรหโต  กงฺขาติ  ฯ  สธมฺมกุสลสฺส  อรหโต  อตฺถิ
กงฺขา   ปรธมฺมกุสลสฺส   อรหโต   นตฺถิ   กงฺขาติ   ฯ   สธมฺมกุสลสฺส
อรหโต  อตฺถิ  กงฺขาติ  ฯ  อามนฺตา  ฯ  ปรธมฺมกุสลสฺส  อรหโต  อตฺถิ
กงฺขาติ ฯ น เหวํ วตฺตพฺเพ ฯเปฯ
     [๕๓๓]   ปรธมฺมกุสลสฺส  อรหโต  นตฺถิ  กงฺขาติ  ฯ  อามนฺตา  ฯ
สธมฺมกุสลสฺส อรหโต นตฺถิ กงฺขาติ ฯ น เหวํ วตฺตพฺเพ ฯเปฯ
     [๕๓๔]   สธมฺมกุสลสฺส   อรหโต   ราโค   ปหีโน   อตฺถิ  ตสฺส
กงฺขาติ   ฯ   อามนฺตา   ฯ   ปรธมฺมกุสลสฺส   อรหโต  ราโค  ปหีโน
อตฺถิ ตสฺส กงฺขาติ ฯ น เหวํ วตฺตพฺเพ ฯเปฯ
     [๕๓๕]   สธมฺมกุสลสฺส   อรหโต   โทโส  ปหีโน  ฯเปฯ  โมโห
ปหีโน    ฯเปฯ   อโนตฺตปฺปํ   ปหีนํ   ฯเปฯ   ราคปฺปหานาย   มคฺโค
ภาวิโต   ฯเปฯ   โพชฺฌงฺคา   ภาวิตา   ฯเปฯ  โทสปฺปหานาย  ฯเปฯ
อโนตฺตปฺปปฺปหานาย มคฺโค ภาวิโต ฯเปฯ โพชฺฌงฺคา ภาวิตา ฯเปฯ
     [๕๓๖]   สธมฺมกุสโล  อรหา  วีตราโค วีตโทโส ฯเปฯ สจฺฉิกาตพฺพํ
สจฺฉิกตํ   อตฺถิ   ตสฺส  กงฺขาติ  ฯ  อามนฺตา  ฯ  ปรธมฺมกุสโล  อรหา
วีตราโค    วีตโทโส    ฯเปฯ   สจฺฉิกาตพฺพํ   สจฺฉิกตํ   อตฺถิ   ตสฺส
กงฺขาติ ฯ น เหวํ วตฺตพฺเพ ฯเปฯ
     [๕๓๗]   ปรธมฺมกุสลสฺส   อรหโต   ราโค   ปหีโน  นตฺถิ  ตสฺส
กงฺขาติ   ฯ   อามนฺตา   ฯ   สธมฺมกุสลสฺส   อรหโต   ราโค  ปหีโน
นตฺถิ ตสฺส กงฺขาติ ฯ น เหวํ วตฺตพฺเพ ฯเปฯ
     [๕๓๘]   ปรธมฺมกุสลสฺส   อรหโต  โทโส  ปหีโน  ฯเปฯ  โมโห
ปหีโน    ฯเปฯ   อโนตฺตปฺปํ   ปหีนํ   ฯเปฯ   ราคปฺปหานาย   มคฺโค
ภาวิโต   ฯเปฯ   โพชฺฌงฺคา   ภาวิตา   ฯเปฯ  โทสปฺปหานาย  ฯเปฯ
อโนตฺตปฺปปฺปหานาย มคฺโค ภาวิโต ฯเปฯ โพชฺฌงฺคา ภาวิตา ฯเปฯ
     [๕๓๙]   ปรธมฺมกุสโล  อรหา วีตราโค วีตโทโส ฯเปฯ สจฺฉิกาตพฺพํ
สจฺฉิกตํ    นตฺถิ    ตสฺส   กงฺขาติ   ฯ   อามนฺตา   ฯ   สธมฺมกุสโล
อรหา    วีตราโค   วีตโทโส   ฯเปฯ   สจฺฉิกาตพฺพํ   สจฺฉิกตํ   นตฺถิ
ตสฺส กงฺขาติ ฯ น เหวํ วตฺตพฺเพ ฯเปฯ
     [๕๔๐]   อตฺถิ   อรหโต   กงฺขาติ  ฯ  อามนฺตา  ฯ  นนุ  วุตฺตํ
ภควตา   ชานตฺวาหํ   ภิกฺขเว   ปสฺสโต   อาสวานํ   ขยํ  วทามิ  โน
อชานโต  โน  อปสฺสโต  กิญฺจ  ภิกฺขเว  ชานโต  กึ  ปสฺสโต  อาสวานํ
ขโย   โหติ   อิติ   รูปํ   ฯเปฯ   อิติ  วิญฺญาณสฺส  อตฺถงฺคโมติ  เอวํ
โข   ภิกฺขเว  ชานโต  เอวํ  ปสฺสโต  อาสวานํ  ขโย  โหตีติ  อตฺเถว
สุตฺตนฺโตติ ฯ อามนฺตา ฯ เตน หิ น วตฺตพฺพํ อตฺถิ อรหโต กงฺขาติ ฯ
     [๕๔๑]   อตฺถิ   อรหโต   กงฺขาติ  ฯ  อามนฺตา  ฯ  นนุ  วุตฺตํ
ภควตา   ชานตฺวาหํ   ภิกฺขเว   ปสฺสโต   อาสวานํ   ขยํ  วทามิ  โน
อชานโต  โน  อปสฺสโต  กิญฺจ  ภิกฺขเว  ชานโต  กึ  ปสฺสโต  อาสวานํ
ขโย  โหติ  อิทํ  ทุกฺขนฺติ  ภิกฺขเว  ฯเปฯ  อยํ  ทุกฺขนิโรธคามินีปฏิปทาติ
ชานโต  ปสฺสโต  อาสวานํ  ขโย  โหติ  เอวํ  โข ภิกฺขเว ชานโต เอวํ
ปสฺสโต   อาสวานํ  ขโย  โหตีติ  อตฺเถว  สุตฺตนฺโตติ  ฯ  อามนฺตา  ฯ
เตน หิ น วตฺตพฺพํ อตฺถิ อรหโต กงฺขาติ ฯ
     [๕๔๒]   อตฺถิ   อรหโต   กงฺขาติ  ฯ  อามนฺตา  ฯ  นนุ  วุตฺตํ
ภควตา    สพฺพํ   ภิกฺขเว   อนภิชานํ   อปริชานํ   อวิราชยํ   อปฺปชหํ
อภพฺโพ    ทุกฺขกฺขยาย    สพฺพญฺจ   โข   ภิกฺขเว   อภิชานํ   ปริชานํ
วิราชยํ   ปชหํ   ภพฺโพ   ทุกฺขกฺขยายาติ   ๑-  อตฺเถว  สุตฺตนฺโตติ  ฯ
อามนฺตา ฯ เตน หิ น วตฺตพฺพํ อตฺถิ อรหโต กงฺขาติ ฯ
     [๕๔๓]   อตฺถิ   อรหโต   กงฺขาติ  ฯ  อามนฺตา  ฯ  นนุ  วุตฺตํ
ภควตา   สหาวสฺส    ทสฺสนสมฺปทาย   ฯเปฯ   ฉจาภิฐานานิ   อภพฺโพ
กาตุนฺติ   อตฺเถว   สุตฺตนฺโตติ  ฯ  อามนฺตา  ฯ  เตน  หิ  น  วตฺตพฺพํ
อตฺถิ อรหโต กงฺขาติ ฯ
     [๕๔๔]   อตฺถิ   อรหโต   กงฺขาติ  ฯ  อามนฺตา  ฯ  นนุ  วุตฺตํ
ภควตา   ยสฺมึ   ภิกฺขเว  สมเย  อริยสาวกสฺส  วิรชํ  วีตมลํ  ธมฺมจกฺขุํ
@เชิงอรรถ:  สํ. สฬายตน. ๒๑.
อุทปาทิ    ยํ    กิญฺจิ    สมุทยธมฺมํ    สพฺพนฺตํ    นิโรธธมฺมนฺติ   สห
ทสฺสนุปฺปาทา    ภิกฺขเว    อริยสาวกสฺส   ตีณิ   สญฺโญชนานิ   ปหียนฺติ
สกฺกายทิฏฺฐิ   วิจิกิจฺฉา   สีลพฺพตปรามาโสติ   อตฺเถว   สุตฺตนฺโตติ   ฯ
อามนฺตา ฯ เตน หิ น วตฺตพฺพํ อตฺถิ อรหโต กงฺขาติ ฯ
     [๕๔๕]   อตฺถิ อรหโต กงฺขาติ ฯ อามนฺตา ฯ นนุ วุตฺตํ ภควตา
                  ยทา หเว ปาตุภวนฺติ ธมฺมา
                  อาตาปิโน ฌายโต พฺราหฺมณสฺส
                  อถสฺส กงฺขา วปยนฺติ สพฺพา
                  ยโต ปชานาติ สเหตุธมฺมนฺติ
                  ยทา หเว ปาตุภวนฺติ ธมฺมา
                  อาตาปิโน ฌายโต พฺราหฺมณสฺส
                  อถสฺส กงฺขา วปยนฺติ สพฺพา
                  ยโต ขยํ ปจฺจยานํ อเวทีติ
                  ยทา หเว ปาตุภวนฺติ ธมฺมา
                  อาตาปิโน ฌายโต พฺราหฺมณสฺส
                  วิธูปยํ ติฏฺฐติ มารเสนํ
                  สุริโยว โอภาสยมนฺตลิกฺขนฺติ ๑-
                  ยา กาจิ กงฺขา อิธ วา หุรํ วา
                  สกเวทิยา วา ปรเวทิยา วา
@เชิงอรรถ:  ขุ. อุ. ๖๔ ฯ
                  ฌายิโน ตา ปชหนฺติ สพฺพา
                  อาตาปิโน พฺรหฺมจริยํ จรนฺตาติ ๑-
          เย กงฺขา สมติกฺกนฺตา   กงฺขาภูเตสุ ปาณิสุ
          อสํสยา วิสํยุตฺตา          เตสุ ทินฺนํ มหปฺผลนฺติ
                  เอตาทิสี ธมฺมปกาสเนตฺถ
                  กินฺนุ ตตฺถ กงฺขติ โกจิ สาวโก ๒-
                  นิตฺติณฺณโอฆํ วิจิกิจฺฉฉินฺนํ
                  พุทฺธํ นมสฺสาม ชินํ ชนินฺทาติ ๓-
อตฺเถว   สุตฺตนฺโตติ   ฯ   อามนฺตา   ฯ  เตน  หิ  น  วตฺตพฺพํ  อตฺถิ
อรหโต กงฺขาติ ฯ
     [๕๔๖]   น  วตฺตพฺพํ  อตฺถิ  อรหโต  กงฺขาติ  ฯ  อามนฺตา ฯ นนุ
อรหา   อิตฺถีปุริสานํ   นามโคตฺเต   กงฺเขยฺย   มคฺคามคฺเค   กงฺเขยฺย
ติณกฏฺฐวนปฺปตีนํ   นาเม   กงฺเขยฺยาติ   ฯ  อามนฺตา  ฯ  หญฺจิ  อรหา
อิตฺถีปุริสานํ     นามโคตฺเต     กงฺเขยฺย     มคฺคามคฺเค    กงฺเขยฺย
ติณกฏฺฐวนปฺปตีนํ   นาเม   กงฺเขยฺย   เตน   วต  เร  วตฺตพฺเพ  อตฺถิ
อรหโต   กงฺขาติ   ฯ   อรหา   อิตฺถีปุริสานํ   นามโคตฺเต   กงฺเขยฺย
มคฺคามคฺเค     กงฺเขยฺย     ติณกฏฺฐวนปฺปตีนํ    นาเม    กงฺเขยฺยาติ
อตฺถิ   อรหโต   กงฺขาติ  ฯ  อามนฺตา  ฯ  อรหา  โสตาปตฺติผเล  วา
สกทาคามิผเล   วา  อนาคามิผเล  วา  อรหตฺเต  วา  กงฺเขยฺยาติ  ฯ
น เหวํ วตฺตพฺเพ ฯเปฯ
                                          กงฺขากถา ฯ
@เชิงอรรถ:  ขุ. อุ. ๑๓๖ ฯ  ม. น ตตฺถ กึ กงฺขาติ โกจิ สาวโก.  ที. ม. ๓๒๕ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๒๐๑-๒๐๗. https://84000.org/tipitaka/read/pali_read.php?B=37&A=4055&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=4055&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=522&items=25              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=32              ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=522              สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]