ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๑ ภาษาบาลี อักษรไทย พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                 ปญฺหาวาโร ฯ
     [๑๙๗๐]   อตีตารมฺมโณ  ธมฺโม  อตีตารมฺมณสฺส ธมฺมสฺส เหตุปจฺจเยน
ปจฺจโย      อตีตารมฺมณา      เหตู      สมฺปยุตฺตกานํ      ขนฺธานํ
เหตุปจฺจเยน   ปจฺจโย  ปฏิสนฺธิกฺขเณ  อตีตารมฺมณา  เหตู  สมฺปยุตฺตกานํ
ขนฺธานํ ฯ
     [๑๙๗๑]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
เหตุปจฺจเยน   ปจฺจโย   อนาคตารมฺมณา   เหตู  สมฺปยุตฺตกานํ  ขนฺธานํ
เหตุปจฺจเยน ปจฺจโย ฯ
     [๑๙๗๒]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส   เหตุปจฺจเยน  ปจฺจโย  ปจฺจุปฺปนฺนารมฺมณา  เหตู  สมฺปยุตฺตกานํ
ขนฺธานํ    เหตุปจฺจเยน    ปจฺจโย   ปฏิสนฺธิกฺขเณ   ปจฺจุปฺปนฺนารมฺมณา
เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
     [๑๙๗๓]   อตีตารมฺมโณ    ธมฺโม    อตีตารมฺมณสฺส    ธมฺมสฺส
อารมฺมณปจฺจเยน    ปจฺจโย    อตีตํ    วิญฺญาณญฺจายตนํ    ปจฺจเวกฺขติ
เนวสญฺญานาสญฺญายตนํ   ปจฺจเวกฺขติ   อตีตารมฺมณํ   อตีตํ   อิทฺธิวิธญาณํ
ปจฺจเวกฺขติ    เจโตปริยญาณํ    ...    ปุพฺเพนิวาสานุสฺสติญาณํ   ...
ยถากมฺมูปคญาณํ   ปจฺจเวกฺขติ   อริยา   อตีตารมฺมเณ   ปหีเน  กิเลเส
ปจฺจเวกฺขนฺติ   วิกฺขมฺภิเต   กิเลเส   ...   ปุพฺเพ  สมุทาจิณฺเณ  ...
อตีตารมฺมเณ   อตีเต   ขนฺเธ   อนิจฺจโต  ทุกฺขโต  อนตฺตโต  วิปสฺสนฺติ
อสฺสาเทนฺติ   อภินนฺทนฺติ   ตํ   อารพฺภ  อตีตารมฺมโณ  ราโค  อุปฺปชฺชติ
ทิฏฺฐิ  ...  วิจิกิจฺฉา  ...  อุทฺธจฺจํ  โทมนสฺสํ  อุปฺปชฺชติ  อตีตารมฺมณา
อตีตา      ขนฺธา      เจโตปริยญาณสฺส     ปุพฺเพนิวาสานุสฺสติญาณสฺส
ยถากมฺมูปคญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๙๗๔]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
อารมฺมณปจฺจเยน    ปจฺจโย    อนาคตํ   วิญฺญาณญฺจายตนํ   ปจฺจเวกฺขติ
เนวสญฺญานาสญฺญายตนํ      ปจฺจเวกฺขติ      อตีตารมฺมณํ      อนาคตํ
อิทฺธิวิธญาณํ  ปจฺจเวกฺขติ  เจโตปริยญาณํ ... ปุพฺเพนิวาสานุสฺสติญาณํ ...
ยถากมฺมูปคญาณํ      ...      อตีตารมฺมเณ     อนาคเต     ขนฺเธ
อนิจฺจโต  ...  วิปสฺสติ  อสฺสาเทติ  อภินนฺทติ ตํ อารพฺภ อนาคตารมฺมโณ
ราโค   อุปฺปชฺชติ   โทมนสฺสํ  อุปฺปชฺชติ  อตีตารมฺมณา  อนาคตา  ขนฺธา
เจโตปริยญาณสฺส    อนาคตํสญาณสฺส    อาวชฺชนาย    อารมฺมณปจฺจเยน
ปจฺจโย ฯ
     [๑๙๗๕]   อตีตารมฺมโณ   ธมฺโม   ปจฺจุปฺปนฺนารมฺมณสฺส   ธมฺมสฺส
อารมฺมณปจฺจเยน      ปจฺจโย      เจโตปริยญาเณน     อตีตารมฺมณ-
ปจฺจุปฺปนฺนจิตฺตสมงฺคิสฺส    จิตฺตํ   ชานาติ   อตีตารมฺมณา   ปจฺจุปฺปนฺนา
ขนฺธา เจโตปริยญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๙๗๖]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
อารมฺมณปจฺจเยน    ปจฺจโย    อนาคตารมฺมณํ    อนาคตํ   อิทฺธิวิธญาณํ
ปจฺจเวกฺขติ   เจโตปริยญาณํ  ...  อนาคตํสญาณํ  ...  อนาคตารมฺมเณ
อนาคเต   ขนฺเธ   อนิจฺจโต   ...  วิปสฺสติ  อสฺสาเทติ  อภินนฺทติ  ตํ
อารพฺภ    อนาคตารมฺมโณ    ราโค    ...    โทมนสฺสํ    อุปฺปชฺชติ
อนาคตารมฺมณา   อนาคตา   ขนฺธา   เจโตปริยญาณสฺส  อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๙๗๗]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
อารมฺมณปจฺจเยน     ปจฺจโย    อนาคตารมฺมณํ    อตีตํ    อิทฺธิวิธญาณํ
ปจฺจเวกฺขติ  เจโตปริยญาณํ  ...  อนาคตํสญาณํ  อริยา  อนาคตารมฺมเณ
ปหีเน    กิเลเส   ปจฺจเวกฺขนฺติ   วิกฺขมฺภิเต   กิเลเส   ปจฺจเวกฺขนฺติ
ปุพฺเพ  สมุทาจิณฺเณ  ...  อนาคตารมฺมเณ  อตีเต  ขนฺเธ อนิจฺจโต ...
วิปสฺสนฺติ   อสฺสาเทนฺติ   อภินฺนทนฺติ   ตํ  อารพฺภ  อตีตารมฺมโณ  ราโค
อุปฺปชฺชติ    โทมนสฺสํ    อุปฺปชฺชติ    อนาคตารมฺมณา   อตีตา   ขนฺธา
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๙๗๘]   อนาคตารมฺมโณ   ธมฺโม   ปจฺจุปฺปนฺนารมฺมณสฺส  ธมฺมสฺส
อารมฺมณปจฺจเยน   ปจฺจโย   เจโตปริยญาเณน  อนาคตารมฺมณปจฺจุปฺปนฺน-
จิตฺตสมงฺคิสฺส   จิตฺตํ   ชานาติ   อนาคตารมฺมณา   ปจฺจุปฺปนฺนา  ขนฺธา
เจโตปริยญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๙๗๙]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส       อารมฺมณปจฺจเยน       ปจฺจโย       เจโตปริยญาเณน
ปจฺจุปฺปนฺนารมฺมณปจฺจุปฺปนฺนจิตฺตสมงฺคิสฺส          จิตฺตํ         ชานาติ
ปจฺจุปฺปนฺนารมฺมณา      ปจฺจุปฺปนฺนา      ขนฺธา      เจโตปริยญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๙๘๐]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
อารมฺมณปจฺจเยน   ปจฺจโย   อตีตํ   ทิพฺพํ   จกฺขุํ   ปจฺจเวกฺขติ   ทิพฺพํ
โสตธาตุํ   ปจฺจเวกฺขติ  ปจฺจุปนฺนารมฺมณํ  อตีตํ  อิทฺธิวิธญาณํ  ปจฺจเวกฺขติ
เจโตปริยญาณํ    ...   อริยา   ปจฺจุปฺปนฺนารมฺมเณ   ปหีเน   กิเลเส
ปจฺจเวกฺขนฺติ   วิกฺขมฺภิเต   กิเลเส   ...   ปุพฺเพ  สมุทาจิณฺเณ  ...
ปจฺจุปฺปนฺนารมฺมเณ  อตีเต  ขนฺเธ  อนิจฺจโต  ...  วิปสฺสนฺติ อสฺสาเทนฺติ
อภินนฺทนฺติ    ตํ    อารพฺภ   อตีตารมฺมโณ   ราโค   ...   โทมนสฺสํ
อุปฺปชฺชติ    ปจฺจุปฺปนฺนารมฺมณา    อตีตา    ขนฺธา    เจโตปริยญาณสฺส
ปุพฺเพนิวาสานุสฺสติญาณสฺส        ยถากมฺมูปคญาณสฺส        อาวชฺชนาย
อารมฺมณปจฺจเยน ปจฺจโย ฯ
     [๑๙๘๑]   ปจฺจุปฺปนฺนารมฺมโณ   ธมฺโม   อนาคตารมฺมณสฺส  ธมฺมสฺส
อารมฺมณปจฺจเยน   ปจฺจโย   อนาคตํ   ทิพฺพํ   จกฺขุํ  ปจฺจเวกฺขติ  ทิพฺพํ
โสตธาตุํ    ปจฺจเวกฺขติ    ปจฺจุปฺปนฺนารมฺมณํ    อนาคตํ    อิทฺธิวิธญาณํ
ปจฺจเวกฺขติ   เจโตปริยญาณํ  ...  ปจฺจุปฺปนฺนารมฺมเณ  อนาคเต  ขนฺเธ
อนิจฺจโต  ...  วิปสฺสติ  ฯเปฯ  ตํ  อารพฺภ อนาคตารมฺมโณ ราโค ...
โทมนสฺสํ     อุปฺปชฺชติ     ปจฺจุปฺปนฺนารมฺมณา     อนาคตา     ขนฺธา
เจโตปริยญาณสฺส    อนาคตํสญาณสฺส    อาวชฺชนาย    อารมฺมณปจฺจเยน
ปจฺจโย ฯ
     [๑๙๘๒]   อตีตารมฺมโณ    ธมฺโม    อตีตารมฺมณสฺส    ธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:    อตีตํ   วิญฺญาณญฺจายตนํ   ครุํ   กตฺวา   ปจฺจเวกฺขติ
เนวสญฺญานาสญฺญายตนํ     ครุํ    กตฺวา    ปจฺจเวกฺขติ    อตีตารมฺมณํ
อตีตํ   อิทฺธิวิธญาณํ   ครุํ   กตฺวา   ปจฺจเวกฺขติ   เจโตปริยญาณํ  ...
ปุพฺเพนิวาสานุสฺสติญาณํ   ...  ยถากมฺมูปคญาณํ  ครุํ  กตฺวา  ปจฺจเวกฺขติ
อตีตารมฺมเณ  อตีเต  ขนฺเธ  ครุํ  กตฺวา  ปจฺจเวกฺขติ  ...  อสฺสาเทติ
อภินนฺทติ   ตํ   ครุํ   กตฺวา   อตีตารมฺมโณ   ราโค   อุปฺปชฺชติ  ทิฏฺฐิ
อุปฺปชฺชติ     ฯ    สหชาตาธิปติ:    อตีตารมฺมณาธิปติ    สมฺปยุตฺตกานํ
ขนฺธานํ อธิปติปจฺจเยน ปจฺจโย ฯ
     [๑๙๘๓]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
อธิปติปจฺจเยน   ปจฺจโย   ฯ  อารมฺมณาธิปติ:  อนาคตํ  วิญฺญาณญฺจายตนํ
ครุํ   กตฺวา   ...  เนวสญฺญานาสญฺญายตนํ  ...  อตีตารมฺมณํ  อนาคตํ
อิทฺธิวิธญาณํ  ครุํ  กตฺวา  ...  เจโตปริยญาณํ  ... ปุพฺเพนิวาสานุสฺสติ-
ญาณํ  ...  ยถากมฺมูปคญาณํ  ...  อตีตารมฺมเณ  อนาคเต  ขนฺเธ ครุํ
กตฺวา    อสฺสาเทติ    อภินนฺทติ   ตํ   ครุํ   กตฺวา   อนาคตารมฺมโณ
ราโค อุปฺปชฺชติ ทิฏฺฐิ อุปฺปชฺชติ ฯ
     [๑๙๘๔]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:  อนาคตารมฺมณํ  อนาคตํ  อิทฺธิวิธญาณํ  ครุํ  กตฺวา  ...
เจโตปริยญาณํ    ...    อนาคตํสญาณํ    ครุํ    กตฺวา   ปจฺจเวกฺขติ
อนาคตารมฺมเณ   อนาคเต   ขนฺเธ   ครุํ  กตฺวา  อสฺสาเทติ  อภินนฺทติ
ตํ   ครุํ  กตฺวา  อนาคตารมฺมโณ  ราโค  อุปฺปชฺชติ  ทิฏฺฐิ  อุปฺปชฺชติ  ฯ
สหชาตาธิปติ:      อนาคตารมฺมณาธิปติ      สมฺปยุตฺตกานํ     ขนฺธานํ
อธิปติปจฺจเยน ปจฺจโย ฯ
     [๑๙๘๕]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:   อนาคตารมฺมณํ   อตีตํ  อิทฺธิวิธญาณํ  ครุํ  กตฺวา  ...
เจโตปริยญาณํ   ...  อนาคตํสญาณํ  ครุํ  กตฺวา  ...  อนาคตารมฺมเณ
อตีเต   ขนฺเธ   ครุํ   กตฺวา   อสฺสาเทติ   อภินนฺทติ  ตํ  ครุํ  กตฺวา
อตีตารมฺมโณ ราโค อุปฺปชฺชติ ทิฏฺฐิ อุปฺปชฺชติ ฯ
     [๑๙๘๖]   ปจฺจุปฺปนฺนารมฺมโณ  ธมฺโม  ปจฺจุปฺปนฺนารมฺมณสฺส  ธมฺมสฺส
อธิปติปจฺจเยน    ปจฺจโย   ฯ   สหชาตาธิปติ:   ปจฺจุปฺปนฺนารมฺมณาธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
     [๑๙๘๗]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
อธิปติปจฺจเยน    ปจฺจโย   ฯ   อารมฺมณาธิปติ:   อตีตํ   ทิพฺพํ   จกฺขุํ
ครุํ   กตฺวา   ปจฺจเวกฺขติ   ทิพฺพํ   โสตธาตุํ  ครุํ  กตฺวา  ปจฺจเวกฺขติ
ปจฺจุปฺปนฺนารมฺมณํ   อตีตํ  อิทฺธิวิธญาณํ  ครุํ  กตฺวา  ...  เจโตปริยญาณํ
ครุํ  กตฺวา  ...  ปจฺจุปฺปนฺนารมฺมเณ  อตีเต ขนฺเธ ครุํ กตฺวา อสฺสาเทติ
อภินนฺทติ   ตํ   ครุํ   กตฺวา   อตีตารมฺมโณ   ราโค   อุปฺปชฺชติ  ทิฏฺฐิ
อุปฺปชฺชติ ฯ
     [๑๙๘๘]   ปจฺจุปฺปนฺนารมฺมโณ     ธมฺโม     อนาคตารมฺมณสฺส
ธมฺมสฺส    อธิปติปจฺจเยน    ปจฺจโย    ฯ   อารมฺมณาธิปติ:   อนาคตํ
ทิพฺพํ  จกฺขุํ  ครุํ  กตฺวา  ปจฺจเวกฺขติ  ทิพฺพํ  โสตธาตุํ  ครุํ  กตฺวา ...
ปจฺจุปฺปนฺนารมฺมณํ   อนาคตํ  อิทฺธิวิธญาณํ  ครุํ  กตฺวา  ปจฺจุปฺปนฺนารมฺมเณ
อนาคเต   ขนฺเธ   ครุํ   กตฺวา  อสฺสาเทติ  อภินนฺทติ  ตํ  ครุํ  กตฺวา
อนาคตารมฺมโณ ราโค อุปฺปชฺชติ ทิฏฺฐิ อุปฺปชฺชติ ฯ
     [๑๙๘๙]   อตีตารมฺมโณ ธมฺโม อตีตารมฺมณสฺส ธมฺมสฺส อนนฺตรปจฺจเยน
ปจฺจโย     ปุริมา     ปุริมา     อตีตารมฺมณา    ขนฺธา    ปจฺฉิมานํ
ปจฺฉิมานํ อตีตารมฺมณานํ ขนฺธานํ อนนฺตรปจฺจเยน ปจฺจโย ฯ
     [๑๙๙๐]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
อนนฺตรปจฺจเยน    ปจฺจโย    อตีตารมฺมณํ    ภวงฺคํ   อนาคตารมฺมณาย
อาวชฺชนาย อนนฺตรปจฺจเยน ปจฺจโย ฯ
     [๑๙๙๑]   อตีตารมฺมโณ   ธมฺโม   ปจฺจุปฺปนฺนารมฺมณสฺส   ธมฺมสฺส
อนนฺตรปจฺจเยน   ปจฺจโย   อตีตารมฺมณํ   จุติจิตฺตํ   ปจฺจุปฺปนฺนารมฺมณสฺส
ปฏิสนฺธิจิตฺตสฺส     อนนฺตรปจฺจเยน    ปจฺจโย    อตีตารมฺมณํ    ภวงฺคํ
ปจฺจุปฺปนฺนารมฺมณาย อาวชฺชนาย อนนฺตรปจฺจเยน ปจฺจโย ฯ
     [๑๙๙๒]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
อนนฺตรปจฺจเยน    ปจฺจโย   ปุริมา   ปุริมา   อนาคตารมฺมณา   ขนฺธา
ปจฺฉิมานํ    ปจฺฉิมานํ    อนาคตารมฺมณานํ    ขนฺธานํ   อนนฺตรปจฺจเยน
ปจฺจโย ฯ
     [๑๙๙๓]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
อนนฺตรปจฺจเยน       ปจฺจโย       อนาคตารมฺมณํ       อิทฺธิวิธญาณํ
อตีตารมฺมณสฺส      วุฏฺฐานสฺส      เจโตปริยญาณํ      อตีตารมฺมณสฺส
วุฏฺฐานสฺส   อนาคตํสญาณํ   อตีตารมฺมณสฺส   วุฏฺฐานสฺส  อนาคตารมฺมณา
ขนฺธา อตีตารมฺมณสฺส วุฏฺฐานสฺส อนนฺตรปจฺจเยน ปจฺจโย ฯ
     [๑๙๙๔]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส   อนนฺตรปจฺจเยน   ปจฺจโย   ปุริมา  ปุริมา  ปจฺจุปฺปนฺนารมฺมณา
ขนฺธา         ปจฺฉิมานํ        ปจฺฉิมานํ        ปจฺจุปฺปนฺนารมฺมณานํ
ขนฺธานํ    อนนฺตรปจฺจเยน    ปจฺจโย   ปจฺจุปฺปนฺนารมฺมณํ   ปฏิสนฺธิจิตฺตํ
ปจฺจุปฺปนฺนารมฺมณสฺส       ภวงฺคสฺส      ปจฺจุปฺปนฺนารมฺมณํ      ภวงฺคํ
ปจฺจุปฺปนฺนารมฺมณสฺส ภวงฺคสฺส อนนฺตรปจฺจเยน ปจฺจโย ฯ
     [๑๙๙๕]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
อนนฺตรปจฺจเยน       ปจฺจโย      ปจฺจุปฺปนฺนารมฺมณํ      ปฏิสนฺธิจิตฺตํ
อตีตารมฺมณสฺส    ภวงฺคสฺส   ปจฺจุปฺปนฺนารมฺมณํ   ภวงฺคํ   อตีตารมฺมณสฺส
ภวงฺคสฺส    ปจฺจุปฺปนฺนารมฺมณา    ขนฺธา    อตีตารมฺมณสฺส   วุฏฺฐานสฺส
อนนฺตรปจฺจเยน ปจฺจโย ฯ
     [๑๙๙๖]   อตีตารมฺมโณ    ธมฺโม    อตีตารมฺมณสฺส    ธมฺมสฺส
สมนนฺตรปจฺจเยน ปจฺจโย อนนฺตรสทิสํ ฯ
     [๑๙๙๗]   อตีตารมฺมโณ    ธมฺโม    อตีตารมฺมณสฺส    ธมฺมสฺส
สหชาตปจฺจเยน        ปจฺจโย       อญฺญมญฺญปจฺจเยน       ปจฺจโย
นิสฺสยปจฺจเยน ปจฺจโย ฯ ตโยปิ ปจฺจยา ปฏิจฺจวารสทิสา ฯ
     [๑๙๙๘]   อตีตารมฺมโณ    ธมฺโม    อตีตารมฺมณสฺส    ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย    ฯ    ปกตูปนิสฺสโย:    อตีตารมฺมณา   อนิจฺจานุปสฺสนา
ทุกฺขานุปสฺสนา    อนตฺตานุปสฺสนา    อตีตารมฺมณาย    อนิจฺจานุปสฺสนาย
ทุกฺขานุปสฺสนาย อนตฺตานุปสฺสนาย อุปนิสฺสยปจฺจเยน ปจฺจโย ฯ
     [๑๙๙๙]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย    ฯ    ปกตูปนิสฺสโย:    อตีตารมฺมณา   อนิจฺจานุปสฺสนา
ทุกฺขานุปสฺสนา    อนตฺตานุปสฺสนา   อนาคตารมฺมณาย   อนิจฺจานุปสฺสนาย
ทุกฺขานุปสฺสนาย อนตฺตานุปสฺสนาย อุปนิสฺสยปจฺจเยน ปจฺจโย ฯ
     [๒๐๐๐]   อตีตารมฺมโณ   ธมฺโม   ปจฺจุปฺปนฺนารมฺมณสฺส   ธมฺมสฺส
อุปนิสฺสยปจฺจเยน     ปจฺจโย    อนนฺตรูปนิสฺสโย    ปกตูปนิสฺสโย    ฯ
ปกตูปนิสฺสโย:     อตีตารมฺมณา     อนิจฺจานุปสฺสนา     ทุกฺขานุปสฺสนา
อนตฺตานุปสฺสนา         ปจฺจุปฺปนฺนารมฺมณาย         อนิจฺจานุปสฺสนาย
ทุกฺขานุปสฺสนาย อนตฺตานุปสฺสนาย อุปนิสฺสยปจฺจเยน ปจฺจโย ฯ
     [๒๐๐๑]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย    ฯ   ปกตูปนิสฺสโย:   อนาคตารมฺมณา   อนิจฺจานุปสฺสนา
ทุกฺขานุปสฺสนา           อนตฺตานุปสฺสนา           อนาคตารมฺมณาย
อนิจฺจานุปสฺสนาย   ทุกฺขานุปสฺสนาย   อนตฺตานุปสฺสนาย  อุปนิสฺสยปจฺจเยน
ปจฺจโย ฯ
     [๒๐๐๒]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย    ฯ   ปกตูปนิสฺสโย:   อนาคตารมฺมณา   อนิจฺจานุปสฺสนา
ทุกฺขานุปสฺสนา อนตฺตานุปสฺสนา อตีตารมฺมณาย
อนิจฺจานุปสฺสนาย   ทุกฺขานุปสฺสนาย   อนตฺตานุปสฺสนาย  อุปนิสฺสยปจฺจเยน
ปจฺจโย ฯ
     [๒๐๐๓]   อนาคตารมฺมโณ     ธมฺโม     ปจฺจุปฺปนฺนารมฺมณสฺส
ธมฺมสฺส      อุปนิสฺสยปจฺจเยน      ปจฺจโย     ฯ     ปกตูปนิสฺสโย:
อนาคตารมฺมณา    อนิจฺจานุปสฺสนา    ทุกฺขานุปสฺสนา    อนตฺตานุปสฺสนา
ปจฺจุปฺปนฺนารมฺมณาย         อนิจฺจานุปสฺสนาย         ทุกฺขานุปสฺสนาย
อนตฺตานุปสฺสนาย อุปนิสฺสยปจฺจเยน ปจฺจโย ฯ
     [๒๐๐๔]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส    ...   อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:
ปจฺจุปฺปนฺนารมฺมณา    อนิจฺจานุปสฺสนา   ทุกฺขานุปสฺสนา   อนตฺตานุปสฺสนา
ปจฺจุปฺปนฺนารมฺมณาย         อนิจฺจานุปสฺสนาย         ทุกฺขานุปสฺสนาย
อนตฺตานุปสฺสนาย อุปนิสฺสยปจฺจเยน ปจฺจโย ฯ
     [๒๐๐๕]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย   ฯ   ปกตูปนิสฺสโย:   ปจฺจุปฺปนฺนารมฺมณา  อนิจฺจานุปสฺสนา
ทุกฺขานุปสฺสนา    อนตฺตานุปสฺสนา    อตีตารมฺมณาย    อนิจฺจานุปสฺสนาย
ทุกฺขานุปสฺสนาย          อนตฺตานุปสฺสนาย          อุปนิสฺสยปจฺจเยน
ปจฺจโย ฯ
     [๒๐๐๖]   ปจฺจุปฺปนฺนารมฺมโณ     ธมฺโม     อนาคตารมฺมณสฺส
ธมฺมสฺส   อุปนิสฺสยปจฺจเยน   ปจฺจโย  อารมฺมณูปนิสฺสโย  อนนฺตรูปนิสฺสโย
ปกตูปนิสฺสโย        ฯ       ปกตูปนิสฺสโย:       ปจฺจุปฺปนฺนารมฺมณา
อนิจฺจานุปสฺสนา    ทุกฺขานุปสฺสนา    อนตฺตานุปสฺสนา   อนาคตารมฺมณาย
อนิจฺจานุปสฺสนาย   ทุกฺขานุปสฺสนาย   อนตฺตานุปสฺสนาย  อุปนิสฺสยปจฺจเยน
ปจฺจโย ฯ
     [๒๐๐๗]   อตีตารมฺมโณ    ธมฺโม    อตีตารมฺมณสฺส    ธมฺมสฺส
อาเสวนปจฺจเยน  ปจฺจโย  ปุริมา  ปุริมา  อตีตารมฺมณา  ขนฺธา ปจฺฉิมานํ
ปจฺฉิมานํ อตีตารมฺมณานํ ขนฺธานํ อาเสวนปจฺจเยน ปจฺจโย ฯ
     [๒๐๐๘]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
อาเสวนปจฺจเยน   ปจฺจโย   ปุริมา   ปุริมา   อนาคตารมฺมณา   ขนฺธา
ปจฺฉิมานํ    ปจฺฉิมานํ    อนาคตารมฺมณานํ   ขนฺธานํ   อาเสวนปจฺจเยน
ปจฺจโย ฯ
     [๒๐๐๙]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส   อาเสวนปจฺจเยน   ปจฺจโย  ปุริมา  ปุริมา  ปจฺจุปฺปนฺนารมฺมณา
ขนฺธา     ปจฺฉิมานํ     ปจฺฉิมานํ     ปจฺจุปฺปนฺนารมฺมณานํ     ขนฺธานํ
อาเสวนปจฺจเยน ปจฺจโย ฯ
     [๒๐๑๐]   อตีตารมฺมโณ    ธมฺโม    อตีตารมฺมณสฺส    ธมฺมสฺส
กมฺมปจฺจเยน    ปจฺจโย    สหชาตา    นานาขณิกา    ฯ   สหชาตา:
อตีตารมฺมณา  เจตนา  สมฺปยุตฺตกานํ  ขนฺธานํ  กมฺมปจฺจเยน  ปจฺจโย  ฯ
นานาขณิกา:    อตีตารมฺมณา    เจตนา    วิปากานํ    อตีตารมฺมณานํ
ขนฺธานํ กมฺมปจฺจเยน ปจฺจโย ฯ
     [๒๐๑๑]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
กมฺมปจฺจเยน    ปจฺจโย    ฯ   นานาขณิกา:   อตีตารมฺมณา   เจตนา
วิปากานํ อนาคตารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๒]   อตีตารมฺมโณ   ธมฺโม   ปจฺจุปฺปนฺนารมฺมณสฺส   ธมฺมสฺส
กมฺมปจฺจเยน    ปจฺจโย    ฯ   นานาขณิกา:   อตีตารมฺมณา   เจตนา
วิปากานํ ปจฺจุปฺปนฺนารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๓]   อนาคตารมฺมโณ   ธมฺโม   อนาคตารมฺมณสฺส   ธมฺมสฺส
กมฺมปจฺจเยน    ปจฺจโย    สหชาตา    นานาขณิกา    ฯ   สหชาตา:
อนาคตารมฺมณา    เจตนา    สมฺปยุตฺตกานํ    ขนฺธานํ    กมฺมปจฺจเยน
ปจฺจโย    ฯ    นานาขณิกา:    อนาคตารมฺมณา   เจตนา   วิปากานํ
อนาคตารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๔]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
กมฺมปจฺจเยน   ปจฺจโย   ฯ   นานาขณิกา:   อนาคตารมฺมณา   เจตนา
วิปากานํ อตีตารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๕]   อนาคตารมฺมโณ     ธมฺโม     ปจฺจุปฺปนฺนารมฺมณสฺส
ธมฺมสฺส   กมฺมปจฺจเยน   ปจฺจโย   ฯ   นานาขณิกา:   อนาคตารมฺมณา
เจตนา    วิปากานํ    ปจฺจุปฺปนฺนารมฺมณานํ    ขนฺธานํ    กมฺมปจฺจเยน
ปจฺจโย ฯ
     [๒๐๑๖]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส     กมฺมปจฺจเยน    ปจฺจโย    สหชาตา    นานาขณิกา    ฯ
สหชาตา:    ปจฺจุปฺปนฺนารมฺมณา    เจตนา    สมฺปยุตฺตกานํ    ขนฺธานํ
กมฺมปจฺจเยน   ปจฺจโย   ฯ   นานาขณิกา:  ปจฺจุปฺปนฺนารมฺมณา  เจตนา
วิปากานํ ปจฺจุปฺปนฺนารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๗]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
กมฺมปจฺจเยน     ปจฺจโย     ฯ    นานาขณิกา:    ปจฺจุปฺปนฺนารมฺมณา
เจตนา วิปากานํ อตีตารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๘]   ปจฺจุปฺปนฺนารมฺมโณ     ธมฺโม     อนาคตารมฺมณสฺส
ธมฺมสฺส   กมฺมปจฺจเยน   ปจฺจโย   ฯ  นานาขณิกา:  ปจฺจุปฺปนฺนารมฺมณา
เจตนา วิปากานํ อนาคตารมฺมณานํ ขนฺธานํ กมฺมปจฺจเยน ปจฺจโย ฯ
     [๒๐๑๙]   อตีตารมฺมโณ    ธมฺโม    อตีตารมฺมณสฺส    ธมฺมสฺส
วิปากปจฺจเยน    ปจฺจโย   อาหารปจฺจเยน   ปจฺจโย   อินฺทฺริยปจฺจเยน
ปจฺจโย      ฌานปจฺจเยน      ปจฺจโย     มคฺคปจฺจเยน     ปจฺจโย
สมฺปยุตฺตปจฺจเยน    ปจฺจโย    อตฺถิปจฺจเยน    ปจฺจโย   นตฺถิปจฺจเยน
ปจฺจโย วิคตปจฺจเยน ปจฺจโย อวิคตปจฺจเยน ปจฺจโย ฯ
     [๒๐๒๐]   เหตุยา    ตีณิ   อารมฺมเณ   นว   อธิปติยา   สตฺต
อนนฺตเร     สตฺต     สมนนฺตเร     สตฺต    สหชาเต    อญฺญมญฺเญ
นิสฺสเย    ตีณิ    อุปนิสฺสเย    นว   อาเสวเน   ตีณิ   กมฺเม   นว
วิปาเก   ตีณิ   อาหาเร   ตีณิ   อินฺทฺริเย   ฌาเน  มคฺเค  สมฺปยุตฺเต
ตีณิ    อตฺถิยา    ตีณิ    นตฺถิยา    สตฺต    วิคเต   สตฺต   อวิคเต
ตีณิ ฯ เอวํ คเณตพฺพํ ฯ
                                     อนุโลมํ ฯ
     [๒๐๒๑]   อตีตารมฺมโณ    ธมฺโม    อตีตารมฺมณสฺส    ธมฺมสฺส
อารมฺมณปจฺจเยน    ปจฺจโย    สหชาตปจฺจเยน    ปจฺจโย   อุปนิสฺสย-
ปจฺจเยน ปจฺจโย กมฺมปจฺจเยน ปจฺจโย ฯ
     [๒๐๒๒]   อตีตารมฺมโณ    ธมฺโม    อนาคตารมฺมณสฺส   ธมฺมสฺส
อารมฺมณปจฺจเยน ปจฺจโย กมฺมปจฺจเยน ปจฺจโย ฯ
     [๒๐๒๓]   อตีตารมฺมโณ   ธมฺโม   ปจฺจุปฺปนฺนารมฺมณสฺส   ธมฺมสฺส
อารมฺมณปจฺจเยน   ปจฺจโย   อุปนิสฺสยปจฺจเยน   ปจฺจโย   กมฺมปจฺจเยน
ปจฺจโย ฯ
     [๒๐๒๔]   อนาคตารมฺมโณ      ธมฺโม      อนาคตารมฺมณสฺส
ธมฺมสฺส     อารมฺมณปจฺจเยน    ปจฺจโย    สหชาตปจฺจเยน    ปจฺจโย
อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
     [๒๐๒๕]   อนาคตารมฺมโณ    ธมฺโม    อตีตารมฺมณสฺส   ธมฺมสฺส
อารมฺมณปจฺจเยน       ปจฺจโย       อุปนิสฺสยปจฺจเยน       ปจฺจโย
กมฺมปจฺจเยน ปจฺจโย ฯ
     [๒๐๒๖]   อนาคตารมฺมโณ     ธมฺโม     ปจฺจุปฺปนฺนารมฺมณสฺส
ธมฺมสฺส    อารมฺมณปจฺจเยน    ปจฺจโย    อุปนิสฺสยปจฺจเยน    ปจฺจโย
กมฺมปจฺจเยน ปจฺจโย ฯ
     [๒๐๒๗]   ปจฺจุปฺปนฺนารมฺมโณ     ธมฺโม    ปจฺจุปฺปนฺนารมฺมณสฺส
ธมฺมสฺส     อารมฺมณปจฺจเยน    ปจฺจโย    สหชาตปจฺจเยน    ปจฺจโย
อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
     [๒๐๒๘]   ปจฺจุปฺปนฺนารมฺมโณ   ธมฺโม   อตีตารมฺมณสฺส   ธมฺมสฺส
อารมฺมณปจฺจเยน       ปจฺจโย       อุปนิสฺสยปจฺจเยน       ปจฺจโย
กมฺมปจฺจเยน ปจฺจโย ฯ
     [๒๐๒๙]   ปจฺจุปฺปนฺนารมฺมโณ     ธมฺโม     อนาคตารมฺมณสฺส
ธมฺมสฺส    อารมฺมณปจฺจเยน    ปจฺจโย    อุปนิสฺสยปจฺจเยน    ปจฺจโย
กมฺมปจฺจเยน ปจฺจโย ฯ
     [๒๐๓๐]   นเหตุยา   นว   นอารมฺมเณ   นว   นอธิปติยา   นว
นอนนฺตเร   นว   นสมนนฺตเร   นว   ฯ   สงฺขิตฺตํ   ฯ  สพฺพตฺถ  นว
โนวิคเต นว โนอวิคเต นว ฯ เอวํ คเณตพฺพํ ฯ
                                     ปจฺจนียํ ฯ
     [๒๐๓๑]   เหตุปจฺจยา  นอารมฺมเณ  ตีณิ  ... นอธิปติยา นอนนฺตเร
นสมนนฺตเร    นอุปนิสฺสเย    นปุเรชาเต   นปจฺฉาชาเต   นอาเสวเน
นกมฺเม   นวิปาเก   ตีณิ   สพฺพตฺถ   ตีณิ   ฯ  สงฺขิตฺตํ  ฯ  โนนตฺถิยา
โนวิคเต ตีณิ ฯ เอวํ คเณตพฺพํ ฯ
                                อนุโลมปจฺจนียํ ฯ
     [๒๐๓๒]   นเหตุปจฺจยา   อารมฺมเณ   นว  ...  อธิปติยา  สตฺต
อนนฺตเร   สตฺต   สมนนฺตเร   สตฺต   สหชาเต   ตีณิ  อญฺญมญฺเญ  ตีณิ
นิสฺสเย   ตีณิ   อุปนิสฺสเย   นว  อาเสวเน  ตีณิ  กมฺเม  นว  วิปาเก
ตีณิ   อาหาเร   อินฺทฺริเย   ฌาเน   มคฺเค   สมฺปยุตฺเต  อตฺถิยา  ตีณิ
นตฺถิยา สตฺต วิคเต สตฺต อวิคเต ตีณิ ฯ เอวํ คเณตพฺพํ ฯ
                                ปจฺจนียานุโลมํ ฯ
                             ปญฺหาวาโร นิฏฺฐิโต ฯ
                         อตีตารมฺมณตฺติกํ เอกูนวีสติมํ
                                     นิฏฺฐิตํ
                                     --------


             เนื้อความพระไตรปิฎกฉบับภาษาบาลี อักษรไทย เล่มที่ ๔๑ หน้าที่ ๕๕๔-๕๗๐. https://84000.org/tipitaka/read/pali_read.php?B=41&A=10865&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=41&A=10865&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=41&item=1970&items=63              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=41&siri=42              ศึกษาอรรถกถานี้ได้ที่ :- https://84000.org/tipitaka/attha/attha.php?b=41&i=1970              สารบัญพระไตรปิฎกเล่มที่ ๔๑ https://84000.org/tipitaka/read/?index_41 https://84000.org/tipitaka/english/?index_41

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]