ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๒ ภาษาบาลี อักษรไทย พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                               ปญฺหาวาโร
     [๑๗]   เหตุ   ธมฺโม  เหตุสฺส  ธมฺมสฺส  เหตุปจฺจเยน  ปจฺจโย:
อโลโภ    อโทสสฺส    อโมหสฺส   เหตุปจฺจเยน   ปจฺจโย   ฯ   จกฺกํ
พนฺธิตพฺพํ   ฯ   โลโภ  โมหสฺส  เหตุปจฺจเยน  ปจฺจโย  โทโส  โมหสฺส
เหตุปจฺจเยน   ปจฺจโย   ปฏิสนฺธิกฺขเณ   ฯเปฯ  เหตุ  ธมฺโม  นเหตุสฺส
ธมฺมสฺส    เหตุปจฺจเยน    ปจฺจโย:    เหตุ   สมฺปยุตฺตกานํ   ขนฺธานํ
จิตฺตสมุฏฺฐานานญฺจ    รูปานํ    เหตุปจฺจเยน    ปจฺจโย   ปฏิสนฺธิกฺขเณ
ฯเปฯ   เหตุ  ธมฺโม  เหตุสฺส  จ  นเหตุสฺส  จ  ธมฺมสฺส  เหตุปจฺจเยน
ปจฺจโย:    อโลโภ   อโทสสฺส   อโมหสฺส   สมฺปยุตฺตกานญฺจ   ขนฺธานํ
จิตฺตสมุฏฺฐานานญฺจ    รูปานํ    เหตุปจฺจเยน    ปจฺจโย    ฯ    จกฺกํ
พนฺธิตพฺพํ ฯ โลโภ โมหสฺส ฯเปฯ ปฏิสนฺธิกฺขเณ ฯเปฯ
     [๑๘]   เหตุ    ธมฺโม   เหตุสฺส   ธมฺมสฺส   อารมฺมณปจฺจเยน
ปจฺจโย:   เหตุํ  อารพฺภ  เหตู  อุปฺปชฺชนฺติ  ฯ  เหตุ  ธมฺโม  นเหตุสฺส
ธมฺมสฺส   อารมฺมณปจฺจเยน   ปจฺจโย:   เหตุํ   อารพฺภ  นเหตู  ขนฺธา
อุปฺปชฺชนฺติ   ฯ   เหตุ   ธมฺโม   เหตุสฺส   จ   นเหตุสฺส  จ  ธมฺมสฺส
อารมฺมณปจฺจเยน   ปจฺจโย:   เหตุํ  อารพฺภ  เหตู  จ  สมฺปยุตฺตกา  จ
ขนฺธา  อุปฺปชฺชนฺติ  ฯ  นเหตุ  ธมฺโม  นเหตุสฺส ธมฺมสฺส อารมฺมณปจฺจเยน
ปจฺจโย:     ทานํ     ทตฺวา     สีลํ     สมาทิยิตฺวา    อุโปสถกมฺมํ
กตฺวา    ตํ    ปจฺจเวกฺขติ   ปุพฺเพ   สุจิณฺณานิ   ปจฺจเวกฺขติ   ฌานา
วุฏฺฐหิตฺวา    ฌานํ   ปจฺจเวกฺขติ   อริยา   มคฺคา   วุฏฺฐหิตฺวา   มคฺคํ
ปจฺจเวกฺขนฺติ  ผลํ  ...  นิพฺพานํ  ...  นิพฺพานํ  โคตฺรภุสฺส  โวทานสฺส
มคฺคสฺส    ผลสฺส    อาวชฺชนาย   อารมฺมณปจฺจเยน   ปจฺจโย   อริยา
นเหตู  ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส  ...  ปุพฺเพ
สมุทาจิณฺเณ กิเลเส ชานนฺติ จกฺขุํ ... ฯเปฯ
     {๑๘.๑}   วตฺถุํ  ...  นเหตู  ขนฺเธ  อนิจฺจโต  ทุกฺขโต อนตฺตโต
วิปสฺสนฺติ   ฯเปฯ   โทมนสฺสํ   อุปฺปชฺชติ  ทิพฺเพน  จกฺขุนา  รูปํ  ปสฺสติ
ทิพฺพาย      โสตธาตุยา      สทฺทํ      สุณาติ     เจโตปริยญาเณน
นเหตุจิตฺตสมงฺคิสฺส      จิตฺตํ      ชานาติ      อากาสานญฺจายตนกิริยํ
วิญฺญาณญฺจายตนกิริยสฺส อากิญฺจญฺญายตนกิริยํ
เนวสญฺญานาสญฺญายตนกิริยสฺส         รูปายตนํ         จกฺขุวิญฺญาณสฺส
ฯเปฯ       โผฏฺฐพฺพายตนํ      กายวิญฺญาณสฺส      อารมฺมณปจฺจเยน
ปจฺจโย     นเหตู     ขนฺธา     อิทฺธิวิธญาณสฺส     เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     {๑๘.๒}   นเหตุ  ธมฺโม เหตุสฺส ธมฺมสฺส อารมฺมณปจฺจเยน ปจฺจโย:
ทานํ  ทตฺวา  ...  ปฐมคมนํเยว อาวชฺชนา นตฺถิ รูปายตนํ จกฺขุวิญฺญาณสฺส
ฯเปฯ   โผฏฺฐพฺพายตนํ  กายวิญฺญาณสฺสาติ  อิทํ  นตฺถิ  ฯ  นเหตุ  ธมฺโม
เหตุสฺส  จ  นเหตุสฺส  จ  ธมฺมสฺส อารมฺมณปจฺจเยน ปจฺจโย: ทานํ ทตฺวา
สีลํ  ...  อุโปสถกมฺมํ ... ตํ ปจฺจเวกฺขติ ตํ อารพฺภ เหตู จ สมฺปยุตฺตกา
จ ขนฺธา อุปฺปชฺชนฺติ ฯ ตตฺถ ฐิเตน อิมํ กาตพฺพํ ทุติยคมนสทิสํ ฯ
     {๑๘.๓}   เหตุ จ นเหตุ จ ธมฺมา เหตุสฺส ธมฺมสฺส อารมฺมณปจฺจเยน
ปจฺจโย:  เหตุญฺจ  สมฺปยุตฺตเก  จ  ขนฺเธ  อารพฺภ  เหตู  อุปฺปชฺชนฺติ ฯ
เหตุ   จ   นเหตุ   จ   ธมฺมา   นเหตุสฺส  ธมฺมสฺส  อารมฺมณปจฺจเยน
ปจฺจโย:   เหตุญฺจ   สมฺปยุตฺตเก   จ   ขนฺเธ  อารพฺภ  นเหตู  ขนฺธา
อุปฺปชฺชนฺติ   ฯ  เหตุ  จ  นเหตุ  จ  ธมฺมา  เหตุสฺส  จ  นเหตุสฺส  จ
ธมฺมสฺส    อารมฺมณปจฺจเยน    ปจฺจโย:    เหตุญฺจ   สมฺปยุตฺตเก   จ
ขนฺเธ อารพฺภ เหตู จ สมฺปยุตฺตกา จ ขนฺธา อุปฺปชฺชนฺติ ฯ
     [๑๙]   เหตุ  ธมฺโม  เหตุสฺส  ธมฺมสฺส  อธิปติปจฺจเยน  ปจฺจโย:
อารมฺมณาธิปติ   สหชาตาธิปติ   ฯ   อารมฺมณาธิปติ:  เหตุํ  ครุํ  กตฺวา
เหตู   อุปฺปชฺชนฺติ   ฯ   สหชาตาธิปติ:   เหตุ   อธิปติ   สมฺปยุตฺตกานํ
เหตูนํ   อธิปติปจฺจเยน   ปจฺจโย   ฯ  เหตุ  ธมฺโม  นเหตุสฺส  ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   เหตุํ   ครุํ   กตฺวา   นเหตู   ขนฺธา  อุปฺปชฺชนฺติ  ฯ
สหชาตาธิปติ:   เหตุ  อธิปติ  สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ    อธิปติปจฺจเยน   ปจฺจโย   ฯ   เหตุ   ธมฺโม   เหตุสฺส   จ
นเหตุสฺส    จ    ธมฺมสฺส   อธิปติปจฺจเยน   ปจฺจโย:   อารมฺมณาธิปติ
สหชาตาธิปติ   ฯ   อารมฺมณาธิปติ:   เหตุํ   ครุํ   กตฺวา   เหตู   จ
สมฺปยุตฺตกา   จ   ขนฺธา   อุปฺปชฺชนฺติ  ฯ  สหชาตาธิปติ:  เหตุ  อธิปติ
สมฺปยุตฺตกานํ     ขนฺธานํ     เหตูนญฺจ    จิตฺตสมุฏฺฐานานญฺจ    รูปานํ
อธิปติปจฺจเยน ปจฺจโย ฯ
     {๑๙.๑}   นเหตุ  ธมฺโม  นเหตุสฺส ธมฺมสฺส อธิปติปจฺจเยน ปจฺจโย:
อารมฺมณาธิปติ    สหชาตาธิปติ   ฯ   อารมฺมณาธิปติ:   ทานํ   ทตฺวาติ
วิตฺถาเรตพฺพํ   ยาว   นเหตู  ขนฺธา  ฯ  สหชาตาธิปติ:  นเหตุ  อธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย   ฯ  นเหตุ  ธมฺโม  เหตุสฺส  ธมฺมสฺส  อธิปติปจฺจเยน  ปจฺจโย:
อารมฺมณาธิปติ   สหชาตาธิปติ   ฯ  อารมฺมณาธิปติ:  ทานํ  ทตฺวา  ...
สงฺขิตฺตํ  ยาว  วตฺถุ  นเหตู  จ  ขนฺธา  ตาว  กาตพฺพํ ฯ สหชาตาธิปติ:
นเหตุ อธิปติ สมฺปยุตฺตกานํ เหตูนํ อธิปติปจฺจเยน ปจฺจโย ฯ
     {๑๙.๒}   นเหตุ    ธมฺโม    เหตุสฺส    จ    นเหตุสฺส   จ
ธมฺมสฺส        อธิปติปจฺจเยน        ปจฺจโย:        อารมฺมณาธิปติ
สหชาตาธิปติ  ฯ  อารมฺมณาธิปติ:  ทานํ ทตฺวา สีลํ ... อุโปสถกมฺมํ ...
ตํ   ครุํ   กตฺวา   ปจฺจเวกฺขติ   ตํ   ครุํ  กตฺวา   นเหตู  ขนฺธา  จ
เหตู   จ  อุปฺปชฺชนฺติ  ปุพฺเพ  สุจิณฺณานิ  ยาว  วตฺถุ  นเหตู  ขนฺธา  จ
ตาว  กาตพฺพํ  ฯ  สหชาตาธิปติ:  นเหตุ  อธิปติ  สมฺปยุตฺตกานํ  ขนฺธานํ
เหตูนญฺจ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๑๙.๓}   เหตุ  จ  นเหตุ จ ธมฺมา เหตุสฺส ธมฺมสฺส อธิปติปจฺจเยน
ปจฺจโย:  อารมฺมณาธิปติ:  เหตุญฺจ  สมฺปยุตฺตเก  จ  ขนฺเธ  ครุํ  กตฺวา
เหตู   อุปฺปชฺชนฺติ   ฯ  เหตุ  จ  นเหตุ  จ  ธมฺมา  นเหตุสฺส  ธมฺมสฺส
อธิปติปจฺจเยน   ปจฺจโย:   อารมฺมณาธิปติ:   เหตุญฺจ   สมฺปยุตฺตเก  จ
ขนฺเธ  ครุํ  กตฺวา  นเหตู  ขนฺธา  อุปฺปชฺชนฺติ  ฯ  เหตุ  จ  นเหตุ  จ
ธมฺมา   เหตุสฺส   จ   นเหตุสฺส  จ  ธมฺมสฺส  อธิปติปจฺจเยน  ปจฺจโย:
อารมฺมณาธิปติ:  เหตุญฺจ  สมฺปยุตฺตเก  จ  ขนฺเธ  ครุํ  กตฺวา  เหตู  จ
สมฺปยุตฺตกา จ ขนฺธา อุปฺปชฺชนฺติ ฯ
     [๒๐]   เหตุ  ธมฺโม  เหตุสฺส  ธมฺมสฺส  อนนฺตรปจฺจเยน  ปจฺจโย:
ปุริมา   ปุริมา   เหตู   ปจฺฉิมานํ   ปจฺฉิมานํ   เหตูนํ  อนนฺตรปจฺจเยน
ปจฺจโย  ฯ  เหตุ  ธมฺโม  นเหตุสฺส  ธมฺมสฺส  อนนฺตรปจฺจเยน  ปจฺจโย:
ปุริมา  ปุริมา  เหตู  ปจฺฉิมานํ  ปจฺฉิมานํ นเหตูนํ ขนฺธานํ อนนฺตรปจฺจเยน
ปจฺจเยน  ปจฺจโย  ฯ  เหตุ  ธมฺโม  เหตุสฺส  จ  นเหตุสฺส  จ  ธมฺมสฺส
อนนฺตรปจฺจเยน   ปจฺจโย:   ปุริมา   ปุริมา  เหตู  ปจฺฉิมานํ  ปจฺฉิมานํ
เหตูนํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย ฯ
     {๒๐.๑}   นเหตุ  ธมฺโม นเหตุสฺส ธมฺมสฺส อนนฺตรปจฺจเยน ปจฺจโย:
ปุริมา   ปุริมา   นเหตู   ขนฺธา  ปจฺฉิมานํ  ปจฺฉิมานํ  นเหตูนํ  ขนฺธานํ
อนนฺตรปจฺจเยน    ปจฺจโย    อนุโลมํ   โคตฺรภุสฺส   ฯ   สงฺขิตฺตํ   ฯ
เนวสญฺญานาสญฺญายตนํ   ผลสมาปตฺติยา   อนนฺตรปจฺจเยน   ปจฺจโย   ฯ
นเหตุ  ธมฺโม  เหตุสฺส  ธมฺมสฺส  อนนฺตรปจฺจเยน  ปจฺจโย: นเหตุ ธมฺโม
เหตุสฺส  จ  นเหตุสฺส  จ  ธมฺมสฺส  อนนฺตรปจฺจเยน  ปจฺจโย: นเหตุมูลกํ
ตีณิปิ เอกสทิสํ ฯ
     {๒๐.๒}   เหตุ  จ นเหตุ จ ธมฺมา เหตุสฺส ธมฺมสฺส อนนฺตรปจฺจเยน
ปจฺจโย:   ปุริมา   ปุริมา  เหตู  จ  สมฺปยุตฺตกา  จ  ขนฺธา  ปจฺฉิมานํ
ปจฺฉิมานํ   เหตูนํ   อนนฺตรปจฺจเยน   ปจฺจโย  ฯ  เหตุ  จ  นเหตุ  จ
ธมฺมา    นเหตุสฺส    ธมฺมสฺส    อนนฺตรปจฺจเยน    ปจฺจโย:   ปุริมา
ปุริมา    เหตู   จ   สมฺปยุตฺตกา   จ   ขนฺธา   ปจฺฉิมานํ   ปจฺฉิมานํ
นเหตูนํ   ขนฺธานํ   อนนฺตรปจฺจเยน   ปจฺจโย   เหตุ   จ   นเหตุ  จ
ธมฺมา   เหตุสฺส   จ  นเหตุสฺส  จ  ธมฺมสฺส  อนนฺตรปจฺจเยน  ปจฺจโย:
ปุริมา   ปุริมา   เหตู  จ  สมฺปยุตฺตกา  จ  ขนฺธา  ปจฺฉิมานํ  ปจฺฉิมานํ
เหตูนํ สมฺปยุตฺตกานญฺจ ขนฺธานํ อนนฺตรปจฺจเยน ปจฺจโย ฯ
     [๒๑]   เหตุ  ธมฺโม  เหตุสฺส  ธมฺมสฺส  สมนนฺตรปจฺจเยน ปจฺจโย:
อนนฺตรสทิสํ   ฯ   ...   สหชาตปจฺจเยน   ปจฺจโย:  อญฺญมญฺญปจฺจเยน
ปจฺจโย:  อิเม  เทฺวปิ  ปฏิจฺจวารสทิสา  ฯ ... นิสฺสยปจฺจเยน ปจฺจโย:
ปจฺจยวาเร นิสฺสยสทิโส ฯ
     [๒๒]   เหตุ  ธมฺโม  เหตุสฺส  ธมฺมสฺส  อุปนิสฺสยปจฺจเยน ปจฺจโย:
อารมฺมณูปนิสฺสโย   อนนฺตรูปนิสฺสโย  ปกตูปนิสฺสโย  ฯเปฯ  ปกตูปนิสฺสโย:
เหตู    เหตูนํ    อุปนิสฺสยปจฺจเยน    ปจฺจโย    ฯ    เหตุ   ธมฺโม
นเหตุสฺส    ธมฺมสฺส    อุปนิสฺสยปจฺจเยน   ปจฺจโย:   อารมฺมณูปนิสฺสโย
อนนฺตรูปนิสฺสโย     ปกตูปนิสฺสโย     ฯเปฯ    ปกตูปนิสฺสโย:    เหตู
นเหตูนํ  ขนฺธานํ  อุปนิสฺสยปจฺจเยน  ปจฺจโย  ฯ  เหตุ  ธมฺโม เหตุสฺส จ
นเหตุสฺส   จ   ธมฺมสฺส   อุปนิสฺสยปจฺจเยน  ปจฺจโย:  อารมฺมณูปนิสฺสโย
อนนฺตรูปนิสฺสโย       ปกตูปนิสฺสโย       ฯเปฯ       ปกตูปนิสฺสโย:
เหตู เหตูนํ สมฺปยุตฺตกานญฺจ ขนฺธานํ อุปนิสฺสยปจฺจเยน ปจฺจโย ฯ
     {๒๒.๑}   นเหตุ   ธมฺโม   นเหตุสฺส  ธมฺมสฺส  อุปนิสฺสยปจฺจเยน
ปจฺจโย:      อารมฺมณูปนิสฺสโย      อนนฺตรูปนิสฺสโย     ปกตูปนิสฺสโย
ฯเปฯ   ปกตูปนิสฺสโย:  สทฺธํ  อุปนิสฺสาย  ทานํ  เทติ  ฯเปฯ  สมาปตฺตึ
อุปฺปาเทติ   มานํ  ชปฺเปติ  ทิฏฺฐึ  คณฺหาติ  สีลํ  ...  ฯเปฯ  เสนาสนํ
อุปนิสฺสาย   ทานํ  เทติ  ฯเปฯ  สงฺฆํ  ภินฺทติ  สทฺธา  ฯเปฯ  เสนาสนํ
สทฺธาย   ฯเปฯ   ปตฺถนาย   มคฺคสฺส  ผลสมาปตฺติยา  อุปนิสฺสยปจฺจเยน
ปจฺจโย ฯ
     {๒๒.๒}   นเหตุ   ธมฺโม   เหตุสฺส   ธมฺมสฺส  อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:   สทฺธํ  ฯเปฯ  เสนาสนํ  อุปนิสฺสาย  ทานํ  เทติ  ฯเปฯ
สงฺฆํ   ภินฺทติ   สทฺธา   ฯเปฯ   เสนาสนํ   สทฺธาย  ฯเปฯ  ปตฺถนาย
มคฺคสฺส   ผลสมาปตฺติยา   อุปนิสฺสยปจฺจเยน  ปจฺจโย  ฯ  นเหตุ  ธมฺโม
เหตุสฺส    จ   นเหตุสฺส   จ   ธมฺมสฺส   อุปนิสฺสยปจฺจเยน   ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย: ทุติยอุปนิสฺสยสทิสํ ฯ
     {๒๒.๓}   เหตุ จ นเหตุ จ ธมฺมา เหตุสฺส ธมฺมสฺส อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:  เหตู  จ  สมฺปยุตฺตกา  จ  ขนฺธา เหตูนํ อุปนิสฺสยปจฺจเยน
ปจฺจโย  ฯ  เหตุ  จ  นเหตุ จ ธมฺมา นเหตุสฺส ธมฺมสฺส อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:   เหตู   จ   สมฺปยุตฺตกา   จ  ขนฺธา  นเหตูนํ  ขนฺธานํ
อุปนิสฺสยปจฺจเยน ปจฺจโย ฯ
     {๒๒.๔}   เหตุ  จ  นเหตุ จ ธมฺมา เหตุสฺส จ นเหตุสฺส จ ธมฺมสฺส
อุปนิสฺสยปจฺจเยน     ปจฺจโย:    อารมฺมณูปนิสฺสโย:    อนนฺตรูปนิสฺสโย
ปกตูปนิสฺสโย   ฯเปฯ  ปกตูปนิสฺสโย:  เหตู  จ  สมฺปยุตฺตกา  จ  ขนฺธา
เหตูนํ สมฺปยุตฺตกานญฺจ ขนฺธานํ อุปนิสฺสยปจฺจเยน ปจฺจโย ฯ
     [๒๓]   นเหตุ  ธมฺโม  นเหตุสฺส ธมฺมสฺส ปุเรชาตปจฺจเยน ปจฺจโย:
อารมฺมณปุเรชาตํ   วตฺถุปุเรชาตํ   ฯ   อารมฺมณปุเรชาตํ:  จกฺขุํ  ฯเปฯ
วตฺถุํ    อนิจฺจโต    ทุกฺขโต   อนตฺตโต   วิปสฺสติ   ฯเปฯ   โทมนสฺสํ
อุปฺปชฺชติ    ทิพฺเพน    จกฺขุนา   รูปํ   ปสฺสติ   ทิพฺพาย   โสตธาตุยา
สทฺทํ    สุณาติ    รูปายตนํ    จกฺขุวิญฺญาณสฺส   ฯเปฯ   โผฏฺฐพฺพายตนํ
กายวิญฺญาณสฺส  ปุเรชาตปจฺจเยน  ปจฺจโย  ฯ  วตฺถุปุเรชาตํ:  จกฺขายตนํ
จกฺขุวิญฺญาณสฺส     ปุเรชาตปจฺจเยน    ปจฺจโย    ฯเปฯ    กายายตนํ
กายวิญฺญาณสฺส   ปุเรชาตปจฺจเยน   ปจฺจโย   วตฺถุ   นเหตูนํ   ขนฺธานํ
ปุเรชาตปจฺจเยน ปจฺจโย ฯ
     {๒๓.๑}   นเหตุ  ธมฺโม เหตุสฺส ธมฺมสฺส ปุเรชาตปจฺจเยน ปจฺจโย:
อารมฺมณปุเรชาตํ   วตฺถุปุเรชาตํ   ฯ   อารมฺมณปุเรชาตํ:  จกฺขุํ  ฯเปฯ
วตฺถุํ   อนิจฺจโต   ฯเปฯ   โทมนสฺสํ   อุปฺปชฺชติ  ทิพฺเพน  จกฺขุนา  รูปํ
ปสฺสติ    ทิพฺพาย    โสตธาตุยา   สทฺทํ   สุณาติ   ฯ   วตฺถุปุเรชาตํ:
วตฺถุ เหตูนํ ปุเรชาตปจฺจเยน ปจฺจโย ฯ
     {๒๓.๒}   นเหตุ   ธมฺโม   เหตุสฺส   จ  นเหตุสฺส  จ  ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:  จกฺขุํ  ฯเปฯ  วตฺถุํ  อนิจฺจโต  ฯเปฯ  โทมนสฺสํ ...
ทิพฺเพน    ฯเปฯ    วตฺถุปุเรชาตํ:    วตฺถุ   เหตูนํ   สมฺปยุตฺตกานญฺจ
ขนฺธานํ ปุเรชาตปจฺจเยน ปจฺจโย ฯ
     [๒๔]   เหตุ   ธมฺโม   นเหตุสฺส   ธมฺมสฺส   ปจฺฉาชาตปจฺจเยน
ปจฺจโย:  ปจฺฉาชาตา  เหตู ปุเรชาตสฺส อิมสฺส กายสฺส ปจฺฉาชาตปจฺจเยน
ปจฺจโย   ฯ   นเหตุ   ธมฺโม   นเหตุสฺส   ธมฺมสฺส  ปจฺฉาชาตปจฺจเยน
ปจฺจโย:   ปจฺฉาชาตา   นเหตู   ขนฺธา   ปุเรชาตสฺส  อิมสฺส  กายสฺส
ปจฺฉาชาตปจฺจเยน   ปจฺจโย  ฯ  เหตุ  จ  นเหตุ  จ  ธมฺมา  นเหตุสฺส
ธมฺมสฺส    ปจฺฉาชาตปจฺจเยน    ปจฺจโย:    ปจฺฉาชาตา    เหตู   จ
สมฺปยุตฺตกา     จ     ขนฺธา     ปุเรชาตสฺส     อิมสฺส     กายสฺส
ปจฺฉาชาตปจฺจเยน ปจฺจโย ฯ
     [๒๕]   เหตุ  ธมฺโม  เหตุสฺส  ธมฺมสฺส  อาเสวนปจฺจเยน ปจฺจโย:
อนนฺตรสทิสํ ฯ
     [๒๖]   นเหตุ  ธมฺโม  นเหตุสฺส  ธมฺมสฺส  กมฺมปจฺจเยน  ปจฺจโย:
สหชาตา   นานาขณิกา   ฯ   สหชาตา:  นเหตุ  เจตนา  สมฺปยุตฺตกานํ
ขนฺธานํ    จิตฺตสมุฏฺฐานานญฺจ    รูปานํ    กมฺมปจฺจเยน   ปจฺจโย   ฯ
นานาขณิกา:   นเหตุ   เจตนา  วิปากานํ  ขนฺธานํ  กฏตฺตา  จ  รูปานํ
กมฺมปจฺจเยน  ปจฺจโย  ฯ  นเหตุ  ธมฺโม  เหตุสฺส  ธมฺมสฺส กมฺมปจฺจเยน
ปจฺจโย:     สหชาตา     นานาขณิกา     ฯ    สหชาตา:    นเหตุ
เจตนา   สมฺปยุตฺตกานํ  เหตูนํ  กมฺมปจฺจเยน  ปจฺจโย  ฯ  นานาขณิกา:
นเหตุ   เจตนา   วิปากานํ   เหตูนํ  กมฺมปจฺจเยน  ปจฺจโย  ฯ  นเหตุ
ธมฺโม   เหตุสฺส   จ   นเหตุสฺส   จ  ธมฺมสฺส  กมฺมปจฺจเยน  ปจฺจโย:
สหชาตา   นานาขณิกา   ฯ   สหชาตา:  นเหตุ  เจตนา  สมฺปยุตฺตกานํ
ขนฺธานํ   เหตูนํ   จิตฺตสมุฏฺฐานานญฺจ  รูปานํ  กมฺมปจฺจเยน  ปจฺจโย  ฯ
นานาขณิกา:   นเหตุ   เจตนา  วิปากานํ  ขนฺธานํ  เหตูนํ  กฏตฺตา  จ
รูปานํ กมฺมปจฺจเยน ปจฺจโย ฯ
     [๒๗]   เหตุ  ธมฺโม  เหตุสฺส  ธมฺมสฺส  วิปากปจฺจเยน  ปจฺจโย:
วิปาโก   อโลโภ   อโทสสฺส   อโมหสฺส   วิปากปจฺจเยน   ปจฺจโย  ฯ
ปฏิจฺจวารสทิสา วิปากวิภงฺเค นว ปญฺหา ฯ
     [๒๘]   นเหตุ  ธมฺโม  นเหตุสฺส  ธมฺมสฺส อาหารปจฺจเยน ปจฺจโย:
นเหตู   อาหารา   สมฺปยุตฺตกานํ   ขนฺธานํ   จิตฺตสมุฏฺฐานานญฺจ  รูปานํ
อาหารปจฺจเยน   ปจฺจโย   ปฏิสนฺธิกฺขเณ   กพฬึกาโร  อาหาโร  อิมสฺส
กายสฺส   อาหารปจฺจเยน  ปจฺจโย  ฯ  นเหตุ  ธมฺโม  เหตุสฺส  ธมฺมสฺส
อาหารปจฺจเยน   ปจฺจโย:   นเหตู   อาหารา   สมฺปยุตฺตกานํ   เหตูนํ
อาหารปจฺจเยน    ปจฺจโย    ปฏิสนฺธิกฺขเณ    ฯเปฯ   นเหตุ   ธมฺโม
เหตุสฺส   จ   นเหตุสฺส  จ  ธมฺมสฺส  อาหารปจฺจเยน  ปจฺจโย:  นเหตู
อาหารา   สมฺปยุตฺตกานํ   ขนฺธานํ   เหตูนํ   จิตฺตสมุฏฺฐานานญฺจ  รูปานํ
อาหารปจฺจเยน ปจฺจโย ปฏิสนฺธิกฺขเณ ฯเปฯ
     [๒๙]   เหตุ  ธมฺโม  เหตุสฺส  ธมฺมสฺส  อินฺทฺริยปจฺจเยน  ปจฺจโย:
เหตุมูลเก   ตีณิ  ฯ  นเหตุ  ธมฺโม  นเหตุสฺส  ธมฺมสฺส  อินฺทฺริยปจฺจเยน
ปจฺจโย:   นเหตู   อินฺทฺริยา  สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ         อินฺทฺริยปจฺจเยน         ปจฺจโย        ปฏิสนฺธิกฺขเณ
รูปชีวิตินฺทฺริยํ    กฏตฺตารูปานํ    อินฺทฺริยปจฺจเยน   ปจฺจโย   ฯ   เอวํ
อินฺทฺริยปจฺจโย วิตฺถาเรตพฺโพ ฯ นว ฯ
     [๓๐]   นเหตุ  ธมฺโม  นเหตุสฺส  ธมฺมสฺส  ฌานปจฺจเยน  ปจฺจโย:
ตีณิ ฯ
     [๓๑]   เหตุ   ธมฺโม  เหตุสฺส  ธมฺมสฺส  มคฺคปจฺจเยน  ปจฺจโย:
... สมฺปยุตฺตปจฺจเยน ปจฺจโย: อิเมสุ ทฺวีสุ นว ฯ
     [๓๒]   เหตุ  ธมฺโม  นเหตุสฺส  ธมฺมสฺส วิปฺปยุตฺตปจฺจเยน ปจฺจโย:
สหชาตํ   ปจฺฉาชาตํ   ฯ   สหชาตา:   เหตู   จิตฺตสมุฏฺฐานานํ  รูปานํ
วิปฺปยุตฺตปจฺจเยน     ปจฺจโย    ปฏิสนฺธิกฺขเณ    เหตู    กฏตฺตารูปานํ
วิปฺปยุตฺตปจฺจเยน     ปจฺจโย     เหตู    วตฺถุสฺส    วิปฺปยุตฺตปจฺจเยน
ปจฺจโย    ฯ    ปจฺฉาชาตา:   เหตู   ปุเรชาตสฺส   อิมสฺส   กายสฺส
วิปฺปยุตฺตปจฺจเยน ปจฺจโย ฯ
     {๓๒.๑}   นเหตุ   ธมฺโม   นเหตุสฺส  ธมฺมสฺส  วิปฺปยุตฺตปจฺจเยน
ปจฺจโย  ฯ  สหชาตํ  ปุเรชาตํ  ปจฺฉาชาตํ  ฯ  สหชาตา:  นเหตู ขนฺธา
จิตฺตสมุฏฺฐานานํ    รูปานํ    วิปฺปยุตฺตปจฺจเยน   ปจฺจโย   ปฏิสนฺธิกฺขเณ
นเหตู    ขนฺธา    กฏตฺตารูปานํ   วิปฺปยุตฺตปจฺจเยน   ปจฺจโย   ขนฺธา
วตฺถุสฺส   วตฺถุ   ขนฺธานํ   วิปฺปยุตฺตปจฺจเยน   ปจฺจโย   ฯ  ปุเรชาตํ:
จกฺขายตนํ    ฯเปฯ    กายายตนํ    กายวิญฺญาณสฺส    วตฺถุ   นเหตูนํ
ขนฺธานํ   วิปฺปยุตฺตปจฺจเยน   ปจฺจโย   ฯ  ปจฺฉาชาตา:  นเหตู  ขนฺธา
ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     {๓๒.๒}   นเหตุ   ธมฺโม   เหตุสฺส   ธมฺมสฺส  วิปฺปยุตฺตปจฺจเยน
ปจฺจโย:    สหชาตํ   ปุเรชาตํ   ฯ   สหชาตํ:   ปฏิสนฺธิกฺขเณ   วตฺถุ
เหตูนํ    วิปฺปยุตฺตปจฺจเยน   ปจฺจโย   ฯ   ปุเรชาตํ:   วตฺถุ   เหตูนํ
วิปฺปยุตฺตปจฺจเยน ปจฺจโย ฯ
     {๓๒.๓}   นเหตุ   ธมฺโม   เหตุสฺส   จ  นเหตุสฺส  จ  ธมฺมสฺส
วิปฺปยุตฺตปจฺจเยน    ปจฺจโย:    สหชาตํ    ปุเรชาตํ    ฯ   สหชาตํ:
ปฏิสนฺธิกฺขเณ      วตฺถุ      เหตูนํ      สมฺปยุตฺตกานญฺจ     ขนฺธานํ
วิปฺปยุตฺตปจฺจเยน     ปจฺจโย     ฯ     ปุเรชาตํ:    วตฺถุ    เหตูนํ
สมฺปยุตฺตกานญฺจ   ขนฺธานํ   วิปฺปยุตฺตปจฺจเยน   ปจฺจโย   ฯ   เหตุ  จ
นเหตุ   จ   ธมฺมา   นเหตุสฺส   ธมฺมสฺส   วิปฺปยุตฺตปจฺจเยน  ปจฺจโย:
สหชาตํ   ปจฺฉาชาตํ   ฯ  สหชาตา:  เหตู  จ  สมฺปยุตฺตกา  จ  ขนฺธา
จิตฺตสมุฏฺฐานานํ    รูปานํ    วิปฺปยุตฺตปจฺจเยน   ปจฺจโย   ปฏิสนฺธิกฺขเณ
เหตู   จ   สมฺปยุตฺตกา   จ   ขนฺธา   กฏตฺตารูปานํ  วิปฺปยุตฺตปจฺจเยน
ปจฺจโย    ฯ    ปจฺฉาชาตา:   เหตู   จ   สมฺปยุตฺตกา   จ   ขนฺธา
ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     [๓๓]   เหตุ   ธมฺโม  เหตุสฺส  ธมฺมสฺส  อตฺถิปจฺจเยน  ปจฺจโย:
อโลโภ  อโทสสฺส  อโมหสฺส  อตฺถิปจฺจเยน  ปจฺจโย  ฯ จกฺกํ พนฺธิตพฺพํ ฯ
โลโภ   โมหสฺส   อตฺถิปจฺจเยน   ปจฺจโย   ฯ   จกฺกํ   พนฺธิตพฺพํ   ฯ
ปฏิสนฺธิกฺขเณ   ฯเปฯ   เหตุ   ธมฺโม  นเหตุสฺส  ธมฺมสฺส  อตฺถิปจฺจเยน
ปจฺจโย:      สหชาตํ     ปจฺฉาชาตํ     ฯ     สหชาตา:     เหตู
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   อตฺถิปจฺจเยน
ปจฺจโย    ปฏิสนฺธิกฺขเณ    ฯเปฯ   ปจฺฉาชาตา:   เหตู   ปุเรชาตสฺส
อิมสฺส กายสฺส อตฺถิปจฺจเยน ปจฺจโย ฯ
     {๓๓.๑}   เหตุ  ธมฺโม เหตุสฺส จ นเหตุสฺส จ ธมฺมสฺส อตฺถิปจฺจเยน
ปจฺจโย:    อโลโภ    อโทสสฺส    อโมหสฺส   สมฺปยุตฺตกานํ   ขนฺธานํ
จิตฺตสมุฏฺฐานานญฺจ  รูปานํ  อตฺถิปจฺจเยน  ปจฺจโย  ฯ  จกฺกํ  พนฺธิตพฺพํ ฯ
โลโภ   โมหสฺส   สมฺปยุตฺตกานํ   ขนฺธานํ   จิตฺตสมุฏฺฐานานญฺจ   รูปานํ
อตฺถิปจฺจเยน   ปจฺจโย   ฯ  จกฺกํ  พนฺธิตพฺพํ  ฯ  ปฏิสนฺธิกฺขเณ   ฯเปฯ
นเหตุ   ธมฺโม   นเหตุสฺส   ธมฺมสฺส   อตฺถิปจฺจเยน  ปจฺจโย:  สหชาตํ
ปุเรชาตํ  ปจฺฉาชาตํ  อาหารํ  อินฺทฺริยํ  ฯ สหชาโต: นเหตุ เอโก ขนฺโธ
ติณฺณนฺนํ     ขนฺธานํ     จิตฺตสมุฏฺฐานานญฺจ     รูปานํ    อตฺถิปจฺจเยน
ปจฺจโย ฯเปฯ เทฺว ขนฺธา ฯเปฯ
     {๓๓.๒}   ปฏิสนฺธิกฺขเณ    นเหตุ    เอโก   ขนฺโธ   ติณฺณนฺนํ
ขนฺธานํ    กฏตฺตา   จ   รูปานํ   ฯ   จกฺกํ   พนฺธิตพฺพํ   ฯ   ขนฺธา
วตฺถุสฺส    อตฺถิปจฺจเยน    ปจฺจโย    วตฺถุ    ขนฺธานํ   อตฺถิปจฺจเยน
ปจฺจโย   เอกํ   มหาภูตํ  ฯเปฯ  พาหิรํ  ...   อาหารสมุฏฺฐานํ  ...
อุตุสมุฏฺฐานํ     ...    อสญฺญสตฺตานํ    ฯเปฯ    ปุเรชาตํ:    จกฺขุํ
ฯเปฯ    วตฺถุํ    ฯเปฯ   ทิพฺเพน   จกฺขุนา   รูปํ   ปสฺสติ   ทิพฺพาย
โสตธาตุยา    สทฺทํ    สุณาติ    รูปายตนํ    ฯเปฯ    โผฏฺฐพฺพายตนํ
กายวิญฺญาณสฺส     จกฺขายตนํ    ฯเปฯ    กายายตนํ    กายวิญฺญาณสฺส
อตฺถิปจฺจเยน    ปจฺจโย    วตฺถุ    นเหตูนํ    ขนฺธานํ   อตฺถิปจฺจเยน
ปจฺจโย    ฯ    ปจฺฉาชาตา:   นเหตู   ขนฺธา   ปุเรชาตสฺส   อิมสฺส
กายสฺส    อตฺถิปจฺจเยน    ปจฺจโย    กพฬึกาโร    อาหาโร   อิมสฺส
กายสฺส  อตฺถิปจฺจเยน  ปจฺจโย  รูปชีวิตินฺทฺริยํ  กฏตฺตารูปานํ อตฺถิปจฺจเยน
ปจฺจโย ฯ
     {๓๓.๓}   นเหตุ    ธมฺโม   เหตุสฺส   ธมฺมสฺส   อตฺถิปจฺจเยน
ปจฺจโย:    สหชาตํ    ปุเรชาตํ    ฯ    สหชาตา:   นเหตู   ขนฺธา
สมฺปยุตฺตกานํ    เหตูนํ   อตฺถิปจฺจเยน   ปจฺจโย   ปฏิสนฺธิกฺขเณ   วตฺถุ
เหตูนํ   อตฺถิปจฺจเยน   ปจฺจโย   ฯ   ปุเรชาตํ:   จกฺขุํ  ฯเปฯ  วตฺถุํ
อนิจฺจโต    ฯเปฯ    โทมนสฺสํ    อุปฺปชฺชติ   ทิพฺเพน   จกฺขุนา   รูปํ
ปสฺสติ   ทิพฺพาย  โสตธาตุยา  สทฺทํ  สุณาติ  วตฺถุ  เหตูนํ  อตฺถิปจฺจเยน
ปจฺจโย ฯ
     {๓๓.๔}   นเหตุ   ธมฺโม   เหตุสฺส   จ  นเหตุสฺส  จ  ธมฺมสฺส
อตฺถิปจฺจเยน   ปจฺจโย:   สหชาตํ   ปุเรชาตํ   ฯ   สหชาโต:  นเหตุ
เอโก    ขนฺโธ    ติณฺณนฺนํ    ขนฺธานํ    เหตูนํ    จิตฺตสมุฏฺฐานานญฺจ
รูปานํ     อตฺถิปจฺจเยน    ปจฺจโย    ปฏิสนฺธิกฺขเณ    วตฺถุ    เหตูนํ
สมฺปยุตฺตกานญฺจ    ขนฺธานํ    อตฺถิปจฺจเยน   ปจฺจโย   ฯ   ปุเรชาตํ:
จกฺขุํ   ฯเปฯ   วตฺถุํ   อนิจฺจโต   ฯเปฯ  โทมนสฺสํ  อุปฺปชฺชติ  ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา   สทฺทํ   สุณาติ   วตฺถุ
เหตูนํ   สมฺปยุตฺตกานญฺจ   ขนฺธานํ  อตฺถิปจฺจเยน  ปจฺจโย  ฯ  เหตุ  จ
นเหตุ    จ    ธมฺมา    เหตุสฺส   ธมฺมสฺส   อตฺถิปจฺจเยน   ปจฺจโย:
สหชาตํ   ปุเรชาตํ  ฯ  สหชาโต:  อโลโภ  จ  สมฺปยุตฺตกา  จ  ขนฺธา
อโทสสฺส   อโมหสฺส   อตฺถิปจฺจเยน   ปจฺจโย   ฯ  จกฺกํ  พนฺธิตพฺพํ  ฯ
โลโภ   จ  สมฺปยุตฺตกา  จ  ขนฺธา  โมหสฺส  อตฺถิปจฺจเยน  ปจฺจโย  ฯ
จกฺกํ พนฺธิตพฺพํ ฯ
     {๓๓.๕}   ปฏิสนฺธิกฺขเณ   อโลโภ   จ   วตฺถุ   จ   อโทสสฺส
อโมหสฺส   อตฺถิปจฺจเยน   ปจฺจโย   ฯ   จกฺกํ  พนฺธิตพฺพํ  ฯ  เหตุ  จ
นเหตุ    จ    ธมฺมา   นเหตุสฺส   ธมฺมสฺส   อตฺถิปจฺจเยน   ปจฺจโย:
สหชาตํ   ปจฺฉาชาตํ   อาหารํ   อินฺทฺริยํ  ฯ  สหชาโต:  นเหตุ  เอโก
ขนฺโธ   จ   เหตุ   จ   ติณฺณนฺนํ   ขนฺธานํ  จิตฺตสมุฏฺฐานานญฺจ  รูปานํ
อตฺถิปจฺจเยน   ปจฺจโย   ฯเปฯ   เทฺว   ขนฺธา   ...   ปฏิสนฺธิกฺขเณ
เหตุ   จ  วตฺถุ  จ  นเหตูนํ  ขนฺธานํ  อตฺถิปจฺจเยน  ปจฺจโย  สหชาตา
เหตู  จ  มหาภูตา  จ  จิตฺตสมุฏฺฐานานํ  รูปานํ  อตฺถิปจฺจเยน ปจฺจโย ฯ
ปจฺฉาชาตา:   เหตู   จ   กพฬึกาโร   อาหาโร   จ  อิมสฺส  กายสฺส
อตฺถิปจฺจเยน    ปจฺจโย    ปจฺฉาชาตา:   เหตู   จ   รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
     {๓๓.๖}   เหตุ      จ      นเหตุ      จ      ธมฺมา
เหตุสฺส   จ   นเหตุสฺส   จ  ธมฺมสฺส  อตฺถิปจฺจเยน  ปจฺจโย:  สหชาตํ
ปุเรชาตํ   ฯ   สหชาโต:   นเหตุ   เอโก   ขนฺโธ   จ  อโลโภ  จ
ติณฺณนฺนํ    ขนฺธานํ   อโทสสฺส   อโมหสฺส   จิตฺตสมุฏฺฐานานญฺจ   รูปานํ
อตฺถิปจฺจเยน  ปจฺจโย  ฯ  จกฺกํ  พนฺธิตพฺพํ  ฯ  นเหตุ  เอโก  ขนฺโธ จ
โลโภ   จ   ติณฺณนฺนํ   ขนฺธานํ   โมหสฺส   จิตฺตสมุฏฺฐานานญฺจ   รูปานํ
อตฺถิปจฺจเยน   ปจฺจโย   ฯ   จกฺกํ  พนฺธิตพฺพํ  ฯ  ปฏิสนฺธิกฺขเณ  นเหตุ
เอโก  ขนฺโธ  จ  อโลโภ  จ  ...  ฯ  จกฺกํ พนฺธิตพฺพํ ฯ ปฏิสนฺธิกฺขเณ
อโลโภ   จ   วตฺถุ   จ  อโทสสฺส  อโมหสฺส  สมฺปยุตฺตกานญฺจ  ขนฺธานํ
อตฺถิปจฺจเยน   ปจฺจโย   โลโภ  จ  วตฺถุ  จ  โมหสฺส  สมฺปยุตฺตกานญฺจ
ขนฺธานํ   อตฺถิปจฺจเยน   ปจฺจโย   ฯ   ...   นตฺถิปจฺจเยน  ปจฺจโย:
วิคตปจฺจเยน ปจฺจโย: อวิคตปจฺจเยน ปจฺจโย: ฯ
     [๓๔]   เหตุยา    ตีณิ    อารมฺมเณ    นว   อธิปติยา   นว
อนนฺตเร   นว   สมนนฺตเร   นว   สหชาเต   นว   อญฺญมญฺเญ   นว
นิสฺสเย    นว    อุปนิสฺสเย    นว    ปุเรชาเต   ตีณิ   ปจฺฉาชาเต
ตีณิ   อาเสวเน   นว   กมฺเม   ตีณิ   วิปาเก   นว   อาหาเร  ตีณิ
อินฺทฺริเย    นว    ฌาเน    ตีณิ    มคฺเค    นว   สมฺปยุตฺเต   นว
วิปฺปยุตฺเต    ปญฺจ    อตฺถิยา    นว    นตฺถิยา   นว   วิคเต   นว
อวิคเต นว ฯ เอวํ อนุมฺมชฺชนฺเตน คเณตพฺพํ ฯ
                            อนุโลมํ นิฏฺฐิตํ ฯ
     [๓๕]   เหตุ  ธมฺโม  เหตุสฺส  ธมฺมสฺส  อารมฺมณปจฺจเยน ปจฺจโย:
สหชาตปจฺจเยน    ปจฺจโย:   อุปนิสฺสยปจฺจเยน   ปจฺจโย:   ฯ   เหตุ
ธมฺโม   นเหตุสฺส  ธมฺมสฺส  อารมฺมณปจฺจเยน  ปจฺจโย:  สหชาตปจฺจเยน
ปจฺจโย:       อุปนิสฺสยปจฺจเยน      ปจฺจโย:      ปุเรชาตปจฺจเยน
ปจฺจโย:     ปจฺฉาชาตปจฺจเยน     ปจฺจโย:    ฯ    เหตุ    ธมฺโม
เหตุสฺส    จ   นเหตุสฺส   จ   ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปุจฺจโย: ฯ
     {๓๕.๑}   นเหตุ   ธมฺโม   นเหตุสฺส  ธมฺมสฺส  อารมฺมณปจฺจเยน
ปจฺจโย:    สหชาตปจฺจเยน    ปจฺจโย:   อุปนิสฺสยปจฺจเยน   ปจฺจโย:
ปุเรชาตปจฺจเยน   ปจฺจโย:  ปจฺฉาชาตปจฺจเยน  ปจฺจโย:  กมฺมปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     {๓๕.๒}   นเหตุ  ธมฺโม เหตุสฺส ธมฺมสฺส อารมฺมณปจฺจเยน ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย:  ปุเรชาตปจฺจเยน
ปจฺจโย:  กมฺมปจฺจเยน  ปจฺจโย:  ฯ  นเหตุ  ธมฺโม เหตุสฺส จ นเหตุสฺส
จ   ธมฺมสฺส   อารมฺมณปจฺจเยน   ปจฺจโย:   สหชาตปจฺจเยน  ปจฺจโย:
อุปนิสฺสยปจฺจเยน   ปจฺจโย:   ปุเรชาตปจฺจเยน  ปจฺจโย:  กมฺมปจฺจเยน
ปจฺจโย:  ฯ  เหตุ  จ  นเหตุ จ ธมฺมา เหตุสฺส ธมฺมสฺส อารมฺมณปจฺจเยน
ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน  ปจฺจโย:  ฯ
เหตุ  จ  นเหตุ  จ  ธมฺมา  นเหตุสฺส ธมฺมสฺส อารมฺมณปจฺจเยน ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย: ปจฺฉาชาตปจฺจเยน
ปจฺจโย:  ฯ  เหตุ  จ  นเหตุ  จ  ธมฺมา เหตุสฺส จ นเหตุสฺส จ ธมฺมสฺส
อารมฺมณปจฺจเยน       ปจฺจโย:       สหชาตปจฺจเยน      ปจฺจโย:
อุปนิสฺสยปจฺจเยน ปจฺจโย: ฯ
     [๓๖]   นเหตุยา   นว   นอารมฺมเณ   นว   ฯ   สงฺขิตฺตํ   ฯ
โนอวิคเต นว ฯ เอวํ คเณตพฺพํ ฯ
                           ปจฺจนียํ นิฏฺฐิตํ ฯ
     [๓๗]   เหตุปจฺจยา  นอารมฺมเณ ตีณิ ... นอธิปติยา ตีณิ นอนนฺตเร
ตีณิ     นสมนนฺตเร     ตีณิ     นอญฺญมญฺเญ     เอกํ    นอุปนิสฺสเย
ตีณิ  ฯ  สงฺขิตฺตํ  ฯ  ...  นมคฺเค  ตีณิ  นสมฺปยุตฺเต  เอกํ นวิปฺปยุตฺเต
ตีณิ โนนตฺถิยา ตีณิ โนวิคเต ตีณิ ฯ เอวํ คเณตพฺพํ ฯ
                       อนุโลมปจฺจนียํ นิฏฺฐิตํ ฯ
     [๓๘]   นเหตุปจฺจยา  อารมฺมเณ  นว  ... อธิปติยา นว อนนฺตเร
นว    สมนนฺตเร   นว   สหชาเต   ตีณิ   อญฺญมญฺเญ   ตีณิ   นิสฺสเย
ตีณิ   อุปนิสฺสเย   นว   ปุเรชาเต   ตีณิ  ปจฺฉาชาเต  ตีณิ  อาเสวเน
นว   กมฺเม   ตีณิ  วิปาเก  ตีณิ  อาหาเร  ตีณิ  อินฺทฺริเย  ตีณิ  ฌาเน
ตีณิ   มคฺเค   ตีณิ   สมฺปยุตฺเต   ตีณิ   วิปฺปยุตฺเต   ตีณิ  อตฺถิยา  ตีณิ
นตฺถิยา นว วิคเต นว อวิคเต ตีณิ เอวํ คเณตพฺพํ ฯ
                      ปจฺจนียานุโลมํ นิฏฺฐิตํ ฯ
                            เหตุทุกํ นิฏฺฐิตํ ฯ
                                 -------


             เนื้อความพระไตรปิฎกฉบับภาษาบาลี อักษรไทย เล่มที่ ๔๒ หน้าที่ ๘-๒๕. https://84000.org/tipitaka/read/pali_read.php?B=42&A=150&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=42&A=150&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=42&item=17&items=22              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=42&siri=2              ศึกษาอรรถกถานี้ได้ที่ :- https://84000.org/tipitaka/attha/attha.php?b=42&i=17              สารบัญพระไตรปิฎกเล่มที่ ๔๒ https://84000.org/tipitaka/read/?index_42 https://84000.org/tipitaka/english/?index_42

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]