ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๒ ภาษาบาลี อักษรไทย พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                                ปญฺหาวาโร
     [๓๔๓]   อาสโว  ธมฺโม  อาสวสฺส  ธมฺมสฺส เหตุปจฺจเยน ปจฺจโย:
กามาสโว   ทิฏฺฐาสวสฺส  อวิชฺชาสวสฺส  เหตุปจฺจเยน  ปจฺจโย  ภวาสโว
อวิชฺชาสวสฺส   เหตุปจฺจเยน   ปจฺจโย   ฯ   จกฺกํ  ฯ  อาสโว  ธมฺโม
โนอาสวสฺส  ธมฺมสฺส  เหตุปจฺจเยน  ปจฺจโย:  อาสวา เหตู สมฺปยุตฺตกานํ
ขนฺธานํ        จิตฺตสมุฏฺฐานานญฺจ        รูปานํ        เหตุปจฺจเยน
ปจฺจโย   ฯ   อาสโว   ธมฺโม  อาสวสฺส  จ  โนอาสวสฺส  จ  ธมฺมสฺส
เหตุปจฺจเยน    ปจฺจโย:    กามาสโว    ทิฏฺฐาสวสฺส    อวิชฺชาสวสฺส
สมฺปยุตฺตกานญฺจ    ขนฺธานํ   จิตฺตสมุฏฺฐานานญฺจ   รูปานํ   เหตุปจฺจเยน
ปจฺจโย   ฯ   โนอาสโว   ธมฺโม   โนอาสวสฺส  ธมฺมสฺส  เหตุปจฺจเยน
ปจฺจโย:   โนอาสวา   เหตู  สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิ ฯ
     {๓๔๓.๑}   โนอาสโว   ธมฺโม  อาสวสฺส  ธมฺมสฺส  เหตุปจฺจเยน
ปจฺจโย:   โนอาสวา   เหตู   สมฺปยุตฺตกานํ   อาสวานํ   เหตุปจฺจเยน
ปจฺจโย   ฯ  โนอาสโว  ธมฺโม  อาสวสฺส  จ  โนอาสวสฺส  จ  ธมฺมสฺส
เหตุปจฺจเยน    ปจฺจโย:   โนอาสวา   เหตู   สมฺปยุตฺตกานํ   ขนฺธานํ
อาสวานํ  จิตฺตสมุฏฺฐานานญฺจ  รูปานํ  เหตุปจฺจเยน  ปจฺจโย  ฯ  อาสโว
จ  โนอาสโว  จ  ธมฺมา  โนอาสวสฺส  ธมฺมสฺส  เหตุปจฺจเยน  ปจฺจโย:
อาสวา    จ    โนอาสวา    จ    เหตู    สมฺปยุตฺตกานํ    ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
     [๓๔๔]   อาสโว   ธมฺโม   อาสวสฺส  ธมฺมสฺส  อารมฺมณปจฺจเยน
ปจฺจโย:   อาสเว   อารพฺภ   อาสวา  อุปฺปชฺชนฺติ  ฯ  อาสโว  ธมฺโม
โนอาสวสฺส   ธมฺมสฺส   อารมฺมณปจฺจเยน   ปจฺจโย:   อาสเว  อารพฺภ
โนอาสวา   ขนฺธา   อุปฺปชฺชนฺติ   ฯ   อาสโว   ธมฺโม   อาสวสฺส  จ
โนอาสวสฺส    จ    ธมฺมสฺส    อารมฺมณปจฺจเยน   ปจฺจโย:   อาสเว
อารพฺภ อาสวา จ สมฺปยุตฺตกา จ ขนฺธา อุปฺปชฺชนฺติ ฯ
     {๓๔๔.๑}   โนอาสโว  ธมฺโม โนอาสวสฺส ธมฺมสฺส อารมฺมณปจฺจเยน
ปจฺจโย:  ทานํ  ... สีลํ ... อุโปสถกมฺมํ ... ฌานา ... อริยา มคฺคา
วุฏฺฐหิตฺวา  มคฺคํ  ปจฺจเวกฺขนฺติ  ผลํ  ปจฺจเวกฺขนฺติ  นิพฺพานํ ปจฺจเวกฺขนฺติ
นิพฺพานํ    โคตฺรภุสฺส    โวทานสฺส    มคฺคสฺส    ผลสฺส   อาวชฺชนาย
อารมฺมณปจฺจเยน   ปจฺจโย   อริยา   โนอาสเว  ปหีเน  กิเลเส  ...
วิกฺขมฺภิเต  กิเลเส  ...  ปุพฺเพ  สมุทาจิณฺเณ กิเลเส ชานนฺติ จกฺขุํ ...
วตฺถุํ  ...  โนอาสเว  ขนฺเธ  อนิจฺจโต ... โทมนสฺสํ อุปฺปชฺชติ ทิพฺเพน
จกฺขุนา  รูปํ  ปสฺสติ  ทิพฺพาย  โสตธาตุยา  สทฺทํ สุณาติ เจโตปริยญาเณน
โนอาสวจิตฺตสมงฺคิสฺส       จิตฺตํ      ชานาติ      อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
รูปายตนํ       จกฺขุวิญฺญาณสฺส      โผฏฺฐพฺพายตนํ      กายวิญฺญาณสฺส
โนอาสวา        ขนฺธา       อิทฺธิวิธญาณสฺส       เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     {๓๔๔.๒}   โนอาสโว  ธมฺโม  อาสวสฺส  ธมฺมสฺส อารมฺมณปจฺจเยน
ปจฺจโย:   ทานํ  ทตฺวา  ตํ  อสฺสาเทติ  อภินนฺทติ  ตํ  อารพฺภ  อาสวา
อุปฺปชฺชนฺติ  สีลํ  ...  อุโปสถกมฺมํ  ... ฌานํ ... จกฺขุํ ... วตฺถุํ ...
โนอาสเว    ขนฺเธ    อสฺสาเทติ   อภินนฺทติ   ตํ   อารพฺภ   อาสวา
อุปฺปชฺชนฺติ  ฯ  โนอาสโว  ธมฺโม  อาสวสฺส  จ  โนอาสวสฺส  จ ธมฺมสฺส
อารมฺมณปจฺจเยน   ปจฺจโย:   ทานํ  ...  ทุติยคมนํ  โนอาสเว  ขนฺเธ
อสฺสาเทติ   อภินนฺทติ  ตํ  อารพฺภ  อาสวา  จ  สมฺปยุตฺตกา  จ  ขนฺธา
อุปฺปชฺชนฺติ ฯ
     {๓๔๔.๓}   อาสโว  จ  โนอาสโว  จ  ธมฺมา  อาสวสฺส  ธมฺมสฺส
อารมฺมณปจฺจเยน ปจฺจโย: อาสเว จ สมฺปยุตฺตเก จ ขนฺเธ อารพฺภ อาสวา
อุปฺปชฺชนฺติ  ฯ  อาสโว  จ  โนอาสโว  จ  ธมฺมา  โนอาสวสฺส  ธมฺมสฺส
อารมฺมณปจฺจเยน   ปจฺจโย:   อาสเว   จ   สมฺปยุตฺตเก   จ   ขนฺเธ
อารพฺภ   โนอาสวา  ขนฺธา  อุปฺปชฺชนฺติ  ฯ  อาสโว  จ  โนอาสโว  จ
ธมฺมา   อาสวสฺส   จ   โนอาสวสฺส   จ   ธมฺมสฺส   อารมฺมณปจฺจเยน
ปจฺจโย:   อาสเว   จ   สมฺปยุตฺตเก  จ  ขนฺเธ  อารพฺภ  อาสวา  จ
สมฺปยุตฺตกา จ ขนฺธา อุปฺปชฺชนฺติ ฯ
     [๓๔๕]   อาสโว   ธมฺโม   อาสวสฺส   ธมฺมสฺส   อธิปติปจฺจเยน
ปจฺจโย:     อารมฺมณาธิปติ:     อาสเว    ครุํ    กตฺวา    อาสวา
อุปฺปชฺชนฺติ    ตีณิ   ฯ   อารมฺมณสทิสา   ครุการมฺมณา   กาตพฺพา   ฯ
โนอาสโว   ธมฺโม   โนอาสวสฺส   ธมฺมสฺส   อธิปติปจฺจเยน   ปจฺจโย:
อารมฺมณาธิปติ    สหชาตาธิปติ    ฯ    อารมฺมณาธิปติ:   ทานํ   ...
สีลํ  ...  อุโปสถกมฺมํ  ...  ปุพฺเพ  ...  อริยา มคฺคา ... ผลํ ...
นิพฺพานํ   ครุํ   ...   นิพฺพานํ  โคตฺรภุสฺส  โวทานสฺส  มคฺคสฺส  ผลสฺส
อธิปติปจฺจเยน  ปจฺจโย  จกฺขุํ  ...  วตฺถุํ  ...  โนอาสเว  ขนฺเธ ครุํ
กตฺวา   อสฺสาเทติ   อภินนฺทติ   ตํ   ครุํ   กตฺวา   ราโค   อุปฺปชฺชติ
ทิฏฺฐิ   อุปฺปชฺชติ   ฯ  สหชาตาธิปติ  ...  โนอาสวาธิปติ  สมฺมยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๓๔๕.๑}   โนอาสโว  ธมฺโม  อาสวสฺส  ธมฺมสฺส  อธิปติปจฺจเยน
ปจฺจโย:  อารมฺมณาธิปติ  สหชาตาธิปติ  ฯ  อารมฺมณาธิปติ:  ทานํ  ...
โนอาสเว   ขนฺเธ   ครุํ  กตฺวา  อสฺสาเทติ  อภินนฺทติ  ตํ  ครุํ  กตฺวา
อาสวา   อุปฺปชฺชนฺติ   ฯ   สหชาตาธิปติ:  โนอาสวาธิปติ  สมฺปยุตฺตกานํ
อาสวานํ อธิปติปจฺจเยน ปจฺจโย ฯ
     {๓๔๕.๒}   โนอาสโว  ธมฺโม  อาสวสฺส  จ โนอาสวสฺส จ ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:  ทานํ  ...  โนอาสเว  ขนฺเธ  ครุํ  กตฺวา  อสฺสาเทติ
อภินนฺทติ   ตํ   ครุํ   กตฺวา   ราโค   อุปฺปชฺชติ   ทิฏฺฐิ  อุปฺปชฺชติ  ฯ
สหชาตาธิปติ:    โนอาสวาธิปติ    สมฺปยุตฺตกานํ    ขนฺธานํ   อาสวานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๓๔๕.๓}   อาสโว  จ  โนอาสโว  จ  ธมฺมา  อาสวสฺส  ธมฺมสฺส
อธิปติปจฺจเยน   ปจฺจโย:   อารมฺมณาธิปติ:   อาสเว   จ  สมฺปยุตฺตเก
จ   ขนฺเธ  ครุํ  กตฺวา  อสฺสาเทติ  ...  อาสวา  อุปฺปชฺชนฺติ  ฯ  ตีณิ
ครุการมฺมณา ฯ
     [๓๔๖]   อาสโว   ธมฺโม   อาสวสฺส   ธมฺมสฺส  อนนฺตรปจฺจเยน
ปจฺจโย:   ปุริมา   ปุริมา   อาสวา   ปจฺฉิมานํ   ปจฺฉิมานํ   อาสวานํ
อนนฺตรปจฺจเยน   ปจฺจโย   ฯ   อาสโว   ธมฺโม  โนอาสวสฺส  ธมฺมสฺส
อนนฺตรปจฺจเยน    ปจฺจโย:    ปุริมา    ปุริมา    อาสวา   ปจฺฉิมานํ
ปจฺฉิมานํ   โนอาสวานํ   ขนฺธานํ   อนนฺตรปจฺจเยน   ปจฺจโย   อาสวา
วุฏฺฐานสฺส   อนนฺตรปจฺจเยน  ปจฺจโย  ฯ  อาสโว  ธมฺโม  อาสวสฺส  จ
โนอาสวสฺส   จ   ธมฺมสฺส   อนนฺตรปจฺจเยน   ปจฺจโย:  ปุริมา  ปุริมา
อาสวา    ปจฺฉิมานํ   ปจฺฉิมานํ   อาสวานํ   สมฺปยุตฺตกานญฺจ   ขนฺธานํ
อนนฺตรปจฺจเยน ปจฺจโย ฯ
     {๓๔๖.๑}   โนอาสโว     ธมฺโม     โนอาสวสฺส    ธมฺมสฺส
อนนฺตรปจฺจเยน    ปจฺจโย:    ปุริมา    ปุริมา    โนอาสวา   ขนฺธา
ปจฺฉิมานํ   ปจฺฉิมานํ   โนอาสวานํ   ขนฺธานํ   อนนฺตรปจฺจเยน  ปจฺจโย
อนุโลมํ    โคตฺรภุสฺส   ผลสมาปตฺติยา   อนนฺตรปจฺจเยน   ปจฺจโย   ฯ
โนอาสโว    ธมฺโม   อาสวสฺส   ธมฺมสฺส   อนนฺตรปจฺจเยน   ปจฺจโย:
ปุริมา   ปุริมา   โนอาสวา   ขนฺธา   ปจฺฉิมานํ   ปจฺฉิมานํ   อาสวานํ
ขนฺธานํ อนนฺตรปจฺจเยน ปจฺจโย ฯ
     {๓๔๖.๒}   โนอาสโว  ธมฺโม  อาสวสฺส  จ โนอาสวสฺส จ ธมฺมสฺส
อนนฺตรปจฺจเยน   ปจฺจโย:  ปุริมา  ปุริมา  โนอาสวา  ขนฺธา  ปจฺฉิมานํ
ปจฺฉิมานํ    อาสวานํ    สมฺปยุตฺตกานญฺจ    ขนฺธานํ    อนนฺตรปจฺจเยน
ปจฺจโย   ฯ   อาสโว   จ   โนอาสโว  จ  ธมฺมา  อาสวสฺส  ธมฺมสฺส
อนนฺตรปจฺจเยน   ปจฺจโย:  ตีณิ  ฯ  อาสโว  ธมฺโม  อาสวสฺส  ธมฺมสฺส
สมนนฺตรปจฺจเยน   ปจฺจโย:   ฯ   สหชาตปจฺจเยน   ปจฺจโย:  นว  ฯ
อญฺญมญฺญปจฺจเยน   ปจฺจโย:   นว   ฯ   นิสฺสยปจฺจเยน  ปจฺจโย:  นว
วตฺถุ จ ทสฺเสตพฺพํ ฯ
     [๓๔๗]   อาสโว   ธมฺโม   อาสวสฺส  ธมฺมสฺส  อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:   อาสวา   อาสวานํ  อุปนิสฺสยปจฺจเยน  ปจฺจโย  ตีณิ  ฯ
โนอาสโว   ธมฺโม   โนอาสวสฺส   ธมฺมสฺส  อุปนิสฺสยปจฺจเยน  ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:    สทฺธํ   อุปนิสฺสาย   ทานํ   เทติ   ฯเปฯ   สมาปตฺตึ
อุปฺปาเทติ   มานํ  ชปฺเปติ  ทิฏฺฐึ  คณฺหาติ  สีลํ  ...  ฯเปฯ  เสนาสนํ
อุปนิสฺสาย    ทานํ    เทติ   ฯเปฯ   สงฺฆํ   ภินฺทติ   สทฺธา   ฯเปฯ
เสนาสนํ     สทฺธาย     ฯเปฯ    ผลสมาปตฺติยา    อุปนิสฺสยปจฺจเยน
ปจฺจโย ฯ
     {๓๔๗.๑}   โนอาสโว  ธมฺโม  อาสวสฺส  ธมฺมสฺส อุปนิสฺสยปจฺจเยน
ปจฺจโย:    อารมฺมณูปนิสฺสโย   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:     สทฺธํ     อุปนิสฺสาย     มานํ     ชปฺเปติ    ทิฏฺฐึ
คณฺหาติ   สีลํ   ...   ฯเปฯ   สงฺฆํ  ภินฺทติ  สทฺธา  ฯเปฯ  เสนาสนํ
ราคสฺส ฯเปฯ ปตฺถนาย อุปนิสฺสยปจฺจเยน ปจฺจโย ฯ
     {๓๔๗.๒}   โนอาสโว  ธมฺโม  อาสวสฺส  จ โนอาสวสฺส จ ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:  สทฺธํ  อุปนิสฺสาย  มานํ  ชปฺเปติ
ทิฏฺฐึ  คณฺหาติ  สีลํ  ...  ฯเปฯ  เสนาสนํ  อุปนิสฺสาย ปาณํ หนติ ฯเปฯ
สงฺฆํ   ภินฺทติ   สทฺธา   ฯเปฯ   เสนาสนํ   ราคสฺส  ฯเปฯ  ปตฺถนาย
อุปนิสฺสยปจฺจเยน ปจฺจโย ฯ
     {๓๔๗.๓}   อาสโว  จ  โนอาสโว  จ  ธมฺมา  อาสวสฺส  ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย ตีณิ ฯ
     [๓๔๘]   โนอาสโว  ธมฺโม  โนอาสวสฺส  ธมฺมสฺส ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ    ...    วตฺถุํ    ...   เอวํ   วิตฺถาเรตพฺพํ   โผฏฺฐพฺพายตนํ
กายวิญฺญาณสฺส     ปุเรชาตปจฺจเยน    ปจฺจโย    ฯ    วตฺถุปุเรชาตํ:
จกฺขายตนํ     จกฺขุวิญฺญาณสฺส     กายายตนํ    กายวิญฺญาณสฺส    วตฺถุ
โนอาสวานํ ขนฺธานํ ปุเรชาตปจฺจเยน ปจฺจโย ฯ
     {๓๔๘.๑}   โนอาสโว  ธมฺโม  อาสวสฺส  ธมฺมสฺส ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ  ...  วตฺถุํ  อสฺสาเทติ  อภินนฺทติ  ตํ อารพฺภ อาสวา อุปฺปชฺชนฺติ ฯ
วตฺถุปุเรชาตํ:  วตฺถุ  อาสวานํ  ปุเรชาตปจฺจเยน  ปจฺจโย  ฯ โนอาสโว
ธมฺโม  อาสวสฺส  จ  โนอาสวสฺส  จ  ธมฺมสฺส ปุเรชาตปจฺจเยน ปจฺจโย:
อารมฺมณปุเรชาตํ  วตฺถุปุเรชาตํ  ฯ  อารมฺมณปุเรชาตํ:  จกฺขุํ  อสฺสาเทติ
อภินนฺทติ   ตํ  อารพฺภ  อาสวา  สมฺปยุตฺตกา  จ  ขนฺธา  อุปฺปชฺชนฺติ  ฯ
วตฺถุปุเรชาตํ:    วตฺถุ    อาสวานญฺจ   อาสวสมฺปยุตฺตกานญฺจ   ขนฺธานํ
ปุเรชาตปจฺจเยน ปจฺจโย ฯ
     [๓๔๙]   อาสโว  ธมฺโม  โนอาสวสฺส  ธมฺมสฺส  ปจฺฉาชาตปจฺจเยน
ปจฺจโย:    ปจฺฉาชาตา    อาสวา    ปุเรชาตสฺส    อิมสฺส   กายสฺส
ปจฺฉาชาตปจฺจเยน    ปจฺจโย    ฯ   โนอาสโว   ธมฺโม   โนอาสวสฺส
ธมฺมสฺส   ปจฺฉาชาตปจฺจเยน   ปจฺจโย:  ปจฺฉาชาตา  โนอาสวา  ขนฺธา
ปุเรชาตสฺส  อิมสฺส  กายสฺส  ปจฺฉาชาตปจฺจเยน  ปจฺจโย  ฯ  อาสโว จ
โนอาสโว    จ    ธมฺมา   โนอาสวสฺส   ธมฺมสฺส   ปจฺฉาชาตปจฺจเยน
ปจฺจโย:  ปจฺฉาชาตา  อาสวา  จ  สมฺปยุตฺตกา  จ  ขนฺธา  ปุเรชาตสฺส
อิมสฺส กายสฺส ปจฺฉาชาตปจฺจเยน ปจฺจโย ฯ
     [๓๕๐]   อาสโว   ธมฺโม   อาสวสฺส  ธมฺมสฺส  อาเสวนปจฺจเยน
ปจฺจโย: นว ฯ
     [๓๕๑]   โนอาสโว   ธมฺโม  โนอาสวสฺส  ธมฺมสฺส  กมฺมปจฺจเยน
ปจฺจโย:   สหชาตา   นานาขณิกา   ฯ  สหชาตา:  โนอาสวา  เจตนา
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   กมฺมปจฺจเยน
ปจฺจโย   ฯ   นานาขณิกา:   โนอาสวา   เจตนา   วิปากานํ  ขนฺธานํ
กฏตฺตา   จ   รูปานํ   กมฺมปจฺจเยน   ปจฺจโย   ฯ  โนอาสโว  ธมฺโม
อาสวสฺส    ธมฺมสฺส    กมฺมปจฺจเยน   ปจฺจโย:   โนอาสวา   เจตนา
สมฺปยุตฺตกานํ    อาสวานํ    กมฺมปจฺจเยน    ปจฺจโย   ฯ   โนอาสโว
ธมฺโม    อาสวสฺส    จ    โนอาสวสฺส   จ   ธมฺมสฺส   กมฺมปจฺจเยน
ปจฺจโย:   โนอาสวา   เจตนา   สมฺปยุตฺตกานํ   ขนฺธานํ   อาสวานญฺจ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
     [๓๕๒]   โนอาสโว  ธมฺโม  โนอาสวสฺส  ธมฺมสฺส  วิปากปจฺจเยน
ปจฺจโย: เอกํ ฯ
     [๓๕๓]   โนอาสโว  ธมฺโม  โนอาสวสฺส  ธมฺมสฺส  อาหารปจฺจเยน
ปจฺจโย:      โนอาสวา      อาหารา     สมฺปยุตฺตกานํ     ขนฺธานํ
จิตฺตสมุฏฺฐานานญฺจ    รูปานํ   อาหารปจฺจเยน   ปจฺจโย   ปฏิสนฺธิกฺขเณ
กพฬึกาโร   อาหาโร   อิมสฺส   กายสฺส   อาหารปจฺจเยน  ปจฺจโย  ฯ
โนอาสโว    ธมฺโม   อาสวสฺส   ธมฺมสฺส   อาหารปจฺจเยน   ปจฺจโย:
โนอาสวา    อาหารา    สมฺปยุตฺตกานํ    อาสวานํ    อาหารปจฺจเยน
ปจฺจโย   ฯ  โนอาสโว  ธมฺโม  อาสวสฺส  จ  โนอาสวสฺส  จ  ธมฺมสฺส
อาหารปจฺจเยน    ปจฺจโย:    โนอาสวา    อาหารา    สมฺปยุตฺตกานํ
ขนฺธานํ    อาสวานญฺจ    จิตฺตสมุฏฺฐานานญฺจ   รูปานํ   อาหารปจฺจเยน
ปจฺจโย ฯ
     [๓๕๔]   โนอาสโว  ธมฺโม  โนอาสวสฺส  ธมฺมสฺส  อินฺทฺริยปจฺจเยน
ปจฺจโย:      โนอาสวา      อินฺทฺริยา     สมฺปยุตฺตกานํ     ขนฺธานํ
จิตฺตสมุฏฺฐานานญฺจ    รูปานํ   อินฺทฺริยปจฺจเยน   ปจฺจโย   ปฏิสนฺธิกฺขเณ
จกฺขุนฺทฺริยํ       จกฺขุวิญฺญาณสฺส       กายินฺทฺริยํ       กายวิญฺญาณสฺส
อินฺทฺริยปจฺจเยน   ปจฺจโย   รูปชีวิตินฺทฺริยํ  กฏตฺตารูปานํ  อินฺทฺริยปจฺจเยน
ปจฺจโย   ตีณิ   ฯ   ฌานปจฺจเยน   ปจฺจโย:   ตีณิ   ฯ  มคฺคปจฺจเยน
ปจฺจโย: นว ฯ สมฺปยุตฺตปจฺจเยน ปจฺจโย: นว ฯ
     [๓๕๕]   อาสโว  ธมฺโม  โนอาสวสฺส  ธมฺมสฺส  วิปฺปยุตฺตปจฺจเยน
ปจฺจโย:   สหชาตํ  ปจฺฉาชาตํ  ฯ  สหชาตา:  อาสวา  จิตฺตสมุฏฺฐานานํ
รูปานํ      วิปฺปยุตฺตปจฺจเยน      ปจฺจโย      ฯ      ปจฺฉาชาตา:
อาสวา   ปุเรชาตสฺส   อิมสฺส   กายสฺส  วิปฺปยุตฺตปจฺจเยน  ปจฺจโย  ฯ
โนอาสโว   ธมฺโม   โนอาสวสฺส   ธมฺมสฺส  วิปฺปยุตฺตปจฺจเยน  ปจฺจโย:
สหชาตํ   ปุเรชาตํ   ปจฺฉาชาตํ   ฯ   สหชาตา:   โนอาสวา   ขนฺธา
จิตฺตสมุฏฺฐานานํ    รูปานํ    วิปฺปยุตฺตปจฺจเยน   ปจฺจโย   ปฏิสนฺธิกฺขเณ
ขนฺธา     วตฺถุสฺส    วิปฺปยุตฺตปจฺจเยน    ปจฺจโย    วตฺถุ    ขนฺธานํ
วิปฺปยุตฺตปจฺจเยน   ปจฺจโย   ฯ   ปุเรชาตํ:  จกฺขายตนํ  จกฺขุวิญฺญาณสฺส
กายายตนํ      กายวิญฺญาณสฺส      วตฺถุ     โนอาสวานํ     ขนฺธานํ
วิปฺปยุตฺตปจฺจเยน    ปจฺจโย    ฯ   ปจฺฉาชาตา:   โนอาสวา   ขนฺธา
ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     {๓๕๕.๑}   โนอาสโว  ธมฺโม  อาสวสฺส  ธมฺมสฺส วิปฺปยุตฺตปจฺจเยน
ปจฺจโย:   ปุเรชาตํ:   วตฺถุ   อาสวานํ  วิปฺปยุตฺตปจฺจเยน  ปจฺจโย  ฯ
โนอาสโว  ธมฺโม  อาสวสฺส  จ  โนอาสวสฺส จ ธมฺมสฺส วิปฺปยุตฺตปจฺจเยน
ปจฺจโย:    ปุเรชาตํ:    วตฺถุ   อาสวานํ   สมฺปยุตฺตกานญฺจ   ขนฺธานํ
วิปฺปยุตฺตปจฺจเยน   ปจฺจโย   ฯ   อาสโว   จ   โนอาสโว  จ  ธมฺมา
โนอาสวสฺส  ธมฺมสฺส  วิปฺปยุตฺตปจฺจเยน  ปจฺจโย:  สหชาตํ  ปจฺฉาชาตํ ฯ
สหชาตา:   อาสวา   จ   สมฺปยุตฺตกา   จ   ขนฺธา   จิตฺตสมุฏฺฐานานํ
รูปานํ      วิปฺปยุตฺตปจฺจเยน      ปจฺจโย      ฯ      ปจฺฉาชาตา:
อาสวา   จ   สมฺปยุตฺตกา   จ   ขนฺธา   ปุเรชาตสฺส  อิมสฺส  กายสฺส
วิปฺปยุตฺตปจฺจเยน ปจฺจโย ฯ
     [๓๕๖]   อาสโว   ธมฺโม   อาสวสฺส   ธมฺมสฺส   อตฺถิปจฺจเยน
ปจฺจโย:    กามาสโว    ทิฏฺฐาสวสฺส    อวิชฺชาสวสฺส    อตฺถิปจฺจเยน
ปจฺจโย  ฯ  จกฺกํ  ฯ  อาสโว  ธมฺโม  โนอาสวสฺส ธมฺมสฺส อตฺถิปจฺจเยน
ปจฺจโย:     สหชาตํ     ปจฺฉาชาตํ     ฯ     สหชาตา:    อาสวา
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   อตฺถิปจฺจเยน
ปจฺจโย   ฯ   ปจฺฉาชาตา:   อาสวา   ปุเรชาตสฺส   อิมสฺส   กายสฺส
อตฺถิปจฺจเยน  ปจฺจโย  ฯ  อาสโว  ธมฺโม  อาสวสฺส  จ  โนอาสวสฺส จ
ธมฺมสฺส     อตฺถิปจฺจเยน     ปจฺจโย:     กามาสโว     ทิฏฺฐาสวสฺส
อวิชฺชาสวสฺส    สมฺปยุตฺตกานญฺจ   ขนฺธานํ   จิตฺตสมุฏฺฐานานญฺจ   รูปานํ
อตฺถิปจฺจเยน ปจฺจโย ฯ
     {๓๕๖.๑}   โนอาสโว  ธมฺโม  โนอาสวสฺส  ธมฺมสฺส  อตฺถิปจฺจเยน
ปจฺจโย:  สหชาตํ  ปุเรชาตํ  ปจฺฉาชาตํ  อาหารํ  อินฺทฺริยํ  ฯ สหชาโต:
โนอาสโว   เอโก   ขนฺโธ   ติณฺณนฺนํ   ขนฺธานํ  ยาว  อสญฺญสตฺตา  ฯ
ปุเรชาตํ:  จกฺขุํ  ...  วตฺถุํ  อนิจฺจโต  ... โทมนสฺสํ อุปฺปชฺชติ ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ  รูปายตนํ
จกฺขุวิญฺญาณสฺส      โผฏฺฐพฺพายตนํ      กายวิญฺญาณสฺส      จกฺขายตนํ
จกฺขุวิญฺญาณสฺส     กายายตนํ    กายวิญฺญาณสฺส    วตฺถุ    โนอาสวานํ
ขนฺธานํ   อตฺถิปจฺจเยน   ปจฺจโย   ฯ  ปจฺฉาชาตา:  โนอาสวา  ขนฺธา
ปุเรชาตสฺส    อิมสฺส    กายสฺส   อตฺถิปจฺจเยน   ปจฺจโย   กพฬึกาโร
อาหาโร    อิมสฺส    กายสฺส   อตฺถิปจฺจเยน   ปจฺจโย   รูปชีวิตินฺทฺริยํ
กฏตฺตารูปานํ อตฺถิปจฺจเยน ปจฺจโย ฯ
     {๓๕๖.๒}   โนอาสโว   ธมฺโม  อาสวสฺส  ธมฺมสฺส  อตฺถิปจฺจเยน
ปจฺจโย:  สหชาตํ  ปุเรชาตํ  ฯ  สหชาตา:  โนอาสวา  ขนฺธา อาสวานํ
อตฺถิปจฺจเยน   ปจฺจโย   ฯ   ปุเรชาตํ:  จกฺขุํ  ...  วตฺถุํ  อสฺสาเทติ
อภินนฺทติ    ตํ    อารพฺภ    อาสวา    อุปฺปชฺชนฺติ   วตฺถุ   อาสวานํ
อตฺถิปจฺจเยน    ปจฺจโย    ฯ    โนอาสโว    ธมฺโม   อาสวสฺส   จ
โนอาสวสฺส  จ  ธมฺมสฺส  อตฺถิปจฺจเยน  ปจฺจโย:  สหชาตํ  ปุเรชาตํ  ฯ
สหชาโต:   โนอาสโว   เอโก   ขนฺโธ  ติณฺณนฺนํ  ขนฺธานํ  อาสวานญฺจ
จิตฺตสมุฏฺฐานานญฺจ  รูปานํ  อตฺถิปจฺจเยน  ปจฺจโย  เทฺว  ขนฺธา  ... ฯ
จกฺกํ  ฯ  อาสโว  จ  โนอาสโว จ ธมฺมา อาสวสฺส ธมฺมสฺส อตฺถิปจฺจเยน
ปจฺจโย:    สหชาตํ    ปุเรชาตํ    ฯ    สหชาโต:   กามาสโว   จ
โนอาสวา    สมฺปยุตฺตกา    จ    ขนฺธา   ทิฏฺฐาสวสฺส   อวิชฺชาสวสฺส
อตฺถิปจฺจเยน  ปจฺจโย  ฯ  จกฺกํ  ฯ  กามาสโว  จ  วตฺถุ จ ทิฏฺฐาสวสฺส
อวิชฺชาสวสฺส อตฺถิปจฺจเยน ปจฺจโย ฯ
     {๓๕๖.๓}   อาสโว  จ  โนอาสโว  จ  ธมฺมา โนอาสวสฺส ธมฺมสฺส
อตฺถิปจฺจเยน    ปจฺจโย:    สหชาตํ   ปุเรชาตํ   ปจฺฉาชาตํ   อาหารํ
อินฺทฺริยํ  ฯ  สหชาโต:  โนอาสโว  เอโก  ขนฺโธ  จ อาสวา จ ติณฺณนฺนํ
ขนฺธานํ     จิตฺตสมุฏฺฐานานญฺจ     รูปานํ     อตฺถิปจฺจเยน    ปจฺจโย
สหชาตา    อาสวา    จ    มหาภูตา   จ   จิตฺตสมุฏฺฐานานํ   รูปานํ
อตฺถิปจฺจเยน   ปจฺจโย   อาสวา   จ   วตฺถุ  จ  โนอาสวานํ  ขนฺธานํ
อตฺถิปจฺจเยน   ปจฺจโย   ฯ   ปจฺฉาชาตา:   อาสวา   จ   กพฬึกาโร
อาหาโร   จ   อิมสฺส   กายสฺส   อตฺถิปจฺจเยน  ปจฺจโย  ปจฺฉาชาตา:
อาสวา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
     {๓๕๖.๔}   อาสโว  จ โนอาสโว จ ธมฺมา อาสวสฺส จ โนอาสวสฺส
จ   ธมฺมสฺส  อตฺถิปจฺจเยน  ปจฺจโย:  สหชาตํ  ปุเรชาตํ  ฯ  สหชาโต:
โนอาสโว  เอโก  ขนฺโธ  จ  กามาสโว  จ ติณฺณนฺนํ ขนฺธานํ ทิฏฺฐาสวสฺส
อวิชฺชาสวสฺส    จิตฺตสมุฏฺฐานานญฺจ    รูปานํ    อตฺถิปจฺจเยน   ปจฺจโย
เทฺว  ขนฺเธ  ...  ฯ  จกฺกํ พนฺธิตพฺพํ ฯ สหชาโต: กามาสโว จ วตฺถุ จ
ทิฏฺฐาสวสฺส    อวิชฺชาสวสฺส   สมฺปยุตฺตกานญฺจ   ขนฺธานํ   อตฺถิปจฺจเยน
ปจฺจโย ฯ จกฺกํ พนฺธิตพฺพํ ฯ
     [๓๕๗]   เหตุยา    สตฺต   อารมฺมเณ   นว   อธิปติยา   นว
อนนฺตเร    นว    สมนนฺตเร    นว    สหชาเต    นว   อญฺญมญฺเญ
นว   นิสฺสเย   นว   อุปนิสฺสเย   นว   ปุเรชาเต   ตีณิ  ปจฺฉาชาเต
ตีณิ    อาเสวเน    นว    กมฺเม   ตีณิ   วิปาเก   เอกํ   อาหาเร
ตีณิ   ฯ   สงฺขิตฺตํ   ฯ   มคฺเค   นว   สมฺปยุตฺเต   นว   วิปฺปยุตฺเต
ปญฺจ อตฺถิยา นว วิคเต นว อวิคเต นว ฯ
                            อนุโลมํ นิฏฺฐิตํ ฯ
     [๓๕๘]   อาสโว   ธมฺโม   อาสวสฺส  ธมฺมสฺส  อารมฺมณปจฺจเยน
ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน  ปจฺจโย:  ฯ
อาสโว   ธมฺโม   โนอาสวสฺส   ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย: ปจฺฉาชาตปจฺจเยน
ปจฺจโย:    ฯ    อาสโว    ธมฺโม    อาสวสฺส    จ    โนอาสวสฺส
จ     ธมฺมสฺส     อารมฺมณปจฺจเยน     ปจฺจโย:     สหชาตปจฺจเยน
ปจฺจโย:    อุปนิสฺสยปจฺจเยน    ปจฺจโย:    ฯ    โนอาสโว   ธมฺโม
โนอาสวสฺส    ธมฺมสฺส   อารมฺมณปจฺจเยน   ปจฺจโย:   สหชาตปจฺจเยน
ปจฺจโย:      อุปนิสฺสยปจฺจเยน       ปจฺจโย:      ปุเรชาตปจฺจเยน
ปจฺจโย:       ปจฺฉาชาตปจฺจเยน       ปจฺจโย:       กมฺมปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     {๓๕๘.๑}   โนอาสโว  ธมฺโม  อาสวสฺส  ธมฺมสฺส อารมฺมณปจฺจเยน
ปจฺจโย:    สหชาตปจฺจเยน    ปจฺจโย:   อุปนิสฺสยปจฺจเยน   ปจฺจโย:
ปุเรชาตปจฺจเยน  ปจฺจโย:  ฯ  โนอาสโว ธมฺโม อาสวสฺส จ โนอาสวสฺส
จ     ธมฺมสฺส     อารมฺมณปจฺจเยน     ปจฺจโย:     สหชาตปจฺจเยน
ปจฺจโย:       อุปนิสฺสยปจฺจเยน      ปจฺจโย:      ปุเรชาตปจฺจเยน
ปจฺจโย:    ฯ    อาสโว    จ   โนอาสโว   จ   ธมฺมา   อาสวสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน  ปจฺจโย:  ปุเรชาตปจฺจเยน  ปจฺจโย:  ฯ  อาสโว  จ
โนอาสโว    จ    ธมฺมา    โนอาสวสฺส   ธมฺมสฺส   อารมฺมณปจฺจเยน
ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน  ปจฺจโย:  ฯ
อาสโว    จ   โนอาสโว   จ   ธมฺมา   อาสวสฺส   จ   โนอาสวสฺส
จ     ธมฺมสฺส     อารมฺมณปจฺจเยน     ปจฺจโย:     สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ฯ
     [๓๕๙]   นเหตุยา   นว   นอารมฺมเณ   นว   นอธิปติยา   นว
สพฺพตฺถ นว โนอวิคเต นว ฯ
                            ปจฺจนียํ นิฏฺฐิตํ ฯ
     [๓๖๐]   เหตุปจฺจยา  นอารมฺมเณ  สตฺต  ...  นอธิปติยา  สตฺต
นอนนฺตเร   สตฺต   นสมนนฺตเร   สตฺต   นอญฺญมญฺเญ  ตีณิ  นอุปนิสฺสเย
สตฺต   สพฺพตฺถ   สตฺต   นมคฺเค   สตฺต  นสมฺปยุตฺเต  ตีณิ  นวิปฺปยุตฺเต
สตฺต โนนตฺถิยา สตฺต โนวิคเต สตฺต ฯ
                       อนุโลมปจฺจนียํ นิฏฺฐิตํ ฯ
     [๓๖๑]   นเหตุปจฺจยา อารมฺมเณ นว ... อธิปติยา นว อนุโลมปทา
ปริปุณฺณา ... อวิคเต นว ฯ
                       ปจฺจนียานุโลมํ นิฏฺฐิตํ ฯ
                           อาสวทุกํ นิฏฺฐิตํ ฯ
                                 --------


             เนื้อความพระไตรปิฎกฉบับภาษาบาลี อักษรไทย เล่มที่ ๔๒ หน้าที่ ๑๘๒-๑๙๗. https://84000.org/tipitaka/read/pali_read.php?B=42&A=3686&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=42&A=3686&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=42&item=343&items=19              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=42&siri=39              ศึกษาอรรถกถานี้ได้ที่ :- https://84000.org/tipitaka/attha/attha.php?b=42&i=343              สารบัญพระไตรปิฎกเล่มที่ ๔๒ https://84000.org/tipitaka/read/?index_42 https://84000.org/tipitaka/english/?index_42

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]