ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๓ ภาษาบาลี อักษรไทย พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ

                                     ปญฺหาวาโร
     [๗๓๗]   กามาวจโร  ธมฺโม  กามาวจรสฺส  ธมฺมสฺส  เหตุปจฺจเยน
ปจฺจโย:   กามาวจรา  เหตู  สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ   เหตุปจฺจเยน   ปจฺจโย   ปฏิสนฺธิ   ฯ   นกามาวจโร   ธมฺโม
นกามาวจรสฺส    ธมฺมสฺส    เหตุปจฺจเยน    ปจฺจโย:    นกามาวจรา
เหตู   สมฺปยุตฺตกานํ   ขนฺธานํ   เหตุปจฺจเยน   ปจฺจโย   ปฏิสนฺธิ   ฯ
นกามาวจโร   ธมฺโม   กามาวจรสฺส   ธมฺมสฺส  เหตุปจฺจเยน  ปจฺจโย:
นกามาวจรา   เหตู   จิตฺตสมุฏฺฐานานํ   รูปานํ   เหตุปจฺจเยน  ปจฺจโย
ปฏิสนฺธิ    ฯ    มูลํ    นกามาวจรา   เหตู   สมฺปยุตฺตกานํ   ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิ ฯ
     [๗๓๘]   กามาวจโร     ธมฺโม     กามาวจรสฺส    ธมฺมสฺส
อารมฺมณปจฺจเยน  ปจฺจโย:  ทานํ  ทตฺวา  สีลํ  ...  อุโปสถกมฺมํ  ...
ปุพฺเพ   สุจิณฺณานิ   ปจฺจเวกฺขติ   อสฺสาเทติ   อภินนฺทติ   ตํ   อารพฺภ
ราโค   ฯเปฯ   โทมนสฺสํ   อุปฺปชฺชติ   อริยา   โคตฺรภุํ  ปจฺจเวกฺขนฺติ
โวทานํ  ปจฺจเวกฺขนฺติ  ปหีเน  กิเลเส  ...  วิกฺขมฺภิเต  กิเลเส  ...
ปุพฺเพ  สุจิณฺณานิ ... ฌานา ... จกฺขุํ ... วตฺถุํ ... กามาวจเร ขนฺเธ
อนิจฺจโต    ฯเปฯ    โทมนสฺสํ   อุปฺปชฺชติ   รูปายตนํ   จกฺขุวิญฺญาณสฺส
โผฏฺฐพฺพายตนํ ... ฯ
     {๗๓๘.๑}   กามาวจโร  ธมฺโม  นกามาวจรสฺส  ธมฺมสฺส อารมฺมณ-
ปจฺจเยน  ปจฺจโย:  ทิพฺเพน  จกฺขุนา  รูปํ  ปสฺสติ  ทิพฺพาย โสตธาตุยา
สทฺทํ   สุณาติ   เจโตปริยญาเณน  กามาวจรจิตฺตสมงฺคิสฺส  จิตฺตํ  ชานาติ
กามาวจรา    ขนฺธา    อิทฺธิวิธญาณสฺส    เจโตปริยญาณสฺส    ปุพฺเพ-
นิวาสานุสฺสติญาณสฺส        ยถากมฺมุปคญาณสฺส        อนาคตํสญาณสฺส
อารมฺมณปจฺจเยน ปจฺจโย ฯ
     {๗๓๘.๒}   นกามาวจโร  ธมฺโม  นกามาวจรสฺส ธมฺมสฺส อารมฺมณ-
ปจฺจเยน   ปจฺจโย:   นิพฺพานํ    มคฺคสฺส   ผลสฺส   อารมฺมณปจฺจเยน
ปจฺจโย    เจโตปริยญาเณน   นกามาวจรจิตฺตสมงฺคิสฺส   จิตฺตํ   ชานาติ
อากาสานญฺจายตนํ         วิญฺญาณญฺจายตนสฺส         อากิญฺจญฺญายตนํ
เนวสญฺญานาสญฺญายตนสฺส     นกามาวจรา     ขนฺธา    อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมุปคญาณสฺส
อนาคตํสญาณสฺส อารมฺมณปจฺจเยน ปจฺจโย ฯ
     {๗๓๘.๓}   นกามาวจโร    ธมฺโม    กามาวจรสฺส    ธมฺมสฺส
อารมฺมณปจฺจเยน   ปจฺจโย:   ฌานา   วุฏฺฐหิตฺวา   ฌานํ   ปจฺจเวกฺขติ
อสฺสาเทติ   อภินนฺทติ   ตํ   อารพฺภ   ราโค  อุปฺปชฺชติ  ทิฏฺฐิ อุปฺปชฺชติ
อริยา   มคฺคา   วุฏฺฐหิตฺวา   มคฺคํ   ปจฺจเวกฺขนฺติ  ผลํ  ...  นิพฺพานํ
ปจฺจเวกฺขนฺติ     นิพฺพานํ     โคตฺรภุสฺส     โวทานสฺส    อาวชฺชนาย
อารมฺมณปจฺจเยน      ปจฺจโย      อากาสานญฺจายตนํ     ปจฺจเวกฺขติ
วิญฺญาณญฺจายตนํ      ปจฺจเวกฺขติ      อากิญฺจญฺญายตนํ     ปจฺจเวกฺขติ
เนวสญฺญานาสญฺญายตนํ     ปจฺจเวกฺขติ    ทิพฺพํ    จกฺขุํ    ปจฺจเวกฺขติ
ทิพฺพํ   โสตธาตุํ    ปจฺจเวกฺขติ    อิทฺธิวิธญาณํ   ปจฺจเวกฺขติ   เจโต-
ปริยญาณํ  ...  ฯเปฯ ปุพฺเพนิวาสานุสฺสติญาณํ ... ยถากมฺมุปคญาณํ ...
อนาคตํสญาณํ   ปจฺจเวกฺขติ   นกามาวจเร   ขนฺเธ   อนิจฺจโต   ฯเปฯ
โทมนสฺสํ อุปฺปชฺชติ ฯ
     [๗๓๙]   กามาวจโร  ธมฺโม  กามาวจรสฺส  ธมฺมสฺส อธิปติปจฺจเยน
ปจฺจโย:     อารมฺมณาธิปติ     สหชาตาธิปติ     ฯ    อารมฺมณาธิปติ
ทานํ  ...  สีลํ  ...  อุโปสถกมฺมํ  ...  ปุพฺเพ สุจิณฺณานิ ตํ ครุํ กตฺวา
ปจฺจเวกฺขติ   อสฺสาเทติ   อภินนฺทติ   ตํ  ครุํ  กตฺวา  ราโค  อุปฺปชฺชติ
ทิฏฺฐิ   อุปฺปชฺชติ   เสกฺขา  โคตฺรภุํ  ครุํ  กตฺวา  ปจฺจเวกฺขนฺติ  ตํ  ครุํ
กตฺวา   ปจฺจเวกฺขนฺติ  จกฺขุํ  ...  วตฺถุํ  ...  กามาวจเร  ขนฺเธ ครุํ
กตฺวา   อสฺสาเทติ   อภินนฺทติ  ตํ  ครุํ  กตฺวา  ราโค  อุปฺปชฺชติ  ทิฏฺฐิ
อุปฺปชฺชติ    ฯ    สหชาตาธิปติ:   กามาวจรา   อธิปติ   สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๗๓๙.๑}   นกามาวจโร ธมฺโม นกามาวจรสฺส ธมฺมสฺส อธิปติปจฺจเยน
ปจฺจโย:   อารมฺมณาธิปติ   สหชาตาธิปติ   ฯ  อารมฺมณาธิปติ:  นิพฺพานํ
มคฺคสฺส    ผลสฺส    อธิปติปจฺจเยน    ปจฺจโย    ฯ    สหชาตาธิปติ:
นกามาวจรา  อธิปติ  สมฺปยุตฺตกานํ  ขนฺธานํ  อธิปติปจฺจเยน  ปจฺจโย  ฯ
นกามาวจโร   ธมฺโม   กามาวจรสฺส  ธมฺมสฺส  อธิปติปจฺจเยน  ปจฺจโย:
อารมฺมณาธิปติ     สหชาตาธิปติ     ฯ     อารมฺมณาธิปติ:     ฌานา
วุฏฺฐหิตฺวา   ฌานํ   ครุํ   กตฺวา   ปจฺจเวกฺขติ   อสฺสาเทติ   อภินนฺทติ
ตํ  ครุํ  กตฺวา  ราโค  อุปฺปชฺชติ  ทิฏฺฐิ  ...  อริยา  มคฺคา วุฏฺฐหิตฺวา
มคฺคํ   ครุํ   กตฺวา   ปจฺจเวกฺขนฺติ    ผลํ  ...  นิพฺพานํ  ครุํ  กตฺวา
ปจฺจเวกฺขนฺติ     นิพฺพานํ    โคตฺรภุสฺส    โวทานสฺส    อธิปติปจฺจเยน
ปจฺจโย    อากาสานญฺจายตนํ   ครุํ   กตฺวา   ปจฺจเวกฺขติ   วิญฺญาณญฺ-
จายตนํ       ...      อากิญฺจญฺญายตนํ      เนวสญฺญานาสญฺญายตนํ
ทิพฺพํ   จกฺขุํ   ทิพฺพํ  โสตธาตุํ  อิทฺธิวิธญาณํ  ...  ฯเปฯ  อนาคตํสญาณํ
ครุํ   กตฺวา  ปจฺจเวกฺขติ  นกามาวจเร  ขนฺเธ  ครุํ  กตฺวา  อสฺสาเทติ
อภินนฺทติ  ตํ  ครุํ  กตฺวา  ราโค  อุปฺปชฺชติ  ทิฏฺฐิ ... ฯ สหชาตาธิปติ:
นกามาวจรา     อธิปติ    จิตฺตสมุฏฺฐานานํ    รูปานํ    อธิปติปจฺจเยน
ปจฺจโย   ฯ  นกามาวจโร  ธมฺโม  กามาวจรสฺส  จ  นกามาวจรสฺส  จ
ธมฺมสฺส    อธิปติปจฺจเยน    ปจฺจโย:    สหชาตาธิปติ:   นกามาวจรา
อธิปติ     สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
อธิปติปจฺจเยน ปจฺจโย ฯ
     [๗๔๐]   กามาวจโร  ธมฺโม  กามาวจรสฺส ธมฺมสฺส อนนฺตรปจฺจเยน
ปจฺจโย:   ปุริมา   ปุริมา   กามาวจรา   ขนฺธา   ปจฺฉิมานํ  ปจฺฉิมานํ
ขนฺธานํ    อนนฺตรปจฺจเยน    ปจฺจโย   อนุโลมํ   โคตฺรภุสฺส   อนุโลมํ
โวทานสฺส    อาวชฺชนา    กามาวจรานํ    ขนฺธานํ    อนนฺตรปจฺจเยน
ปจฺจโย     ฯ     กามาวจโร    ธมฺโม    นกามาวจรสฺส    ธมฺมสฺส
อนนฺตรปจฺจเยน    ปจฺจโย:    กามาวจรํ    จุติจิตฺตํ    นกามาวจรสฺส
อุปปตฺติจิตฺตสฺส   อาวชฺชนา   นกามาวจรานํ   ขนฺธานํ   อนนฺตรปจฺจเยน
ปจฺจโย  กามาวจรา  ขนฺธา  นกามาวจรสฺส  วุฏฺฐานสฺส  อนนฺตรปจฺจเยน
ปจฺจโย    ปฐมสฺส   ฌานสฺส   ปริกมฺมํ   ปฐมสฺส   ฌานสฺส   อนนฺตร-
ปจฺจเยน  ปจฺจโย  ฯเปฯ  จตุตฺถสฺส  ฌานสฺส  ...  ฯเปฯ เนวสญฺญา-
นาสญฺญายตนสฺส  ปริกมฺมํ  ...  ฯเปฯ  ทิพฺพสฺส  จกฺขุสฺส  ... ทิพฺพาย
โสตธาตุยา    อิทฺธิวิธญาณสฺส    เจโตปริยญาณสฺส   ปุพฺเพนิวาสานุสฺสติ-
ญาณสฺส    ยถากมฺมุปคญาณสฺส     ...    อนาคตํสญาณสฺส    ปริกมฺมํ
อนาคตํสญาณสฺส    อนนฺตรปจฺจเยน     ปจฺจโย     โคตฺรภุ    มคฺคสฺส
โวทานํ  มคฺคสฺส  อนุโลมํ  ผลสมาปตฺติยา อนนฺตรปจฺจเยน ปจฺจโย ฯ
     {๗๔๐.๑}   นกามาวจโร  ธมฺโม  นกามาวจรสฺส  ธมฺมสฺส อนนฺตร-
ปจฺจเยน   ปจฺจโย:   ปุริมา   ปุริมา  นกามาวจรา  ขนฺธา  ปจฺฉิมานํ
ปจฺฉิมานํ  ขนฺธานํ  อนนฺตรปจฺจเยน  ปจฺจโย  มคฺโค  ผลสฺส  ผลํ  ผลสฺส
นิโรธา      วุฏฺฐหนฺตสฺส     เนวสญฺญานาสญฺญายตนํ     ผลสมาปตฺติยา
อนนฺตรปจฺจเยน    ปจฺจโย   ฯ   นกามาวจโร   ธมฺโม   กามาวจรสฺส
ธมฺมสฺส     อนนฺตรปจฺจเยน     ปจฺจโย:     นกามาวจรํ     จุติจิตฺตํ
กามาวจรสฺส     อุปปตฺติจิตฺตสฺส    นกามาวจรํ    ภวงฺคํ   อาวชฺชนาย
นกามาวจรา  ขนฺธา  กามาวจรสฺส  วุฏฺฐานสฺส อนนฺตรปจฺจเยน ปจฺจโย ฯ
...   สมนนฺตรปจฺจเยน   ปจฺจโย:   สหชาตปจฺจเยน   ปจฺจโย:  สตฺต
อญฺญมญฺญปจฺจเยน ปจฺจโย: ฉ นิสฺสยปจฺจเยน ปจฺจโย: สตฺต ฯ
     [๗๔๑]   กามาวจโร  ธมฺโม กามาวจรสฺส ธมฺมสฺส อุปนิสฺสยปจฺจเยน
ปจฺจโย:     อารมฺมณูปนิสฺสโย      อนนฺตรูปนิสฺสโย      ปกตูปนิสฺสโย
ฯเปฯ   ปกตูปนิสฺสโย:   กามาวจรํ   สทฺธํ   อุปนิสฺสาย   ทานํ   เทติ
สีลํ  ... อุโปสถกมฺมํ ... วิปสฺสนํ ... ฯเปฯ มานํ ชปฺเปติ ทิฏฺฐึ คณฺหาติ
กามาวจรํ  สีลํ   ฯเปฯ  ปญฺญํ  ...   ราคํ  ปตฺถนํ กายิกํ  สุขํ  กายิกํ
ทุกฺขํ  อุตุํ  โภชนํ ...  เสนาสนํ  อุปนิสฺสาย  ทานํ  เทติ  วิปสฺสนํ ...
ฯเปฯ    ปาณํ   หนติ   ฯเปฯ   สงฺฆํ   ภินฺทติ   กามาวจรา   สทฺธา
ฯเปฯ   เสนาสนํ   กามาวจราย   สทฺธาย  ฯเปฯ  ปตฺถนาย  กายิกสฺส
สุขสฺส กายิกสฺส ทุกฺขสฺส อุปนิสฺสยปจฺจเยน ปจฺจโย ฯ
     {๗๔๑.๑}   กามาวจโร  ธมฺโม  นกามาวจรสฺส  ธมฺมสฺส อุปนิสฺสย-
ปจฺจเยน     ปจฺจโย:     อนนฺตรูปนิสฺสโย    ปกตูปนิสฺสโย    ฯเปฯ
ปกตูปนิสฺสโย:    กามาวจรํ    สทฺธํ   อุปนิสฺสาย   นกามาวจรํ   ฌานํ
อุปฺปาเทติ   มคฺคํ  ...  อภิญฺญํ  ...  สมาปตฺตึ  อุปฺปาเทติ  กามาวจรํ
สีลํ   ...  ฯเปฯ  เสนาสนํ  อุปนิสฺสาย  นกามาวจรํ  ฌานํ  อุปฺปาเทติ
มคฺคํ  ...  อภิญฺญํ  ...  สมาปตฺตึ  อุปฺปาเทติ  กามาวจรา สทฺธา ...
ฯเปฯ   เสนาสนํ   นกามาวจราย   สทฺธาย   ฯเปฯ  ปญฺญาย  มคฺคสฺส
ผลสมาปตฺติยา     อุปนิสฺสยปจฺจเยน     ปจฺจโย    ปฐมสฺส    ฌานสฺส
ปริกมฺมํ  ปฐมสฺส  ฌานสฺส  ฯเปฯ  จตุตฺถสฺส  ฌานสฺส  ... อากาสานญฺ-
จายตนสฺส    ...    ปฐมสฺส   มคฺคสฺส   ...   จตุตฺถสฺส   มคฺคสฺส
ปริกมฺมํ      ...    ฯเปฯ    นกามาวจโร   ธมฺโม   นกามาวจรสฺส
ธมฺมสฺส       อุปนิสฺสยปจฺจเยน       ปจฺจโย:      อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ
     {๗๔๑.๒}   ปกตูปนิสฺสโย:    นกามาวจรํ    สทฺธํ   อุปนิสฺสาย
นกามาวจรํ   ฌานํ   อุปฺปาเทติ   มคฺคํ   ...  อภิญฺญํ  ...  สมาปตฺตึ
อุปฺปาเทติ  นกามาวจรํ  สีลํ  ...  ฯเปฯ  ปญฺญํ  อุปนิสฺสาย นกามาวจรํ
ฌานํ   อุปฺปาเทติ   มคฺคํ   ...   อภิญฺญํ   ...  สมาปตฺตึ  อุปฺปาเทติ
นกามาวจรา   สทฺธา   ...   ฯเปฯ   ปญฺญา  นกามาวจราย  สทฺธาย
ฯเปฯ     ปญฺญาย     มคฺคสฺส     ผลสมาปตฺติยา    อุปนิสฺสยปจฺจเยน
ปจฺจโย   ปฐมํ   ฌานํ   ทุติยสฺส   ฌานสฺส   อุปนิสฺสยปจฺจเยน  ปจฺจโย
ฯเปฯ   ตติยํ   ฌานํ   ...   จตุตฺถํ   ฌานํ  ...  อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
อุปนิสฺสยปจฺจเยน   ปจฺจโย   ปฐโม   มคฺโค   ทุติยสฺส   ทุติโย  มคฺโค
ตติยสฺส    ตติโย    มคฺโค    จตุตฺถสฺส    มคฺคสฺส   อุปนิสฺสยปจฺจเยน
ปจฺจโย มคฺโค ผลสมาปตฺติยา อุปนิสฺสยปจฺจเยน ปจฺจโย ฯ
     {๗๔๑.๓}   นกามาวจโร    ธมฺโม    กามาวจรสฺส    ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย      ฯเปฯ     ปกตูปนิสฺสโย:     นกามาวจรํ     สทฺธํ
อุปนิสฺสาย  ทานํ  เทติ  สีลํ  ...  อุโปสถกมฺมํ  ... วิปสฺสนํ อุปฺปาเทติ
มานํ   ชปฺเปติ   ทิฏฺฐึ   คณฺหาติ  นกามาวจรํ  สีลํ  ...  ฯเปฯ  ปญฺญํ
อุปนิสฺสาย  ทานํ  เทติ  สีลํ  ...  อุโปสถกมฺมํ  ... วิปสฺสนํ อุปฺปาเทติ
มานํ  ชปฺเปติ  ทิฏฺฐึ  คณฺหาติ  นกามาวจรา  สทฺธา  ...  ฯเปฯ ปญฺญา
กามาวจราย   สทฺธาย   ปญฺญาย   ราคสฺส  ปตฺถนาย  กายิกสฺส  สุขสฺส
กายิกสฺส    ทุกฺขสฺส    อุปนิสฺสยปจฺจเยน    ปจฺจโย    อริยา    มคฺคํ
อุปนิสฺสาย     สงฺขาเร    อนิจฺจโต    วิปสฺสนฺติ    มคฺโค    อริยานํ
อตฺถปฏิสมฺภิทาย           ธมฺมปฏิสมฺภิทาย          นิรุตฺติปฏิสมฺภิทาย
ปฏิภานปฏิสมฺภิทาย        ฐานาฐานโกสลฺลสฺส        อุปนิสฺสยปจฺจเยน
ปจฺจโย     ผลสมาปตฺติ     กายิกสฺส     สุขสฺส     อุปนิสฺสยปจฺจเยน
ปจฺจโย ฯ
     [๗๔๒]   กามาวจโร  ธมฺโม กามาวจรสฺส ธมฺมสฺส ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ   ...   วตฺถุํ   อนิจฺจโต   ฯเปฯ  โทมนสฺสํ  อุปฺปชฺชติ  รูปายตนํ
จกฺขุวิญฺญาณสฺส      โผฏฺฐพฺพายตนํ     กายวิญฺญาณสฺส     ฯ    วตฺถุ-
ปุเรชาตํ:    จกฺขายตนํ    จกฺขุวิญฺญาณสฺส   กายายตนํ   ...   วตฺถุ
กามาวจรานํ   ขนฺธานํ   ปุเรชาตปจฺจเยน   ปจฺจโย   ฯ   กามาวจโร
ธมฺโม     นกามาวจรสฺส     ธมฺมสฺส    ปุเรชาตปจฺจเยน    ปจฺจโย:
อารมฺมณปุเรชาตํ    วตฺถุปุเรชาตํ    ฯ    อารมฺมณปุเรชาตํ:   ทิพฺเพน
จกฺขุนา   รูปํ   ปสฺสติ    ทิพฺพาย    โสตธาตุยา    สทฺทํ  สุณาติ   ฯ
วตฺถุปุเรชาตํ:    วตฺถุ    นกามาวจรานํ    ขนฺธานํ   ปุเรชาตปจฺจเยน
ปจฺจโย   ฯ  ...  ปจฺฉาชาตปจฺจเยน  ปจฺจโย:  เทฺว อาเสวนปจฺจเยน
ปจฺจโย: ตีณิ ฯ
     [๗๔๓]   กามาวจโร  ธมฺโม  กามาวจรสฺส  ธมฺมสฺส  กมฺมปจฺจเยน
ปจฺจโย:    สหชาตา   นานาขณิกา   ฯ   สงฺขิตฺตํ   ฯ   นกามาวจโร
ธมฺโม   นกามาวจรสฺส   ธมฺมสฺส   กมฺมปจฺจเยน   ปจฺจโย:   สหชาตา
นานาขณิกา    ฯ    นกามาวจโร    ธมฺโม    กามาวจรสฺส   ธมฺมสฺส
กมฺมปจฺจเยน  ปจฺจโย:  สหชาตา  นานาขณิกา ฯ สงฺขิตฺตํ ฯ นกามาวจโร
ธมฺโม   กามาวจรสฺส   จ   นกามาวจรสฺส   จ  ธมฺมสฺส  กมฺมปจฺจเยน
ปจฺจโย:   สหชาตา  นานาขณิกา  ฯ  สงฺขิตฺตํ  ฯ  ...  วิปากปจฺจเยน
ปจฺจโย:   จตฺตาริ  อาหารปจฺจเยน  ปจฺจโย:  จตฺตาริ  อินฺทฺริยปจฺจเยน
ปจฺจโย:   จตฺตาริ   ฌานปจฺจเยน   ปจฺจโย:   จตฺตาริ   มคฺคปจฺจเยน
ปจฺจโย: จตฺตาริ สมฺปยุตฺตปจฺจเยน ปจฺจโย: เทฺว ฯ
     [๗๔๔]   กามาวจโร   ธมฺโม  กามาวจรสฺส  ธมฺมสฺส  วิปฺปยุตฺต-
ปจฺจเยน   ปจฺจโย:   สหชาตํ   ปุเรชาตํ  ปจฺฉาชาตํ  ฯ  สงฺขิตฺตํ  ฯ
กามาวจโร    ธมฺโม    นกามาวจรสฺส    ธมฺมสฺส    วิปฺปยุตฺตปจฺจเยน
ปจฺจโย:   สหชาตํ   ปุเรชาตํ  ฯ  สหชาตํ:  สงฺขิตฺตํ  ฯ  ปฏิสนฺธิกฺขเณ
วตฺถุ  นกามาวจรานํ  ขนฺธานํ  วิปฺปยุตฺตปจฺจเยน  ปจฺจโย  ฯ  ปุเรชาตํ:
วตฺถุ    นกามาวจรานํ    ขนฺธานํ    วิปฺปยุตฺตปจฺจเยน    ปจฺจโย   ฯ
นกามาวจโร    ธมฺโม    กามาวจรสฺส    ธมฺมสฺส    วิปฺปยุตฺตปจฺจเยน
ปจฺจโย:   สหชาตํ   ปจฺฉาชาตํ   ฯ   สหชาตา:  นกามาวจรา  ขนฺธา
จิตฺตสมุฏฺฐานานํ    รูปานํ    วิปฺปยุตฺตปจฺจเยน   ปจฺจโย   ปฏิสนฺธิ   ฯ
ปจฺฉาชาตา:    นกามาวจรา   ขนฺธา   ปุเรชาตสฺส   อิมสฺส   กายสฺส
วิปฺปยุตฺตปจฺจเยน ปจฺจโย ฯ
     [๗๔๕]   กามาวจโร  ธมฺโม  กามาวจรสฺส  ธมฺมสฺส  อตฺถิปจฺจเยน
ปจฺจโย:  สหชาตํ  ปุเรชาตํ  ปจฺฉาชาตํ  อาหารํ  อินฺทฺริยํ  ฯ สงฺขิตฺตํ ฯ
กามาวจโร   ธมฺโม   นกามาวจรสฺส   ธมฺมสฺส  อตฺถิปจฺจเยน  ปจฺจโย:
สหชาตํ   ปุเรชาตํ   ฯ   สหชาตํ:  ปฏิสนฺธิกฺขเณ  วตฺถุ  นกามาวจรานํ
ขนฺธานํ   อตฺถิปจฺจเยน  ปจฺจโย  ฯ  ปุเรชาตํ:  ทิพฺเพน  จกฺขุนา  ...
ปุเรชาตสทิสํ    ฯ    นกามาวจโร   ธมฺโม   นกามาวจรสฺส   ธมฺมสฺส
อตฺถิปจฺจเยน   ปจฺจโย:  สหชาตํ  ฯ  สงฺขิตฺตํ  ฯ  นกามาวจโร  ธมฺโม
กามาวจรสฺส   ธมฺมสฺส   อตฺถิปจฺจเยน   ปจฺจโย:   สหชาตํ  ปจฺฉาชาตํ
วิปฺปยุตฺตสทิสํ     ฯ     นกามาวจโร    ธมฺโม    กามาวจรสฺส    จ
นกามาวจรสฺส จ ธมฺมสฺส อตฺถิปจฺจเยน ปจฺจโย: ปฏิจฺจสทิสํ ฯ
     {๗๔๕.๑}   กามาวจโร  จ  นกามาวจโร  จ  ธมฺมา กามาวจรสฺส
ธมฺมสฺส  อตฺถิปจฺจเยน  ปจฺจโย:  สหชาตํ  ปจฺฉาชาตํ  อาหารํ อินฺทฺริยํ ฯ
สหชาตา:  นกามาวจรา  ขนฺธา  จ  มหาภูตา  จ จิตฺตสมุฏฺฐานานํ รูปานํ
อตฺถิปจฺจเยน    ปจฺจโย    ปฏิสนฺธิ   ฯ   ปจฺฉาชาตา:   นกามาวจรา
ขนฺธา   จ   กพฬึกาโร   อาหาโร   จ  อิมสฺส  กายสฺส  อตฺถิปจฺจเยน
ปจฺจโย   ฯ   ปจฺฉาชาตา:   นกามาวจรา  ขนฺธา  จ  รูปชีวิตินฺทฺริยญฺจ
กฏตฺตารูปานํ   อตฺถิปจฺจเยน  ปจฺจโย  ฯ  กามาวจโร  จ  นกามาวจโร
จ   ธมฺมา   นกามาวจรสฺส   ธมฺมสฺส  อตฺถิปจฺจเยน  ปจฺจโย:  สหชาตํ
ปุเรชาตํ   ฯ   สหชาโต:   นกามาวจโร   เอโก   ขนฺโธ  จ วตฺถุ จ
ติณฺณนฺนํ   ขนฺธานํ   อตฺถิปจฺจเยน   ปจฺจโย  เทฺว ขนฺธา ... ปฏิสนฺธิ ฯ
...   นตฺถิปจฺจเยน   ปจฺจโย:  วิคตปจฺจเยน  ปจฺจโย:  อวิคตปจฺจเยน
ปจฺจโย: ฯ
     [๗๔๖]   เหตุยา    จตฺตาริ   อารมฺมเณ   จตฺตาริ   อธิปติยา
จตฺตาริ   อนนฺตเร   จตฺตาริ   สมนนฺตเร   จตฺตาริ   สหชาเต   สตฺต
อญฺญมญฺเญ    ฉ    นิสฺสเย   สตฺต   อุปนิสฺสเย   จตฺตาริ   ปุเรชาเต
เทฺว   ปจฺฉาชาเต   เทฺว   อาเสวเน   ตีณิ  กมฺเม  จตฺตาริ  วิปาเก
จตฺตาริ    อาหาเร   จตฺตาริ   อินฺทฺริเย   จตฺตาริ   ฌาเน   จตฺตาริ
มคฺเค   จตฺตาริ   สมฺปยุตฺเต   เทฺว   วิปฺปยุตฺเต   ตีณิ  อตฺถิยา  สตฺต
นตฺถิยา จตฺตาริ วิคเต จตฺตาริ อวิคเต สตฺต ฯ
     [๗๔๗]   กามาวจโร   ธมฺโม  กามาวจรสฺส  ธมฺมสฺส  อารมฺมณ-
ปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน
ปจฺจโย:   ปุเรชาตปจฺจเยน   ปจฺจโย:   ปจฺฉาชาตปจฺจเยน   ปจฺจโย:
กมฺมปจฺจเยน   ปจฺจโย:   อาหารปจฺจเยน   ปจฺจโย:   อินฺทฺริยปจฺจเยน
ปจฺจโย:     ฯ    กามาวจโร    ธมฺโม    นกามาวจรสฺส    ธมฺมสฺส
อารมฺมณปจฺจเยน       ปจฺจโย:       สหชาตปจฺจเยน      ปจฺจโย:
อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย: ฯ
     {๗๔๗.๑}   นกามาวจโร    ธมฺโม    นกามาวจรสฺส   ธมฺมสฺส
อารมฺมณปจฺจเยน       ปจฺจโย:      สหชาตปจฺจเยน       ปจฺจโย:
อุปนิสฺสยปจฺจเยน   ปจฺจโย:   ฯ   นกามาวจโร   ธมฺโม  กามาวจรสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน      ปจฺจโย:      ปจฺฉาชาตปจฺจเยน      ปจฺจโย:
กมฺมปจฺจเยน   ปจฺจโย:   ฯ    นกามาวจโร    ธมฺโม   กามาวจรสฺส
จ     นกามาวจรสฺส    จ    ธมฺมสฺส    สหชาตปจฺจเยน    ปจฺจโย:
กมฺมปจฺจเยน   ปจฺจโย:   ฯ  กามาวจโร  จ  นกามาวจโร  จ  ธมฺมา
กามาวจรสฺส    ธมฺมสฺส    สหชาตปจฺจเยน    ปจฺจโย:    ปจฺฉาชาต-
ปจฺจเยน    ปจฺจโย:    อาหารปจฺจเยน   ปจฺจโย:   อินฺทฺริยปจฺจเยน
ปจฺจโย:   ฯ  กามาวจโร  จ  นกามาวจโร  จ  ธมฺมา  นกามาวจรสฺส
ธมฺมสฺส สหชาตปจฺจเยน ปจฺจโย: ปุเรชาตปจฺจเยน ปจฺจโย: ฯ
     [๗๔๘]   นเหตุยา   สตฺต   นอารมฺมเณ  สตฺต  นอธิปติยา  สตฺต
นอนนฺตเร   สตฺต   นสมนนฺตเร   สตฺต   นสหชาเต   ฉ   นอญฺญมญฺเญ
ฉ    นนิสฺสเย    ฉ   นอุปนิสฺสเย   สตฺต   นปุเรชาเต   ฉ   ฯเปฯ
นสมฺปยุตฺเต     ฉ     นวิปฺปยุตฺเต     ปญฺจ     โนอตฺถิยา     ปญฺจ
โนนตฺถิยา สตฺต โนวิคเต สตฺต โนอวิคเต ปญฺจ ฯ
     [๗๔๙]   เหตุปจฺจยา  นอารมฺมเณ  จตฺตาริ ... นอธิปติยา จตฺตาริ
นอนนฺตเร    จตฺตาริ    นสมนนฺตเร    จตฺตาริ    นอญฺญมญฺเญ   เทฺว
นอุปนิสฺสเย    จตฺตาริ    นสมฺปยุตฺเต    เทฺว    โนนตฺถิยา   จตฺตาริ
โนวิคเต จตฺตาริ ฯ
     [๗๕๐]   นเหตุปจฺจยา  อารมฺมเณ จตฺตาริ ... อธิปติยา จตฺตาริ ฯ
อนุโลมมาติกา กาตพฺพา ฯ ... อวิคเต สตฺต ฯ
                               กามาวจรทุกํ นิฏฺฐิตํ ฯ
                                     -----------


             เนื้อความพระไตรปิฎกฉบับภาษาบาลี อักษรไทย เล่มที่ ๔๓ หน้าที่ ๔๕๒-๔๖๓. https://84000.org/tipitaka/read/pali_read.php?B=43&A=9096&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=43&A=9096&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=43&item=737&items=14              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=43&siri=105              สารบัญพระไตรปิฎกเล่มที่ ๔๓ https://84000.org/tipitaka/read/?index_43 https://84000.org/tipitaka/english/?index_43

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]