ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๓ ภาษาบาลี อักษรไทย พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ

                                      ปญฺหาวาโร
     [๗๙๗]   อรูปาวจโร  ธมฺโม  อรูปาวจรสฺส  ธมฺมสฺส  เหตุปจฺจเยน
ปจฺจโย:   อรูปาวจรา   เหตู   สมฺปยุตฺตกานํ   ขนฺธานํ   เหตุปจฺจเยน
ปจฺจโย   ปฏิสนฺธิ   ฯ  มูลํ  อรูปาวจรา  เหตู  จิตฺตสมุฏฺฐานานํ  รูปานํ
เหตุปจฺจเยน   ปจฺจโย   ฯ   มูลํ   อรูปาวจรา   เหตู   สมฺปยุตฺตกานํ
ขนฺธานํ    จิตฺตสมุฏฺฐานานญฺจ    รูปานํ    เหตุปจฺจเยน   ปจฺจโย   ฯ
นอรูปาวจโร   ธมฺโม   นอรูปาวจรสฺส  ธมฺมสฺส  เหตุปจฺจเยน  ปจฺจโย:
นอรูปาวจรา    เหตู    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิ ฯ
     [๗๙๘]   อรูปาวจโร   ธมฺโม  อรูปาวจรสฺส  ธมฺมสฺส  อารมฺมณ-
ปจฺจเยน      ปจฺจโย:     อากาสานญฺจายตนํ     วิญฺญาณญฺจายตนสฺส
อารมฺมณปจฺจเยน       ปจฺจโย      อากิญฺจญฺญายตนํ      เนวสญฺญา-
นาสญฺญายตนสฺส     อารมฺมณปจฺจเยน    ปจฺจโย    ฯ    อรูปาวจโร
ธมฺโม     นอรูปาวจรสฺส     ธมฺมสฺส    อารมฺมณปจฺจเยน    ปจฺจโย:
อากาสานญฺจายตนํ       ปจฺจเวกฺขติ       วิญฺญาณญฺจายตนํ      ...
อากิญฺจญฺญายตนํ      ...      เนวสญฺญานาสญฺญายตนํ     ปจฺจเวกฺขติ
อรูปาวจเร     ขนฺเธ    อนิจฺจโต    ฯเปฯ    โทมนสฺสํ    อุปฺปชฺชติ
เจโตปริยญาเณน       อรูปาวจรจิตฺตสมงฺคิสฺส      จิตฺตํ      ชานาติ
อรูปาวจรา      ขนฺธา      เจโตปริยญาณสฺส     ปุพฺเพนิวาสานุสฺสติ-
ญาณสฺส             ยถากมฺมุปคญาณสฺส            อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     {๗๙๘.๑}   นอรูปาวจโร    ธมฺโม    นอรูปาวจรสฺส   ธมฺมสฺส
อารมฺมณปจฺจเยน   ปจฺจโย:   ทานํ   ...    สีลํ   ...  อุโปสถกมฺมํ
กตฺวา   ตํ   ปจฺจเวกฺขติ   อสฺสาเทติ   อภินนฺทติ   ตํ  อารพฺภ  ราโค
ฯเปฯ     โทมนสฺสํ    อุปฺปชฺชติ    ปุพฺเพ   สุจิณฺณานิ   ...   ฌานา
ฯเปฯ    อริยา    มคฺคา    วุฏฺฐหิตฺวา    มคฺคํ   ปจฺจเวกฺขนฺติ   ผลํ
ปจฺจเวกฺขนฺติ     นิพฺพานํ     ปจฺจเวกฺขนฺติ     นิพฺพานํ     โคตฺรภุสฺส
โวทานสฺส   มคฺคสฺส   ผลสฺส   อาวชฺชนาย   อารมฺมณปจฺจเยน  ปจฺจโย
อริยา  ปหีเน  กิเลเส  ปจฺจเวกฺขนฺติ วิกฺขมฺภิเต กิเลเส ... ปุพฺเพ ...
ฯเปฯ  จกฺขุํ ... วตฺถุํ ... นอรูปาวจเร ขนฺเธ อนิจฺจโต ฯเปฯ โทมนสฺสํ
อุปฺปชฺชติ   ทิพฺเพน   จกฺขุนา   รูปํ  ปสฺสติ  ทิพฺพาย  โสตธาตุยา  สทฺทํ
สุณาติ    เจโตปริยญาเณน    นอรูปาวจรจิตฺตสมงฺคิสฺส   จิตฺตํ   ชานาติ
รูปายตนํ   จกฺขุวิญฺญาณสฺส   โผฏฺฐพฺพายตนํ   ...  นอรูปาวจรา  ขนฺธา
อิทฺธิวิธญาณสฺส        เจโตปริยญาณสฺส       ปุพฺเพนิวาสานุสฺสติญาณสฺส
ยถากมฺมุปคญาณสฺส      อนาคตํสญาณสฺส     อาวชฺชนาย     อารมฺมณ-
ปจฺจเยน ปจฺจโย ฯ
     [๗๙๙]   อรูปาวจโร     ธมฺโม     อรูปาวจรสฺส    ธมฺมสฺส
อธิปติปจฺจเยน     ปจฺจโย:    สหชาตาธิปติ:    อรูปาวจรา    อธิปติ
สมฺปยุตฺตกานํ   ขนฺธานํ  อธิปติปจฺจเยน  ปจฺจโย  ฯ  อรูปาวจโร  ธมฺโม
นอรูปาวจรสฺส    ธมฺมสฺส    อธิปติปจฺจเยน   ปจฺจโย:   อารมฺมณาธิปติ
สหชาตาธิปติ   ฯ   อารมฺมณาธิปติ:   อากาสานญฺจายตนํ   ครุํ   กตฺวา
ปจฺจเวกฺขติ   ฯเปฯ   เนวสญฺญานาสญฺญายตนํ   ครุํ  กตฺวา  ปจฺจเวกฺขติ
อรูปาวจเร   ขนฺเธ  ครุํ  กตฺวา  อสฺสาเทติ  อภินนฺทติ  ตํ  ครุํ  กตฺวา
ราโค   อุปฺปชฺชติ   ทิฏฺฐิ   อุปฺปชฺชติ   ฯ   สหชาตาธิปติ:  อรูปาวจรา
อธิปติ   จิตฺตสมุฏฺฐานานํ   รูปานํ   อธิปติปจฺจเยน   ปจฺจโย   ฯ   มูลํ
อรูปาวจรา    อธิปติ    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     {๗๙๙.๑}   นอรูปาวจโร    ธมฺโม    นอรูปาวจรสฺส   ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   ทานํ   ...   สีลํ   ...   อุโปสถกมฺมํ   กตฺวา  ตํ
ครุํ   กตฺวา   ปจฺจเวกฺขติ   อสฺสาเทติ   อภินนฺทติ   ตํ   ครุํ   กตฺวา
ราโค   อุปฺปชฺชติ   ทิฏฺฐิ  ...  ปุพฺเพ  สุจิณฺณานิ  ...  ฌานา  ฯเปฯ
อริยา   มคฺคา  วุฏฺฐหิตฺวา  มคฺคํ  ครุํ  กตฺวา  ปจฺจเวกฺขนฺติ  ผลํ  ...
นิพฺพานํ    ปจฺจเวกฺขนฺติ    นิพฺพานํ   โคตฺรภุสฺส   โวทานสฺส   มคฺคสฺส
ผลสฺส  อธิปติปจฺจเยน  ปจฺจโย  จกฺขุํ ... วตฺถุํ ... นอรูปาวจเร ขนฺเธ
ครุํ   กตฺวา   อสฺสาเทติ   อภินนฺทติ   ตํ ครุํ  กตฺวา  ราโค  อุปฺปชฺชติ
ทิฏฺฐิ   อุปฺปชฺชติ  ฯ  สหชาตาธิปติ:  นอรูปาวจรา  อธิปติ  สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     [๘๐๐]   อรูปาวจโร  ธมฺโม  อรูปาวจรสฺส ธมฺมสฺส อนนฺตรปจฺจเยน
ปจฺจโย:   ปุริมา   ปุริมา   อรูปาวจรา   ขนฺธา   ปจฺฉิมานํ  ปจฺฉิมานํ
อรูปาวจรานํ    ขนฺธานํ   อนนฺตรปจฺจเยน   ปจฺจโย   ฯ   อรูปาวจโร
ธมฺโม     นอรูปาวจรสฺส     ธมฺมสฺส     อนนฺตรปจฺจเยน    ปจฺจโย:
อรูปาวจรํ    จุติจิตฺตํ    นอรูปาวจรสฺส    อุปปตฺติจิตฺตสฺส    อรูปาวจรํ
ภวงฺคํ   อาวชฺชนาย   อรูปาวจรา   ขนฺธา   นอรูปาวจรสฺส  วุฏฺฐานสฺส
นิโรธา      วุฏฺฐหนฺตสฺส     เนวสญฺญานาสญฺญายตนํ     ผลสมาปตฺติยา
อนนฺตรปจฺจเยน ปจฺจโย ฯ
     {๘๐๐.๑}   นอรูปาวจโร    ธมฺโม    นอรูปาวจรสฺส   ธมฺมสฺส
อนนฺตรปจฺจเยน    ปจฺจโย:    ปุริมา   ปุริมา   นอรูปาวจรา   ขนฺธา
ปจฺฉิมานํ     ปจฺฉิมานํ    นอรูปาวจรานํ    ขนฺธานํ    อนนฺตรปจฺจเยน
ปจฺจโย    อนุโลมํ    โคตฺรภุสฺส   อนุโลมํ   ผลสมาปตฺติยา   อนนฺตร-
ปจฺจเยน  ปจฺจโย  ฯ  นอรูปาวจโร   ธมฺโม   อรูปาวจรสฺส   ธมฺมสฺส
อนนฺตรปจฺจเยน    ปจฺจโย:    นอรูปาวจรํ    จุติจิตฺตํ    อรูปาวจรสฺส
อุปปตฺติจิตฺตสฺส    อนนฺตรปจฺจเยน    ปจฺจโย    นอรูปาวจรา    ขนฺธา
อรูปาวจรสฺส    วุฏฺฐานสฺส    อนนฺตรปจฺจเยน   ปจฺจโย   อากาสานญฺ-
จายตนสฺส      ปริกมฺมํ     อากาสานญฺจายตนสฺส     อนนฺตรปจฺจเยน
ปจฺจโย     วิญฺญาณญฺจายตนสฺส     ...    อากิญฺจญฺญายตนสฺส    ...
เนวสญฺญานาสญฺญายตนสฺส       ปริกมฺมํ       เนวสญฺญานาสญฺญายตนสฺส
อนนฺตรปจฺจเยน  ปจฺจโย  ฯ  ...  สมนนฺตรปจฺจเยน  ปจฺจโย: สหชาต-
ปจฺจเยน    ปจฺจโย:    ปญฺจ    อญฺญมญฺญปจฺจเยน   ปจฺจโย:   เทฺว
นิสฺสยปจฺจเยน ปจฺจโย: สตฺต ฯ
     [๘๐๑]   อรูปาวจโร   ธมฺโม  อรูปาวจรสฺส  ธมฺมสฺส  อุปนิสฺสย-
ปจฺจเยน     ปจฺจโย:     อนนฺตรูปนิสฺสโย    ปกตูปนิสฺสโย    ฯเปฯ
ปกตูปนิสฺสโย:          อากาสานญฺจายตนํ         วิญฺญาณญฺจายตนสฺส
อุปนิสฺสยปจฺจเยน     ปจฺจโย:    วิญฺญาณญฺจายตนํ    อากิญฺจญฺญายตนสฺส
อากิญฺจญฺญายตนํ       เนวสญฺญานาสญฺญายตนสฺส       อุปนิสฺสยปจฺจเยน
ปจฺจโย ฯ
     {๘๐๑.๑}   อรูปาวจโร  ธมฺโม  นอรูปาวจรสฺส  ธมฺมสฺส อุปนิสฺสย-
ปจฺจเยน   ปจฺจโย:   อารมฺมณูปนิสฺสโย  อนนฺตรูปนิสฺสโย  ปกตูปนิสฺสโย
ฯเปฯ   ปกตูปนิสฺสโย:  อรูปาวจรํ  สทฺธํ  อุปนิสฺสาย ทานํ เทติ สีลํ ...
อุโปสถกมฺมํ   นอรูปาวจรํ  ฌานํ  วิปสฺสนํ  มคฺคํ  อภิญฺญํ  ...  สมาปตฺตึ
อุปฺปาเทติ   มานํ  ชปฺเปติ  ทิฏฺฐึ  คณฺหาติ  อรูปาวจรํ  สีลํ  ...  ปญฺญํ
อุปนิสฺสาย   ทานํ   เทติ   ฯเปฯ  สมาปตฺตึ  อุปฺปาเทติ  มานํ  ชปฺเปติ
ทิฏฺฐึ   คณฺหาติ   อรูปาวจรา   สทฺธา   ฯเปฯ   ปญฺญา  นอรูปาวจราย
สทฺธาย  ฯเปฯ  ปญฺญาย  ราคสฺส  ปตฺถนาย  กายิกสฺส  สุขสฺส  กายิกสฺส
ทุกฺขสฺส มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
     {๘๐๑.๒}   นอรูปาวจโร    ธมฺโม    นอรูปาวจรสฺส   ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:   นอรูปาวจรํ   สทฺธํ  อุปนิสฺสาย
ทานํ  เทติ  สีลํ  ...  อุโปสถกมฺมํ นอรูปาวจรํ ฌานํ วิปสฺสนํ มคฺคํ อภิญฺญํ
...  สมาปตฺตึ  อุปฺปาเทติ  มานํ  ชปฺเปติ  ทิฏฺฐึ  คณฺหาติ   นอรูปาวจรํ
สีลํ ... ปญฺญํ ราคํ ปตฺถนํ กายิกํ สุขํ กายิกํ ทุกฺขํ อุตุํ โภชนํ ... เสนาสนํ
อุปนิสฺสาย  ทานํ  เทติ  ฯเปฯ  สมาปตฺตึ  อุปฺปาเทติ  ปาณํ  หนติ ฯเปฯ
สงฺฆํ   ภินฺทติ   นอรูปาวจรา   สทฺธา  ฯเปฯ  เสนาสนํ  นอรูปาวจราย
สทฺธาย   ปตฺถนาย   กายิกสฺส   สุขสฺส   กายิกสฺส   ทุกฺขสฺส   มคฺคสฺส
ผลสมาปตฺติยา อุปนิสฺสยปจฺจเยน ปจฺจโย ฯ
     {๘๐๑.๓}   นอรูปาวจโร    ธมฺโม    อรูปาวจรสฺส    ธมฺมสฺส
อุปนิสฺสยปจฺจเยน    ปจฺจโย:   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:    อากาสานญฺจายตนสฺส   ปริกมฺมํ   อากาสานญฺจายตนสฺส
อุปนิสฺสยปจฺจเยน      ปจฺจโย     ฯเปฯ     เนวสญฺญานาสญฺญายตนสฺส
ปริกมฺมํ เนวสญฺญานาสญฺญายตนสฺส อุปนิสฺสยปจฺจเยน ปจฺจโย ฯ
     [๘๐๒]   นอรูปาวจโร    ธมฺโม    นอรูปาวจรสฺส    ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:  จกฺขุํ  ...  วตฺถุํ  อนิจฺจโต ฯเปฯ โทมนสฺสํ อุปฺปชฺชติ
ทิพฺเพน   จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ
รูปายตนํ     จกฺขุวิญฺญาณสฺส     โผฏฺฐพฺพายตนํ    กายวิญฺญาณสฺส    ฯ
วตฺถุปุเรชาตํ:   จกฺขายตนํ   จกฺขุวิญฺญาณสฺส   กายายตนํ   ...   วตฺถุ
นอรูปาวจรานํ   ขนฺธานํ   ปุเรชาตปจฺจเยน   ปจฺจโย  ฯ  นอรูปาวจโร
ธมฺโม  อรูปาวจรสฺส  ธมฺมสฺส  ปุเรชาตปจฺจเยน  ปจฺจโย: วตฺถุปุเรชาตํ:
วตฺถุ    อรูปาวจรานํ    ขนฺธานํ    ปุเรชาตปจฺจเยน    ปจฺจโย    ฯ
... ปจฺฉาชาตปจฺจเยน ปจฺจโย: เทฺว อาเสวนปจฺจเยน ปจฺจโย: ตีณิ ฯ
     [๘๐๓]   อรูปาวจโร  ธมฺโม  อรูปาวจรสฺส  ธมฺมสฺส  กมฺมปจฺจเยน
ปจฺจโย:    สหชาตา    นานาขณิกา    ฯเปฯ    อรูปาวจโร   ธมฺโม
นอรูปาวจรสฺส     ธมฺมสฺส    กมฺมปจฺจเยน    ปจฺจโย:    อรูปาวจรา
เจตนา    จิตฺตสมุฏฺฐานานํ    อรูปาวจรานํ    ขนฺธานํ    กมฺมปจฺจเยน
ปจฺจโย   ฯ   มูลํ  อรูปาวจรา  เจตนา  สมฺปยุตฺตกานํ  ขนฺธานํ  จิตฺต-
สมุฏฺฐานานญฺจ    รูปานํ   กมฺมปจฺจเยน   ปจฺจโย   ฯ   นอรูปาวจโร
ธมฺโม   นอรูปาวจรสฺส   ธมฺมสฺส   กมฺมปจฺจเยน   ปจฺจโย:   สหชาตา
นานาขณิกา    ฯ   สหชาตา:   นอรูปาวจรา   เจตนา   สมฺปยุตฺตกานํ
ขนฺธานํ กมฺมปจฺจเยน ปจฺจโย ฯ สงฺขิตฺตํ ฯ
     [๘๐๔]   อรูปาวจโร  ธมฺโม  อรูปาวจรสฺส  ธมฺมสฺส วิปากปจฺจเยน
ปจฺจโย:    ฯ    นอรูปาวจโร    ธมฺโม    นอรูปาวจรสฺส    ธมฺมสฺส
วิปากปจฺจเยน   ปจฺจโย:  ฯ  ...  อาหารปจฺจเยน  ปจฺจโย:  จตฺตาริ
อินฺทฺริยปจฺจเยน   ปจฺจโย:   จตฺตาริ   ฌานปจฺจเยน  ปจฺจโย:  จตฺตาริ
มคฺคปจฺจเยน ปจฺจโย: จตฺตาริ สมฺปยุตฺตปจฺจเยน ปจฺจโย: เทฺว ฯ
     [๘๐๕]   อรูปาวจโร  ธมฺโม  นอรูปาวจรสฺส  ธมฺมสฺส  วิปฺปยุตฺต-
ปจฺจเยน   ปจฺจโย:   สหชาตํ   ปจฺฉาชาตํ   ฯ   นอรูปาวจโร ธมฺโม
นอรูปาวจรสฺส     ธมฺมสฺส    วิปฺปยุตฺตปจฺจเยน    ปจฺจโย:    สหชาตํ
ปุเรชาตํ   ปจฺฉาชาตํ   ฯ  นอรูปาวจโร  ธมฺโม  อรูปาวจรสฺส  ธมฺมสฺส
วิปฺปยุตฺตปจฺจเยน   ปจฺจโย:   ปุเรชาตํ:   วตฺถุ  อรูปาวจรานํ  ขนฺธานํ
วิปฺปยุตฺตปจฺจเยน ปจฺจโย ฯ
     [๘๐๖]   อรูปาวจโร  ธมฺโม  อรูปาวจรสฺส  ธมฺมสฺส  อตฺถิปจฺจเยน
ปจฺจโย:   สหชาตํ   ฯ   อรูปาวจโร   ธมฺโม  นอรูปาวจรสฺส  ธมฺมสฺส
อตฺถิปจฺจเยน   ปจฺจโย:   สหชาตํ   ปจฺฉาชาตํ  ฯ  อรูปาวจโร  ธมฺโม
อรูปาวจรสฺส   จ   นอรูปาวจรสฺส  จ  ธมฺมสฺส  อตฺถิปจฺจเยน  ปจฺจโย:
สหชาตํ  ฯ  นอรูปาวจโร  ธมฺโม  นอรูปาวจรสฺส  ธมฺมสฺส  อตฺถิปจฺจเยน
ปจฺจโย: สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ
     {๘๐๖.๑}   นอรูปาวจโร  ธมฺโม อรูปาวจรสฺส ธมฺมสฺส อตฺถิปจฺจเยน
ปจฺจโย:  ปุเรชาตํ:  วตฺถุ  อรูปาวจรานํ ขนฺธานํ อตฺถิปจฺจเยน ปจฺจโย ฯ
อรูปาวจโร   จ   นอรูปาวจโร   จ   ธมฺมา   อรูปาวจรสฺส   ธมฺมสฺส
อตฺถิปจฺจเยน   ปจฺจโย:  สหชาตํ  ปุเรชาตํ  ฯ  สหชาโต:  อรูปาวจโร
เอโก   ขนฺโธ   จ  วตฺถุ  จ  ติณฺณนฺนํ  ขนฺธานํ  อตฺถิปจฺจเยน  ปจฺจโย
เทฺว ขนฺธา ... ฯ
     {๘๐๖.๒}   อรูปาวจโร  จ  นอรูปาวจโร  จ ธมฺมา นอรูปาวจรสฺส
ธมฺมสฺส    อตฺถิปจฺจเยน    ปจฺจโย:    สหชาตํ   ปจฺฉาชาตํ   อาหารํ
อินฺทฺริยํ    ฯ   สหชาตา:   อรูปาวจรา   ขนฺธา   จ   มหาภูตา   จ
จิตฺตสมุฏฺฐานานํ    รูปานํ   อตฺถิปจฺจเยน   ปจฺจโย   ฯ   ปจฺฉาชาตา:
อรูปาวจรา   ขนฺธา   จ   กพฬึกาโร   อาหาโร   จ  อิมสฺส  กายสฺส
อตฺถิปจฺจเยน   ปจฺจโย   ฯ   ปจฺฉาชาตา:   อรูปาวจรา   ขนฺธา   จ
รูปชีวิตินฺทฺริยญฺจ    กฏตฺตารูปานํ    อตฺถิปจฺจเยน   ปจฺจโย   ฯ   ...
นตฺถิปจฺจเยน    ปจฺจโย:    วิคตปจฺจเยน    ปจฺจโย:   อวิคตปจฺจเยน
ปจฺจโย: ฯ
     [๘๐๗]   เหตุยา   จตฺตาริ   อารมฺมเณ  ตีณิ  อธิปติยา  จตฺตาริ
อนนฺตเร     จตฺตาริ     สมนนฺตเร     จตฺตาริ    สหชาเต    ปญฺจ
อญฺญมญฺเญ   เทฺว   นิสฺสเย   สตฺต   อุปนิสฺสเย   จตฺตาริ   ปุเรชาเต
เทฺว   ปจฺฉาชาเต   เทฺว   อาเสวเน   ตีณิ  กมฺเม  จตฺตาริ  วิปาเก
เทฺว   อาหาเร   จตฺตาริ   อินฺทฺริเย  จตฺตาริ  ฌาเน  จตฺตาริ  มคฺเค
จตฺตาริ    สมฺปยุตฺเต    เทฺว    วิปฺปยุตฺเต    ตีณิ    อตฺถิยา   สตฺต
นตฺถิยา จตฺตาริ วิคเต จตฺตาริ อวิคเต สตฺต ฯ
     [๘๐๘]   อรูปาวจโร   ธมฺโม  อรูปาวจรสฺส  ธมฺมสฺส  อารมฺมณ-
ปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน
ปจฺจโย:  กมฺมปจฺจเยน  ปจฺจโย:  ฯ  อรูปาวจโร  ธมฺโม นอรูปาวจรสฺส
ธมฺมสฺส   อารมฺมณปจฺจเยน    ปจฺจโย:    สหชาตปจฺจเยน    ปจฺจโย:
อุปนิสฺสยปจฺจเยน     ปจฺจโย:    ปจฺฉาชาตปจฺจเยน    ปจฺจโย:    ฯ
อรูปาวจโร   ธมฺโม   อรูปาวจรสฺส   จ   นอรูปาวจรสฺส   จ  ธมฺมสฺส
สหชาตปจฺจเยน ปจฺจโย: ฯ
     {๘๐๘.๑}   นอรูปาวจโร  ธมฺโม  นอรูปาวจรสฺส ธมฺมสฺส อารมฺมณ-
ปจฺจเยน   ปจฺจโย:   สหชาตปจฺจเยน   ปจฺจโย:    อุปนิสฺสยปจฺจเยน
ปจฺจโย:   ปุเรชาตปจฺจเยน   ปจฺจโย:   ปจฺฉาชาตปจฺจเยน   ปจฺจโย:
กมฺมปจฺจเยน   ปจฺจโย:   อาหารปจฺจเยน   ปจฺจโย:   อินฺทฺริยปจฺจเยน
ปจฺจโย:   ฯ   นอรูปาวจโร  ธมฺโม  อรูปาวจรสฺส  ธมฺมสฺส  อุปนิสฺสย-
ปจฺจเยน   ปจฺจโย:   ปุเรชาตปจฺจเยน  ปจฺจโย:  ฯ  อรูปาวจโร  จ
นอรูปาวจโร    จ   ธมฺมา   อรูปาวจรสฺส   ธมฺมสฺส   สหชาตปจฺจเยน
ปจฺจโย:  ปุเรชาตปจฺจเยน  ปจฺจโย:  ฯ  อรูปาวจโร  จ  นอรูปาวจโร
จ    ธมฺมา    นอรูปาวจรสฺส    ธมฺมสฺส   สหชาตปจฺจเยน   ปจฺจโย:
ปจฺฉาชาตปจฺจเยน    ปจฺจโย:   อาหารปจฺจเยน   ปจฺจโย:   อินฺทฺริย-
ปจฺจเยน ปจฺจโย: ฯ
     [๘๐๙]   นเหตุยา    สตฺต    นอารมฺมเณ   สตฺต   นอธิปติยา
สตฺต    นอนนฺตเร    สตฺต    นสมนนฺตเร   สตฺต   นสหชาเต   ปญฺจ
นอญฺญมญฺเญ     ปญฺจ     นนิสฺสเย     ปญฺจ     นอุปนิสฺสเย    สตฺต
นปุเรชาเต     ฉ     นปจฺฉาชาเต     สตฺต    นสมฺปยุตฺเต    ปญฺจ
นวิปฺปยุตฺเต    จตฺตาริ    โนอตฺถิยา    จตฺตาริ    โนนตฺถิยา    สตฺต
โนวิคเต สตฺต โนอวิคเต จตฺตาริ ฯ
     [๘๑๐]   เหตุปจฺจยา  นอารมฺมเณ  จตฺตาริ ... นอธิปติยา จตฺตาริ
นอนนฺตเร    นสมนนฺตเร   จตฺตาริ   นอญฺญมญฺเญ   เทฺว   นอุปนิสฺสเย
จตฺตาริ   นสมฺปยุตฺเต   เทฺว   นวิปฺปยุตฺเต   เทฺว  โนนตฺถิยา  จตฺตาริ
โนวิคเต จตฺตาริ ฯ
     [๘๑๑]   นเหตุปจฺจยา  อารมฺมเณ  ตีณิ  ...  อธิปติยา จตฺตาริ ฯ
อนุโลมมาติกา วิตฺถาเรตพฺพา ฯ ... อวิคเต สตฺต ฯ
                                อรูปาวจรทุกํ นิฏฺฐิตํ ฯ
                                   ----------------


             เนื้อความพระไตรปิฎกฉบับภาษาบาลี อักษรไทย เล่มที่ ๔๓ หน้าที่ ๔๘๙-๔๙๘. https://84000.org/tipitaka/read/pali_read.php?B=43&A=9841&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=43&A=9841&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=43&item=797&items=15              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=43&siri=113              สารบัญพระไตรปิฎกเล่มที่ ๔๓ https://84000.org/tipitaka/read/?index_43 https://84000.org/tipitaka/english/?index_43

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]