paliTIPITAKA Volume 11 - Sutta Pitaka 3

page128.

Pasadikasuttam [94] Evamme sutam . ekam samayam bhagava sakyesu viharati vedhanna nama sakya tesam ambavane pasade . tena kho pana samayena nigantho nataputto ^1- pavayam adhuna kalakato hoti . Tassa kalakiriyaya bhinna nigantha dvedhikajata bhandanajata kalahajata vivadapanna annamannam mukhasattihi vitudanta viharanti na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno sahitamme asahitante pure vacaniyam paccha avaca paccha vacaniyam pure avaca adhicinnante viparavattam aropito te vado niggahitosi paravadappamokkhaya ^2- nibbethehi va sace pahositi . vadhoyeva ko ^3- manne niganthesu nataputtiyesu anuvattati . yepi niganthassa nataputtassa savaka gihi odatavasana tepi niganthesu nataputtiyesu nibbinnarupa virattarupa pativanarupa yatha tam durakkhate ^4- dhammavinaye duppavedite aniyyanike anupasamasamvattanike asammasambuddhappavedite bhinnathupe appatisarane. [95] Athakho cundo samanuddeso pavayam vassam vuttho yena samagamo yenayasma anando tenupasankami upasankamitva ayasmantam anandam abhivadetva ekamantam nisidi . ekamantam @Footnote: ¹ Ma. Yu. nathaputto. ² Ma. niggahito tvamasi cara vadappamokkhaya. @Yu. niggahitosi cara vadappamokkhaya . ³ Ma. Yu. kho. ⁴ Ma. Yu. durakkhate.

--------------------------------------------------------------------------------------------- page129.

Nisinno kho cundo samanuddeso ayasmantam anandam etadavoca nigantho bhante nataputto pavayam adhuna kalakato tassa kalakiriyaya bhinna nigantha dvedhikajata .pe. bhinnathupe appatisaraneti. {95.1} Evam vutte ayasma anando cundam samanuddesam etadavoca atthi kho idam avuso cunda kathapabhatam bhagavantam dassanaya ayamavuso cunda yena bhagava tenupasankamissama upasankamitva etamattham bhagavato aroceyyamati ^1- . evam bhanteti kho cundo samanuddeso ayasmato anandassa paccassosi. {95.2} Athakho ayasma ca anando cundo ca samanuddeso yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinno kho ayasma anando bhagavantam etadavoca ayam bhante cundo samanuddeso evamaha nigantho bhante ^2- nataputto pavayam adhuna kalakato tassa kalakiriyaya bhinna nigantha .pe. Bhinnathupe appatisaraneti. [96] Evanhetam cunda hoti durakkhate dhammavinaye duppavedite aniyyanike anupasamasamvattanike asammasambuddhappavedite . idha cunda sattha ca hoti asammasambuddho dhammo ca durakkhato duppavedito aniyyaniko anupasamasamvattaniko asammasambuddhappavedito savako ca tasmim dhamme na dhammanudhammapatipanno viharati na samicipatipanno na anudhammacari vokkamma ca tamha dhamma vattati @Footnote: ¹ Ma. Yu. arocessamati . ² Yu. ayam na hissati.

--------------------------------------------------------------------------------------------- page130.

So evamassa vacaniyo tassa te avuso labha tassa te suladdham sattha ca te asammasambuddho dhammo ca durakkhato duppavedito aniyyaniko anupasamasamvattaniko asammasambuddhappavedito tvanca tasmim dhamme na dhammanudhammapatipanno viharasi na samicipatipanno na anudhammacari vokkamma ca tamha dhamma vattasiti . iti kho cunda satthapi tattha garayho dhammopi tattha garayho savako ca tattha evam pasamso . yo kho cunda evarupam savakam evam vadeyya etayasma tatha patipajjatu yatha te satthara dhammo desito pannattoti . yo ca samadapeti yanca samadapeti yo ca samadapito tathattaya patipajjati sabbe te bahum apunnam pasavanti . tam kissa hetu . evanhetam cunda hoti durakkhate dhammavinaye duppavedite aniyyanike anupasamasamvattanike asammasambuddhappavedite. [97] Idha pana cunda sattha ca hoti asammasambuddho dhammo ca durakkhato duppavedito aniyyaniko anupasamasamvattaniko asammasambuddhappavedito savako ca tasmim dhamme dhammanudhammapatipanno viharati samicipatipanno anudhammacari samadaya tam dhammam pavattati ^1- so evamassa vacaniyo tassa te avuso alabha tassa te dulladdham sattha ca te asammasambuddho dhammo ca durakkhato duppavedito aniyyaniko anupasamasamvattaniko asammasambuddhappavedito @Footnote: ¹ Ma. Yu. vattati.

--------------------------------------------------------------------------------------------- page131.

Tvanca tasmim dhamme dhammanudhammapatipanno viharasi samicipatipanno anudhammacari samadaya tam dhammam vattasiti . iti kho cunda satthapi tattha garayho dhammopi tattha garayho savakopi tattha evam garayho . yo kho cunda evarupam savakam evam vadeyya addhayasma nayapatipanno nayam aradhessatiti . yo ca pasamsati yanca pasamsati yo ca pasamsito ^1- bhiyyoso mattaya viriyam arabhati sabbe te bahum apunnam pasavanti . tam kissa hetu. Evam hetam cunda hoti durakkhate dhammavinaye duppavedite aniyyanike anupasamasamvattanike asammasambuddhappavedite. [98] Idha pana cunda sattha ca hoti sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito savako ca tasmim dhamme na dhammanudhammapatipanno viharati na samicipatipanno na anudhammacari vokkamma ca tamha dhamma vattati so evamassa vacaniyo tassa te avuso alabha tassa te dulladdham sattha ca te sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito tvanca tasmim dhamme na dhammanudhammapatipanno viharasi na samicipatipanno na anudhammacari vokkamma ca tamha dhamma vattasiti . iti kho cunda satthapi tattha pasamso dhammopi tattha pasamso savako ca tattha evam garayho . yo kho cunda @Footnote: ¹ Yu. pasattho.

--------------------------------------------------------------------------------------------- page132.

Evarupam savakam evam vadeyya etayasma tatha patipajjatu yatha te satthara dhammo desito pannattoti . yo ca samadapeti yanca samadapeti yo ca samadapito tathattaya patipajjati sabbe te bahum punnam pasavanti . tam kissa hetu . evanhetam cunda hoti svakkhate dhammavinaye suppavedite niyyanike upasamasamvattanike sammasamabuddhappavedite. [99] Idha pana cunda sattha ca hoti sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito savako ca tasmim dhamme dhammanudhammapatipanno viharati samicipatipanno anudhammacari samadaya tam dhammam vattati so evamassa vacaniyo tassa te avuso sulabha ^1- tassa te suladdham sattha ca te araham ^2- sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito tvanca tasmim dhamme dhammanudhammapatipanno viharasi samicipatipanno anudhammacari samadaya tam dhammam vattasiti. {99.1} Iti kho cunda satthapi tattha pasamso dhammopi tattha pasamso savakopi tattha evam pasamso . yo kho cunda evarupam savakam evam vadeyya addhayasma nayapatipanno nayam aradhessatiti . yo ca pasamsati yanca pasamsati yo ca pasattho ^3- bhiyyoso mattaya viriyam arabhati sabbe te bahum punnam pasavanti . Tam kissa hetu. Evanhetam cunda hoti @Footnote: ¹ Ma. Yu. labha . ² Ma. ayam patho natthi . ³ Ma. pasamsito.

--------------------------------------------------------------------------------------------- page133.

Svakkhate dhammavinaye suppavedite niyyanike upasamasamvattanike sammasambuddhappavedite. [100] Idha ^[1]- cunda sattha ca loke udapadi araham sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito avinnapitattha cassa honti savaka saddhamme nesam satthu ca nesam ^2- kevalam paripuram brahmacariyam avikatam hoti uttanikatam sabbasangahapadakatam sappatihirakatam ^3- yava devamanussehi suppakasitam atha nesam satthuno antaradhanam hoti . evarupo kho cunda sattha ca ^4- savakanam kalakato ^5- anutappo hoti . tam kissa hetu . Sattha hi ^6- loke udapadi araham sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito avinnapitattha camha ^7- saddhamme na ca no kevalanca ^8- paripuram brahmacariyam avikatam hoti uttanikatam sabbasangahapadakatam sappatihirakatam yava devamanussehi suppakasitam atha no satthuno antaradhanam hoti ^9- . Evarupo kho cunda sattha ca ^8- savakanam kalakato anutappo hoti. [101] Idha pana cunda sattha ca loke udapadi araham sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito vinnapitattha cassa @Footnote: ¹ Ma. Yu. pana. ² Ma. na ca nesam. Yu. na ca tesam. ³ Ma. Yu. sappatihirakatam. @4-8 Ma. Yu. casaddo na dissati. ⁵ Ma. kalam kato. ⁶ Ma. ca. Yu. ca no. @⁷ Ma. Yu. camha. ⁹ Ma. Yu. hotiti.

--------------------------------------------------------------------------------------------- page134.

Honti savaka saddhamme kevalanca tesam paripuram brahmacariyam avikatam hoti uttanikatam sabbasangahapadakatam sappatihirakatam yava devamanussehi suppakasitam atha nesam satthuno antaradhanam hoti . Evarupo kho cunda sattha savakanam kalakato ananutappo ^1- hoti. Tam kissa hetu . satthapi loke ^2- udapadi araham sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito vinnapitattha camha ^3- saddhamme kevalanca no paripuram brahmacariyam avikatam hoti uttanikatam sabbasangahapadakatam sappatihirakatam yava devamanussehi suppakasitam athakho satthuno antaradhanam hoti ^4- . evarupo kho cunda sattha savakanam kalakato ananutappo ^1- hotiti ^5-. [102] Etehi cepi cunda angeha samannagatam brahmacariyam hoti no ca kho sattha hoti thero rattannu cirapabbajito addhagato vayo anuppatto evantam brahmacariyam aparipuram hoti tenangena . yato kho ^6- cunda etehi cepi ^7- angehi samannagatam brahmacariyam hoti sattha ca hoti thero rattannu cirapabbajito addhagato vayo anuppatto evantam brahmacariyam paripuram hoti tenangena. [103] Etehi cepi cunda angehi samannagatam brahmacariyam hoti sattha ca hoti thero rattannu cirapabbajito addhagato @Footnote: ¹ Ma. Yu. ananutappo. ² Ma. Yu. sattha ca no loke. ³ Ma. Yu. camha. @⁴ Ma. Yu. hotiti. ⁵ Ma. Yu. itisaddo na dissati. ⁶ Ma. Yu. yato ca kho. @⁷ Ma. Yu. ceva.

--------------------------------------------------------------------------------------------- page135.

Vayo anuppatto no ca khvassa thera bhikkhu savaka honti viyatta ^1- vinita visarada pattayogakkhema alam samakkhatum saddhammassa alam uppannam parappavadam sahadhammena suniggahitam niggahetva sappatihariyam dhammam desetum evantam brahmacariyam aparipuram hoti tenangena . Yato ca kho cunda etehi cepi angehi samannagatam brahmacariyam hoti sattha ca hoti thero rattannu cirapabbajito addhagato vayo anuppatto thera cassa bhikkhu savaka honti viyatta vinita visarada pattayogakkhema alam samakkhatum saddhammassa alam uppannam parappavadam sahadhammena suniggahitam niggahetva sappatihariyam dhammam desetum evantam brahmacariyam paripuram hoti tenangena. [104] Etehi cepi cunda angehi samannagatam brahmacariyam hoti sattha ca hoti thero rattannu cirapabbajito addhagato vayo anuppatto thera cassa bhikkhu savaka honti viyatta vinita visarada .pe. alam uppannam parappavadam sahadhammena suniggahitam niggahetva sappatihariyam dhammam desetum no ca khvassa majjhima bhikkhu savaka honti. Majjhima ca ^2- bhikkhu savaka honti. {104.1} No ca khvassa nava bhikkhu savaka honti . Nava cassa bhikkhuniyo savika honti . no ca khvassa thera bhikkhuniyo savika honti . thera cassa bhikkhuniyo savika honti. No ca khvassa majjhima bhikkhuniyo savika honti . majjhima cassa bhikkhuniyo savika @Footnote: ¹ Yu. vyatta . ² Ma. cassa. majjhimassa.

--------------------------------------------------------------------------------------------- page136.

Honti . no ca khvassa nava bhikkhuniyo savika honti . nava cassa bhikkhuniyo savika honti . no ca khvassa upasaka savaka honti gihi odatavasana brahmacarino . upasaka cassa savaka honti gihi odatavasana brahmacarino . no ca khvassa upasaka savaka honti gihi odatavasana kamabhogino . upasaka cassa savaka honti gihi odatavasana kamabhogino . no ca khvassa upasika savika honti gihini odatavasana brahmacariniyo . Upasika cassa savika honti gihini odatavasana brahmacariniyo. {104.2} No ca khvassa upasika savika honti gihini odatavasana kamabhoginiyo . upasika cassa savika honti gihini odatavasana kamabhoginiyo . no ca khvassa brahmacariyam hoti iddhanceva ^[1]- phitanca vittharikam bahujannam ^2- puthubhutam yava devamanussehi suppakasitam brahmacariyancassa hoti iddhanca phitanca vittharikam bahujannam puthubhutam yava devamanussehi suppakasitam no ca kho labhaggayasaggappattam evantam brahmacariyam aparipuram hoti tenangena. {104.3} Yato ca kho cunda etehi ceva angehi samannagatam brahmacariyam hoti sattha ca hoti thero rattannu cirapabbajito addhagato vayo anuppatto thera cassa bhikkhu savaka honti viyatta vinita visarada .pe. sappatihariyam dhammam desetum . majjhima cassa bhikkhu savaka honti . Nava cassa bhikkhu savaka honti. Thera cassa bhikkhuniyo @Footnote: ¹ Yu. hoti . ² Ma. Yu. bahujannam.

--------------------------------------------------------------------------------------------- page137.

Savika honti . majjhima cassa bhikkhuniyo savika honti . Nava cassa bhikkhuniyo savika honti . upasaka cassa savaka honti gihi odatavasana brahmacarino . upasaka cassa savaka honti gihi odatavasana kamabhogino . upasika cassa savika honti gihini odatavasana brahmacariniyo . upasika cassa savika honti gihini odatavasana kamabhoginiyo . brahmacariyancassa hoti iddhanceva phitanca vittharikam bahujannam puthubhutam yava devamanussehi suppakasitam labhaggayasaggappattanca evantam brahmacariyam paripuram hoti tenangena. [105] Aham kho pana cunda etarahi sattha loke uppanno araham sammasambuddho dhammo ca svakkhato suppavedito niyyaniko upasamasamvattaniko sammasambuddhappavedito vinnapitattha ca me savaka saddhamme kevalanca tesam paripuram brahmacariyam avikatam hoti ^1- uttanikatam sabbasangahapadakatam sappatihirakatam yava devamanussehi suppakasitam . aham kho pana cunda etarahi sattha thero rattannu cirapabbajito addhagato vayo anuppatto. [106] Santi kho pana me cunda etarahi thera bhikkhu savaka honti viyatta vinita visarada pattayogakkhema alam samakkhatum saddhammassa alam uppannam parappavadam sahadhammena suniggahitam niggahetva sappatihariyam dhammam desetum . santi kho pana me @Footnote: ¹ Ma. Yu. ayam patho na dissati.

--------------------------------------------------------------------------------------------- page138.

Cunda etarahi ^1- majjhima bhikkhu savaka . santi kho pana me cunda etarahi nava bhikkhu savaka . santi kho pana me cunda etarahi thera bhikkhuniyo savika . santi kho pana me cunda etarahi majjhima bhikkhuniyo savika . santi kho pana me cunda etarahi nava bhikkhuniyo savika . santi kho pana me cunda etarahi upasaka savaka gihi odatavasana brahmacarino . santi kho pana me cunda etarahi upasaka savaka gihi odatavasana kamabhogino .pe. Santi kho pana me cunda etarahi upasika savika gihini odatavasana kamabhoginiyo . etarahi pana me cunda brahmacariyam iddhanceva phitanca vittharikam bahujannam puthubhutam yava devamanussehi suppakasitam. [107] Yavata kho cunda etarahi sattharo loke uppanna. Naham cunda annam ekam sattharampi samanupassami evamlabhagga- yasaggappattam yatharivaham . yavata kho pana me ^2- cunda etarahi sangho va gano va loke uppanno ^3- . naham cunda annam ekam sanghampi samanupassami evamlabhaggayasaggappattam yathariva ^4- cunda bhikkhusangho. {107.1} Yam kho tam cunda samma vadamano vadeyya sabbakarasampannam sabbakaraparipuram anunam anadhikam svakkhatam kevalaparipuram brahmacariyam suppakasitanti . idameva tam samma vadamano vadeyya sabbakarasampannam sabbakaraparipuram .pe. suppakasitanti . uddako ^5- sudam cunda ramaputto evam vacam bhasati passam na passatiti . @Footnote: ^1-2 Ma. Yu. ayam na dissati . ³ Yu. sangha va gana loke uppanna. @⁴ Ma. yatharivayam . ⁵ Ma. udako.

--------------------------------------------------------------------------------------------- page139.

Kinca passam na passatiti . khurassa sadhunisitassa talamassa passati dharanca khurassa ^1- na passati . idam vuccati cunda passam na passatiti . tam ^2- kho panetam cunda uddakena ramaputtena bhasitam hinam gammam pothujjanikam anariyam anatthasanhitam khurameva sandhaya. {107.2} Yancetam ^3- cunda samma vadamano vadeyya passam na passatiti . idameva tam samma vadamano vadeyya passam na passatiti . kinca passam na passatiti . evam sabbakarasampannam sabbakaraparipuram anunam anadhikam svakkhatam kevalaparipuram brahmacariyam suppakasitanti iti hetam na ^4- passatiti idamettha apakaddheyya . Evantam parisuddhataram assati iti hetam na passatiti ^5- idamettha upakaddheyya . evantam parisuddhataram ^6- assati iti hetam na passati. Idam vuccati passam na passatiti . Yam kho tam cunda samma vadamano vadeyya sabbakarasampannam .pe. brahmacariyam suppakasitanti . idametam ^7- samma vadamano vadeyya sabbakarasampannam sabbakaraparipuram anunam anadhikam svakkhatam kevalaparipuram brahmacariyam suppakasitanti. [108] Tasmatiha cunda ye te ^8- maya dhamma abhinna desita tattha sabbeheva sangamma samagamma atthena attham byanjanena byanjanam sangayitabbam vicaritabbam ^9- yathayidam brahmacariyam addhaniyam assa ciratthitikam tadasseva bahujanahitaya bahujanasukhaya lokanukampaya atthaya hitaya sukhaya devamanussanam . katame ca te @Footnote: ¹ Ma. khvassa. Yu. kho tassa. ² Ma. yam. ³ Ma. Yu. yanca tam. @⁴ Ma. Yu. nasaddo na dissati. ⁵ Ma. Yu. passati. ⁶ Ma. Yu. paripuram. @⁷ Ma. idameva tam. ⁸ Ma. Yu. vo. ⁹ Ma. Yu. na vivaditabbam.

--------------------------------------------------------------------------------------------- page140.

Cunda dhamma maya abhinna desita . yattha sabbeheva sangamma samagamma atthena attham byanjanena byanjanam sangayitabbam vicaritabbam ^1- yathayidam brahmacariyam addhaniyam assa ciratthitikam tadasseva bahujanahitaya bahujanasukhaya lokanukampaya atthaya hitaya sukhaya devamanussanam . seyyathidam . cattaro satipatthana cattaro sammappadhana cattaro iddhipada pancindriyani panca balani satta sambojjhanga ^2- ariyo atthangiko maggo. {108.1} Ime kho te cunda dhamma maya abhinna desita yattha sabbeheva sangamma samagamma atthena attham byanjanena byanjanam sangayitabbam vicaritabbam yathayidam brahmacariyam addhaniyam assa ciratthitikam tadasseva bahujanahitaya bahujanasukhaya lokanukampaya atthaya hitaya sukhaya devamanussanam. [109] Tesanca kho ^3- cunda samagganam sammodamananam avivadamananam sikkhitabbam ^4- . annataro sabrahmacari sangho ^5- dhammam bhaseyya tatra ce tumhakam evamassa ayam kho avuso ^6- ayasma atthanceva miccha ganhati byanjanani ca miccha ropetiti . tassa neva abhinanditabbam nappatikkositabbam . Anabhinanditva appatikkositva so evamassa vacaniyo imassa nu kho avuso atthassa imani ^[7]- byanjanani etani va byanjanani katamani opayikatarani imesam va ^8- byanjananam ayam va attho eso va attho katamo @Footnote: ¹ Ma. Yu. na vivaditabbam. ² Ma. Yu. bojjhanga. ³ Ma. Yu. vo. ⁴ Ma. sikkhatam. @⁵ Ma. Yu. sanghe . ⁶ Ma. Yu. ayam patho na dissati . ⁷ Ma. Yu. va. @⁸ Ma. imesanca.

--------------------------------------------------------------------------------------------- page141.

Opayikataroti . so ce evam vadeyya imassa kho avuso atthassa imaneva byanjanani opayikatarani yani ceva etani imesam ^1- byanjananam ayameva attho opayikataro yo ceva esoti . so neva ussadetabbo na apasadetabbo. Anussadetva anapasadetva sveva sadhukam sannapetabbo tassa ca atthassa tesanca byanjananam nisantiya. [110] Aparopi ce cunda sabrahmacari sangho ^2- dhammam bhaseyya tatra ce tumhakam evamassa ayam kho ayasma atthanhi kho miccha ganhati byanjanani samma ropetiti . tassa neva abhinanditabbam nappatikkositabbam . anabhinanditva appatikkositva so evamassa vacaniyo imesam nu kho avuso byanjananam ayam va attho eso va attho katamo opayikataroti . so ce evam vadeyya imesam nu kho avuso byanjananam ayameva attho opayikataro yo ceva esoti . so neva ussadetabbo na apasadetabbo. Anussadetva anapasadetva sveva sadhukam sannapetabbo tassa ca ^3- atthassa nisantiya. [111] Aparopi ce cunda sabrahmacari sangho ^2- dhammam bhaseyya tatra ce tumhakam evamassa ayam kho ayasma attham hi kho ^4- samma ganhati byanjanani miccha ropetiti . tassa neva abhinanditabbam nappatikkositabbam . anabhinanditva appatikkositva @Footnote: ¹ Ma. imesanca. ² Ma. Yu. sanghe. ³ Ma. Yu. tasseva. ⁴ Ma. atthanceva.

--------------------------------------------------------------------------------------------- page142.

So evamassa vacaniyo imassa nu kho avuso atthassa imaneva ^1- byanjanani etani va byanjanani katamani opayikataraniti . So ce evam vadeyya imassa nu khvavuso atthassa imaneva byanjanani opayikatarani yani ceva etaniti . so neva ussadetabbo na apasadetabbo . anussadetva anapasadetva sveva sadhukam sannapetabbo tesamyeva byanjananam nisantiya. [112] Aparopi ce cunda sabrahmacari sangho ^2- dhammam bhaseyya tatra ce tumhakam evamassa ayam kho ayasma atthanneva samma ganhati byanjanani ^[3]- samma ropetiti . tassa sadhuti bhasitam abhinanditabbam anumoditabbam . tassa sadhuti bhasitam abhinanditva anumoditva so evamassa vacaniyo labha no avuso suladdham no avuso ye mayam ayasmantam tadisam sabrahmacarim sarissama ^4- evam atthupetam byanjanupetanti. [113] Na vo aham cunda ditthadhammikanamyeva asavanam samvaraya dhammam desemi na panaham cunda samparayikanamyeva asavanam patighataya dhammam desemi ditthadhammikanam cevaham cunda asavanam samvaraya dhammam desemi samparayikanam ca asavanam patighataya . Tasmatiha cunda yam vo maya civaram anunnatam alam vo tam yavadeva sitassa patighataya unhassa patighataya damsamakasavatatapa- sirimsapasamphassanam patighataya yavadeva hirikopinapaticchadanattham @Footnote: ¹ Ma. imani va. Yu. imani ca. ² Ma. Yu. sanghe. ³ Ma. ca. ⁴ Ma. Yu. passama. @⁵ Ma. ... sari ....

--------------------------------------------------------------------------------------------- page143.

Yo vo maya pindapato anunnato alam vo so yavadeva imassa kayassa thitiya yapanaya vihimsuparatiya brahmacariyanuggahaya iti purananca vedanam patihankhami navanca vedanam na uppadessami yatra ca me bhavissati anavajjata ca phasuviharo cati ^1- yam vo maya senasanam anunnatam alam vo tam yavadeva sitassa patighataya unhassa patighataya damsamakasavatatapasirimsapasamphassanam patighataya yavadeva utuparissayavinodanam patisallanaramattham yo vo maya gilanapaccayabhesajjaparikkharo anunnato alam vo so yavadeva uppannanam veyyabadhikanam vedananam patighataya abyapajjhaparamatayati ^2-. [114] Thanam kho panetam cunda vijjati yam annatitthiya paribbajaka evam vadeyyum sukhallikanuyogamanuyutta samana sakyaputtiya viharantiti . evam vadamana ^3- cunda annatitthiya paribbajaka evamassu vacaniya katamo so avuso sukhallikanuyogo sukhallikanuyogapi hi bahu anekavihita nanappakarakati. {114.1} Cattarome cunda sukhallikanuyoga hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattanti. Katame cattaro. {114.2} Idha cunda ekacco balo pane vadhitva ^4- attanam sukheti pineti ayam pathamo sukhallikanuyogo . puna caparam cunda @Footnote: ¹ Ma. ca. ² Ma. itisaddo na dissati. ³ Ma. Yu. vadino. ⁴ Ma. amenditam.

--------------------------------------------------------------------------------------------- page144.

Idhekacco adinnam adiyitva ^1- attanam sukheti pineti ayam dutiyo sukhallikanuyogo . puna caparam cunda idhekacco musa bhanitva ^2- attanam sukheti pineti ayam tatiyo sukhallikanuyogo . puna caparam cunda idhekacco pancahi kamagunehi samappito samangibhuto paricareti ^3- ayam catuttho sukhallikanuyogo . ime kho cunda cattaro sukhallikanuyoga hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattanti. [115] Thanam kho panetam cunda vijjati yam annatitthiya paribbajaka ^4- evam vadeyyum ^5- ime cattaro sukhallikanuyoge anuyutta samana sakyaputtiya viharantiti . te vo ^6- ma hevantissu vacaniya na te vo samma vadamana vadeyyum na ^7- abbhacikkheyyum te vo ^8- asata abhutena. {115.1} Cattarome cunda sukhallikanuyoga ekantam nibbidaya viragaya nirodhaya upasamaya abhinnaya sambodhaya nibbanaya samvattanti . katame cattaro . idha cunda vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati ayam pathamo sukhallikanuyogo . puna caparam cunda bhikkhu vitakkavicaranam vupasama .pe. dutiyam jhanam upasampajja viharati ayam dutiyo sukhallikanuyogo . puna caparam cunda bhikkhu pitiya ca viraga .pe. @Footnote: ^1-2 Ma. amenditam. ³ Yu. parivareti. 4-6 Yu. ayam patho na dissati. @⁵ Yu. puccheyyum. ⁷ Ma. Yu. nasaddo na dissati. ⁸ Ma. te voti dve @sadda na dissati.

--------------------------------------------------------------------------------------------- page145.

Tatiyam jhanam upasampajja viharati ayam tatiyo sukhallikanuyogo . Puna caparam cunda bhikkhu sukhassa ca pahana dukkhassa ca pahana .pe. Catuttham jhanam upasampajja viharati ayam catuttho sukhallikanuyogo . Ime kho cunda cattaro sukhallikanuyoga ekantam nibbidaya viragaya nirodhaya upasamaya abhinnaya sambodhaya nibbanaya samvattanti . thanam kho panetam cunda vijjati yam annatitthiya paribbajaka evam vadeyyum ime kho ^1- cattaro sukhallikanuyoge anuyutta samana sakyaputtiya viharantiti . te vo evantissu vacaniya samma te vo vadamana vadeyyum na te vo abbhacikkheyyum asata abhutena. [116] Thanam kho panetam cunda vijjati yam annatitthiya paribbajaka evam vadeyyum ime panavuso cattaro sukhallikanuyoge anuyuttanam viharatam kati phalani katanisamsa patikankhati . evamvadino cunda annatitthiya paribbajaka evamassu vacaniya ime kho avuso cattaro sukhallikanuyoge anuyuttanam viharatam cattari phalani cattaro anisamsa patikankha. {116.1} Katame cattaro . idhavuso bhikkhu tinnam sannojananam parikkhaya sotapanno hoti avinipatadhammo niyato sambodhiparayano idam pathamam phalam pathamo anisamso . puna caparam avuso bhikkhu tinnam sannojananam parikkhaya ragadosamohanam tanutta sakadagami hoti sakideva imam lokam agantva @Footnote: ¹ Ma. Yu. khosaddo na dissati.

--------------------------------------------------------------------------------------------- page146.

Dukkhassantam karoti idam dutiyam phalam dutiyo anisamso . puna caparam avuso bhikkhu pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka idam tatiyam phalam tatiyo anisamso . puna caparam avuso bhikkhu asavanam khaya anasavancetovimuttim pannavimuttim ditthe va dhamme sayam abhinna sacchikatva upasampajja viharati idam catuttham phalam catuttho anisamso . ime kho avuso cattaro sukhallikanuyoge anuyuttanam viharatam imani cattari phalani cattaro anisamsa patikankhati. [117] Thanam kho panetam cunda vijjati yam annatitthiya paribbajaka evam vadeyyum atthitadhamma samana sakyaputtiya viharantiti . evamvadino cunda annatitthiya paribbajaka evamassu vacaniya atthi kho avuso tena bhagavata janata passata arahata sammasambuddhena savakanam dhamma desita pannatta yavajivam anatikkamaniya. {117.1} Seyyathapi avuso indakhilo va ayokhilo va gambhiranemo sunikkhitto ^1- acalo asampavedhi evameva kho avuso tena bhagavata janata passata arahata sammasambuddhena savakanam dhamma desita pannatta yavajivam anatikkamaniya . yo so avuso bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto abhabbo so nava thanani ajjhacaritum . abhabbo avuso khinasavo bhikkhu @Footnote: ¹ Ma. Yu. sunikhato.

--------------------------------------------------------------------------------------------- page147.

Sancicca panam jivita voropetum abhabbo khinasavo bhikkhu adinnam theyyasankhatam adiyitum ^1- abhabbo khinasavo bhikkhu methunam dhammam patisevitum abhabbo khinasavo bhikkhu sampajanamusavadam ^2- bhasitum abhabbo khinasavo bhikkhu sannidhikarakakame paribhunjitum seyyathapi pubbe agarikabhuto ^3- abhabbo khinasavo bhikkhu chandagatim gantum abhabbo khinasavo bhikkhu dosagatim gantum abhabbo khinasavo bhikkhu mohagatim gantum abhabbo khinasavo bhikkhu bhayagatim gantum . yo so avuso bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto abhabbo kho ^4- so imani nava thanani ajjhacaritunti. [118] Thanam kho panetam cunda vijjati yam annatitthiya paribbajaka evam vadeyyum atitam kho addhanam arabbha samano gotamo atirakam ^5- nanadassanam pannapeti no ca kho anagatam addhanam arabbha atirakam ^5- nanadassanam pannapeti tayidam kimsu tayidam kathamsuti . Te ca ^6- annatitthiya paribbajaka annavihitakena nanadassanena annavihitam ananadassanam ^7- pannapetabbam mannanti yathariva bala abyatta. {118.1} Atitam kho cunda addhanam arabbha tathagatassa satanusarinanam ^8- hoti so yavatakam akankhati tavatakam anussarati anagatanca kho addhanam arabbha tathagatassa bodhijam nanam uppajjati @Footnote: ¹ Yu. adatum. ² Ma. Yu. sampajanamusa. ³ Yu. agariyabhuto. @⁴ Ma. Yu. khosaddo na dissati. ⁵ Ma. atirekam. ⁶ Yu. te neva. @⁷ Ma. Yu. nanadassanam . ⁸ Yu. satanusarivinnanam.

--------------------------------------------------------------------------------------------- page148.

Ayamantima jati natthidani punabbhavoti. [119] Atitancepi ^[1]- cunda hoti abhutam ataccham anatthasanhitam na tam tathagato byakaroti . atitancepi kho ^2- cunda hoti bhutam taccham anatthasanhitam tampi tathagato na byakaroti . atitancepi kho ^2- cunda hoti bhutam taccham atthasanhitam tatra kalannu tathagato hoti tassa panhassa veyyakaranaya . anagatancepi cunda hoti .pe. paccuppannam kho cepi cunda hoti abhutam ataccham anatthasanhitam na tam tathagato byakaroti . paccuppannam cepi cunda hoti bhutam taccham anatthasanhitam tampi tathagato na byakaroti . paccuppannampi ce cunda hoti bhutam taccham atthasanhitam tatra kalannu tathagato hoti tassa panhassa veyyakaranaya . iti kho cunda atitanagata- paccuppannesu dhammesu tathagato kalavadi saccavadi ^3- bhutavadi atthavadi dhammavadi vinayavadi tasma tathagatoti vuccati. [120] Yanca kho cunda sadevakassa lokassa samarakassa sabrahmakassa sassamanabrahmaniya pajaya sadevamanussaya dittham sutam mutam vinnatam pattam pariyesitam anuvicaritam manasa samma ^4- tathagatena abhisambuddham tasma tathagatoti vuccati . yanca cunda rattim tathagato anuttaram sammasambodhim abhisambujjhati yanca rattim anupadisesaya nibbanadhatuya parinibbayati yam etasmim anantare @Footnote: ¹ Ma. kho. ² Ma. Yu. khosaddo na dissati. ³ Ma. Yu. ayam patho na dissati. @⁴ Ma. Yu. sabbam.

--------------------------------------------------------------------------------------------- page149.

Bhasati lapati niddisati sabbantam tatheva ca ^1- hoti no annathati ^2- tasma tathagatoti vuccati . yathavadi cunda tathagato tathakari yathakari tathavadi iti yathavadi tathakari yathakari tathavadi va ^3- tasma tathagatoti vuccati . yam ^4- sadevake loke samarake sabrahmake sassamanabrahmaniya pajaya sadevamanussaya tathagato abhibhu anabhibhuto annadatthudaso vasavatti tasma tathagatoti vuccati. [121] Thanam kho panetam cunda vijjati yam annatitthiya paribbajaka evam vadeyyum kim nu kho avuso hoti tathagato param marana idameva saccam moghamannanti . evamvadino kho ^5- cunda annatitthiya paribbajaka evamassu vacaniya abyakatam kho avuso bhagavata hoti tathagato param marana idameva saccam moghamannanti. {121.1} Thanam kho panetam cunda vijjati yam annatitthiya paribbajaka evam vadeyyum kim panavuso na hoti tathagato param marana idameva saccam moghamannanti . evamvadino cunda annatitthiya paribbajaka evamassu vacaniya etampi ^6- kho avuso bhagavata abyakatam na hoti tathagato param marana idameva saccam moghamannanti. {121.2} Thanam kho panetam cunda vijjati yam annatitthiya paribbajaka evam vadeyyum kim panavuso ^7- hoti ca na ca hoti tathagato param marana idameva saccam moghamannanti . evamvadino cunda annatitthiya paribbajaka evamassu vacaniya @Footnote:1-2-3-4-5 ayam na dissati. ⁶ Ma. evampikho. ⁷ Yu. kinnukho avuso.

--------------------------------------------------------------------------------------------- page150.

Abyakatam kho panetam avuso bhagavata hoti ca na ca hoti tathagato param marana idameva saccam moghamannanti. {121.3} Thanam kho panetam cunda vijjati yam annatitthiya paribbajaka evam vadeyyum kim panavuso neva hoti na na hoti tathagato param marana idameva saccam moghamannanti . evamvadino cunda annatitthiya paribbajaka evamassu vacaniya etampi kho avuso bhagavata abyakatam neva hoti na na hoti tathagato param marana idameva saccam moghamannanti. [122] Thanam kho panetam cunda vijjati yam annatitthiya paribbajaka evam vadeyyum kasma panetam avuso samanena gotamena abyakatanti . evamvadino cunda annatitthiya paribbajaka evamassu vacaniya na hetam avuso atthasanhitam na ^1- dhammasanhitam na adibrahmacariyakam na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati tasma tam bhagavata abyakatanti. {122.1} Thanam kho panetam cunda vijjati yam annatitthiya paribbajaka evam vadeyyum kim panavuso samanena gotamena byakatanti. Evamvadino cunda annatitthiya paribbajaka evamassu vacaniya idam dukkhanti kho avuso bhagavata byakatam ayam dukkhasamudayoti kho avuso bhagavata byakatam ayam dukkhanirodhoti kho avuso bhagavata byakatam ayam dukkhanirodhagamini @Footnote: ¹ Ma. na ca.

--------------------------------------------------------------------------------------------- page151.

Patipadati kho avuso bhagavata byakatanti. {122.2} Thanam kho panetam cunda vijjati yam annatitthiya paribbajaka evam vadeyyum kasma panetam avuso samanena gotamena byakatanti . evamvadino kho ^1- cunda annatitthiya paribbajaka evamassu vacaniya etanhi avuso atthasanhitam dhammasanhitam ^2- etam adibrahmacariyakam ekantam nibbidaya viragaya nirodhaya upasamaya abhinnaya sambodhaya nibbanaya samvattati tasma tam bhagavata byakatanti. [123] Yepi te cunda pubbantasahagata ditthinissaya tepi kho ^3- maya byakata yatha te byakatabba ^4- yatha ca te ^5- na byakatabba ^4- kim te ^6- ahante annatitthiye tattha ^7- byakarissami . yepi te cunda aparantasahagata ditthinissaya tepi te ^5- maya byakata yatha te byakatabba ^4- yatha ca te ^5- na byakatabba ^4- kim te ahante na tattha ^7- byakarissami. Katame te cunda pubbantasahagata ditthinissaya ye te ^3- maya byakata yatha te byakatabba ^4- yatha ca te na byakatabba ^4-. {123.1} Santi ^[8]- cunda eke samanabrahmana evamvadino evamditthino sassato atta ca loko ca idameva saccam moghamannanti. Santi pana cunda eke samanabrahmana evamvadino evamditthino asassato atta ca loko ca. Sankhittam. Sassato ca asassato ca atta ca loko ca. Nevasassato ca ^9- nasassato ca ^9- atta ca loko ca. @Footnote: ^1-9 Ma. Yu. ayam na dissati. ² Ma. Yu. etam dhammasamhitam. 3-6 Ma. Yu. vo. @⁴ Yu. vyakattabba. ⁵ Yu. ca kho te. ⁷ Ma. na tatha. Yu. tatha. ⁸ Ma. kho @⁹ Ma. Yu. casaddo na dissati.

--------------------------------------------------------------------------------------------- page152.

Sayankato atta ca loko ca . parankato atta ca loko ca. Sayankato ca parankato ca atta ca loko ca . Asayankaro ca ^1- aparankaro ca ^1- adhiccasamuppanno atta ca loko ca idameva saccam moghamannanti . sassatam sukhadukkham . asassatam sukhadukkham . sassatanca asassatanca sukhadukkham . nevasassatam nasassatam sukhadukkham . sayankatam sukhadukkham . parankatam sukhadukkham . sayanca katam ^2- parankatanca sukhadukkham . asayankaram aparankaram adhiccasamuppannam sukhadukkham idameva saccam moghamannanti. [124] Tattha cunda ye te samanabrahmana evamvadino evamditthino sassato atta ca loko ca idameva saccam moghamannanti tyaham upasankamitva evam vadami atthi nu kho idam avuso vuccati sassato atta ca loko cati . yanca kho te evamahamsu idameva saccam moghamannanti . tam tesam nanujanami . tam kissa hetu . Annatha- sanninopi hettha cunda santeke satta . imayapi kho aham cunda pannattiya neva attano ^3- samasamam samanupassami kuto bhiyyo athakho ahameva tattha bhiyyo yadidam adhipannatti. [125] Tatra cunda ye te samanabrahmana evamvadino evamditthino ^[4]- asassato atta ca loko ca. Sankhittam. Sassato ca asassato ca atta ca loko ca . nevasassato ca nasassato ca @Footnote: ^1-5 Ma. Yu. casaddo na dissati. ² Ma. Yu. sayankatanca. evamupari. @³ Ma. attana . ⁴ sassato atta ca loko ca.

--------------------------------------------------------------------------------------------- page153.

Atta ca loko ca . sayankato atta ca loko ca . Parankato atta ca loko ca . sayankato ca parankato ca atta ca loko ca. Asayankaro ca ^1- aparankaro ca ^1- adhiccasamuppanno atta ca loko ca. Sassatam sukhadukkham . asassatam sukhadukkham . sassatanca asassatanca sukhadukkham . nevasassatam ca ^1- nasassatam ca ^1- sukhadukkham . Sayankatam sukhadukkham . parankatam sukhadukkham . sayanca katam parankatanca sukhadukkham . Asayankaram aparankaram adhiccasamuppannam sukhadukkham idameva saccam moghamannanti tyaham upasankamitva evam vadami atthi nu kho idam avuso vuccati asayankaram aparankaram adhiccasamuppannam sukhadukkhanti . yanca kho te evamahamsu idameva saccam moghamannanti. Tantesannanujanami . tam kissa hetu . annathasanninopi hettha cunda santeke satta . imayapi kho aham cunda pannattiya neva attano ^2- samasamam samanupassami kuto bhiyyo athakho ahameva tattha bhiyyo yadidam adhipannatti . ime kho te cunda pubbantasahagata ditthinissaya ye te maya byakata yatha te byakatabba yatha ca te na byakatabba kim te ahante tattha byakarissami. [126] Katame te ^3- cunda aparantasahagata ditthinissaya ye te maya byakata yatha te byakata ^4- yatha ca te na byakatabba kim te aham te tattha byakarissami ^5- . Santi cunda @Footnote: ¹ Ma. casaddo na disusati. ² Ma. attana. ³ Ma. Yu. ca. ⁴ Ma. byakatabba @Yu. vyakattabba. ⁵ Yu. kim te aham te tattha byakarissamiti ime patha na @dissanti.

--------------------------------------------------------------------------------------------- page154.

Eke samanabrahmana evamvadino evamditthino rupi atta hoti arogo param marana idameva saccam moghamannanti . santi kho ^1- pana cunda eke samanabrahmana evamvadino evamditthino arupi atta hoti . rupi ca arupi ca atta hoti. Nevarupinarupi atta hoti . sanni atta hoti . asanni atta hoti . Sanni ca asanni ca atta hoti ^2- . nevasanninasanni atta hoti . Atta ucchijjati vinassati na hoti param marana idameva saccam moghamannanti. {126.1} Tatra cunda ye te samanabrahmana evamvadino evamditthino rupi atta hoti arogo param marana idameva saccam moghamannanti tyaham upasankamitva evam vadami atthi kho idam avuso vuccati rupi atta hoti arogo param maranati yanca kho te evamahamsu idameva saccam moghamannanti . tantesam nanujanami . tam kissa hetu . annathasanninopi hettha cunda santeke satta . imayapi kho aham cunda pannattiya neva attano ^3- samasamam samanupassami kuto bhiyyo athakho ^[4]- ahameva tattha bhiyyo yadidam adhipannatti. [127] Tattha cunda ye te samanabrahmana evamvadino evamditthino arupi atta hoti . rupi ca arupi ca atta hoti. Nevarupinarupi atta hoti . sanni atta hoti . asanni atta hoti . sanni ca asanni ca atta hoti ^2- . @Footnote: ¹ Ma. Yu. khosaddo na dissati. ² Ma. Yu. sanni ca ... hotiti ime patha na @dissanti. ³ Ma. attana. ⁴ Yu. cunda.

--------------------------------------------------------------------------------------------- page155.

Nevasanninasanni atta hoti . atta ucchijjati vinassati na hoti param marana idameva saccam moghamannanti tyaham upasankamitva evam vadami atthi kho ^1- idam avuso vuccati atta ucchijjati vinassati na hoti param maranati . yanca kho te cunda evamahamsu idameva saccam moghamannanti . tantesam nanujanami . Tam kissa hetu . annathasanninopi hettha cunda santeke satta . Imayapi kho aham cunda pannattiya neva attano samasamam samanupassami kuto bhiyyo athakho ahameva tattha bhiyyo yadidam adhipannatti. Ime kho cunda aparantasahagata ditthinissaya ye te maya byakata yatha te byakatabba yatha ca te na byakatabbati ^2- kim te ahante tattha byakarissami. [128] Imesanca cunda pubbantasahagatanam ditthinissayanam imesanca aparantasahagatanam ditthinissayanam pahanaya samatikkamaya evam maya cattaro satipatthana desita pannatta . katame cattaro . idha cunda bhikkhu kaye kayanupassi viharati atapi sampajano satima vineyya loke abhijjhadomanassam . vedanasu . Citte . dhammesu dhammanupassi viharati atapi sampajano satima vineyya loke abhijjhadomanassam . imesanca cunda pubbantasahagatanam ditthinissayanam imesanca aparantasahagatanam ditthinissayanam @Footnote: ¹ Ma. atthi nu kho . ² Ma. Yu. itisaddo na dissati.

--------------------------------------------------------------------------------------------- page156.

Pahanaya samatikkamaya evam maya ime cattaro satipatthana desita pannattati. [129] Tena kho pana samayena ayasma upadano ^1- bhagavato pitthito thito hoti bhagavantam vijayamano . athakho ayasma upadano ^1- bhagavantameva etadavoca acchariyam bhante abbhutam bhante pasadiko vatayam bhante dhammapariyayo supasadiko ^2- vatayam bhante dhammapariyayo ko namayam bhante dhammapariyayoti . tasmatiha tvam upadana ^3- imam dhammapariyayam pasadikotveva ^[4]- dharehiti. Idamavoca bhagava . attamano ayasma upadano ^1- bhagavato bhasitam abhinanditi. Pasadikasuttam nitthitam chattham. ------------- @Footnote: ¹ Ma. upavano. Yu. upavano. ² Yu. atipasadiko. ³ Ma. upavana. @Yu. upavana. ⁵ Ma. Yu. nam.

The Pali Tipitaka in Roman Character Volume 11 page 128-156. https://84000.org/tipitaka/read/roman_item.php?book=11&item=94&items=36&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=11&item=94&items=36&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=11&item=94&items=36&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=11&item=94&items=36&pagebreak=1&modeTY=2 Study Atthakatha :- https://84000.org/tipitaka/attha/attha.php?b=11&i=94 Contents of The Tipitaka Volume 11 https://84000.org/tipitaka/read/?index_11 https://84000.org/tipitaka/english/?index_11