paliTIPITAKA Volume 15 - Sutta Pitaka 7

Tatiyam brahmadevasuttam [563] Evamme sutam ekam samayam bhagava savatthiyam viharati jetavane anathapindikassa arame . tena kho pana samayena annatarissa brahmaniya brahmadevo nama putto bhagavato santike ^[3]- anagariyam pabbajito hoti . atha kho ayasma brahmadevo eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . Annataro ca panayasma brahmadevo arahatam ahosi. [564] Atha kho ayasma brahmadevo pubbanhasamayam nivasetva pattacivaramadaya savatthiyam ^4- pindaya pavisi savatthiyam sapadanam pindaya caramano yena sakamatu nivesanam tenupasankami . tena kho @Footnote: ¹ Ma. bahunam. ² Ma. vihamsu. ³ Ma. Yu. agarasma. ⁴ Po. Ma. savatthim.

--------------------------------------------------------------------------------------------- page207.

Pana samayena ayasmato brahmadevassa mata brahmani brahmuno ahutim niccam pagganhati . atha kho brahmuno sahampatissa etadahosi ayam kho ayasmato brahmadevassa mata brahmani brahmuno ahutim niccam pagganhati yannunaham tam upasankamitva samvejeyyanti. [565] Atha kho brahma sahampati seyyathapi nama balava puriso samminjitam va baham pasareyya pasaritam va baham samminjeyya evameva brahmaloke antarahito ayasmato brahmadevassa matu nivesane paturahosi . atha kho brahma sahampati vehasanthito ayasmato brahmadevassa mataram brahmanim gathahi ajjhabhasi dure ito brahmani brahmaloko yassahutim pagganhasi niccam netadiso brahmani brahmabhakkho kim jappasi brahmapatham ajanam ^1- eso hi te brahmani brahmadevo nirupadhiko atidevapatto akincano bhikkhu anannaposi yo te so pindaya gharam pavittho ahuniyo vedagu bhavitatto narana devana ca dakkhineyyo bahitva papani anupalitto @Footnote: ¹ Yu. ajananti.

--------------------------------------------------------------------------------------------- page208.

Ghasesanam iriyati sitibhuto na tassa paccha na puratthamatthi santo vidhumo anigho niraso nikkhittadando tasathavaresu so tyahutim bhunjatu aggapindam visenibhuto upasantacitto nagova danto carati anejo bhikkhu susilo suvimuttacitto so tyahutim bhunjatu aggapindam tasmim pasanna avikampamana patitthapehi dakkhinam dakkhineyye karohi punnam sukhamayatikam disva munim brahmani oghatinnam ^1- tasmim pasanna avikampamana patitthapehi ^2- dakkhinam dakkhineyye akasi punnam sukhamayatikam disva munim brahmani oghatinnanti. Catuttham bakasuttam [566] Ekam samayam bhagava savatthiyam viharati jetavane anathapindikassa arame . tena kho pana samayena bakassa brahmuno evarupam @Footnote: ¹ Ma. Yu. oghatinnanti . ² Ma. Yu. patitthapesi.

--------------------------------------------------------------------------------------------- page209.

Papakam ditthigatam uppannam hoti idam niccam idam dhuvam idam sassatam idam kevalam idam acavanadhammam idam hi na jayati na jiyyati na miyyati na cavati na upapajjati ito ca panannam uttarim ^1- nissaranam natthiti.

The Pali Tipitaka in Roman Character Volume 15 page 206-209. https://84000.org/tipitaka/read/roman_item.php?book=15&item=563&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=15&item=563&items=4&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=563&items=4&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=563&items=4&pagebreak=1&modeTY=2 Study Atthakatha :- https://84000.org/tipitaka/attha/attha.php?b=15&i=563 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15