Catuttham mahasalasuttam
[689] Savatthinidanam . atha kho annataro brahmanamahasalo
lukho lukhapapurano 2- yena bhagava tenupasankami upasankamitva
bhagavata saddhim sammodi sammodaniyam katham saraniyam vitisaretva
ekamantam nisidi . ekamantam nisinnam kho tam brahmanamahasalam
@Footnote: 1 Ma. Yu. katham. 2 Ma. lukhapavurano.
Bhagava etadavoca kinnu tvam brahmana lukho lukhapapuranoti .
Idha me bho gotama cattaro putta te mam darehi sampuccha 1- ghara
nikkhamentiti.
[690] Tenahi tvam brahmana ima gathayo pariyapunitva 2-
sabhayam mahajanakaye sannipatite puttesu ca sannisinnesu bhasassu
yehi jatehi nandissam yesanca bhavamicchisam
te mam darehi sampuccha sava vadenti sukaram
asanta kira mam jamma tata tatati bhasare
rakkhasa puttarupena tena jahanti vayogatam
assova jinno nibbhogo khadana apaniyati
balakanam pita thero paragaresu bhikkhati
dandova kira me seyyo yance putta anassava
candampi gonam vareti atho candampi kukkuram
andhakare pure hoti gambhire gadhamedhati
dandassa anubhavena khalitva patititthatiti.
[691] Atha kho so brahmanamahasalo bhagavato santike ima
gathayo pariyapunitva sabhayam mahajanakaye sannipatite puttesu
ca sannisinnesu abhasi
yehi jatehi nandisam yesanca bhavamicchisam
@Footnote: 1 darehi sampuccha itipi pathena bhavitabbam. 2 Po. patissunitva.
Te mam darehi sampuccha sava vadenti sukaram
asanta kira mam jamma tata tatati bhasare
rakkhasa puttarupena te jahanti vayogatam
assova jinno nibbhogo khadana apaniyati
balakanam pita thero paragaresu bhikkhati
dandova kira me seyyo yance putta anassava
candampi gonam vareti atho candampi kukkuram
andhakare pure hoti gambhire gadhamedhati
dandassa anubhavena khalitva patititthatiti.
[692] Atha kho nam brahmanamahasalam putta gharam netva
nhapetva paccekam dussayugena acchadesum . atha kho so
brahmanamahasalo ekam dussayugam adaya yena bhagava tenupasankami
upasankamitva bhagavata saddhim sammodi sammodaniyam katham saraniyam
vitisaretva ekamantam nisidi . ekamantam nisinno kho so
brahmanamahasalo bhagavantam etadavoca mayam bho gotama brahmana
nama acariyassa acariyadhanam pariyesama patigganhatu me bhavam gotamo
acariyo 1- acariyabhaganti 2-. Patiggahesi bhagava anukampam upadaya.
[693] Atha kho so brahmanamahasalo bhagavantam etadavoca
abhikkantam bho gotama .pe. upasakam mam bhavam gotamo dharetu
ajjatagge panupetam saranangatanti.
@Footnote: 1 Ma. Yu. acariyoti padam natthi. 2 Ma. Yu. acariyadhanam.
Pancamam manatthaddhasuttam
[694] Savatthinidanam . tena kho pana samayena manatthaddho
nama brahmano savatthiyam pativasati . so neva mataram abhivadeti
na pitaram abhivadeti na acariyam abhivadeti na jetthabhataram abhivadeti.
[695] Tena kho pana samayena bhagava mahatiya parisaya parivuto
dhammam deseti . atha kho manatthaddhassa brahmanassa etadahosi
ayam kho samano gotamo mahatiya parisaya parivuto dhammam deseti
yannunaham yena samano gotamo tenupasankameyyam sace mam samano
gotamo alapissati ahampi tam alapissami no ce mam samano
gotamo alapissati ahampi tam nalapissamiti . atha kho manatthaddho
brahmano yena bhagava tenupasankami upasankamitva [1]-
ekamantam atthasi . atha kho bhagava [2]- nalapati . atha kho
manatthaddho brahmano nayam samano gotamo kinci janatiti
tatova puna nivattitukamo ahosi.
The Pali Tipitaka in Roman Character Volume 15 page 258-261.
https://84000.org/tipitaka/read/roman_item.php?book=15&item=689&items=7
Classified by [Item Number] :-
http://84000.org/tipitaka/read/roman_item.php?book=15&item=689&items=7&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=15&item=689&items=7
Compare with The Royal Version of Thai Tipitaka :-
https://84000.org/tipitaka/read/byitem.php?book=15&item=689&items=7
Study Atthakatha :-
https://84000.org/tipitaka/attha/attha.php?b=15&i=689
Contents of The Tipitaka Volume 15
https://84000.org/tipitaka/read/?index_15
https://84000.org/tipitaka/english/?index_15
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
