paliTIPITAKA Volume 15 - Sutta Pitaka 7

[700] Evaṃ vutte mānatthaddho brāhmaṇo bhagavantaṃ etadavoca abhikkantaṃ bho gotama abhikkantaṃ bho gotama .pe. upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṅgatanti. @Footnote: ¹ Ma. abbhutavittajātā. ² Ma. kesu cassa. Yu. kesu assa. ³ Ma. Yu. etthantare @tesu na mānaṃ kayirāthāti dissati. ⁴ Ma. te namasse. Yu. namassa. Chaṭṭhaṃ paccanikasuttaṃ [701] Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena paccanikasāto nāma brāhmaṇo sāvatthiyaṃ paṭivasati . atha kho paccanikasātassa brāhmaṇassa etadahosi yannūnāhaṃ yena samaṇo gotamo tenupasaṅkameyyaṃ yaṃ yadeva samaṇo gotamo bhāsissati taṃ tadevassāhaṃ paccanikāssanti. [702] Tena kho pana samayena bhagavā ajjhokāse caṅkamati. Atha kho paccanikasāto brāhmaṇo yena bhagavā tenupasaṅkami upasaṅkamitvā bhagavantaṃ caṅkamantaṃ anucaṅkamamāno bhagavantaṃ etadavoca bhaṇa samaṇa dhammanti. [703] Na paccanikasātena suvijānaṃ subhāsitaṃ upakkiliṭṭhacittena sārambha bahutena ^1- ca yo ca vineyya sārambhaṃ appasādañca cetaso āghātaṃ paṭinissajja sace ^2- jaññā subhāsitanti.

The Pali Tipitaka in Roman Character Volume 15 page 262-263. https://84000.org/tipitaka/read/roman_item.php?book=15&item=700&items=4 Classified by [Item Number] :- http://84000.org/tipitaka/read/roman_item.php?book=15&item=700&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=700&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=700&items=4 Study Atthakatha :- https://84000.org/tipitaka/attha/attha.php?b=15&i=700 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15