บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Navamaṃ āraññakasuttaṃ [895] Sāvatthīnidānaṃ . bhūtapubbaṃ bhikkhave sambahulā isayo sīlavanto kalyāṇadhammā araññāyatane paṇṇakuṭīsu sammanti . Atha kho bhikkhave sakko ca devānamindo vepacitti ca asurindo yena te isayo sīlavanto kalyāṇadhammā tenupasaṅkamiṃsu. [896] Atha kho bhikkhave vepacitti asurindo aṭaliyo 1- upāhanā ārohitvā khaggaṃ olaggetvā chattena dhāriyamānena aggadvārena assamaṃ pavisitvā te isayo sīlavante kalyāṇadhamme apabyāmato karitvā atikkami . atha kho bhikkhave sakko devānamindo aṭaliyo upāhanā orohitvā khaggaṃ aññesaṃ datvā chattaṃ apaṇāmetvā dvāreneva assamaṃ pavisitvā te isayo sīlavante kalyāṇadhamme anuvātaṃ pañjaliko namassamāno aṭṭhāsi. [897] Atha kho bhikkhave te isayo sīlavanto kalyāṇadhammā sakkaṃ devānamindaṃ gāthāya ajjhabhāsiṃsu @Footnote: 1 Po. Ma. paṭaliyo. Gandho isīnaṃ ciradakkhitānaṃ kāyā cuto gacchati mālutena ito paṭikkamma sahassanetta gandho isīnaṃ asuci devarājāti. [898] Gandho isīnaṃ ciradakkhitānaṃ kāyā cuto gacchati 1- mālutena sucitrapupphaṃ sirasmiṃva mālaṃ gandhaṃ etaṃ paṭikaṅkhāma bhante na hettha devā paṭikkūlasaññinoti.The Pali Tipitaka in Roman Character Volume 15 page 331-332. https://84000.org/tipitaka/read/roman_item.php?book=15&item=895&items=4 Classified by [Item Number] :- http://84000.org/tipitaka/read/roman_item.php?book=15&item=895&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=895&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=895&items=4 Study Atthakatha :- https://84000.org/tipitaka/attha/attha.php?b=15&i=895 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]