paliTIPITAKA Volume 16 - Sutta Pitaka 8

[224] Ekam samayam bhagava kurusu viharati kammasadammam ^1- nama kurunam nigamo . atha kho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca acchariyam bhante abbhutam bhante yavagambhiro cayam bhante paticcasamuppado @Footnote: ¹ kammasadhammantipi patho.

--------------------------------------------------------------------------------------------- page111.

Gambhiravabhaso ca atha ca pana me uttanakuttanako viya khayatiti. [225] Ma hevam ananda ma hevam ananda gambhiro cayam ananda paticcasamuppado gambhiravabhaso ca etassa ananda dhammassa annana ananubodha appativedha evamayam paja tantakulajata guligunthikajata ^1- munjapabbajabhuta apayam duggatim vinipatam samsaram nativattati. [226] Upadaniyesu ananda dhammesu assadanupassino viharato tanha pavaddhati tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkha- domanassupayasa sambhavanti evametassa kevalassa dukkhakkhandhassa samudayo hoti. [227] Seyyathapi ananda maha rukkho tassa yani ceva mulani adhogamani yani ca tiriyangamani sabbani tani uddham ojam abhiharanti evanhi so ananda maha rukkho tadaharo tadupadano ciram dighamaddhanam tittheyya evameva kho ananda upadaniyesu dhammesu assadanupassino viharato tanha pavaddhati tanhapaccaya upadanam upadanapaccaya bhavo .pe. Evametassa kevalassa dukkhakkhandhassa samudayo hoti. [228] Upadaniyesu ananda dhammesu adinavanupassino viharato @Footnote: ¹ Ma. kulaganthikajata. Yu. guliganudhikajata.

--------------------------------------------------------------------------------------------- page112.

Tanha nirujjhati tanhanirodha upadananirodho upadananirodha bhavanirodho .pe. evametassa kevalassa dukkhakkhandhassa nirodho hoti. [229] Seyyathapi ananda maha rukkho atha puriso agaccheyya kuddalapitakam adaya so tam rukkham mule chindeyya mule chetva palikhaneyya palikhanitva mulani uddhareyya antamaso usiranalimattanipi . so tam rukkham khandakhandikam chindeyya khandakhandikam chetva ^1- phaleyya phaletva sakalikam sakalikam kareyya sakalikam sakalikam karitva vatatape visoseyya vatatape visosetva aggina daheyya aggina dahetva masim kareyya masim karitva mahavate va ophuneyya nadiya va sighasotaya pavaheyya evanhi so ananda maha rukkho ucchinnamulo assa talavatthukato anabhavangato ayatim anuppadadhammo evameva kho ananda upadaniyesu dhammesu adinavanupassino viharato tanha nirujjhati tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hotiti . Dasamam. Dukkhavaggo chattho. @Footnote: ¹ Ma. Yu. chinditva.

--------------------------------------------------------------------------------------------- page113.

Tassa uddanam parivimamsanupadanam dve ca sannojanani ca maharukkhena dve vutta tarunena ca sattamam namarupanca vinnanam nidanena ca te dasati. -----------

--------------------------------------------------------------------------------------------- page114.

Mahavaggo sattamo

The Pali Tipitaka in Roman Character Volume 16 page 110-114. https://84000.org/tipitaka/read/roman_item.php?book=16&item=224&items=6&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=16&item=224&items=6&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=224&items=6&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=16&item=224&items=6&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=16&i=224 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16