|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.
|
|
Sabbavaggo tatiyo [24] Sabbaṃ vo bhikkhava desissāmi taṃ suṇātha . kiñca bhikkhave sabbaṃ cakkhuñceva rūpā ca sotañca saddā ca ghānañca gandhā ca jivhā ca rasā ca kāyo ca phoṭṭhabbā ca mano ca dhammā ca . idaṃ vuccati bhikkhave sabbaṃ . yo bhikkhave evaṃ vadeyya ahametaṃ sabbaṃ paccakkhāya aññaṃ [1]- paññapessāmīti . Tassa vācā vatthudevassa 2- . puṭṭho ca na sampāyeyya 3- uttariṃ ca vighātaṃ āpajjeyya . taṃ kissa hetu . yathā taṃ bhikkhave avisayasminti. Paṭhamaṃ. [25] Sabbaṃ pahānāya 4- vo bhikkhave dhammaṃ desissāmi taṃ suṇātha . katamo ca bhikkhave sabbaṃ pahānāya dhammo . cakkhuṃ bhikkhave pahātabbaṃ rūpā pahātabbā cakkhuviññāṇaṃ pahātabbaṃ cakkhusamphasso pahātabbo yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ . Sotaṃ pahātabbaṃ . ghānaṃ pahātabbaṃ . jivhā pahātabbā rasā pahātabbā jivhāviññāṇaṃ pahātabbaṃ jivhāsamphasso pahātabbo yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ . Kāyo pahātabbo . mano pahātabbo dhammā pahātabbā @Footnote: 1 Ma. Yu. sabbaṃ. 2 Ma. vatthukamevassa. Yu. vatthurevassa. 3 Yu. sampāpeyya. @4 Ma. Yu. sabbappahānāya. evamuparipi. Manoviññāṇaṃ pahātabbaṃ manosamphasso pahātabbo yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ . ayaṃ kho bhikkhave sabbaṃ pahānāya dhammoti. Dutiyaṃ.The Pali Tipitaka in Roman Character Volume 18 page 19-20. https://84000.org/tipitaka/read/roman_item.php?book=18&item=24&items=2 Classified by [Item Number] :- http://84000.org/tipitaka/read/roman_item.php?book=18&item=24&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=24&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=24&items=2 Study Atthakatha :- https://84000.org/tipitaka/attha/attha.php?b=18&i=24 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]