paliTIPITAKA Volume 19 - Sutta Pitaka 11

page349.

[1162] Evamme sutam ekam samayam ayasma anando kosambiyam viharati ghositarame . atha kho unnabho brahmano yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . Ekamantam nisinno kho unnabho brahmano ayasmantam anandam etadavoca [1163] Kimatthiyam nu kho bho ananda samane gotame brahmacariyam vussatiti . chandappahanattham kho brahmana bhagavati brahmacariyam vussatiti. [1164] Atthi pana bho ananda maggo atthi patipada etassa chandassa pahanayati . atthi kho brahmana maggo atthi patipada etassa chandassa pahanayati. [1165] Katamo pana bho ananda maggo katama patipada etassa chandassa pahanayati . idha brahmana bhikkhu chandasamadhi- padhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankharasamannagatam iddhipadam bhaveti . ayam kho brahmana maggo ayam patipada etassa chandassa pahanayati. [1166] Evam sante bho ^1- ananda santakam hoti no asantakam chandeneva ^2- chandam pajahissatiti netam thanam vijjatiti ^3-. Tenahi brahmana tannevettha patipucchissami yatha te khameyya tatha tam byakareyyasi. @Footnote: ¹ Yu. kho. ² Yu. chandena ca. ³ Ma. itisaddo natthi.

--------------------------------------------------------------------------------------------- page350.

[1167] Tam kim mannasi brahmana ahosi te pubbe chando aramam gamissamiti . tassa te aramam gatassa yo tajjo chando so patippassaddhoti . evam bho . ahosi te pubbe viriyam aramam gamissamiti . tassa te aramam gatassa yam tajjam viriyam tam patippassaddhanti . evam bho . ahosi te pubbe cittam aramam gamissamiti . tassa te aramam gatassa yam tajjam cittam tam patippassaddhanti . evam bho . ahosi te pubbe vimamsa aramam gamissamiti . tassa te aramam gatassa ya tajja vimamsa sa patippassaddhati. Evam bho. [1168] Evameva kho brahmana yo so bhikkhu araham khinasavo vusitava katakaraniyo ohitabharo anuppattasadattho parikkhina- bhavasannojano sammadannavimutto tassa yo pubbe chando ahosi arahattappattiya arahatte ^1- patte yo tajjo chando so patippassaddho yam pubbe viriyam ahosi arahattappattiya arahatte patte yam tajjam viriyam tam patippassaddham yam pubbe cittam ahosi arahattappattiya arahatte patte yam tajjam cittam tam patippassaddham ya pubbe vimamsa ahosi arahattappattiya arahatte patte ya tajja vimamsa sa patippassaddha. [1169] Tam kim mannasi brahmana iti evam sante santakam va hoti no ^2- asantakam vati . addha bho ananda evam sante santakam @Footnote: ¹ Ma. arahattappatte. evampari. ² Yu. nosaddo natthi.

--------------------------------------------------------------------------------------------- page351.

Hoti no asantakam abhikkantam bho ananda abhikkantam bho ananda seyyathapi bho ananda nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti . evameva taya bho ananda ^1- anekapariyayena dhammo pakasito . esaham bho ananda tam bhavantam gotamam saranam gacchami dhammanca bhikkhusanghanca upasakam mam bhavam anando dharetu ajjatagge panupetam saranangatanti.

The Pali Tipitaka in Roman Character Volume 19 page 349-351. https://84000.org/tipitaka/read/roman_item.php?book=19&item=1162&items=8&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=19&item=1162&items=8&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=1162&items=8&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1162&items=8&pagebreak=1&modeTY=2 Study Atthakatha :- https://84000.org/tipitaka/attha/attha.php?b=19&i=1162 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19