paliTIPITAKA Volume 19 - Sutta Pitaka 11

[403] Ekam samayam ayasma ca upavano ayasma ca sariputto ^1- kosambiyam viharanti ghositarame . atha kho ayasma sariputto ^2- sayanhasamayam patisallana vutthito yenayasma upavano tenupasankami upasankamitva ayasmata upavanena saddhim sammodi sammodaniyam katham saraniyam vitisaretva ekamantam nisidi . Ekamantam nisinno kho ayasma sariputto ayasmantam upavanam etadavoca janeyya nu kho avuso upavana bhikkhu paccattam yonisomanasikara evam susamaraddha me satta bojjhanga phasuviharaya samvattantiti . janeyya kho avuso sariputta bhikkhu paccattam yonisomanasikara evam susamaraddha me satta bojjhanga phasuviharaya samvattantiti . [404] Satisambojjhangam kho avuso bhikkhu arabbhamano pajanati cittanca me suvimuttam thinamiddhanca me susamuhatam uddhaccakukkuccanca me suppativinitam araddhanca me viriyam atthikatva manasikaromi @Footnote: ^1-2 Po. adhimutto. evamupari. No ca linanti .pe. [405] Upekkhasambojjhangam avuso bhikkhu arabbhamano pajanati cittanca me suvimuttam thinamiddhanca me susamuhatam uddhaccakkuccanca me suppativinitam araddhanca me viriyam atthikatva manasikaromi no ca linanti. [406] Evam kho avuso sariputta bhikkhu janeyya paccattam yonisomanasikara evam susamaraddha me satta bojjhanga phasuviharaya samvattantiti.

The Pali Tipitaka in Roman Character Volume 19 page 109-110. https://84000.org/tipitaka/read/roman_item.php?book=19&item=403&items=4 Classified by [Item Number] :- http://84000.org/tipitaka/read/roman_item.php?book=19&item=403&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=403&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=403&items=4 Study Atthakatha :- https://84000.org/tipitaka/attha/attha.php?b=19&i=403 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19