ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
     [714]   Savatthiyam  .  bhagava  .  atha  kho  ayasma  anando
pubbanhasamayam     nivasetva     pattacivaramadaya     yena    annataro
bhikkhunupassayo   tenupasankami   upasankamitva  pannatte  asane  nisidi .
Atha   kho   sambahula   bhikkhuniyo   yenayasma  anando  tenupasankamimsu
upasankamitva   ayasmantam   anandam  abhivadetva  ekamantam  nisidimsu .
Ekamantam   nisinna  kho  ta  bhikkhuniyo  ayasmantam  anandam  etadavocum
idha    bhante    ananda   sambahula   bhikkhuniyo   catusu   satipatthanesu
supatitthitacitta   viharantiyo  ularam  pubbenaparam  visesam  sanjanantiti .
Evametam   bhaginiyo   evametam   bhaginiyo  yo  hi  koci  bhaginiyo  bhikkhu
va   bhikkhuni   va  catusu  satipatthanesu  supatitthitacitto  viharati  tassetam
patikankham   ularam   pubbenaparam   visesam   sanjanissatiti   .  atha  kho
ayasma   anando   ta   bhikkhuniyo   dhammiya   kathaya  sandassetva
samadapetva samuttejetva sampahamsetva utthayasana pakkami.
     [715]  Atha  kho  ayasma  anando  savatthiyam  pindaya caritva
pacchabhattam     pindapatapatikkanto     yena     bhagava     tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno    kho    ayasma   anando   bhagavantam   etadavoca   idhaham
bhante   pubbanhasamayam   nivasetva   pattacivaramadaya   yena   annataro
Bhikkhunupassayo     tenupasankamim     upasankamitva    pannatte    asane
nisidim   .  atha  kho  bhante  sambahula  bhikkhuniyo  yenaham  tenupasankamimsu
upasankamitva    mam   abhivadetva   ekamantam   nisidimsu   .   ekamantam
nisinna   kho   bhante   ta   bhikkhuniyo   mam   etadavocum  idha  bhante
ananda    sambahula   bhikkhuniyo   catusu   satipatthanesu   supatitthitacitta
viharantiyo   ularam  pubbenaparam  visesam  sanjanantiti  .  evam  vuttaham
bhante    ta   bhikkhuniyo   etadavocam   evametam   bhaginiyo   evametam
bhaginiyo   yo   hi   koci   bhaginiyo   bhikkhu   va   bhikkhuni  va  catusu
satipatthanesu      supatitthitacitto     viharati     tassetam     patikankham
ularam pubbenaparam visesam sanjanissatiti.
     [716]  Evametam  ananda  evametam  ananda yo hi koci ananda
bhikkhu   va   bhikkhuni   va   catusu  satipatthanesu  supatitthitacitto  viharati
tassetam   patikankham   ularam   pubbenaparam   visesam   sanjanissatiti  .
Katamesu catusu.
     [717]   Idhananda   bhikkhu   kaye  kayanupassi  viharati  atapi
sampajano   satima   vineyya  loke  abhijjhadomanassam  .  tassa  kaye
kayanupassino    viharato    kayarammano    va   uppajjati   kayasmim
parilaho   cetaso   va   linattam   bahiddha   va   cittam  vikkhipati .
Tena    ananda   bhikkhuna   kismincideva   pasadaniye   nimitte   cittam
panidahitabbam    .    tassa    kismincideva   pasadaniye   nimitte   cittam
Panidahato   pamujjam   1-   jayati   pamuditassa   piti   jayati  pitimanassa
kayo    passambhati    passaddhakayo    sukham    vedayati   sukhino   cittam
samadhiyati   .   so   iti   patisancikkhati   yassa  khvaham  atthaya  cittam
panidahim   so   me   attho   abhinipphanno   handadani   patisamharamiti .
So   patisamharati   ceva  na  ca  vitakketi  na  ca  vicareti  avitakkomhi
avicaro ajjhattam satima sukhamasmiti pajanati.
     [718]  Puna  caparam  ananda  bhikkhu  vedanasu . Citte. Dhammesu
dhammanupassi   viharati   atapi   sampajano   satima   vineyya   loke
abhijjhadomanassam    .    tassa    dhammesu    dhammanupassino    viharato
dhammarammano    va    uppajjati   kayasmim   parilaho   cetaso   va
linattam   bahiddha   va   cittam   vikkhipati   .   tena  ananda  bhikkhuna
kismincideva    pasadaniye    nimitte    cittam   panidahitabbam   .   tassa
kismincideva     pasadaniye    nimitte    cittam    panidahato    pamujjam
jayati    pamuditassa    piti    jayati    pitimanassa    kayo   passambhati
passaddhakayo   sukham   vedayati   sukhino   cittam   samadhiyati  .  so  iti
patisancikkhati    yassa    khvaham    atthaya   cittam   panidahim   so   me
attho    abhinipphanno    handadani   patisamharamiti   .   so   patisamharati
ceva   na   ca   vitakketi   na   ca   vicareti  avitakkomhi  avicaro
ajjhattam    satima    sukhamasmiti   pajanati   .   evam   kho   ananda
panidhaya bhavana hoti.
@Footnote: 1 Ma. pamojjam.
     [719]   Kathanca  ananda  appanidhaya  bhavana  hoti  .  bahiddha
ananda   bhikkhu   cittam   appanidhaya   appanihitam   me  bahiddha  cittanti
pajanati    atha    paccha    pure    asankhittam   vimuttam   appanihitanti
pajanati    atha   ca   pana   kaye   kayanupassi   viharami   atapi
sampajano satima sukhamasmiti pajanati.
     [720]   Bahiddha   ananda   bhikkhu   cittam  appanidhaya  appanihitam
me   bahiddha   cittanti  pajanati  atha  paccha  pure  asankhittam  vimuttam
appanihitanti    pajanati    atha    ca   pana   vedanasu   vedananupassi
viharami atapi sampajano satima sukhamasmiti pajanati.
     [721]   Bahiddha   ananda   bhikkhu   cittam  appanidhaya  appanihitam
me    bahiddha   cittanti   pajanati   atha   paccha   pure   asankhittam
vimuttam   appanihitanti   pajanati   atha   ca   pana   citte  cittanupassi
viharami atapi sampajano satima sukhamasmiti pajanati.
     [722]   Bahiddha   ananda   bhikkhu   cittam  appanidhaya  appanihitam
me    bahiddha   cittanti   pajanati   atha   paccha   pure   asankhittam
vimuttam   appanihitanti   pajanati   atha   ca   pana  dhammesu  dhammanupassi
viharami atapi sampajano satima sukhamasmiti pajanati.
     [723]   Evam  kho  ananda  appanidhaya  bhavana  hoti  .  iti
kho    ananda   desita   maya   panidhaya   bhavana   desita   maya
appanidhaya   bhavana   .   yam   ananda   satthara   karaniyam  savakanam
Hitesina   anukampakena   anukappam   upadaya   katam   vo  tam  maya .
Etani   ananda   rukkhamulani   etani  sunnagarani  .  jhayathananda
ma    pamadattha    ma   paccha   vippatisarino   ahuvattha   ayam   vo
amhakam   anusasaniti   .   idamavoca   bhagava   .  attamano  ayasma
anando bhagavato bhasitam abhinanditi.
                    Ambapalivaggo pathamo.
                        Tassuddanam
         ambapalisato bhikkhu              salakusalarasi ca
         sakunagghi makkato sudo         gilano bhikkhuni 1- vasakoti.
                     ------------
@Footnote: 1 Ma. bhikkhunupassayoti.
                    Nalandavaggo dutiyo



             The Pali Tipitaka in Roman Character Volume 19 page 206-211. https://84000.org/tipitaka/read/roman_item.php?book=19&item=714&items=10&mode=bracket              Classified by content :- https://84000.org/tipitaka/read/roman_item.php?book=19&item=714&items=10              Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=714&items=10&mode=bracket              Compare with The Royal Version of Thai Tipitaka :- https://84000.org/tipitaka/read/byitem.php?book=19&item=714&items=10&mode=bracket              Study Atthakatha :- https://84000.org/tipitaka/attha/attha.php?b=19&i=714              Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]