paliTIPITAKA Volume 19 - Sutta Pitaka 11

[724] Savatthinidanam . atha kho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma sariputto bhagavantam etadavoca mahapuriso mahapurisoti bhante vuccati kittavata nu kho bhante mahapuriso hotiti . vimuttacittatta khvaham sariputta mahapurisoti vadami avimuttacittatta no mahapurisoti vadami. [725] Kathanca sariputta vimuttacitto hoti . idha sariputta bhikkhu kaye kayanupassi viharati atapi sampajano satima vineyya loke abhijjhadomanassam . tassa kaye kayanupassino viharato cittam virajjati vimuccati anupadaya asavehi . vedanasu citte dhammesu dhammanupassi viharati atapi sampajano satima vineyya loke abhijjhadomanassam . tassa dhammesu dhammanupassino viharato cittam virajjati vimuccati anupadaya asavehi . evam kho sariputta vimuttacitto hoti . vimuttacittatta khvaham sariputta mahapurisoti vadami avimuttacittatta no mahapurisoti vadamiti. [726] Ekam samayam bhagava nalandayam viharati pavarikambavane. Atha kho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma sariputto bhagavantam etadavoca evam pasannaham ^1- bhante bhagavati na cahu na ca bhavissati na cetarahi vijjati anno samano va brahmano va bhagavata bhiyyobhinnataro yadidam sambodhiyanti . ulara kho tyayam sariputta asabhivaca bhasita ekamso gahito sihanado nadito evam pasannaham bhante bhagavati na cahu na ca bhavissati na cetarahi vijjati anno samano va brahmano va bhagavata bhiyyobhinnataro yadidam sambodhiyanti. [727] Kinnu te sariputta ye te ahesum atitamaddhanam arahanto sammasambuddha sabbe te bhagavanto cetasa ceto paricca vidita evamsila te bhagavanto ahesum iti va evamdhamma te bhagavanto ahesum iti va evampanna te bhagavanto ahesum iti va evamviharino te bhagavanto ahesum iti va evamvimutta te bhagavanto ahesum iti vati. No hetam bhante. [728] Kim pana te sariputta ye te bhavissanti anagatamaddhanam arahanto sammasambuddha sabbe te bhagavanto cetasa ceto paricca vidita evamsila te bhagavanto bhavissanti iti va evamdhamma te bhagavanto bhavissanti iti va evampanna te bhagavanto bhavissanti iti va evamviharino te bhagavanto bhavissanti @Footnote: ¹ Ma. pasanno aham. Yu. pasannoham. evamupari. Iti va evamvimutta te bhagavanto bhavissanti iti vati . no hetam bhante. [729] Kim pana tyaham sariputta etarahi araham sammasambuddho cetasa ceto paricca vidito evamsilo bhagava iti va evamdhammo bhagava iti va evampanno bhagava iti va evamvihari bhagava iti va evamvimutto bhagava iti vati. No hetam bhante. [730] Ettha ca te sariputta atitanagatapaccuppannesu arahantesu sammasambuddhesu cetopariyayananam ^1- natthi . atha kincarahi tyaham sariputta ulara asabhivaca bhasita ekamso gahito sihanado nadito evam pasannaham bhante bhagavati na cahu na ca bhavissati na cetarahi vijjati anno samano va brahmano va bhagavata bhiyyobhinnataro yadidam sambodhiyanti . na kho me tam ^2- bhante atitanagatapaccuppannesu arahantesu sammasambuddhesu cetopariyayananam atthi api ca dhammanvayo vidito. [731] Seyyathapi bhante ranno paccantimam nagaram dalhaddhalam ^3- dalhapakaratoranam ekadvaram tatrassa dovariko pandito byatto medhavi annatanam nivareta natanam paveseta . so tassa nagarassa samanta anupariyayapatham anukkamamano na passeyya @Footnote: ¹ Ma. cetopariyannanam. evamupari. ² Ma. ayam patho natthi. ³ Si. Yu. @dalhuddalam. Ma. dalhuddhapam. Pakarasandhim va pakaravivaram va antamaso vilaranissakkanamattampi ^1-. Tassa evamassa ye kho keci olarika pana imam nagaram pavisanti va nikkhamanti va sabbe te iminava dvarena pavisanti va nikkhamanti vati . evameva kho me bhante dhammanvayo vidito yepi te bhante ahesum atitamaddhanam arahanto sammasambuddha sabbe te bhagavanto panca nivarane pahaya cetaso upakkilese pannaya dubbalikarane catusu satipatthanesu supatitthitacitta satta bojjhange yathabhutam bhavetva anuttaram sammasambodhim abhisambujjhimsu. {731.1} Yepi te bhante bhavissanti anagatamaddhanam arahanto sammasambuddha sabbe te bhagavanto panca nivarane pahaya cetaso upakkilese pannaya dubbalikarane catusu satipatthanesu supatitthitacitta satta bojjhange yathabhutam bhavetva anuttaram sammasambodhim abhisambujjhissanti . bhagavapi bhante etarahi araham sammasambuddho panca nivarane pahaya cetaso upakkilese pannaya dubbalikarane catusu satipatthanesu supatitthitacitto satta bojjhange yathabhutam bhavetva anuttaram sammasambodhim abhisambuddhoti. [732] Sadhu sadhu sariputta tasma tiha tvam sariputta imam dhammapariyayam abhikkhanam bhaseyyasi bhikkhunam bhikkhuninam upasakanam upasikanam . yesampi hi sariputta moghapurisanam bhavissati tathagate @Footnote: ¹ Si. Ma. vilaranikkamanamattampi. Yu. bilaranissakkanamattampi. Kankha va vimati va tesampimam dhammapariyayam sutva ya tathagate kankha va vimati va sa pahiyissatiti. [733] Ekam samayam bhagava savatthiyam viharati jetavane anathapindikassa arame . tena kho pana samayena ayasma sariputto magadhesu viharati nalakagamake abadhiko dukkhito balhagilano . Cundo ^[1]- samanuddeso ayasmato sariputtassa upatthako hoti. Atha kho ayasma sariputto teneva abadhena parinibbayi.

The Pali Tipitaka in Roman Character Volume 19 page 211-215. https://84000.org/tipitaka/read/roman_item.php?book=19&item=724&items=10&mode=bracket Classified by content :- https://84000.org/tipitaka/read/roman_item.php?book=19&item=724&items=10 Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=724&items=10&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=19&item=724&items=10&mode=bracket Study Atthakatha :- https://84000.org/tipitaka/attha/attha.php?b=19&i=724 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19