[557] 118 Tisso ima bhikkhave vipattiyo katama tisso
silavipatti cittavipatti ditthivipatti . katama ca bhikkhave silavipatti
idha bhikkhave ekacco panatipati hoti adinnadayi hoti kamesu
micchacari hoti musavadi hoti pisunavaco hoti pharusavaco
hoti samphappalapi hoti ayam vuccati bhikkhave silavipatti .
Katama ca bhikkhave cittavipatti idha bhikkhave ekacco abhijjhalu
hoti byapannacitto hoti ayam vuccati bhikkhave cittavipatti .
Katama ca bhikkhave ditthivipatti idha bhikkhave ekacco micchaditthiko
hoti viparitadassano natthi dinnam natthi yittham natthi hutam
natthi sukatadukkatanam kammanam phalavipako natthi ayam loko natthi
paro loko natthi mata natthi pita natthi satta opapatika
natthi loke samanabrahmana sammaggata sammapatipanna ye imanca
lokam paranca lokam sayam abhinna sacchikatva pavedentiti ayam
vuccati bhikkhave ditthivipatti.
{557.1} Silavipattihetu va bhikkhave satta kayassa bheda
parammarana apayam duggatim vinipatam nirayam upapajjanti cittavipattihetu
va bhikkhave satta kayassa bheda parammarana apayam duggatim
vinipatam nirayam upapajjanti ditthivipattihetu va bhikkhave
Satta kayassa bheda parammarana apayam duggatim vinipatam nirayam
upapajjanti . ima kho bhikkhave tisso vipattiyo . tisso ima
bhikkhave sampada katama tisso silasampada cittasampada ditthisampada.
Katama ca bhikkhave silasampada idha bhikkhave ekacco
panatipata pativirato hoti adinnadana pativirato hoti kamesu
micchacara pativirato hoti musavada pativirato hoti pisunaya
vacaya pativirato hoti pharusaya vacaya pativirato hoti samphappalapa
pativirato hoti ayam vuccati bhikkhave silasampada . katama
ca bhikkhave cittasampada idha bhikkhave ekacco anabhijjhalu hoti
abyapannacitto hoti ayam vuccati bhikkhave cittasampada . katama
ca bhikkhave ditthisampada idha bhikkhave ekacco sammaditthiko hoti
aviparitadassano atthi dinnam atthi yittham atthi hutam atthi
sukatadukkatanam kammanam phalavipako atthi ayam loko atthi paro
loko atthi mata atthi pita atthi satta opapatika
atthi loke samanabrahmana sammaggata sammapatipanna ye imanca
lokam paranca lokam sayam abhinna sacchikatva pavedentiti ayam
vuccati bhikkhave ditthisampada.
{557.2} Silasampadahetu va bhikkhave satta kayassa bheda
parammarana sugatim saggam lokam upapajjanti cittasampadahetu va
bhikkhave satta kayassa bheda parammarana sugatim saggam lokam upapajjanti
ditthisampadahetu va bhikkhave satta kayassa bheda parammarana sugatim
Saggam lokam upapajjanti. Ima kho bhikkhave tisso sampadati.
The Pali Tipitaka in Roman Character Volume 20 page 345-347.
https://84000.org/tipitaka/read/roman_item.php?book=20&item=557&items=1
Classified by [Item Number] :-
http://84000.org/tipitaka/read/roman_item.php?book=20&item=557&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=20&item=557&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=20&item=557&items=1
Study Atthakatha :-
https://84000.org/tipitaka/attha/attha.php?b=20&i=557
Contents of The Tipitaka Volume 20
https://84000.org/tipitaka/read/?index_20
https://84000.org/tipitaka/english/?index_20
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
