|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
|
|
[184] Athakho janussoni brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho khanussoni brahmano bhagavantam etadavoca mayam 1- hi bho gotama evamvadi evamditthi natthi yo so maranadhammo samano na bhayati na santasam apajjati maranassati. {184.1} Atthi brahmana maranadhammo samano bhayati santasam apajjati maranassa atthi pana brahmana maranadhammo samano na bhayati na santasam apajjati maranassa katamo ca brahmana maranadhammo samano bhayati santasam apajjati maranassa idha brahmana ekacco kamesu avitarago hoti avigatacchando avigatapemo avigatapipaso avigataparilaho avigatatanho tamenam annataro galho rogatanko phusati tassa annatarena galhena rogatankena @Footnote: 1 Ma. Yu. aham.--------------------------------------------------------------------------------------------- page236.
Phutthassa evam hoti piya vata mam kama jahissanti piye caham kame jahissamiti so socati kilamati paridevati urattali kandati 1- sammoham apajjati ayam kho brahmana maranadhammo samano bhayati santasam apajjati maranassa. {184.2} Puna caparam brahmana idhekacco kaye avitarago hoti avigatacchando avigatapemo avigatapipaso avigataparilaho avigatatanho tamenam annataro galho rogatanko phusati tassa annatarena galhena rogatankena phutthassa evam hoti piyo vata mam kayo jahissati piyancaham kayam jahissamiti so socati kilamati paridevati urattali kandati sammoham apajjati ayampi kho brahmana maranadhammo samano bhayati santasam apajjati maranassa. {184.3} Puna caparam brahmana idhekacco akatakalyano hoti akatakusalo akatabhiruttano katapapo kataluddo katakibbiso tamenam annataro galho rogatanko phusati tassa annatarena galhena rogatankena phutthassa evam hoti akatam vata me kalyanam akatam kusalam akatam bhiruttanam katam papam katam luddam katam kibbisam yavata bho akatakalyananam akatakusalanam akatabhiruttananam katapapanam kataluddanam katakibbisanam gati tam gatim pecca gacchamiti so socati kilamati paridevati urattali kandati sammoham apajjati ayampi kho brahmana maranadhammo samano bhayati santasam apajjati maranassa. {184.4} Puna caparam brahmana idhekacco kankhi hoti vicikicchi anittham gato saddhamme tamenam annataro galho @Footnote: 1 uttalim kandatitipi.--------------------------------------------------------------------------------------------- page237.
Rogatanko phusati tassa annatarena galhena rogatankena phutthassa evam hoti kankhi vatamhi vicikicchi anittham gato saddhammeti so socati kilamati paridevati urattali kandati sammoham apajjati ayampi kho brahmana maranadhammo samano bhayati santasam apajjati maranassa. Ime kho brahmana cattaro maranadhamma samana bhayanti santasam apajjanti maranassa. {184.5} Katamo ca brahmana maranadhammo samano na bhayati na santasam apajjati maranassa idha brahmana ekacco kamesu vitarago hoti vigatacchando vigatapemo vigatapipaso vigataparilaho vigatatanho tamenam annataro galho rogatanko phusati tassa annatarena galhena rogatankena phutthassa na evam hoti piya vata mam kama khahissanti piye caham kame jahissamiti so na socati na kilamati na paridevati na urattali kandati na sammoham apajjati ayam kho brahmana maranadhammo samano na bhayati na santasam apajjati maranassa. {184.6} Puna caparam brahmana idhekacco kaye vitarago hoti vigatacchando vigatapemo vigatapipaso vigataparilaho vigatatanho tamenam annataro galho rogatanko phusati tassa annatarena galhena rogatankena phutthassa na evam hoti piyo vata mam kayo jahissati piyancaham kayam jahissamiti so na socati na kilamati na paridevati na urattali kandati na sammoham apajjati ayampi kho brahmana maranadhammo samano na bhayati na santasam apajjati maranassa.--------------------------------------------------------------------------------------------- page238.
{184.7} Puna caparam brahmana idhekacco akatapapo hoti akataluddo akatakibbiso katakalyano katakusalo katabhiruttano tamenam annataro galho rogatanko phusati tassa annatarena galhena rogatankena phutthassa evam hoti akatam vata me papam akatam luddam akatam kibbisam katam kalyanam katam kusalam katam bhiruttanam yavata bho akatapapanam akataluddanam akatakibbisanam katakalyananam katakusalanam katabhiruttananam gati tam gatim pecca gacchamiti so na socati na kilamati na paridevati na urattali kandati na sammoham apajjati ayampi kho brahmana maranadhammo samano na bhayati na santasam apajjati maranassa. {184.8} Puna caparam brahmana idhekacco akankhi hoti avicikicchi nittham gato saddhamme tamenam annataro galho rogatanko phusati tassa annatarena galhena rogatankena phutthassa evam hoti akankhi vatamhi avicikicchi nittham gato saddhammeti so na socati na kilamati na paridevati na urattali kandati na sammoham apajjati ayampi kho brahmana maranadhammo samano na bhayati na santasam apajjati maranassa . Ime kho brahmana cattaro maranadhamma samana na bhayanti na santasam apajjanti maranassati . abhikkantam bho gotama .pe. Upasakam mam bhavam gotamo dharetu ajjatagge panupetam saranam gatanti.The Pali Tipitaka in Roman Character Volume 21 page 235-238. https://84000.org/tipitaka/read/roman_item.php?book=21&item=184&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=21&item=184&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=184&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=184&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=21&i=184 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]