paliTIPITAKA Volume 21 - Sutta Pitaka 13

Cakkavaggo catuttho [31] Cattarimani bhikkhave cakkani yehi samannagatanam devamanussanam catucakkam pavattati yehi samannagata devamanussa nacirasseva mahantattam vepullattam papunanti bhogesu katamani cattari patirupadesavaso sappurisupassayo ^2- attasammapanidhi pubbe ca katapunnata imani kho bhikkhave cattari cakkani yehi samannagatanam devamanussanam catucakkam pavattati yehi samannagata devamanussa nacirasseva mahantattam vepullattam papunanti bhogesuti. @Footnote: ¹ Yu. caddo natthi . ² Ma. sapupurisavassayo. Patirupe vase dese ariyamittakaro siya sammapanidhisampanno pubbe punnakato naro. Dhannam dhanam yaso kitti sukhancetamdhivattatiti. [32] Cattarimani bhikkhave sangahavatthuni katamani cattari danam peyyavajjam atthacariya samanattata imani kho bhikkhave cattari sangahavatthuniti. Dananca peyyavajjanca atthacariya ca ya idha samanattata ca dhammesu tattha tattha yatharaham ete kho sangaha loke rathassaniva yayato. Ete ca sangaha nassu na mata puttakarana labhetha manam pujam va pita va puttakarana. Yasma ca sangaha ^1- ete samavekkhanti pandita tasma mahattam papponti pasamsa ca bhavanti teti.

The Pali Tipitaka in Roman Character Volume 21 page 41-42. https://84000.org/tipitaka/read/roman_item.php?book=21&item=31&items=2 Classified by [Item Number] :- http://84000.org/tipitaka/read/roman_item.php?book=21&item=31&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=31&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=31&items=2 Study Atthakatha :- https://84000.org/tipitaka/attha/attha.php?b=21&i=31 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21