paliTIPITAKA Volume 21 - Sutta Pitaka 13

[34] Cattarome bhikkhave aggappasada katame cattaro yavata bhikkhave satta apada va dvipada va catuppada va bahuppada va rupino va arupino va sannino va asannino va nevasanninasannino va tathagato tesam aggamakkhayati araham sammasambuddho ye bhikkhave buddhe pasanna agge te pasanna agge kho pana pasannanam aggo vipako hoti . yavata bhikkhave dhamma sankhata ariyo atthangiko maggo tesam aggamakkhayati ye bhikkhave ariye atthangike magge pasanna agge te pasanna agge kho pana pasannanam aggo vipako hoti. {34.1} Yavata bhikkhave dhamma sankhata va asankhata va virago tesam aggamakkhayati yadidam madanimmadano pipasavinayo alayasamugghato vattupacchedo tanhakkhayo virago nirodho nibbanam ye bhikkhave virage ^3- dhamme pasanna agge te pasanna agge kho pana pasannanam aggo vipako hoti . @Footnote: ¹ Ma. Yu. ariyancatthangikam . ² Po. santasamapajjum . ³ Ma. Yu. virageti natthi.

--------------------------------------------------------------------------------------------- page45.

Yavata bhikkhave sangha va gana va tathagatasavakasangho tesam aggamakkhayati yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassa ye bhikkhave sanghe pasanna agge te pasanna agge kho pana pasannanam aggo vipako hoti. Ime kho bhikkhave cattaro aggappasadati. Aggato ve pasannanam aggam dhammam vijanatam agge buddhe pasannanam dakkhineyye anuttare agge dhamme pasannanam viragupasame sukhe agge sanghe pasannanam punnakkhette anuttare aggasmim danam dadatam aggam punnam pavaddhati aggam ayu ca vanno ca yaso kitti sukham balam. Aggassa data medhavi aggadhammasamahito devabhuto manusso va aggappatto pamodatiti.

The Pali Tipitaka in Roman Character Volume 21 page 44-45. https://84000.org/tipitaka/read/roman_item.php?book=21&item=34&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=21&item=34&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=34&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=34&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=21&i=34 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21