paliTIPITAKA Volume 21 - Sutta Pitaka 13

[35] Ekam samayam bhagava rajagahe viharati veluvane kalandakanivape. Athakho vassakaro brahmano magadhamahamatto yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho vassakaro brahmano magadhamahamatto bhagavantam etadavoca catuhi kho mayam bho gotama dhammehi samannagatam mahapannam mahapurisam

--------------------------------------------------------------------------------------------- page46.

Pannapema katamehi catuhi idha bho gotama bahussuto hoti tassa tasseva sutajatassa tassa tasseva kho pana bhasitassa attham janati ayam imassa bhasitassa attho ayam imassa bhasitassa atthoti satima kho pana hoti cirakatampi cirabhasitampi sarita anussarita yani kho pana tani gahatthakani kimkaraniyani tattha dakkho hoti analaso tatrupayaya vimamsaya samannagato alam katum alam samvidhatum imehi kho mayam bho gotama catuhi dhammehi samannagatam mahapannam mahapurisam pannapema sace me bho gotama anumoditabbam anumodatu me bhavam gotamo sace pana me bho gotama patikkositabbam patikkosatu me bhavam gotamoti. {35.1} Neva kho tyaham brahmana anumodami nappatikkosami catuhi kho aham brahmana dhammehi samannagatam mahapannam mahapurisam pannapemi katamehi catuhi idha brahmana bahujanahitaya patipanno hoti bahujanasukhaya bahussa janata ariye naye patitthapita yadidam kalyanadhammata kusaladhammata so yam vitakkam akankhati vitakketum tam vitakkam vitakketi yam vitakkam nakankhati vitakketum na tam vitakkam vitakketi yam sankappam akankhati sankappetum tam sankappam sankappeti yam sankappam nakankhati sankappetum na tam sankappam sankappeti iti cetovasippatto hoti vitakkapathesu catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi asavanam khaya anasavam cetovimuttim pannavimuttim dittheva

--------------------------------------------------------------------------------------------- page47.

Dhamme sayam abhinna sacchikatva upasampajja viharati neva kho tyaham brahmana anumodami nappatikkosami ^1- imehi kho aham brahmana catuhi dhammehi samannagatam mahapannam mahapurisam pannapemiti. {35.2} Acchariyam bho gotama abbhutam bho gotama yava subhasitancidam bhota gotamena imehi ^2- ca pana catuhi dhammehi samannagatam bhavantam gotamam dharemi bhavanhi gotamo bahujanahitaya patipanno bahujanasukhaya bahussa ^3- janata ariye naye patitthapita yadidam kalyanadhammata kusaladhammata bhavanhi gotamo yam vitakkam akankhati vitakketum tam vitakkam vitakketi yam vitakkam nakankhati vitakketum na tam vitakkam vitakketi yam sankappam akankhati sankappetum tam sankappam sankappeti yam sankappam nakankhati sankappetum na tam sankappam sankappeti bhavanhi gotamo cetovasippatto vitakkapathesu bhavanhi gotamo catunnam jhananam abhicetasikanam ditthadhammasukhaviharanam nikamalabhi akicchalabhi akasiralabhi bhavanhi gotamo asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti. {35.3} Addha kho te brahmana asajja upaniyavaca bhasita apica tyaham byakarissami ahanhi brahmana bahujanahitaya patipanno bahujanasukhaya bahussa ^4- janata ariye naye patitthapita yadidam kalyanadhammata kusaladhammata ahanhi brahmana yam vitakkam akankhami vitakketum tam vitakkam vitakkemi yam vitakkam nakankhami vitakketum na tam vitakkam @Footnote: ¹ Po. Ma. na pana patikkosami . ² Ma. Yu. imehi ca mayam catuhi ... dharema. @³ Ma. Yu. bahu te . ⁴ Ma. Yu. bahu me.

--------------------------------------------------------------------------------------------- page48.

Vitakkemi yam sankappam akankhami sankappetum tam sankappam sankappemi yam sankappam nakankhami sankappetum na tam sankappam sankappemi ahanhi brahmana cetovasippatto vitakkapathesu ahanhi brahmana catunnam jhananam abhicetasikanam ditthadhammasukhaviharanam nikamalabhi akicchalabhi akasiralabhi ahanhi brahmana asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharamiti. Yo vedi sabbasattanam maccupasa pamocanam hitam devamanussanam neyyadhammam ^1- pakasayi yanca ^2- disva ca sutva ca pasidati ^3- bahujjano maggamaggassa kusalo katakicco anasavo buddho antimasariro mahapurisoti ^4- vuccatiti.

The Pali Tipitaka in Roman Character Volume 21 page 45-48. https://84000.org/tipitaka/read/roman_item.php?book=21&item=35&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=21&item=35&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=35&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=35&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=21&i=35 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21