ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
     [113]  23  Ekam samayam bhagava alaviyam viharati aggalave cetiye.
Tatra   kho   bhagava   bhikkhu   amantesi   sattahi   bhikkhave  acchariyehi
abbhutadhammehi   samannagatam   hattham   alavakam   dharetha   katamehi  sattahi
saddho   bhikkhave  hatthako  alavako  silava  bhikkhave  hatthako  alavako
hirima  bhikkhave  hatthako  alavako  ottappi  bhikkhave  hatthako alavako
bahussuto  bhikkhave  hatthako  alavako  cagava  bhikkhave hatthako alavako
pannava   bhikkhave   hatthako   alavako   imehi   kho  bhikkhave  sattahi
acchariyehi   abbhutadhammehi   samannagatam   hatthakam  alavakam  dharethati .
Idamavoca bhagava idam vatvana sugato utthayasana viharam pavisi.
     {113.1}   Athakho   annataro   bhikkhu   pubbanhasamayam  nivasetva
pattacivaramadaya   yena   hatthakassa   alavakassa   nivesanam   tenupasankami
upasankamitva   pannatte   asane  nisidi  .  athakho  hatthako  alavako
yena   so   bhikkhu   tenupasankami  upasankamitva  tam  bhikkhum  abhivadetva
ekamantam   nisidi  .  ekamantam  nisinnam  kho  hatthakam  alavakam  so  bhikkhu
etadavoca
     {113.2}   sattahi   kho  tvam  avuso  acchariyehi  abbhutadhammehi
samannagato   bhagavata   byakato   katamehi   sattahi   saddho   bhikkhave
hatthako    alavako   silava   hirima   ottappi   bahussuto   cagava
pannava   bhikkhave   hatthako   alavakoti   imehi   kho   tvam  avuso
sattahi   acchariyehi   abbhutadhammehi  samannagato  bhagavata  byakatoti .
Kaccittha   bhante   na  koci  gihi  ahosi  odatavasanoti  .  na  hettha
Avuso   koci  gihi  ahosi  odatavasanoti  .  sadhu  bhante   yadettha
na koci gihi ahosi odatavasanoti.
     {113.3}   Athakho   so   bhikkhu  hatthakassa  alavakassa  nivesane
pindapatam  gahetva  utthayasana  pakkami  athakho  so  bhikkhu pacchabhattam
pindapatapatikkanto     yena     bhagava    tenupasankami    upasankamitva
bhagavantam   abhivadetva   ekamantam   nisidi  ekamantam  nisinno  kho  so
bhikkhu bhagavantam etadavoca
     {113.4}     idhaham     bhante     pubbanhasamayam    nivasetva
pattacivaramadaya   yena   hatthakassa   alavakassa   nivesanam   tenupasankamim
upasankamitva    pannatte   asane   nisidim   athakho   bhante   hatthako
alavako    yenaham    tenupasankami   upasankamitva   mam   abhivadetva
ekamantam   nisidi   ekamantam   nisinnam  kho  aham  bhante  hatthakam  alavakam
etadavocam    sattahi   kho   tvam   avuso   acchariyehi   abbhutadhammehi
samannagato   bhagavata   byakato   katamehi   sattahi   saddho   bhikkhave
hatthako    alavako   silava   hirima   ottappi   bahussuto   cagava
pannava   bhikkhave   hatthako   alavakoti   imehi   kho   tvam  avuso
sattahi   acchariyehi   abbhutadhammehi   samannagato   bhagavata   byakatoti
evam   vutte   bhante   hatthako   alavako   mam   etadavoca  kaccittha
bhante   na   koci  gihi  ahosi  odatavasanoti  .  na  hettha  avuso
koci   gihi  ahosi  odatavasanoti  .  sadhu  bhante  yadettha  na  koci
gihi  ahosi  odatavasanoti  .  sadhu  sadhu  bhikkhu  appiccho  so [1]-
@Footnote: 1 Ma. bhikkhu.
Kulaputto  santeyeva  attani  kusale  dhamme  na  icchati parehi nayamane
tenahi   tvam   bhikkhu   imina  1-  acchariyena  abbhutadhammena  samannagatam
hatthakam alavakam dharehi yadidam .pe. Appicchatayati.



             The Pali Tipitaka in Roman Character Volume 23 page 220-222. https://84000.org/tipitaka/read/roman_item.php?book=23&item=113&items=1              Classified by [Item Number] :- http://84000.org/tipitaka/read/roman_item.php?book=23&item=113&items=1&mode=bracket              Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=113&items=1              Compare with The Royal Version of Thai Tipitaka :- https://84000.org/tipitaka/read/byitem.php?book=23&item=113&items=1              Study Atthakatha :- https://84000.org/tipitaka/attha/attha.php?b=23&i=113              Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]